ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⴰⵙⵉⵡⴹ ⵏ ⵜⵙⵎⵓⵏⵉ ⵜⴰⵖⴰⵡⴰⵍⵜ ⵏ ⵓⵙⵉⵔⴰ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ
- ⵉⵙⵙⵉⵅⴼ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⴰⵙⵎⵓⵏⵉ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ, ⴰⵙⵙ ⵏ 10 ⵢⵓⵏⵢⵓ 2021, ⵉ ⵓⵎⴹⴰⴽⴰⵕ ⵏ ⵓⵙⵖⵣⵏ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⵏ ⵜⵖⵜⴰⵙⵜ ⴼ ⵜⴰⵣⵣⴰⵏⵉⵏ ⵓⵔ ⵎⵓⵏⵏⵉⵏ ⴷ ⵉⴷ ⴱⴰⴱ ⵏⵏⵙⵏ ⴷ ⵜⵎⵓⴽⵔⵉⵙⵜ ⵏ ⵓⵣⵡⴰⴳ.
- ⴰⵔ ⵉⵙⵉⵎⵖⵓⵔ ⵓⵙⵉⵔⴰ ⵏ ⵓⵙⵇⵇⵉⵎ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⴽⵉⴳⴰⵏ ⵏ ⵉⵎⵓⵔⴰ ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⵍⵍⵉ ⵓⵔ ⵍⵍⵉⵏⵉⵏ ⴷ ⵜⴱⵔⵉⴷⵜ ⴰⴷ ⵏ ⵜⵎⴰⵖⵜ.
- ⴰⵔ ⵉⵙⵏⵉⵎⵎⵉⵔ ⵓⵙⵉⵔⴰ ⵏ ⵓⵙⵇⵇⵉⵎ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵓⵍⴰ ⵉⵏⴳⵎⴰⵎⵏ ⵉⴱⵕⵍⴰⵎⴰⵏⵉⵢⵏ ⴰⵄⵕⴰⴱⵏ ⴷ ⵉⴼⵔⵉⵇⵉⵢⵏ ⴼ ⵜⵡⵉⵣⵉ ⵏⵏⵙⵏ ⴰⴽⴷ ⵍⵎⵖⵔⵉⴱ ⴷ ⵜⴰⴳⵯⵉⵜ ⵏ ⵓⵙⵎⵔⵙ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴳ ⵜⴰⵙⵙⴰⵙⵜ ⵜⴰⵙⵉⵏⵔⴰⵏⵜ ⵏⴳⵔ ⵚⴱⴰⵏⵢⴰ ⴷ ⵍⵎⵖⵔⵉⴱ.
- ⴰⵔ ⵉⵜⵜⴰⴳⵯⵉ ⵓⵙⵉⵔⴰ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⴽⵉⴳⴰⵏ ⵏ ⵜⵎⵙⴽⴰⵔ ⵓⵔ ⴷ ⵓⵙⴰⵏⵉⵏ ⵍⵍⴰⵏⵉⵏ ⵖ ⵜⵖⵜⴰⵙⵜ, ⵉⵙⵙⵀⵔⵛ ⵓⵍⴰ ⵉⵙⵡⵉⵏⴳⵉⵎⵏ ⵍⵍⵉ ⵜⵜ ⵉⵙⵎⴰⵙⵙⵏ.
- ⵉⴼⴰⵡ ⵎⴰⵙ ⵜⵉⵔⵎⵉⵜ ⵃⵎⴰ ⴰⴷ ⵓⵔ ⵜⵜⵓⵙⵙⵉⵏ ⵜⴰⵙⵙⴰⵙⵜ ⵜⴰⵙⵔⵜⴰⵏⵜ ⵉⵍⵍⴰⵏ ⵊⴰⵔ ⵍⵎⵖⵔⵉⴱ ⴷ ⵚⴱⴰⵏⵢⴰ, ⵜⵉⵔⵎⵉⵜ ⵉⵡⴰⵜⵜⵙⵏ ⴰⵙⴽⵛⵓⵎ ⵏ ⵓⵕⵓⴱⴱⴰ ⴳ ⵢⴰⵜ ⵜⵎⵓⴽⵔⵉⵙⵜ ⵜⴰⵙⵉⵏⵔⴰⵏⵜ ⵎⵓ ⵉⵜⵜⵓⵙⵙⴰⵏ ⵓⵥⵓⵕ ⵏⵏⵙ ⴷ ⵜⵎⴰⵙⴰⵢⵉⵏ ⵏⵏⵙ.
- ⵜⵣⴷⵉ ⵜⴰⵙⵙⴰⵙⵜ ⵏⴳⵔ ⵍⵎⵖⵔⵉⴱ ⴷ ⵚⴱⴰⵏⵢⴰ ⴷ ⵜⴰⵏⵏⴰⵢⵜ ⴷ ⵜⵎⵙⴽⴰⵔ ⵏ ⵚⴱⴰⵏⵢⴰ ⵎⵏⵉⴷ ⵏ ⵜⵎⵙⴰⵔⵜ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ, ⵜⴰⵎⵙⴰⵔⵜ ⵜⴰⵎⵙⴼⵓⵥⵥⵕⵜ ⴷⴰⵔ ⵜⵎⵜⵜⴰ ⵜⴰⵎⵖⵔⵉⴱⵉⵜ ⵙ ⵜⵎⵔⵙⴰⵍ ⴷ ⵜⵍⴰⴼⵉⵏ ⵏⵏⵙ ⵜⵓⴷⴷⵉⵔⵉⵏ.
