ⴰⵙⵖⵣⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵎⴰⴽⵕⴰⴹ ⵏ ⵙⵎⵎⵓⵙⵜ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵎⵎⴰⵍⴰⵏⵉⵏ ⵜⴰⴷⵉⵏⴰⵎⵉⵜ ⵉⵣⵣⵉⴳⵣⵏ ⵏ ⵜⴷⵉⴱⵍⵓⵎⴰⵙ ⵜⴰⵎⵖⵔⵉⴱⵉⵜ

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵎⴰⴽⵕⴰⴹ, ⴰⵢⵏⴰⵙ 8 ⴱⵕⴰⵢⵔ 2021, ⵙⵎⵎⵓⵙⵜ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ: ⵙⵏⴰⵜ ⵜⵉⵙⵉⵏⵔⴰⵏⵉⵏ ⴷ ⵜⵓⵕⴽⵢⴰ ⴷ ⵎⴰⵔⵉⴽⴰⵏ, ⴷ ⴽⵕⴰⴹⵜ ⵜⵉⴳⵉⵜⵔⴰⵏⵉⵏ, ⴳ ⵜⵖⵉⵎⵉⵜ ⵜⴰⴳⴷⵓⴷⴰⵏⵜ ⵉⵙⵙⵉⵅⴼ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⵏⵙⵙⵉⵅⴼ ⵏ ⵓⵙⵇⵉⵎ ⵏ ⵉⵎⵓⵔⴰ, ⵙ ⵜⵉⵍⵉⵜ ⵏ ⵎⴰⵙⵙⴰ ⵏⵓⵣⵀⴰ ⵍⵡⴰⴼⵉ, ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⵉⵜⵜⵓⵙⵎⴰⴳⴰⵍⵏ ⵙ ⵉⵎⵖⵔⵉⴱⵉⵢⵏ ⵏ ⴱⵕⵕⴰ. ⴳⴰⵏⵜ ⵜⵎⵢⴰⵇⵇⴰⵏⵉⵏ ⴰⴷ ⵉⵙⵏⴼⴰⵔⵏ ⵏ ⵉⵙⵍⴳⵏⵏ:

1- ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 54.20 ⴼ ⵓⵎⵙⴰⵙⴰ ⴼ ⵓⵙⵏⴼⵍ ⵏ ⵜⵎⵢⴰⵇⵇⴰⵏⵜ ⵏ ⵓⵙⵏⴼⵍ ⵉⵍⴻⵍⵍⵉ ⵊⴰⵔ ⵜⴰⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⴳⴷⵓⴷⴰⵏⵜ ⵏ ⵜⵓⵕⴽⵉⵢⴰ, ⵉⵜⵜⵓⵣⵎⵎⴰⵎⵏ ⴳ ⵕⵕⴱⴰⵟ ⴳ 24 ⵖⵓⵛⵜ 2020;

2- ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 59.20 ⵉ ⵓⵎⵙⴰⵙⴰ ⴼ ⵜⴱⵖⵓⵔⵉⵏ ⴷ ⵜⵓⵍⵍⵓⵖⵉⵏ ⵊⴰⵔ ⵜⵏⴱⴰⴹⵜ ⵜⴰⵎⵖⵔⵉⴱⵉⵜ ⴷ ⵎⴰⵔⵉⴽⴰⵏ, ⵉⵜⵜⵓⵣⵎⵎⴰⵎⵏ ⴳ ⵕⵕⴱⴰⵟ ⴳ 1 ⵛⵓⵜⴰⵏⴱⵉⵔ 2020.

3- ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 08.20 ⴼ ⵓⵎⵙⴰⵙⴰ ⴼ ⵜⵎⵢⴰⵇⵇⴰⵏⵜ ⵏ ⵉⴼⵔⵉⵇⵢⴰ ⴳ ⵓⵔ ⵉⵍⵍⵉ ⵓⵔⴱⴰⴱ ⴰⵏⴰⵡⴰⵡⵉ (ⵜⴰⵎⵢⴰⵇⵇⴰⵏⵜ ⵏ ⴱⵍⵉⵏⴷⴰⴱⴰ), ⵉⵜⵜⵓⵣⵎⵎⴰⵎⵏ ⴼⴳ ⵍⵇⴰⵀⵉⵔⴰ (ⵎⵉⵚⵕ) ⴳ 11 ⵉⴱⵔⵉⵔ 1996;

4- ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 45.20 ⵉ ⵓⵎⵙⴰⵙⴰ ⴼ ⵓⵎⵇⵏ ⴰⴼⵔⵉⵇⵉ ⵏ ⵜⴼⴰⵜⵉⵜ ⴳ ⵉⴱⵔⴷⴰⵏ, ⵏ ⴰⴷⵉⵙ ⴰⴱⴰⴱⴰ (ⵉⵜⵢⵓⴱⵢⴰ) ⴳ 31 ⵉⵏⵏⴰⵢⵔ 2016;

5- ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 60.20 ⵉ ⵓⵎⵙⴰⵙⴰ ⴼ ⵓⵏⴳⵔⴰⵡ ⴰⴷⵙⵍⴰⵏ ⵏ ⵓⴱⴰⵏⴽ ⴰⵙⵢⴰⵡⵉ ⵏ ⵓⵙⵙⴰⵔⵓ ⴳ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ, ⵏ ⴱⵉⴽⴽⵉⵏ ⴳ 29 ⵢⵓⵏⵢⵓ 2015.

ⴳ ⵓⵙⵎⵏⵉⴷ ⵏ ⵉⵙⵏⴼⴰⵔⵏ ⴰⴷ, ⵜⵏⵏⴰ ⵎⴰⵙⵙⴰ ⵜⴰⵎⵡⵙⴰⵙⵜ ⵎⴰⵙ ⴳⴰⵏ ⵜⴰⵣⵣⵉⴳⵣⵜ ⵏ ⵜⴷⵉⵏⴰⵎⵉⵜ ⵜⴰⴷⵉⴱⵍⵓⵎⴰⵙⵉⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⵍⵍⵉ ⵉⵡⴰⵜⵜⵙⵏ ⴰⴷ ⵉⵍⵉⵏⵜ ⵜⵎⴰⴷⵔⴰⵡⵉⵏ ⴷ ⵓⵙⵎⵢⴰⵏⴰⵡ ⵏ ⵉⴳⵔⴰⵏ ⵏ ⵜⵡⵉⵙⵉ ⴷ ⵓⵏⵏⵓⵕⵥⵎ ⴼ ⴽⵓ ⵜⴰⵙⴳⵉⵡⵉⵏ ⵏ ⵓⵎⴰⴹⴰⵍ, ⴰⵢⵍⵍⵉ ⵉⵙⵙⵉⵎⵖⵓⵔⵏ ⴰⴷⵖⴰⵔ ⵏⵏⵙ ⵖ ⵓⵙⵡⵉⵔ ⴰⵎⵏⵥⴰⵡ ⴷ ⵓⴳⵔⴰⵖⵍⴰⵏ ⴷ ⵓⵏⵎⵏⴰⴹ, ⵙ ⵓⵣⵣⴳⵉⵔ ⵏ ⵉⵙⵡⴰⵍⴰⵢⵏ ⴰⵜⵜⵓⵢⵏⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ. ⵜⵉⵏⵉ ⵎⴰⵙ ⵉⴳⴰ ⵍⵎⵖⵔⵉⴱ ⴳ ⵜⴳⴰⵔⵉⵡⵉ ⴰⴷ ⴰⵎⵙⴽⴰⵔ ⴰⴷⵙⵍⴰⵏ ⴳ ⵜⵎⴰⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵏⴳⵔ ⴰⵙⵢⴰ ⴷ ⵉⴼⵔⵉⵇⵢⴰ, ⵖⵎⴽ ⴰⵏⵏ ⴷ ⵓⵙⵡⵉⵔ ⴰⵏⵎⵏⴰⴹ ⴷ ⵓⴳⵔⴰⵖⵍⴰⵏ ⴰⴳⵜⵉⵔⴰⵏ.

ⵉⴳⴰ ⵓⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 54.20 ⴼ ⵓⵎⵙⴰⵙⴰ ⴼ ⵓⵙⵏⴼⵍ ⵏ ⵜⵎⵢⴰⵇⵇⴰⵏⵜ ⵏ ⵓⵙⵏⴼⵍ ⵉⵍⴻⵍⵍⵉ ⵊⴰⵔ ⵜⴰⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⴳⴷⵓⴷⴰⵏⵜ ⵏ ⵜⵓⵕⴽⵉⵢⴰ, ⵉⵜⵜⵓⵣⵎⵎⴰⵎⵏ ⴳ 7 ⵉⴱⵔⵉⵔ 2004, ⵢⴰⵏ ⵓⵙⵡⵓⴷⴷⵓ ⴰⵎⵥⵍⴰⵢ ⴼ ⵔⴰⴷ ⵉⵍⵉⵏⵜ ⵜⴼⴳⵓⵔⵉⵏ ⵏ ⴷⴷⵉⵡⴰⵏⴰ ⴳ ⵉⵢⴰⴼⵓⵜⵏ ⵏ ⵜⵎⴳⵓⵔⵉ ⵜⵜⵓⵙⴽⴰⵔⵏⵉⵏ ⴳ ⵜⵓⵕⴽⵢⴰ ⵍⵍⴰⵏⵉⵏ ⴳ ⵓⵎⴹⴼⵓⵕ 1 ⵏ ⵓⵎⵙⴰⵙⴰ ⵃⵎⴰ ⴰⴷ ⵍⴽⵎⵏⵜ 90 % ⵏ ⵡⴰⵜⵉⴳ ⵏ ⵜⵏⴼⴳⵓⵔⵉⵏ ⵏ ⴷⴷⵉⵡⴰⵏⴰ ⵙ ⵉⵍⵍⴰ ⵓⵙⵡⵓⵔⵉ.

ⵉⵡⴰⵜⵜⵙ ⵓⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 59.20 ⵉ ⵓⵎⵙⴰⵙⴰ ⴼ ⵜⴱⵖⵓⵔⵉⵏ ⴷ ⵜⵓⵍⵍⵓⵖⵉⵏ ⵊⴰⵔ ⵜⵏⴱⴰⴹⵜ ⵜⴰⵎⵖⵔⵉⴱⵉⵜ ⴷ ⵎⴰⵔⵉⴽⴰⵏ, ⴰⵙⴷⵓⵙ ⵏ ⵓⴼⵔⴰⴳ ⵏ ⵜⵙⵇⵓⵏⵙⵓⵜⵉⵏ ⵏ ⵙⵏⴰⵜ ⵜⵎⵉⵣⴰⵔ ⴷ ⵓⵙⵉⵙⴼⵉⵡ  ⵏ ⵉⴼⵔⴰⴳⵏ ⵍⵍⴰⵏⵉⵏ ⴷⴰⵔ ⵉⴳⵎⴰⵎⵏ ⵏ ⵜⴳⵔⴰⵡⵜ ⵜⴰⴷⵉⴱⵍⵓⵎⴰⵙⵉⵜ ⴷ ⵜⴰⵡⵊⵉⵡⵉⵏ ⵏⵏⵙⵏ.

ⵉⴳⴰ ⵓⴱⴰⵏⴽ ⴰⵙⵢⴰⵡⵉ ⵏ ⵓⵙⵙⴰⵔⵓ ⴳ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ, ⴼ ⵉⵍⵍⴰ ⵓⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 60.20 ⵜⵉⵎⵔⵙⵍⵜ ⵜⴰⵥⵕⴼⴰⵏⵜ ⵜⴰⴳⵜⵉⵔⴰⵏⵜ ⵉⵍⵍⴰⵏ ⴳ ⴱⵉⴽⴽⵉⵏ, ⵜⵡⴰⵜⵜⵙ ⴰⵙⴷⵓⵙ ⵏ ⵜⴳⵎⵉ ⵜⴰⴷⵎⵙⴰⵏⵜ ⵜⴰⵙⵓⵍⴰⵏⵜ ⴷ ⵓⵙⴽⵔ ⵏ ⵜⴱⵖⵓⵔⵜ ⴷ ⵓⵙⵖⵓⴷⵓ ⵏ ⵓⵣⴷⴰⵢ ⵏⴳⵔ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⴳ ⵉⴳⵔⴰⵏ ⵉⵢⴰⴼⵓⵜⵏ, ⴷ ⵓⵙⵙⵔⵇⴱ ⵏ ⵉⵙⵙⴰⵔⵓⵜⵏ ⵥⵍⵉⵏⵉⵏ ⴳ ⵉⵙⵏⴼⴰⵔⵏ ⵏ ⵜⵎⵙⵙⵏⵜⴰⵢ ⴷ ⵜⵉⵍⴰⵍ ⵜⵜⴰⵡⵙⵏⵉⵏ ⴳ ⵜⴳⵎⵉ ⵜⴰⴷⵎⵙⴰⵏⵜ ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵥⵍⵉⵏ ⴷ ⵜⵓⵚⴽⵉⵡⵉⵏ ⵜⵉⵏⴰⴷⴷⵉⵡⵉⵏ, ⵔⴰⴷ ⵉⴳ ⵍⵎⵖⵔⵉⴱ ⴰⴳⵎⴰⵎ ⴳ ⵓⴱⴰⵏⴽ ⵉⴳ ⵏⵏ ⵉⵙⵔⵙ ⴰⵔⵔⴰⵜⵏ ⵏⵏⵙ.

ⵉⵡⴰⵜⵜⵙ ⵓⵎⵇⵏ ⴰⴼⵔⵉⵇⵉ ⴼ ⵜⴼⴰⵜⵉⵜ ⴳ ⵉⴱⵔⴷⴰⵏ, ⴰⵙⵕⵚⵓ ⵏ ⵜⵙⵔⵜⴰⵢ ⵏ ⵓⵙⵖⵓⴷⵓ ⵏ ⵜⴼⴰⵜⵉⵜ ⴳ ⵉⴼⵔⵉⵇⵢⴰ ⴷ ⵓⵙⵔⵙ ⵏ ⵜⵙⵔⵜⴰⵢ ⵥⵍⵉⵏⵉⵏ ⵙ ⵜⵎⴰⵣⵉⵔⵜ ⵉ ⵜⴼⴰⵜⵉⵜ ⴳ ⵉⴱⵔⴷⴰⵏ ⴷ ⵓⵣⵣⴳⵉⵔ ⵏ ⵉⵖⴰⵡⴰⵙⵏ ⵉⵏⴰⵎⵓⵔⵏ ⴷ ⵉⵏⵎⵏⴰⴹⵏ ⴷ ⵜⵡⵉⵙⵉ ⴳ ⵓⵣⴷⴷⵓⵢ ⵏ ⵜⵓⴳⴳⴰⵙ ⵏ ⵜⴼⴰⵜⵉⵜ ⴳ ⵉⴱⵔⴷⴰⵏ ⴳ ⵓⵎⵏⵥⴰⵡ. ⵖⵎⴽ ⴰⵏⵏ ⴷ ⵓⵙⵖⵓⴷⵓ ⵏ ⵓⵣⴷⴷⵓⵢ ⵏⴳⵔ ⵉⵎⴷⵔⴰⵡⵏ ⴳ ⵜⴳⵎⵉ ⴳ ⵢⵓⴳⵔ ⴰⴷ ⴷ ⵓⵙⵏⴰⵍ ⵏ ⵜⵡⵉⵙⵉ ⵏ ⵢⵉⴳⵔ ⵓⵙⵍⵉⴳ ⴷ ⵡⴰⵎⵓⵏ ⴰⵖⵔⵎⴰⵏ ⴷ ⵜⵎⴰⴷⴷⴰⵙⵉⵏ ⵡⴰⵔⵜⵓⵏⴱⵉⴹⵉⵏ ⴷ ⵜⵎⵔⵙⴰⵍ ⵜⵉⴱⵔⵍⴰⵎⴰⵏⵉⵢⵉⵏ ⴳ ⵜⵎⵙⴰⵔⵉⵏ ⵏ ⵜⴼⴰⵜⵉⵜ ⴳ ⵉⴱⵔⴷⴰⵏ ⴷ ⵓⵙⴷⵓⵙ ⵏ ⵓⵎⵙⴰⵙⴰ ⴳ ⵜⵡⵓⵔⵉⵡⵉⵏ ⵏ ⵓⵙⵎⵓⵏ ⴷ ⵓⵙⵎⴽⵍ ⴷ ⵓⵣⵓⵣⵣⵔ ⵏ ⵓⵎⵍⴰⵏ ⵏ ⵜⴼⴰⵜⵉⵜ ⴳ ⵉⴱⵔⴷⴰⵏ.

ⵉⴳⴰ ⵓⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 08.20 ⴼ ⵓⵎⵙⴰⵙⴰ ⴼ ⵜⵎⵢⴰⵇⵇⴰⵏⵜ ⵏ ⵉⴼⵔⵉⵇⵢⴰ ⴳ ⵓⵔ ⵉⵍⵍⵉ ⵓⵔⴱⴰⴱ ⴰⵏⴰⵡⴰⵡⵉ, ⴰⵙⵖⵡⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵙ ⵜⵖⵜⴰⵙⵜ ⵏ ⵜⵎⵜⵜⴰ ⵉⵎⵓⵏⵏ ⴼ ⵉⵎⵔⵙⵉ ⴰⴷ ⴳ 11 ⴷⵓⵊⴰⵏⴱⵉⵔ 1975, ⵙ ⵢⴰⵏ ⵓⵎⵙⴰⵛⴽⴰ ⴰⴳⵔⴰⵖⵍⴰⵏ ⴼ ⴱⴷⴷⵏⵜ ⵜⵎⵜⵜⴰ ⵎⵓⵏⵏⵉⵏ ⵉ ⵓⵙⴳⴷⵍ ⵏ ⵜⵎⴳⵓⵔⵉ ⵏ ⵉⵔⴱⴰⴱⵏ ⵉⵏⴰⵡⴰⵡⵉⵢⵏ ⴷ ⵓⵟⵟⴼ ⵏⵏⵙⵏ.