ⴰⵕⵥⵥⵓⵎ ⵏ ⵜⵙⵓⵜⵍⵜ ⵉⵥⵍⵉⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵙⵖⵣⵏ ⵏ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ ⵓⵙⵎⵍ ⴳ ⵜⵣⵣⵓⵍⵉⵏ ⵜⵉⵎⴰⵜⵜⵓⵢⵉⵏ ⴷ ⵉⵙⵜⴰⵢⵏ

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 2 ⵎⴰⵕⵚ 2021, ⴽⵕⴰⴹ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ ⵓⵙⵎⵍ ⴳ ⵜⵣⵣⵓⵍⵉⵏ ⵜⵉⵎⴰⵜⵜⵓⵢⵉⵏ ⴷ ⵉⵙⵜⴰⵢⵏ, ⴳ ⵜⵖⵉⵎⵉⵜ ⵜⴰⴳⴷⵓⴷⴰⵏⵜ ⵉⵙⵙⵉⵅⴼ ⵓⵏⵙⵙⵉⵅⴼ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴷ ⵜⵉⵍⵉⵜ ⵏ ⵎⴰⵙⵙ ⵄⴰⴱⴷ ⵍⵡⴰⴼⵉ ⵍⴼⵜⵉⵜ ⴰⵎⴰⵡⵙⴰⵙ ⵏ ⵜⴳⵯⵏⵙⴰⵏⵜ ⴷ ⵎⴰⵙⵙ ⵎⵓⵃⴰⵎⵎⴰⴷ ⴱⵏⵛⴰⵄⴱⵓⵏ ⴰⵎⴰⵡⵙⴰⵙ ⵏ ⵜⴷⵎⵙⴰ ⴷ ⵓⵥⵕⴼ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ. ⵜⵍⵍⴰ ⵜⵖⵉⵎⵉⵜ ⴰⴷ ⴳ ⵜⵙⵓⵜⵍⵢ ⵉⵥⵍⵉⵏ ⵏ ⵓⴱⵕⵍⴰⵎⴰⵏ ⵙ ⵓⵎⴰⴳⵔⴰⴷ 66 ⵏ ⵓⴷⵓⵙⵜⵓⵔ ⴷ ⵓⵎⴰⴳⵔⴰⴷ 18 ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⴷ ⵓⵎⵕⵚⵓⵎ 2.21.124.

ⴳ ⵓⵙⵎⵏⵉⴷ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⴰⵎⴰⴷⴷⴰⵙ 08.21 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ ⴰⵎⴰⴷⴷⴰⵙ 02.12 ⴼ ⵓⵙⵎⵍ ⴳ ⵜⵣⵣⵓⵍⵉⵏ ⵜⵉⵎⴰⵜⵜⵓⵢⵉⵏ ⵙ ⵉⵎⴳⵔⴰⴷⵏ 49 ⴷ 92 ⵏ ⵓⴷⵓⵙⵜⵓⵔ, ⵉⵙⵉⵙⴼⵉⵡ ⵎⴰⵙⵙ ⴱⵏⵛⴰⵄⴱⵓⵏ ⵎⴰⵙ ⵔⴰⴷ ⵉⵙⵏⴼⵍ ⴷ ⵉⵙⵎⴷ ⵓⵙⵏⴼⴰⵔ ⵜⵉⵍⴳⴰⵎⵉⵏ ⵏ ⵜⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ ⵏ ⵓⵎⴹⴼⵓⵕ 1 ⴷ 2 ⵏ ⵓⵙⵍⴳⵏ ⴰⵎⴰⴷⴷⴰⵙ 02.12 ⵙ:

1. ⴰⵙⴽⵛⵎ ⵏ ⵓⴼⵏⵉⵇ ⵏ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵓⵙⵙⴰⵔⵓ, ⵉⵜⵜⵓⵙⴽⴰⵔⵏ ⵙ ⵓⵙⵍⴳⵏ 76.20 ⴳ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ ⵜⵉⵙⵜⵔⴰⵜⵉⵊⵉⵢⵉⵏ ⴼ ⵉⵍⵍⴰ ⵓⵎⴷⵉⵡⴰⵍ ⴼ ⵉⵎⵙⵜⴳⴳⴰⵔⵏ ⵏⵏⵙ ⴳ ⵓⵙⵇⵇⵉⵎ ⴰⵎⴰⵡⵙⴰⵙ.

2. ⴰⵙⵏⴼⵍ ⵏ ⵉⵙⵎ ⵏ ⵜⵎⵔⵙⵍⵜ ⵍⵃⴰⵙⴰⵏ ⵡⵉⵙ ⵙⵉⵏ ⵏ ⵜⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵏ ⵉⴷ ⴱⴰⴱ ⵏ ⵜⵏⴱⴰⴹⵜ ⵏ ⵜⵎⴰⵡⴰⵙⵜ ⵏ ⵜⴳⵯⵏⵙⴰⵏⵜ ⵙ ⵜⵎⵔⵙⵍⵜ ⵍⵃⴰⵙⴰⵏ ⵡⵉⵙ ⵙⵉⵏ ⵏ ⵉⴷ ⴱⴰⴱ ⵏ ⵜⵏⴱⴰⴹⵜ ⴷ ⵉⵎⵙⵖⴰⵏⵏ ⵏ ⵜⵎⴰⵡⴰⵙⵜ ⵏ ⵜⴳⵯⵏⵙⴰⵏⵜ ⴷⴼⴼⵉⵔ ⵏ ⵓⵙⵏⵎⴰⵍⴰ ⵏ ⵜⵎⵔⵙⵍⵜ ⴰⴷ ⵙ ⵓⵙⵍⴳⵏ 38.18.

