ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⵉⵣⵎⵎⵉⵎ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⵙⵎⴰⵢⵏⵓ ⵏ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵔⵙⴰⵍ
ⵉⵣⵎⵎⵉⵎ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⴽⵡⴰⵙ 10 ⵢⵓⵏⵢⵓ 2021 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵎⴰⵢⵏⵓ ⵏ ⵜⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ ⵊⴰⵔ ⵙⵉⵏ ⵉⵙⵇⵇⵉⵎⵏ, ⵜⵡⴰⵜⵜⵙ ⴰⵙⵎⵀⵍ ⵏ ⵜⵎⴰⵎⴽⵉⵏ ⵍⵍⵉ ⵙ ⵜⴽⵛⵎ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵎⵏⵉⴷ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⵙⴷⵓⵙ ⵏ ⵜⵡⵉⵙⵉ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴹⴼⵕⵏ ⵉ ⵜⵎⵜⵜⴰ ⵎⵓⵏⵏⵉⵏ, ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⵊⴰⵔ ⵙⵏⴰⵜ ⵜⵎⵔⵙⴰⵍ.
ⴳ ⵜⴳⵓⵔⵉ ⵏⵏⵙ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵍⵜⴰⵖ ⵉⵙⵎⴷⵏ ⵏ ⵜⵎⵔⵙⵍⴰⵜ ⵜⴰⵣⵣⵔⴰⴼⵜ ⴳ ⵜⵙⵏⵜⴰⵢⵉⵏ ⵏ ⵓⵙⵎⵖⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⴳⵍⴷⵉⵜ, ⵉ ⵓⵣⵣⴳⵉⵔ ⵏ ⵓⴷⵓⵙⵜⵓⵔ ⴷ ⵉⵙⵖⵡⴰⵏ ⵉⴳⵔⴰⵖⵍⴰⵏⵏ ⵏ ⵍⵎⵖⵔⵉⴱ, ⴷ ⵓⵙⵎⵀⵍ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⵎⵎⴰⵖⵏⵉⵏ ⴼ ⵓⴼⵔⴰⴳ ⵏ ⵉⵣⵔⴼⴰⵏ ⴷ ⵜⴷⵔⴼⵉⵢⵉⵏ ⴷ ⵓⵙⵎⵖⵔ ⵏⵏⵙⵏⵜ ⵙ ⵎⴰⴷ ⵉⴹⵎⵏⵏ ⴰⴷⴷⵓⵔ ⵏ ⵉⵎⵓⵔⴰⵏ ⴷ ⵜⵏⵎⵓⵔⴰⵢⵉⵏ, ⴷ ⵓⵙⴷⵓⵙ ⵏ ⵓⵡⴰⵏⴽ ⵏ ⵓⵣⵔⴼ ⴷ ⵓⵙⵍⴳⵏ ⴷ ⵓⵙⵎⵖⵔ ⵏ ⵓⴱⵔⵉⴷ ⴰⴷⵉⵎⵓⵇⵔⴰⵟⵉ.
ⵉⵣⵎⵎⵉⵎ ⵎⴰⵙⵙ ⵍⵎⴰⵍⴽⵉ ⵜⴰⵣⵣⵉⴳⵣⵜ ⵉⵕⵡⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⵉⴱⴷⵔ ⵜⵉⵔⵎⵉⵜ ⵏ ⵓⵙⴰⵎⵓ ⴷ ⵓⵎⵙⵓⵔⵓⴼ, ⴷ ⵉⵎⵓⴽⵏⵏ ⴷⵔⴰⵏⵉⵏ ⵍⵍⵉ ⴷ ⵜⵉⵡⵉ ⵙ ⵓⵙⴽⵔ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵔⵙⵍⵜ ⵏ ⵓⵎⴰⵣⵣⴰⵍ.
ⵉⵙⵓⵜⴳ ⵓⵍⴰ ⴰⴱⵔⵉⴷ ⵏ ⵓⵙⵎⵖⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⴼⵔⴰⴳ ⵏⵏⵙⵏ ⴳ ⵜⵎⴰⵣⵉⵔⵜ ⵏⵏⵖ ⴳ ⵉⵍⵍⴰ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵏ 2011, ⵍⵍⵉⵖ ⵉⵍⵍⴰ ⵓⵙⴷⵙⵜⵔ ⵏ ⵉⵙⵖⵍⴰⵖ ⵏ ⵓⵏⴳⵎⴰⵎ ⵏ ⵓⵙⴰⵎⵓ ⴷ ⵓⵎⵙⵓⵔⵓⴼ, ⴷ ⵓⵙⴷⵓⵙ ⵏ ⵢⵉⴳⵔ ⵏ ⵉⵣⵔⴼⴰⵏ ⴷ ⵜⴷⵔⴼⵉⵢⵉⵏ ⵜⵉⵖⵔⵎⴰⵏⵉⵏ ⴷ ⵜⵙⵔⵜⴰⵏⵉⵏ ⴷ ⵜⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴷ ⵜⴷⵍⵙⴰⵏⵉⵏ ⴷ ⵜⵡⵏⴰⴹⵉⵏ, ⴷ ⵜⵉⵍⵉⵜ ⵏ ⵓⵎⵏⵣⴰⵢ ⵏ ⵜⵏⴳⴰⴷⴷⴰⵢⵜ ⴷ ⵓⵙⴰⵎⵓ, ⴷ ⵓⵙⴽⵔ ⵏ ⵜⴳⵔⴰⵡⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵡⴰⵔⴰⵣⵣⵔⴰⵢ ⵏ ⵉⴱⴹⵉⵢⵏ ⵉⴷⵙⵜⴰⵔⵏ ⵏ ⵉⵣⵔⴼⴰⵏ ⴷ ⵜⴷⵔⴼⵉⵢⵉⵏ.