- ⵉⵙⵖⵍⴼ ⵓⵙⵉⵔⴰ ⵏ ⵓⵙⵇⵇⵉⵎ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵎⴰⵙ ⵉⵜⵜⵓⵙⵎⵔⴰⵙ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⵙⴳ ⴰⵏⵛⴽ ⵉⴷⵔⵓⵙⵏ ⵏ ⵉⴳⵎⴰⵎⵏ ⵏⵏⵙ ⵍⵍⵉ ⵏⴰⴽⵕⵏⵉⵏ ⵜⴰⵎⴰⴷⵔⴰⵡⵜ ⵉⵙⵜⴰⵡⵀⵎⵎⴰⵏ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ, ⵍⵍⵉⵖ ⵓⵔ ⵜⵍⵍⵉ ⵜⵙⵎⵓⵏⵉ ⴷ ⵓⵙⵡⵓⵔⵉ ⵏ ⵉⵎⴰⵙⵙⵏ ⵏ ⵜⴷⵔⴰⵡⵜ ⵏⴳⵔ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⵓⵕⵓⴱⴱⴰ ⴷ ⵍⵎⵖⵔⵉⴱ.
- ⵉⵙⵙⵀⵔⵛ ⵓⵙⵉⵔⴰ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵓⵎⴰⵢⵜ ⵏ ⵜⵖⵜⴰⵙⵜ ⴳ ⵍⵍⴰⵏⵜ ⴽⵉⴳⴰⵏ ⵏ ⵜⴽⵔⴽⴰⵙ.
- ⵉⵙⴷⴷⵉⴷ ⵓⵙⵉⵔⴰ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵎⴰⵙ ⵜⴱⵓⵖⵍⴰ ⵜⵡⵓⵔⵉ ⵏ ⵍⵎⵖⵔⵉⴱ ⴳ ⵓⵎⵏⵉⴷ ⵏ ⵓⵙⴱⴷⴷⵉ ⵏ ⵓⵣⵡⴰⴳ ⵡⴰⵔⵓⵍⴳⵉⵏ, ⵙⴳ 2017, ⵙ ⵓⵎⵢⴰⵡⴰⵙ ⴳ ⵓⵎⵏⵉⴷ ⵏ ⵓⵣⵡⴰⴳ, ⵜⴱⴷⴷ ⵓⴳⴳⴰⵔ ⵏ 14000 ⵏ ⵜⵉⵔⵎⵉⵜ ⵏ ⵓⵣⵡⴰⴳ ⵡⴰⵔⵜⵓⵍⴳⵉⵏⵜ, ⴷ ⵓⴼⵓⴽⴽⵓ ⵏ 5000 ⵏ ⵓⵥⵟⵟⴰ ⵏ ⵓⵙⵙⵔⵡⵍ ⴷ ⵓⵙⴳⴷⵍ ⵏ ⵜⵉⵔⵎⵉⵜ ⵏ ⵓⴽⵛⵓⵎ ⴳⴳⵓⵜⵏⵉⵏ.
- ⵎⵏⵉⴷ ⵏ ⵜⵎⵓⴽⵔⵉⵙⵜ ⵏ ⵜⴰⵣⵣⴰⵏⵉⵏ ⵡⴰⵔ ⵉⴷ ⴱⴰⴱ ⵏⵏⵙⵏ, ⵉⵣⵡⴰⵔ ⵍⵎⵖⵔⵉⴱ ⴷ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⵎⵓⵏⵜ ⵏ ⵓⵕⵓⴱⴱⴰ ⴳ ⵜⵎⵙⴰⵔⵜ ⴰⴷ ⵍⵍⵉ ⵎⵓ ⵉⵜⵜⵔ ⴰⴼⵓⴽⴽⵓ ⵏⵏⵙ ⵙⴳ 2018. ⴳ ⵜⴳⴰⵔⴰ ⴰⴷ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵉⵙⵡⴰⵍⴰⵢⵏ ⵏⵏⵙ ⴰⵜⵜⵓⵢⵏⵉⵏ ⵉ ⵉⵎⴰⵡⵙⴰⵙⵏ ⵏ ⵜⴳⵯⵏⵙⴰⵏⵜ ⴷ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵉ ⵓⴼⵓⴽⴽⵓ ⵉⵙⵎⴷⵏ ⵏ ⵜⵎⵙⴰⵔⵜ ⴰⴷ, ⵜⵉⴱⴱⴰⵢⴹⴰⵕⵉⵏ ⵣⴷⵉⵏⵜ ⴷ ⵓⵎⵓⴽⵔⵉⵙ ⵏ ⵜⵎⵙⴽⴰⵔ ⴷⴰⵔ ⴽⵔⴰ ⵏ ⵉⵡⴰⵏⴽⵏ ⵏ ⵓⵕⵓⴱⴱⴰ.
