ⴳ ⵓⵙⵎⴰⴷ ⵏ ⵜⵙⵓⵜⵍⵜ ⵜⴰⵣⵣⵔⴰⴼⵜ, ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵎ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴷ ⵜⵙⵓⵎⵔⵜ ⵏ ⵓⵙⵍⴳⵏ ⴼ ⵉⴳⵔ ⴰⴷⵍⵙⴰⵏ ⴷ ⵓⵏⴰⵎⵓⵏ ⴷ ⵓⴷⵎⵙⴰⵏ

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 10 ⴱⵕⴰⵢⵕ 2021, ⵜⴰⵎ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴷ ⵜⵙⵓⵎⵔⵜ ⵏ ⵓⵙⵍⴳⵏ ⴼ ⵉⴳⵔ ⴰⴷⵍⵙⴰⵏ ⴷ ⵓⵏⴰⵎⵓⵏ ⴷ ⵓⴷⵎⵙⴰⵏ, ⴳ ⵜⵖⵉⵎⵉⵜⵉⵏ ⵜⵉⴳⴷⵓⴷⴰⵏⵉⵏ ⵍⵍⵉⵖ ⵓⵔⵜⴰ ⵜⵙⵎⴷ ⵜⵙⵓⵜⵍⵜ ⵜⴰⵣⵣⵔⴰⴼⵜ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵜⵉⵍⵉⵜ ⵏ ⵎⴰⵙⵙ ⵎⵓⵃⴰⵎⵎⴰⴷ ⴱⵏⵛⴰⵄⴱⵓⵏ, ⴰⵎⴰⵡⵙⴰⵙ ⵏ ⵜⴷⵎⵙⴰ ⴷ ⵓⵥⵕⴼ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ, ⵎⴰⵙⵙ ⵄⴰⴱⴷⵍⵇⴰⴷⵔ ⵄⵎⴰⵔⴰ ⴰⵎⴰⵡⵙⴰⵙ ⵏ ⵓⵎⴰⵡⴰ ⴷ ⵡⴰⵙⵙⴰⵢ ⴷ ⵍⵓⵊⵉⵙⵜⵉⴽ ⴷ ⵡⴰⵎⴰⵏ, ⵎⴰⵙⵙⴰ ⵏⵓⵣⵀⴰ ⴱⵓⵛⴰⵔⴱ ⵜⴰⵎⴰⵡⵙⴰⵙⵜ ⵏ ⵓⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵚⴽⴰⵡ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵎⴰⵙⵙ ⵎⵓⵃⴰⵎⵎⴰⴷ ⴰⵎⴽⵔⴰⵣ ⴰⵎⴰⵡⵙⴰⵙ ⵏ ⵓⵙⵡⵓⵔⵉ ⴷ ⵓⵙⵉⴷⴼ ⴰⵣⵣⵓⵍⴰⵏ, ⵎⴰⵙⵙ ⵄⵓⵜⵎⴰⵏ ⵍⴼⵉⵔⴷⴰⵡⵙ ⴰⵎⴰⵡⵙⴰⵙ ⵏ ⵜⴷⵍⵙⴰ ⴷ ⵜⵄⵄⵓⵔⵎⴰ ⴷ ⵜⵓⵏⵏⵓⵏⵜ.

ⵙⵜⵉⵏ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⵎⵓⵔⴰ ⵙ ⵓⵎⴰⴽⵕⴰⴹ ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 15.18 ⴼ ⵓⵙⵙⵥⵕⴼ ⵏ ⵜⵡⵉⵣⵉ ⵖ ⵜⵉⵖⵔⵉ ⵜⵉⵙ ⵙⵏⴰⵜ,ⵉⵡⴰⵜⵜⵙ ⴰⵙⵎⵓⵙⵙⵓ ⴷ ⵓⵙⵎⴰⵢⵏⵓ ⵏ ⵉⵖⴱⵓⵍⴰ ⵉⵎⴰⵢⵏⵓⵜⵏ ⵏ ⵓⵙⵙⵥⵕⴼ ⵉ ⵚⴰⵃⴰ ⵏ ⵉⵄⵔⵔⵉⵎⵏ ⵉⴷ ⴱⴰⴱ ⵏ ⵉⵙⵏⴼⴰⵔⵏ, ⴷ ⵜⵎⵙⵙⵓⵔⵉⵏ ⵜⵉⵎⵥⵢⴰⵏⵉⵏ ⴷ ⵜⵎⵊⵀⴷⴰⵢ.

ⵉⵍⵍⴰ ⵓⵍⴰ ⵓⵙⵜⴰⵢ ⵙ ⵓⵎⴰⴽⵕⴰⴹ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 06.20 ⵉ ⵓⴼⵓⴽⴽⵓ ⵏ ⵓⵙⵉⵔⴰ ⵏ ⵜⵙⵖⵏⵣⵉⵜ ⴷ ⵓⵚⵉⴼⴹ. ⵉⴳⴰ ⴰⵣⵣⴳⵉⵔ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⴰⵜⵜⵓⵢⵏⵉⵏ ⵍⵍⴰⵏⵉⵏ ⵖ ⵉⵏⴰⵡ ⴰⵎⴳⴳⴰⵔⵓ ⵏ ⵓⴷⴰⴱⵓ, ⵖ ⵉⵍⵍⴰ ⵓⵛⵛⵉⵍ ⵉ ⵓⵎⵓⴽⵏ ⵉⴷⵔⴰⵏ ⵏ ⵢⵉⴳⵔ ⴰⵎⴰⵜⴰⵢ ⵉ ⵓⵙⵎⴽⵍ ⵏ ⵜⵎⵓⴽⵔⵉⵙⵉⵏ ⵏ ⵜⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ, ⵃⵎⴰ ⴰⴷ ⵢⵉⵍⵉ ⵓⵎⵙⵎⴰⴷ ⴷ ⵓⵎⵙⴰⵙ ⴳ ⵜⵙⵎⵉⴳⴰⵍ ⴷ ⵡⴰⵍⴰⵢ ⵏ ⵜⵡⵓⵔⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ.

ⵉⵍⵍⴰ ⵓⵍⴰ ⵓⵙⵜⴰⵢ ⵙ ⵓⵎⴰⴽⵕⴰⴹ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 69.18 ⴼ ⵜⵎⵔⴽⵉⵜ ⵏ ⵉⵖⵔⵔⵓⴱⴰ ⴳ ⵜⵉⵖⵔⵉ ⵜⵉⵙ ⵙⵏⴰⵜ, ⵉⵡⴰⵜⵜⵙ ⴰⴷ ⵉⵍⵉⵏⵜ ⵜⵏⴼⴳⵓⵔⵉⵏ ⴼ ⵡⴰⵏⴰⵡ ⵏ ⵜⵎⵔⴽⵉⵜ ⴷ ⵓⵙⵉⴷⴼ ⵏ ⵉⵣⵣⵔⴰⴼⵏ ⵉⴳⵔⴰⵖⵍⴰⵏⵏ ⴼ ⵉⵍⵍⴰ ⵓⵙⵖⵣⵏ ⵖ ⵢⵉⴳⵔ ⵏ ⵓⵙⴱⴷⴷⵉ ⵏ ⵜⵎⵔⴽⵉⵜ ⴳ ⵉⵙⵍⴳⵏⵏ ⵉⵏⴰⵎⵓⵔⵏ, ⴷ ⵓⴼⵔⴰⴳ ⵏ ⵡⴰⵢⴷⴰ ⵏ ⵉⵙⵍⵎⴰⵏ ⴷ ⵢⵉⵍ ⴷ ⵡⴰⵡⵏⴰⴹ ⴰⵢⵍⴰⵏ ⴳ ⵍⵎⵖⵔⵉⴱ.

ⵉⵍⵍⴰ ⵓⵙⵜⴰⵢ ⵙ ⵓⵎⴰⴽⵕⴰⴹ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 71.18 ⴼ ⵉⴱⵓⵍⵉⵙⵏ ⵏ ⵉⴼⵜⴰⵙⵏ, ⵃⵎⴰ ⴰⴷ ⵢⵉⵍⵉ ⵢⴰⵏ ⵓⵙⴰⵜⵉ ⵓⵍⴳⵉⵏ ⵉⵕⵡⴰⵏ ⴼ ⵜⵏⴰⵥⴰⵕⵉⵏ ⵏ ⵉⵙⵏⴼⵍⵏ ⵉⴳⵔⴰⵖⵍⴰⵏⵏ, ⴷ ⵓⴹⴼⵕ ⵏ ⵉⵙⵓⵖⵓⵍⵏ ⵍⵍⴰⵏⵉⵏ ⴳ ⵢⵉⴳⵔ ⴰⴳⵔⴰⵖⵍⴰⵏ ⴳ ⵢⵉⴳⵔ ⵏ ⵉⴱⵓⵍⵉⵙⵏ ⵏ ⵉⴼⵜⴰⵙⵏ ⴷ ⵡⴰⵍⴰⵢ ⴳ ⵜⵙⵓⴳⵔⵜ ⵏ ⵓⵎⵃⵉⵣⵡⵔ ⵏ ⵉⴼⵜⴰⵙⵏ ⵉⵎⵖⵔⵉⴱⵉⵢⵏ.

ⵉⵍⵍⴰ ⵓⵙⵜⴰⵢ ⵙ ⵜⵓⴳⵜ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 55.20 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ ⵓⵟⵟⵏ 01.09 ⴼ ⵓⵙⴽⵔ ⵏ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵜⵙⵏⵏⵉⵖⵉⵏ, ⵉⵍⵍⴰ ⵓⵎⴹⴰⴽⴰⵕ ⴼ ⵉⵙⵏⴼⵍⵏ ⴷ ⵓⵙⵖⵓⴷⵓ ⵏ ⵓⴹⵕⵉⵚ ⴰⵣⵣⵔⴰⴼ. ⵉⵍⵍⴰ ⵓⴹⵕⵉⵚ ⴰⴷ ⴷⴼⴼⵉⵔ ⵏ ⵜⵥⴰ ⵏ ⵉⵙⴳⴳⵯⴰⵙⵏ ⴳ ⵉⵍⵍⴰ ⵓⵙⵎⴰⵜⵜⵉ ⵏ ⵜⵎⵙⵙⵓⴳⵓⵔⵜ ⵏ ⵜⵙⵏⵏⵉⵖⵉⵏ ⵉ ⵜⵎⵔⵙⵍⵜ ⵉⵜⵜⵓⴱⴷⴰⵔⵏ, ⵉⵡⴰⵜⵜⵙ ⵓⴹⵕⵉⵚ ⴰⵎⴰⵢⵏⵓ ⴰⵙⴱⵓⵖⵍⵓ ⴷ ⵓⵙⵖⵓⴷⵓ ⵏ ⵜⵡⵓⵔⵉ ⵏ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵜⵙⵏⵏⵉⵖⵉⵏ.

ⵉⵍⵍⴰ ⵓⵍⴰ ⵓⵙⵜⴰⵢ ⵙ ⵜⵓⴳⵜ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 56.20 ⴼ ⵜⵙⵏⵏⵉⵖⵉⵏ, ⵉⵡⴰⵜⵜⵙ ⴰⵙⵏⵎⴰⵍⴰ ⵏ ⵜⵙⵏⵏⵉⵖⵉⵏ ⴷ ⵜⵉⴽⴽⵉ ⵏ ⵜⵎⴰⵜⴰⵔⵜ ⵏ “ⵜⵙⵏⵏⵉⵖⵜ ⵏ ⵍⵎⵖⵔⵉⴱ” ⵉ ⵜⵎⵔⵙⴰⵍ ⵟⵟⴰⴼⵏⵉⵏ ⵜⵉⴼⴰⴷⵉⵡⵉⵏ ⴷ ⵓⵙⴰⵏⵉⵏ. ⵔⴰⴷ ⵜⵜⵓⴼⴽⵉⵏⵜ ⵓⵍⴰ ⵜⴱⵖⵓⵔⵉⵏ ⵉ ⵜⵎⵔⵙⴰⵍ ⴰⴷ ⴳ ⵉⵔⴳⴰⵢⵏ ⴷ ⵉⴱⵔⴷⴰⵏ ⵏ ⵜⵎⴰⵍⵍⴰⵢⵜ ⴷ ⵓⵙⵏⵎⴰⵍⴰ ⴳ ⵓⵣⵎⵎⴻⵎ ⵏ ⵡⴰⵢⴷⴰ ⴰⴷⵍⵙⴰⵏ ⴰⵏⴰⵎⵓⵔ ⴷ ⵓⵏⴼⴳⴰⵏ.