ⵢⵉⵏⵉ ⵎⴰⵙ ⵉⵙⵙⵥⵍⵉ ⵓⴷⵓⵙⵓⵔ ⵜⵉⵎⵔⵙⵍⵜ ⵏ ⵓⴱⵕⵍⴰⵎⴰⵏ ⵙ ⵓⵣⵣⵔⴰⴼ ⴳ ⵢⵉⴳⵔ ⵏ ⵉⵣⵔⴼⴰⵏ ⴷ ⵜⴷⵔⴼⵉⵢⵉⵏ ⵍⵍⴰⵏⵉⵏ ⴳ ⵜⴽⵛⵛⵓⵎⵜ ⵏ ⵓⴷⵓⵙⵜⵓⵔ ⴷ ⵉⵎⵉⵔⵏ ⵏⵏⵙ ⵙ ⵎⴰⴷ ⵉⵍⵍⴰⵏ ⴳ ⵉⵎⵉⵔ 71. ⵢⵉⵏⵉ ⵎⴰⵙ ⵉⵎⵎⴰⵖ ⵓⴱⵕⵍⴰⵎⴰⵏ ⴼ ⵓⴼⵔⴰⴳ ⵏ ⵉⵣⵔⴼⴰⵏ ⴷ ⵜⴷⵔⴼⵉⵢⵉⵏ ⴷ ⵓⵙⵎⵖⵔ ⵏⵏⵙⵏⵜ ⵙ ⵜⵡⵓⵔⵉⵡⵉⵏ ⵏⵏⵙ ⵜⵉⴷⵙⵜⴰⵔⵉⵏ ⴳ ⵓⵣⵣⵔⴰⴼ ⴷ ⵜⵉⴹⴰⴼ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ.
ⵉⵙⴷⴷⵉⴷ ⵎⴰⵙⵙ ⵍⵎⴰⵍⴽⵉ ⵎⴰⵙ ⴰⵙⵎⵖⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴳⴰ ⴰⴱⵔⵉⴷ ⵉⵣⵣⵉⴳⵣⵏ, ⵉⵙⵓⵜⴳ ⵜⵓⴳⴳⴰⵙ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵎⵀⵍ ⵏ ⵜⵎⵥⵍⴰⵢ ⵜⵉⴷⵙⵜⴰⵔⵉⵏ ⴳ ⴽⵓ ⵜⵉⵎⵙⴰⵔⵉⵏ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴷⵔⴼⵉⵢⵉⵏ ⴷ ⵓⴹⵎⵏ ⵏ ⵓⵙⴽⵔ ⵏⵏⵙⵏⵜ, ⴷ ⵓⵙⵎⵖⵔ ⵏⵏⵙⵏⵜ ⴷ ⵓⵍⵜⴰⵖ ⴷ ⵜⵡⵉⵣⵉ ⵉⵙⵓⵍⵏ ⴳ ⵓⴱⵔⵉⴷ ⵏ ⵓⵙⴽⵓ ⴷ ⵓⵙⴷⵓⵙ ⵏ ⵓⵡⴰⵏⴽ ⵏ ⵓⵙⵍⴳⵏ.
ⴳ ⵜⵙⴳⴰ ⵏⵏⵙ, ⵜⵏⵏⴰ ⵎⴰⵙⵙ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙ ⵉⵙⵜⴰⵡⵀⵎⵎⴰ ⵓⵎⵢⴰⵡⴰⵙ ⵊⴰⵔ ⵙⵉⵏ ⵉⵙⵇⵇⵉⵎⵏ ⵉ ⵚⴰⵃⴰ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⵇⵇⴰⵔ ⵜⴰⵙⵉⵎⴰⵏⵜ ⵏⵏⵙ, ⴷⴰ ⵉⵜⵜⵏⵢⴰⵍⴽⴰⵎ ⴷ ⵜⵎⵔⵙⴰⵍ ⵢⴰⴹⵏⵉⵏ ⵙⵍⴰⵡⴰⵏ ⴰⴽⴽⵯ ⵜⵉⵏ ⵓⴱⵕⵍⴰⵎⴰⵏ, ⵜⴱⴷⵔ ⵜⵉⵍⴰⵍⵜ ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ ⴳ ⵓⵙⵎⵙⴰⵙⴰ ⵏ ⵉⵣⵣⵔⴰⴼⵏ ⵉⵏⴰⵎⵓⵔⵏ ⴷ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵍⵍⵉ ⵜⵙⵖⵣⵏ ⵜⴳⵍⴷⵉⵜ.
