ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⵖ ⵉⵎⴹⴰⴽⴰⵕⵏ ⴷ ⵎⴰⵙⵙ ⵄⴳⵉⵍⴰ ⵚⴰⵍⵉⵃ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵍⵉⴱⵉ, ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⴱⴷⴷⴰⴷ ⵏ ⵍⵎⵖⵔⵉⴱ ⴷ ⵓⵎⴰⴷⴰⵏ ⴰⵍⵉⴱⵉ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ
ⵉⵎⴹⴰⴽⴰⵕ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵎⵡⴰⵙ 04 ⵢⵓⵏⵢⵓ 2021 ⴳ ⵕⵕⴱⴰⵟ, ⴷ ⵎⴰⵙⵙ ⵄⴳⵉⵍⴰ ⵚⴰⵍⵉⵃ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵍⵉⴱⵉ ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵓⵔⵉ ⵉ ⵜⵎⴰⵣⵉⵔⵜ ⵏⵏⵖ.
ⴳ ⵜⵣⵡⵉⵔⵉ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⴰⴷ ⵡⵉⵙ ⵙⴰ ⵙⴳ 2017, ⵉⴽⵛⵎ ⴳ ⵓⵙⵏⴼⵍ ⵏ ⵜⴰⵏⵏⴰⵢⵜ ⴷ ⵓⵎⵛⴰⵡⴰⵕ ⴼ ⵓⵙⴷⴰⵡ ⴰⵍⵉⴱⵉ ⴷ ⵓⵙⴽⵔ ⵏ ⵉⵏⴰⵔⵓⵣⵏ ⵏ ⴰⵢⵜⵎⴰⵜⵏ ⵉⵍⵉⴱⵢⵏ ⴳ ⵓⴼⵔⴰ ⴷ ⵓⵔⴳⴳⵉⴳ ⴷ ⵜⵏⴼⵔⵓⵜ ⵜⴰⵎⴳⵔⵓⵜ ⴷ ⵓⵚⴽⵓ ⵏ ⵓⵡⴰⵏⴽ ⴰⵎⴰⴷⴰⵏ ⴰⵎⴰⵢⵏⵓ ⴰⴷⵙⵜⴰⵔ ⴷ ⵓⴷⵉⵎⵓⵇⵔⴰⵟ.
ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⵉⵍⴰⵍⵜ ⵜⴰⵎⴰⴼⴰⵡⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵓⵙⵎⵓⵏ ⵊⴰⵔ ⵉⵎⵙⵜⴳⴳⴰⵔⵏ ⵏ ⵓⵎⴰⴷⴰⵏ ⴰⵍⵉⴱⵉ , ⵉⵙⴰⵡⵍ ⵓⵍⴰ ⴼ ⵉⵙⵓⵔⵙⵏ ⵏ ⵓⵎⵙⴰⵡⴰⵍ ⴰⵍⵉⴱⵉ-ⴰⵍⵉⴱⵉ ⵜⵜⵓⵙⴽⴰⵔⵏⵉⵏ ⴳ ⵍⵎⵖⵔⵉⴱ ⴳ ⵚⵚⵅⵉⵕⴰⵜ ⴷ ⴱⵓⵣⵏⵉⵇⴰ ⴷ ⵕⵕⴱⴰⵟ ⴷ ⵟⴰⵏⵊⴰ, ⴳⴰⵏⵉⵏ ⵉⴷⵖⴰⵔⵏ ⵏ ⵓⵎⵙⴰⵡⴰⵍ ⴷ ⵓⵎⴹⴰⴽⴰⵕ ⵉⵍⵉⴱⵉⵢⵏ-ⵉⵍⵉⴱⵉⵢⵏ, ⵢⵉⵍⵉ ⴳⵉⵙⵏ ⵍⵎⵖⵔⵉⴱ ⴱⵍⴰ ⵉⴽⵛⵛⵓⵎⵏ, ⵉⵎⵎⴰⵖ ⴳ ⵓⵏⵎⵏⴰⵇⵇⴰⵔ ⵏ ⵜⴰⵏⵏⴰⵢⵉⵏ ⴷ ⵜⵡⴰⴼⵉⵜ ⵏ ⵉⴼⵙⵙⴰⵢⵏ ⵏ ⵉⵎⴰⵍ ⴰⵍⵉⴱⵉ ⴳ ⵓⵙⴱⴷⴷⵉ ⵏ ⵜⵎⴰⵖⵜ ⴷ ⵜⵉⵍⵉⵜ ⵏ ⵓⴼⵓⴽⴽⵓ ⴰⵙⵔⵜⴰⵏ ⴷ ⵓⵙⵙⴼⵓⵖ ⵏ ⵉⴷⴱⵓ ⵉⵎⴰⵖⵏ ⵉⴱⵕⵕⴰⵏⵉⵢⵏ ⵙⴳ ⵜⵎⴰⵣⵉⵔⵜ ⵙ ⵓⵎⵙⴰⵛⴽⴰ ⵏ ⵉⵍⵉⴱⵢⵏ ⴰⴽⴽⵯ.
ⵉⵙⴰⵡⵍ ⵎⴰⵙⵙ ⵍⵎⴰⵍⴽⵉ ⴼ ⵓⵙⵓⵏⴼⵓ ⵎⵏⵉⴷ ⵏ ⵓⴼⵓⵍⴽⵉ ⵏ ⵓⵙⵓⵔⵙ ⴳ ⵍⵉⴱⵢⴰ ⴰⵙⵙ ⴰⴷ, ⵍⵍⵉⵖ ⵜⵎⵎⴰⵖ ⴰⴷ ⵜⴼⴼⵓⵖ ⴳ ⵜⴰⵙⵙⴰⵙⵜ ⴷ ⵜⴱⴹⵉⵜ ⴷ ⵜⵎⴰⵖⵜ ⵙ ⵓⴼⵔⴰ ⴷ ⵜⵢⴰⵏⵜ ⵜⴰⵏⴰⵎⵓⵔⵜ ⴷ ⵜⵎⵔⵙⴰⵍ ⴷ ⵓⵚⴽⵓ ⴰⴷⵉⵎⵓⵇⵔⴰⵟⵉ. ⵉⵙⴷⴷⵉⴷ ⵎⴰⵙ ⵉⵍⵍⴰ ⵍⵎⵖⵔⵉⴱ ⵜⴰⵎⴰ ⵏ ⵓⵎⴰⴷⴰⵏ ⴰⵎⵖⵔⵉⴱⵉ ⵙ ⵜⵎⵓⵥⴰⵢⵜ ⴷ ⵜⵙⵓⴳⴰⵔ ⴷ ⵜⵥⴹⴰⵕⵉⵏ ⵏⵏⵙ, ⴷ ⵓⵙⵏⴰⵍ ⴰⵔ ⴷ ⵜⵜⵓⵙⴽⵉⵔⵏⵜ ⵜⵢⴰⴼⵓⵜⵉⵏ ⵏ ⵓⵎⵙⴰⵡⴰⵍ ⴰⵙⵔⵜⴰⵏ ⴰⵍⵉⴱⵉ.
ⴳ ⵓⵎⵏⵉⴷ ⵏⵏⵙ, ⵉⵙⴰⵡⵍ ⵎⴰⵙⵙ ⵄⴳⵉⵍⴰ ⵚⴰⵍⵉⵃ ⴼ ⵓⵙⵏⵉⵎⵎⵔ ⵉ ⵓⴳⵍⵉⴷ ⴷ ⵓⵎⴰⴷⴰⵏ ⴷ ⵜⵏⴱⴰⴹⵜ ⴷ ⵓⴱⵕⵍⴰⵎⴰⵏ ⴳ ⵍⵎⵖⵔⵉⴱ ⴼ ⵓⵙⵏⴰⵍ ⵉⵖⵣⴰⵏⵏ ⵏ ⵓⵎⴰⴷⴰⵏ ⴰⵍⵉⴱⵉ, ⴷ ⵜⵉⵍⴰⵍⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵃⵎⴰ ⴰⴷ ⵍⴽⵎⵏ ⵉⵎⵙⵜⴳⴳⴰⵔⵏ ⵉⵍⵉⴱⵉⵢⵏ ⵢⴰⵏ ⵓⵎⵙⴰⵙⴰ ⴷ ⵓⵚⴽⵓ ⵏ ⵓⵡⴰⵏⴽ ⵉⵎⵓⵏⵏ, ⵢⵉⵏⵉ ⵎⴰⵙ ⵍⵍⴰⵏ ⵉⵍⵉⴱⵉⵢⵏ ⴷ ⵜⵢⴰⴼⵓⵜⵉⵏ ⵏ ⵓⵎⵙⴰⵙⴰ ⵏ ⴱⵓⵣⵏⵉⵇⴰ ⴳ ⵜⴳⵍⴷⵉⵜ ⵏ ⵍⵎⴱⵔⵉⴱ, ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵥⵍⵉⵏ ⴷ ⵜⵣⵣⵓⵍⵉⵏ ⵏ ⵜⵅⵅⵓⵜⵔⴰ.
ⵙ ⵜⵎⵍⴷⴰ, ⵉⵎⵍⴰ ⵎⴰⵙⵙ ⵄⴳⵉⵍⴰ ⵚⴰⵍⵉⵃ ⵜⵉⵣⵣⵉⴳⵣⵉⵏ ⵏ ⵓⵙⵓⵔⵙ ⴳ ⵍⵉⴱⵢⴰ, ⵉⵙⵓⵜⴳⴰ ⴰⵎⵛⴰⵛⴽⴰ ⵏ ⵉⵎⵙⵜⴳⴳⴰⵔⵏ ⵏⵏⵙ ⴼ ⵓⵙⴽⵔ ⵏ ⵜⵏⴱⴰⴹⵜ ⵜⴰⵎⵣⵣⴳⴰⵔⵜ ⵜⴰⵏⴰⵎⵓⵔⵜ ⵙ ⵜⵎⵢⵉⵎⴰⵏⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵖⵔ ⵉ ⵓⵙⴱⴷⴷⵉ ⵏ ⵓⴽⵛⵓⵎ ⵏ ⵉⴱⵕⵕⴰⵏⵉⵢⵏ ⴳ ⵜⵎⵙⴰⵔⵜ ⵏ ⵍⵉⴱⵢⴰ ⴷ ⵓⴼⵓⵖ ⵏ ⵍⵎⵉⵍⵉⵛⵢⴰⵜ ⴳ ⵍⵉⴱⵢⴰ, ⵢⵉⵏⵉ ⵎⴰⵙ ⵉⴳⴰ ⵓⴽⵛⵓⵎ ⴰⴷ ⵜⴰⴱⴱⴰⵢⴹⴰⵕⵜ ⵎⵏⵉⴷ ⵓⵚⴽⵓ ⵏ ⵜⵎⵔⵙⴰⵍ ⴳ ⵍⵉⴱⵢⴰ.
ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵍⵉⴱⵉ ⴼ ⵡⴰⵜⵉⴳ ⵏ ⵓⵙⴽⵔ ⵏ ⵉⵙⵜⴰⵢⵏ ⴳ ⵓⵣⵎⵣ ⵏⵏⵙⵏ, ⴷ ⵓⴼⵓⴽⴽⵓ ⵏ ⵜⵣⵣⵓⵍⵉⵏ ⵏ ⵜⵅⵅⵓⵜⵔⴰ, ⵢⵉⵏⵉ ⴰⵍⵜⴰⵖ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵓⴳⴳⴰⵙ ⵏ ⵜⵎⵜⵜⴰ ⵎⵓⵏⵏⵉⵏ ⴳ ⵓⴼⵙⵙⴰⵢ ⵏ ⵜⴰⵙⵙⴰⵙⵜ ⵜⴰⵍⵉⴱⵉⵜ.