ⴰⴷⵔⴰⵡ ⵏ ⵜⵎⴰⵔⵉⵜ ⵃⴰⵢⴰⵜ ⴱⵓⴼⵔⴰⵛⵏ ⵙ ⵢⵉⵙⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵎⵓⵏⵉ ⵏ ⵜⴰⵎⵓⵏⵜ ⵜⴰⴱⵕⵍⴰⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ

ⵜⵉⵡⵙ ⵎⴰⵙⵙⴰ ⵜⴰⵎⴰⵔⵉⵜ ⵃⴰⵢⴰⵜ ⴱⵓⴼⵔⴰⵛⵏ ⵙ ⵢⵉⵙⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵏⵎⵓⵇⴰⵔ 65 ⵏ ⵜⵙⵇⵇⵉⵎⵜ ⵏ ⵓⵙⵓⵔⵙ ⵏ ⵜⵎⵖⴰⵔⵜ ⴳ ⵜⵎⵜⵜⴰ ⵎⵓⵏⵏⵉⵏ, ⵍⵍⵉ ⵜⵙⵏⵎⴰⵍⴰ ⵜⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴳ ⵓⵙⵉⵏⴰⵙ 23 ⵎⴰⵕⵚ 2021, ⴳ ⵍⴰⵏⵜⵉⵔⵏⵉⵜ ⴼ: ⴰⵙⴰⵎⵓ ⴰⵙⵔⵜⴰⵏ ⵏ ⵓⵎⴰⴹⴰⵍ ⴷⴼⴼⵉⵔ ⵏ ⴽⵓⴼⵉⴷ 19”.

ⵜⵙⴰⵡⵍ ⵎⴰⵙⵙⴰ ⵜⴰⵎⴰⵔⵉⵜ ⴼ ⵓⴷⵔⵉⵣ ⵏ ⴽⵓⵕⵓⵏⴰ ⴼ ⵓⵙⵓⵔⵙ ⵏ ⵜⵎⵖⴰⵔⵜ ⵜⴰⵎⵖⵔⵉⴱⵉⵜ, ⵖⵎⴽ ⴰⵏⵏ ⴰⴼ ⵜⵙⵙⵉⴱⵙⵓⵙ ⴼ ⵉⴷⵔⵉⵣⵏ ⵉⴱⵙⵉⴽⵓⵍⵓⵊⵉⵢⵏ ⴷ ⵉⵎⵜⵜⵉⵡⵏ ⵏ ⵓⴱⴰⵢⵢⵓⵕ ⴷⴼⴼⵉⵔ ⵏ ⵓⵥⵍⴰⵢ ⴰⴷⵓⵙⴰⵏ.

ⵜⵙⴰⵡⴰⵍ ⵎⴰⵙⵙⴰ ⴱⵓⴼⵔⴰⵛⵏ ⴼ ⵜⵉⵍⴰⵍⵜ ⵜⴰⵙⵉⵍⴰⵏⵜ ⵏ ⵜⵎⵖⴰⵔⵜ ⴳ ⵓⵙⵡⵉⵔ ⴰⴷⵓⵙⴰⵏ, “ⵜⵎⵍⴰ ⴷ ⵜⵎⵖⴰⵔⵜ ⵜⴰⵎⵖⵔⵉⴱⵉⵜ ⴰⴷⴷⴰⴷ ⵏⵏⵙ ⴰⵣⵣⵓⵍⴰⵏ ⴷ ⵓⵏⴼⴳⴰⵏ ⵉⵥⵍⵉⵏ, ⴰⵢⵍⵍⵉ ⵢⵉⵡⵙⵏ ⵉ ⵍⵎⵖⵔⵉⴱ ⴰⴷ ⵉⵣⵣⵔⵉ ⴰⴱⴰⵢⵢⵓⵕ ⵙ ⵓⵎⵓⵔⵙ, ⵖⵎⴽ ⴰⵏⵏ ⴷ ⵓⵙⵡⵓⴷⴷⵓ ⵏ ⵓⴳⵣⵣⴰⵢ”. ⵜⵖⵔ ⵎⴰⵙⵙⴰ ⵜⴰⵎⴰⵔⵉⵜ ⵉ ⵓⵙⵎⵖⵔ ⵏ ⵜⵎⵖⴰⵔⵜ ⵜⴰⵎⵖⵔⵉⴱⵉⵜ ⴼ ⵜⵡⵓⵔⵉ ⵏⵏⵙ ⵎⵏⵉⴷ ⵏ ⵜⵓⵡⵊⴰ ⴷ ⵡⴰⵎⵓⵏ”, ⵉⴳ ⵓⵙⵎⵍ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵏ ⵜⵏⵙⵙⵉⵅⴼⵜ ⵏ ⵜⵙⵏⴱⴹⴰⵢⵜ ⵏ ⵓⵙⵉⴹⵏ ⴰⴷⴷⵓⵔ ⵉ ⵜⵎⵖⴰⵔⵜ ⵜⴰⵎⵖⵔⵉⴱⵉⵜ ⵉⵍⵍⴰⵏ ⴳ ⵉⴷⵖⴰⵔⵏ ⴰⵜⵜⵓⵢⵏⵉⵏ ⴳ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ”.

ⵜⵙⴰⵡⵍ ⵎⴰⵙⵙⴰ ⴱⵓⴼⵔⴰⵛⵏ ⴼ “ ⵡⴰⵍⴰⵢ ⵏ ⵜⴳⵏⵙⴰⵙⵜ ⵏ ⵜⵎⵖⴰⵔⵜ ⴳ ⵜⵏⵓⴼⴰ ⵏ ⵉⵙⵜⴰⵢⵏ ⵉⵣⵣⵔⴰⴼⵏ, ⵙ 90 ⵏ ⵓⵙⴳⴳⴰⵡⵔ, ⵖⵎⴽ ⴰⵏⵏ ⵖ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ, ⵉⴳ ⵜⴰⵎⴰⵜⴰⵔⵜ ⵉⵥⵉⵍⵏ ⵙⴳ ⵉⴽⴰⴱⴰⵕⵏ ⵉⵙⵔⵜⴰⵏⵏ  ⴷ ⵓⵡⴰⵏⴽ ⵃⵎⴰ ⴰⴷ ⵢⵉⵍⵉ ⵓⵙⴰⵎⵓ ⵉⵍⵍⴰⵏ ⴳ ⵓⵎⴰⴳⵔⴰⴷ 19 ⵏ ⵓⴷⵓⵙⵜⵓⵔ”.

ⴷⵔⵓⵏ ⴳ ⵜⵙⵎⵓⵏⵉ ⴰⴷ ⵉⴳⵎⴰⵎⵏ ⵏ ⵜⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵉⴳⵏⵙⴰⵙⵏ ⵏ ⵜⵏⴱⴰⴹ ⴷ ⵜⵎⴰⴷⴷⴰⵙⵉⵏ ⵏ ⵜⵎⵜⵜⴰ ⵎⵓⵏⵏⵉⵏ ⴷ ⵡⴰⵎⵓⵏ ⴰⵖⵔⵎⴰⵏ.

ⵜⵙⵎⵓⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ 179 ⵏ ⵓⴱⵕⵍⴰⵎⴰⵏ ⴰⴳⵎⴰⵎ ⴷ 13 ⵏ ⵓⴳⵎⴰⵎ ⴰⵎⵢⵉⵍⵉ, ⴰⵔ ⵜⵜⴼⵔⴰⴳ ⵜⴰⴷⵉⵎⵓⵇⵔⴰⵟⵉⵜ ⵙ ⵓⵎⵙⴰⵡⴰⵍ ⴰⵙⵔⵜⴰⵏ ⴷ ⵜⵡⵓⵔⵉⵡⵉⵏ ⵢⴰⴹⵏⵉⵏ, ⴰⵔ ⵜⵙⵡⵓⵔⵉ ⴷ ⵜⵎⴰⴷⴷⴰⵙⵜ ⵏ ⵜⵎⵜⵜⴰ ⵎⵓⵏⵉⵏ ⴷ ⵜⵉⵢⵢⴰⴹ ⴷ ⵜⴷⵔⵓ ⵉⵡⵜⵜⴰⵙⵏ.