ⵜⵙⵎⵏⵉⴷ ⵎⴰⵙⵙⴰ ⴱⵓⵄⵢⵢⴰⵛ ⵉⴳⵔⴰⵏ ⵏ ⵓⵎⵢⴰⵡⴰⵙ ⵊⴰⵔ ⵉⵙⵇⵇⵉⵎⵏ, ⵎⴽ ⵉⵍⵍⴰⵏ ⴳ ⵜⵎⵢⴰⵇⵇⴰⵏⵜ ⵜⴰⵎⴰⵢⵏⵓⵜ, ⴳ ⵉⵍⵍⴰ ⵓⵙⴷⵓⵙ ⵏ ⵜⵙⵓⴳⴰⵔ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⵙⵎⵓⵙⵙⵓ ⵏ ⵓⵎⵛⴰⵡⴰⵕ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⴽⵔ ⵏ ⵜⵎⵢⴰⴷⴰⵙⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵣⵣⵔⴰⴼ ⴷ ⵓⵙⵎⵙⴰⵙⴰ ⵏ ⵉⵣⵣⵔⴰⴼⵏ ⵉⵏⴰⵎⵓⵔⵏ ⴷ ⵜⵎⵢⴰⵇⵇⴰⵏⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⵍⴳⵏ ⴰⴳⵔⴰⵖⵍⴰⵏ ⴰⵏⴼⴳⴰⵏ ⵍⵍⵉ ⴼ ⵜⵙⵖⵣⵏ ⵜⴳⵍⴷⵉⵜ, ⴷ ⵓⵎⵛⴰⵡⴰⵕ ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵢⵉⴳⵔ ⵏ ⵜⵖⵔⵉ ⵏ ⵓⴷⵔⵉⵣ ⵏ ⵜⵎⵢⴰⵇⵇⴰⵏⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⵍⴳⵏ ⴰⴳⵔⴰⵖⵍⴰⵏ ⴰⵏⴼⴳⴰⵏ.
ⵜⵙⴷⴷⵉⴷ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴼ ⵜⵉⵍⴰⵍⵜ ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ ⴳ ⵢⵉⴳⵔ ⵏ ⵓⴼⵔⴰⴳ ⴷ ⵓⵙⵎⵖⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⴱⴷⴷ ⴼ ⵜⵡⵉⵙⵉ ⵏ ⵓⴱⵕⵍⴰⵎⴰⵏ ⴳ ⵜⵡⵓⵔⵉ ⵏ ⵓⵙⵇⵇⵉⵎ ⴰⴳⵔⴰⵖⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵜⵡⵓⵔⵉ ⵉⵛⵛⴰⵔⵏ ⴼ ⵓⵙⵓⵊⴷ ⵏ ⵜⵙⵜⵔⴰⵜⵉⵊⵉⵜ ⵏ ⵓⴹⴼⵕ ⵏ ⵉⵙⵖⵍⴰⴼ ⵏ ⵜⵎⴰⵎⴽⵉⵏ ⵜⵉⵏⵎⵏⴰⴹⵉⵏ ⴷ ⵜⴳⵔⴰⵖⵍⴰⵏⵉⵏ ⴼ ⵉⵣⵔⴼⴰⵏ ⵏ ⵓⴼⴳⴰⵏ.
ⵎⵛⴰⵛⴽⴰⵏ ⴷ ⵙⵉⵏ ⵉⵙⵇⵇⵉⵎⵏ ⴼ ⵓⵙⴽⵔ ⵏ ⵜⵙⵇⵇⵉⵎⵜ ⵉⵛⵛⴰⵔⵏ ⵏ ⵓⴹⴼⵕ ⵏ ⵓⵣⵣⴳⵉⵔ ⵏ ⵜⵎⵢⴰⵇⵇⴰⵏⵜ, ⵔⴰⴷ ⵜⵎⵎⵓⵏ ⵙ ⵓⴼⵔⵉⵙ ⴰⵣⵎⵣⴰⵏ ⵉ ⵓⵙⵓⵊⴷ ⵏ ⵓⵖⴰⵡⴰⵙ ⵏⵏⵙ ⴷ ⵓⵣⵣⴳⵉⵔ ⵏⵏⵙ.