3. ⴰⵙⵏⴼⵍ ⵏ ⵜⴳⵔⴰⵡⵜ ⵜⴰⵥⵕⴼⴰⵏⵜ ⵜⴰⵎⵖⵔⵉⴱⵉⵜ ⵏ ⵓⵙⵏⴼⴰⵔ ⵏ ⵓⵛⴰⵎⵓⵛ ⴰⵥⵕⴼⴰⵏ ⵏ ⵜⴳⵎⵎⵉ ⵜⵓⵎⵍⵉⵍⵜ ⵉⵍⵍⴰⵏ ⴳ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ ⵜⵉⵙⵜⵔⴰⵜⵉⵊⵉⵢⵉⵏ ⴼ ⵉⵜⵜⵎⴷⴰⵡⴰⵍ ⵓⵙⵇⵇⵉⵎ ⴰⵎⴰⵡⵙⴰⵙ ⴼ ⵉⵎⵙⵜⴳⴳⵔⵏ ⵏⵏⵙ, ⵙ ⵜⴳⵔⴰⵡⵜ ⵏ ⵓⵛⴰⵎⵓⵛ ⴰⵥⵕⴼⴰⵏ ⵏ ⵜⴳⵎⵎⵉ ⵜⵓⵎⵍⵉⵍⵜ.

4. ⴰⵙⵏⴼⵍ ⵏ ⵉⵙⵎ ⵏ ⵓⵙⵇⵇⵉⵎ ⴰⵎⴰⵜⴰⵢ ⵏ ⵓⵎⴰⵡⴰ ⴷ ⵡⴰⵙⵙⴰⵢ ⵉⵍⵍⴰⵏ ⴳ ⵜⵍⴳⴰⵎⵜ ⵏ ⵜⵣⵣⵓⵍⵉⵏ ⵜⵉⵎⴰⵜⵜⵓⵢⵉⵏ ⴳ ⵜⵎⵙⵙⵓⴳⴰⵔ ⵜⵉⴳⴷⵓⴷⴰⵏⵉⵏ ⴼ ⵉⵜⵜⵎⴷⵉⵡⵉⵍ ⵓⵙⵇⵇⵉⵎ ⵏ ⵜⵏⴱⴰⴹⵜ, ⵙ ⵓⵙⵇⵇⵉⵎ ⴰⵎⴰⵜⴰⵢ ⵏ ⵓⵎⴰⵡⴰ ⴷ ⵡⴰⵙⵙⴰⵢ ⴷ ⵍⵓⵊⵉⵙⵜⵉⴽ ⴷ ⵡⴰⵎⴰⵏ.

ⵉⵙⵎⵏⵉⴷ  ⵎⴰⵙⵙ ⵄⴰⴱⴷ ⵍⵡⴰⴼⵉ ⵍⴼⵜⵉⵜ ⴰⵙⵏⴼⴰⵔ ⵏ ⵓⵙⵍⴳⵏ 10.21 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ 57.11 ⴼ ⵜⵍⴳⴰⵎⵉⵏ ⵏ ⵉⵙⵜⴰⵢⵏ ⵉⵎⴰⵜⴰⵢⵏ ⴷ ⵉⵙⵜⴰⵢⵏ ⴷ ⵓⵙⵎⵔⵙ ⵏ ⵉⵎⴰⵙⵙⵏ ⵉⵙⵍⵉⵥⵉⵕⵏ ⵉⴳⴷⵓⴷⴰⵏⵏ ⴳ ⵉⵎⵓⵙⵙⵓⵜⵏ ⵏ ⵉⵙⵜⴰⵢⵏ, ⴷ ⵓⵙⵏⴼⴰⵔ ⵏ ⵓⵙⵍⴳⵏ 11.21 ⵉ ⵓⵙⵏⴼⵍ ⵏ ⵓⵙⵍⴳⵏ 9.97 ⴼ ⵓⵙⵍⴳⵏ ⵏ ⵉⵙⵜⴰⵢⵏ ⴷ ⵓⵙⵏⵎⴰⵍⴰ ⵏ ⵓⵣⵣⵔⴰⵢ ⵉⵥⵍⵉⵏ ⵏ ⵜⵍⴳⴰⵎⵉⵏ ⵏ ⵉⵙⵜⴰⵢⵏ ⵏ ⵜⵎⵚⵕⴰⵢ ⵜⵉⵣⵣⵓⵍⴰⵏⵉⵏ.

ⵉⵏⵏⴰ ⵎⴰⵙⵙ ⴰⵎⴰⵡⵙⴰⵙ ⵎⴰⵙ ⵜⵜⵓⵙⴽⴰⵔⵏ ⵙⵉⵏ ⵉⵙⵏⴼⴰⵔⵏ ⴰⵏⵏ ⵙ ⵓⵎⵛⴰⵡⴰⵕ ⴷ ⵉⴽⴰⴱⴰⵕⵏ ⵉⵙⵔⵜⴰⵏⵏ, ⴰⵔ ⵙⵙⵔⵓⵙⵏ ⵉⵙⵡⵓⴷⴷⵓⵜⵏ ⵏ ⵓⵙⵓⵊⴷ ⵏ ⵉⵙⵜⴰⵢⵏ ⵉⵣⵣⵔⴰⴼⵏ ⴷ ⵉⵙⵜⴰⵢⵏ ⵏ ⵉⴳⵎⴰⵎⵏ ⵏ ⵉⵙⵇⵇⵉⵎⵏ ⵏ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴷ ⵉⵙⵜⴰⵢⵏ ⵏ ⵜⵎⵚⵕⴰⵢ ⵜⵉⵣⵣⵓⵍⴰⵏⵉⵏ.

ⵉⵡⴰⵜⵜⵙ ⵓⵙⵏⴼⴰⵔ 10.21 ⵏ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ 57.11 ⴼ ⵜⵍⴳⴰⵎⵉⵏ ⵏ ⵉⵙⵜⴰⵢⵏ ⵜⵉⵎⴰⵜⴰⵢⵉⵏ ⴷ ⵓⵙⵎⵔⵙ ⵏ ⵉⵎⴰⵙⵙⵏ ⵉⵙⵍⵉⵥⵉⵕⵏ  ⴰⵙⵔⵓⵙ ⵏ ⵓⵙⴰⵜⵉ ⵓⵍⴳⵉⵏ ⵉⵙⵓⵍⵏ ⴼ ⵓⵙⵎⴰⵢⵏⵓ ⵏ ⵉⵎⵙⵜⴰⵢⵏ ⵉⵏⴰⵎⵓⵔⵏ ⵉⴳ ⵍⵍⴰⵏ ⵉⵙⵜⴰⵢⵏ ⵉⵎⴰⵜⴰⵢⵏ ⵏⵖ ⵥⵍⵉⵏ ⴳ ⵉⵙⵜⴰⵢⵏ ⵉⵎⴳⵔⴰⵡⵏ ⴷ ⵉⵏⵎⵏⴰⴹⵏ ⴷ ⵡⵉⵏ ⵓⵙⵇⵇⵉⵎ ⵏ ⵉⵎⵓⵔⴰ. ⵢⵉⵡⵉ ⴷ ⵉⴱⴹⵉⵢⵏ ⴼ ⵓⵣⵣⵔⴰⵢ ⵏ ⵜⵍⴳⴰⵎⵉⵏ ⵜⵉⵎⴰⵜⴰⵢⵉⵏ  ⴷ ⵜⴱⵔⵉⴷⵜ ⵏ ⵓⵣⵣⵔⴰⵢ ⴷⴰⵜ ⵏ ⵓⵙⵏⵎⴰⵍⴰ ⵏ ⵉⵙⵜⴰⵢⵏ ⵥⵍⵉⵏⵉⵏ.

ⵉⵡⴰⵜⵜⵙ ⵓⵙⵏⴼⴰⵔ 11.21 ⵏ ⵓⵙⵏⴼⵍ ⵏ ⵓⵙⵍⴳⵏ 9.97 ⴼ ⵓⵙⵍⴳⵏ ⵏ ⵉⵙⵜⴰⵢⵏ ⴷ ⵓⵙⵏⵎⴰⵍⴰ ⵏ ⵓⵣⵣⵔⴰⵢ ⵉⵥⵍⵉⵏ ⵏ ⵜⵍⴳⴰⵎⵉⵏ ⵏ ⵜⵎⵚⵕⴰⵢ ⵜⵉⵣⵣⵓⵍⴰⵏⵉⵏ, ⴰⵙⵖⵣⵏ ⵏ ⵉⵎⵉⵙⵙ ⴰⵣⵣⵔⴰⴼ ⵉⴹⵎⵏⵏ ⵜⴰⴳⵏⵙⴰⵙⵜ ⵏ ⵜⵎⵖⴰⵔⵉⵏ ⴳ ⵜⵎⵚⵕⴰⵢ ⵜⵉⵣⵣⵓⵍⴰⵏⵉⵏ, ⴷ ⵓⵣⵣⵔⴰⵢ ⵉⵥⵍⵉⵏ ⵏ ⵜⵍⴳⴰⵎⵉⵏ, ⴷ ⵜⵉⴽⴽⵉ ⵏ ⵜⵍⴳⴰⵎⵉⵏ ⴰⴷ ⵉ ⵉⴽⴰⴱⴰⵕⵏ ⵉⵙⵔⵜⴰⵏⵏ ⵉ ⵓⵙⵎⵔⵙ ⴳ ⵉⵙⵜⴰⵢⵏ.