ⴷⴼⴼⵉⵔ, ⵉⵍⵍⴰ ⵓⵙⵜⴰⵢ ⵙ ⵓⵎⴰⴽⵕⴰⴹ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 64.20 ⵉ ⵓⵙⵖⵣⵏ ⵏ ⵓⵎⵕⵚⵓⵎ ⵙ ⵓⵙⵍⴳⵏ ⵓⵟⵟⵓⵏ 2.20.605 ⵏ 26 ⵎⵓⵃⴰⵕⵕⴰⵎ 1442 (15 ⵛⵓⵜⴰⵏⴱⵉⵔ 2020) ⵉ ⵓⵙⵔⵙ ⵏ ⵉⵙⵡⵓⴷⴷⵓⵜⵏ ⵥⵍⵉⵏⵉⵏ ⵉ ⵚⴰⵃⴰ ⵏ ⴽⵔⴰ ⵏ ⵉⴷ ⴱⴰⴱ ⵏ ⵜⵡⵓⵔⵉ ⵉⵎⵍⵜⴰⵖⵏ ⴳ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⴷ ⵉⵎⵙⵡⵓⵔⵉⵢⵏ ⵏⵏⵙⵏ ⵜⵜⵓⵣⵎⵎⴰⵎⵏⵉⵏ ⴷ ⵉⵎⵙⵡⵓⵔⵉⵢⵏ ⵉⵙⵉⵎⴰⵏⵏ ⴷ ⵉⵡⴷⴰⵏ ⵓⵔ ⵟⵟⴰⴼⵏⵉⵏ ⵜⵉⵖⵔⴰⴷ ⵜⵜⵓⵣⵎⵎⴰⵎⵏⵉⵏ ⴳ ⵓⴼⵏⵉⵇ ⵍⵍⵉ ⵜⵜⵓⴹⵕⵕⴰⵏⵉⵏ ⴳ ⵉⴷⵔⵉⵣⵏ ⵏ ⴽⵓⴼⵉⴷ 19, ⵍⵍⵉⴳ ⵜⵙⵙⴼⵓⵖ ⵜⵏⴱⴰⴹⵜ ⴰⵎⵕⵚⵓⵎ ⵙ ⵓⵙⵍⴳⵏ ⴳ ⵜⵉⵣⵉ ⵉⵍⵍⴰⵏ ⵏⴳⵔ ⵙⵏⴰⵜ ⵜⵙⵓⵜⵍⵉⵏ ⵜⵉⵣⵣⵔⴰⴼⵉⵏ, ⵙ ⵓⵎⴰⴳⵔⴰⴷ 81 ⵏ ⵓⴷⵓⵙⵜⵓⵔ ⵍⵍⵉ ⵉⵜⵜⵉⵏⵉⵏ ⴰⴷ ⵢⵉⵍⵉ ⵓⵙⵎⵏⵉⴷ ⵏⵏⵙ ⴷⴰⵜ ⵏ ⵓⴱⵕⵍⴰⵎⴰⵏ ⴳ ⵜⵙⵓⵜⵍⵜ ⵜⴰⵏⵎⵢⴰⵔⵜ ⴷ ⵢⵓⵛⴽⴰⵏ.

ⴳ ⵜⵖⵉⵎⵉⵜ ⴰⴷ, ⵉⵍⵍⴰ ⵓⵙⵜⴰⵢ ⵙ ⵓⵎⴰⴽⵕⴰⴹ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 13.16 ⴼ ⵓⵙⴽⵔ ⴷ ⵓⵙⵏⵎⴰⵍⴰ ⵏ ⵜⵎⵔⵙⵍⵜ ⵏ ⵜⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵏ ⵜⵎⴰⵡⴰⵙⵜ ⵏ ⵓⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵚⴽⴰⵡ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵉⵡⴰⵜⵜⵙⵏ ⴰⵙⵖⵓⴷⵓ ⵏ ⵜⵏⵓⴼⴰ ⵜⵉⵏⴰⵎⵓⵏⵉⵏ ⴷ ⵜⴷⵍⵙⴰⵏⵉⵏ ⵏ ⵉⵎⵙⵖⴰⵏⵏ ⵏ ⵜⵎⴰⵡⵙⴰⵙⵜ ⴷ ⵉⵎⵙⵓⵡⵔⵉⵏ ⵏⵏⵙ ⴷ ⵉⵎⴰⵏⴰⴼⵏ.

ⴳ ⵜⵖⵉⵎⵉⵜ ⵉⵥⵍⵉⵏ ⵙ ⵜⵖⵔⵉ ⵏ ⵜⵙⵓⵎⵔⵉⵏ ⵏ ⵉⵙⵍⴳⵏⵏ, ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵎⴰⴽⵕⴰⴹ ⵜⴰⵙⵓⵎⵔⵜ ⵏ ⵓⵙⵍⴳⵏ ⵉ ⵓⵙⵏⴼⵍ ⵏ ⵜⵙⴷⴷⴰⵔⵜ ⵜⵉⵙ ⴽⵕⴰⴹⵜ ⴳ ⵓⵎⴳⵔⴰⴷ 2.1 ⴳ ⵓⵙⵍⴳⵏ ⵏ ⵉⵙⵖⵡⴰⵏ ⵎⴽ ⵜⵜⵓⵙⵏⴼⴰⵍ ⵙ ⵓⵙⵍⴳⵏ ⵓⵟⵟⵓⵏ 53.05 ⴼ ⵓⵙⵏⴼⵍ ⴰⵍⵉⴽⵟⵕⵓⵏⵉ ⵏ 30  ⵏⵓⵡⴰⵏⴱⵉⵔ 2007, ⵉⵡⴰⵜⵜⴰⵙ ⵓⵙⵏⴼⵍ ⴰⴷ ⴰⴷ ⵜⴼⴰⵡ ⵜⵙⴷⴷⴰⵔⵜ ⵜⵉⵙ ⴽⵕⴰⴹⵜ ⴳ ⵓⵙⵍⴳⵏ ⵉⵜⵜⵓⴱⴷⴰⵔⵏ.