- ⵍⵍⵉⵖ ⵜⵜⵓⴱⴷⴰⵔ ⵜⵖⵔⵎⵜ ⵏ ⵙⴱⵜⴰ ⴳ ⵜⵖⵜⴰⵙⵜ ⴰⴷ, ⴰⵔ ⴷⴰⵖ ⵉⵙⴷⴷⵉⴷ ⵓⵙⵉⵔⴰ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⴼ ⵓⵙⵓⵔⵙ ⴰⵣⵔⴼⴰⵏ ⵏ ⵜⵖⵔⵎⵜ ⴰⴷ ⵜⴰⵎⵖⵔⵉⴱⵉⵜ ⵉⵍⵍⴰ ⴳ ⵓⵙⴷⵓⵔⵔⵉ.
- ⵉⵍⵍⴰ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴳ ⵓⵏⵏⵣⵔⴰⵢ ⵎⵏⵉⴷ ⵏ ⵓⵎⴰⴽⵕⴰⴹ ⵏ ⵓⵙⵉⵙⵙⵏ ⵙ ⵓⴷⵖⴰⵔ ⵏⵏⵙ ⴳ ⵓⵎⵢⴰⵡⴰⵙ ⴳ ⵢⵉⴳⵔ ⵏ ⵓⵣⵡⴰⴳ.
- ⵓⵔ ⵜⵙⴰⵡⵍ ⴽⵔⴰ ⵏ ⵜⵙⵏⵓⵔⴰⵢⵜ ⵉⴹⴼⵕⵏ ⵉ ⵜⵎⵜⵜⴰ ⵎⵓⵏⵏⵉⵏ (ⵢⵓⵏⵉⵙⵉⴼ, ⵜⴰⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵓⵣⵡⴰⴳ, ⵜⴰⵙⵏⵓⵔⴰⵢⵜ ⵜⴰⵎⴰⵜⵜⵓⵢⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ...), ⴷ ⴽⵔⴰ ⵏ ⵜⵖⵜⴰⵙⵜ ⵜⴰⵙⵉⵎⴰⵏⵜ ⴼ ⵜⵎⵙⴰⵔⵜ ⵏ ⵜⴰⵣⵣⴰⵏⵉⵏ ⵉⵎⵖⵔⵉⴱⵉⵢⵏ ⵏⵖ ⵜⵉⵕⵥⵉ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵏ ⵉⵙⵖⵡⴰⵏ ⵏⵏⵙ ⵉⴳⵔⴰⵖⴰⵍⴰⵏⵏ.
- ⵜⵙⴱⵔⵔⴽ ⵜⵙⵏⵓⵔⴰⵢⵜ ⵏ ⵓⵕⵓⴱⴱⴰ ⴷ ⵜⵥⴰⵢⵕⵜ ⵏ ⵜⵡⵓⵔⵉ ⵏ ⴱⵕⵕⴰ ⵏ ⵓⵕⵓⴱⴱⴰ ⵙ ⴽⵉⴳⴰⵏ ⵙ ⵜⵖⵜⴰⵙⵉⵏ ⵏ ⵜⵏⴱⴰⴹⵉⵏ ⵏ ⵍⵎⵖⵔⵉⴱ ⴼ ⵓⵖⵓⵍ ⵏ ⵜⴰⵣⵣⴰⵏⵉⵏ ⵉⵎⵖⵔⵉⴱⵉⵢⵏ. ⵜⵙⴷⴷⵉⴷ ⵓⵍⴰ ⴼ ⵜⵉⵍⴰⵍⵜ ⵜⴰⴷⵙⵍⴰⵏⵜ ⵏ ⵍⵎⵖⵔⵉⴱ ⴳ ⵓⵎⵢⴰⵡⴰⵙ ⴳ ⵓⵣⵡⴰⴳ.
- ⵉⵙⵙⵅⵛⵏ ⵓⵙⵉⵔⴰ ⵏ ⵓⵙⵇⵇⵉⵎ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵉⵙⵎⵓⵙⵙⵓⵜⵏ ⵏ ⴽⵔⴰ ⵏ ⵉⴳⵎⴰⵎⵏ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ, ⵉⵙⴷⴷⵉⴷ ⵓⵍⴰ ⴼ ⵜⵣⵣⵉⴳⵣⵜ ⵏ ⵜⵡⵓⵔⵉ ⴷ ⵉⵎⴷⵔⴰⵡⵏ ⵏⵏⵙ ⴳ ⵓⵕⵓⴱⴱⴰ ⴳ ⵓⵙⴰⵜⵉ ⵏ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ ⴷ ⵜⵏⵓⴼⴰ ⴰⵜⵜⴰⵢⵏⵉⵏ ⵏ ⵍⵎⵖⵔⵉⴱ.