ⴰⵏⵎⵓⵇⴰⵔ ⵏ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⴷ ⵜⴳⵎⴰⵎⵉⵏ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵢⵉⵙⴽⵉⵍ ⴷ ⵓⵙⴰⵎⵓ ⵙ ⵜⵉⵍⵉⵜ ⵏ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵜ:”ⴰⵎⵇⵓⴷⴷⵉ ⵔⵓⵅⴰ”

ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ, ⴰⴽⵕⴰⵙ 3 ⴱⵕⴰⵢⵕ 2021 ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵕⴰⵛⵉⴷ ⵍⵄⴰⴱⴷⵉ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⴷ ⵜⵓⵜⵔⴰⵡⵉⵏ, ⴰⵏⵎⵓⵇⴰⵔ ⴷ ⵜⴳⵎⴰⵎⵉⵏ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵢⵉⵙⴽⵉⵍ ⴷ ⵓⵙⴰⵎⵓ ⵙ ⵜⵉⵍⵉⵜ ⵏ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵜ:”ⴰⵎⵇⵓⴷⴷⵉ ⵔⵓⵅⴰ” ⴼ ⵜⵓⵍⴽⵉⵎⵜ ⵉⵍⵍⴰⵏ ⴷⴰⵔ ