ⵜⴰⵙⴰⵡⵓⵔⵜ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵜⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵢⵉⵙⴽⵉⵍ ⴷ ⵓⵙⴰⵎⵓ ⴼ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⵏ ⵉⵙⵜⴰⵢⵏ ⴳ ⵓⵎⵏⵉⴷ ⵏ ⵢⵉⵙⴽⴰⵍ ⴷ ⵓⵙⴰⵎⵓ
ⵜⵙⵏⵎⴰⵍⴰ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵜⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵢⵉⵙⴽⵉⵍ ⴷ ⵓⵙⴰⵎⵓ, ⴰⵢⵏⴰⵙ 1 ⵎⴰⵕⵚ, ⵜⴰⵙⴰⵡⵓⵔⵜ ⵏ ⵜⵡⵓⵔⵉ ⵍⵍⵉ ⵜⵙⵙⵉⵅⴼ ⵎⴰⵙⵙⴰ ⴼⴰⵟⵉⵎⴰ ⵥⵥⴰⵀⵕⴰ ⵏⴰⵣⵉⵀ ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ, ⴼ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⵏ ⵉⵙⵜⴰⵢⵏ ⴳ ⵓⵎⵏⵉⴷ ⵏ ⵢⵉⵙⴽⵉⵍ ⴷ ⵓⵙⴰⵎⵓ ⵙ ⵜⵎⴰⴷⵔⴰⵡⵜ ⴷ ⵜⵎⵔⵙⵍⵜ ⵏ ⵡⵉⵙⵜⵎⵉⵏⵙⵜⵔ ⵉ ⵜⴷⵉⵎⵓⵇⵔⴰⵟⵉⵜ.
ⴳ ⵓⵏⵎⵓⵇⵇⴰⵔ ⴰⴷ ⴳ ⴷⵔⵓⵏ ⵉⵎⵔⵣⵓⵜⵏ ⴷ ⵉⴳⵎⴰⵎⵏ ⵏ ⵜⵔⴰⴱⴱⵓⵜ, ⵉⵙⵎⵏⵉⴷ ⵎⴰⵙⵙ ⵎⵓⵚⵟⴼⴰ ⵍⵢⴰⵃⵢⴰⵡⵉ, ⴰⵎⵔⵣⵓ ⴳ ⵜⵓⵙⵙⵏⴰ ⵏ ⵡⴰⵎⵓⵏ, ⴰⵙⵎⵏⵉⴷ ⴼ ⵓⵙⵎⵖⵔ ⵏ ⵉⴱⴹⵉⵢⵏ ⵏ ⵜⴳⵏⵙⴰⵙⵜ ⵜⴰⵙⵔⵜⴰⵏⵜ ⵏ ⵜⵎⵖⴰⵔⵉⵏ ⴳ ⵉⵙⵜⴰⵢⵏ ⴳ ⵉⵙⵡⵉⵔⵏ ⴰⵏⴰⵎⵓⵔ ⴼ ⵓⵙⴳⴰⵡⴰⵏ ⴷ ⵓⵏⵎⵏⴰⴹ, ⵉⴱⴷⴷ ⴼ ⵜⵥⴹⴰⵕⵉⵏ ⴷ ⵉⵡⵜⵜⴰ ⵏ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⵏ ⵉⵙⵜⴰⵢⵏ ⵉ ⵓⵙⵙⵔⵇⴱ ⵏ ⵜⴳⵏⵙⴰⵙⵜ ⵏ ⵜⵎⵖⴰⵔⵜ. ⵎⴰ ⴰⴷ ⵔⴰⴷ ⵢⵉⵍⵉ ⵙ ⵓⵎⵙⴰⵙⴰ ⵏ ⵜⵙⵓⵎⵔⵉⵏ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⴷ ⵓⵙⴰⵜⵉ ⴰⵎⴰⵜⴰⵢ ⴼ ⵉⵍⵍⴰ ⵓⵎⵙⴰⵙⴰ ⵊⴰⵔ ⵜⵏⴱⴰⴹⵜ ⴷ ⵉⴽⴰⴱⴰⵕⵏ ⵉⵙⵔⵜⴰⵏⵏ ⵃⵎⴰ ⴰⴷ ⵉⴳⵓⵜⵏ ⵉⵙⴳⴳⴰⵡⵔⵏ ⵏ ⵜⵎⵖⴰⵔⵉⵏ, ⵜⵉⵍⵉ ⵜⴳⵏⵙⴰⵙⵜ ⵜⴰⵙⵓⵍⴰⵏⵜ ⵏ ⵜⵎⵖⴰⵔⵜ. ⵜⵙⴰⵡⵍ ⵜⵉⵏⴰⵡⵜ ⵓⵍⴰ ⴼ ⵜⵣⵣⵉⴳⵣⵜ ⵏ ⵜⴷⵔⴰⵡⵜ ⵏ ⵜⵎⵖⴰⵔⵜ ⵙ ⵜⵙⵉⵍⴰ ⵏ ⵜⵉⵔⴰⵎ ⵙⴳ 2002 ⴰⵔ 2016, ⵉⵍⵉⵏⵜ ⵓⵍⴰ ⵜⵎⴰⵎⴽⵉⵏ ⵏ ⵜⴳⵏⵙⴰⵙⵜ ⵏ ⵜⵎⵖⴰⵔⵜ ⵉ ⵓⵙⴽⵔ ⵏ ⵉⵡⵜⵜⴰⵙ ⵏ ⵜⴳⵎⵉ ⵏ 2030.
ⴷⴼⴼⵉⵔ ⵜⵉⵏⴰⵡⵜ, ⵉⵍⵍⴰ ⵓⵎⴹⴰⴽⴰⵕ, ⴼⴽⵉⵏⵜ ⵉⵙⵜ ⵎⴰⵙⵙⴰ ⵜⵉⵎⵓⵔⴰ ⵜⵉⴳⵎⴰⵎⵉⵏ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵜⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵢⵉⵙⴽⵉⵍ ⴷ ⵓⵙⴰⵎⵓ, ⴱⴷⴷⵏⵜ ⴼ ⵜⵎⵓⴽⵔⵉⵙⵉⵏ ⵜⵉⵙⵔⵜⴰⵏⵉⵏ ⵎⴳⴰⵍ ⵏ ⵓⵙⴰⵎⵓ, ⵎⴹⴰⴽⴰⵕⵏⵜ ⵉⵙⵜ ⵎⴰⵙⵙⴰ ⴼ ⵓⵙⵎⵖⵔ ⵏ ⵓⵙⵏⵓⵃⵢⵓ ⵉⵥⵉⵍⵏ, ⴷ ⵜⵎⵏⵜⵍⵉⵏ ⵏ ⵓⵙⵜⴰⵢ ⵙ ⵜⵍⴳⴰⵎⵜ, ⵙⵍⴰⵡⴰⵏ ⴰⴽⴽⵯ ⵜⵉⵏ ⵜⵡⴰⵍⴰ ⴷ ⵓⵙⵎⵖⵔ ⵏ ⵜⴳⵏⵙⴰⵙⵜ ⴳ ⵉⴷⵖⴰⵔⵏ ⵍⵍⵉ ⵔⴰⴷ ⵉⴹⵎⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⴳ ⵜⴳⵏⵙⴰⵙⵜ ⵜⴰⵙⵔⵜⴰⵏⵜ ⴳ ⴽⵓ ⵉⵙⵡⵉⵔⵏ.
ⵖⵔⵉⵏⵜ ⵉⵙⵜ ⵎⴰⵙⵙⴰ ⵜⵉⵎⵓⵔⴰ ⵉ ⵓⵙⵏⴼⵍ ⵏ ⵜⵎⵙⴽⴰⵔ ⵜⵉⵙⵔⵜⴰⵏⵉⵏ ⵙ ⵓⵙⵏⴼⵍ ⵏ ⵓⵏⵍⵍⵉ ⴷⴰⵔ ⴽⵔⴰ ⵏ ⵜⴳⵔⴰⵡⵉⵏ ⵜⵉⵙⵔⵜⴰⵏⵉⵏ, ⵉ ⵓⵙⴷⵔⵓ ⵏ ⵜⵎⵖⴰⵔⵉⵏ ⴳ ⵜⵡⵓⵔⵉ ⵜⴰⵙⵔⵜⴰⵏⵜ ⴷ ⵓⵙⵙⵔⵇⴱ ⵏ ⵓⵎⵃⵉⵣⵡⴰⵔ ⴰⴷⵉⵎⵎⵓⵇⵔⴰⵟⵉ ⵉ ⵜⵉⵍⵉⵜ ⵏ ⵜⵓⴼⵔⵉⵏⵜ ⵏ ⵜⵎⵖⴰⵔⵉⵏ ⵉⴹⵎⵏⵏ ⵜⴰⴳⵏⵙⴰⵙⵜ ⵏ ⵡⴰⵏⴰⵡ.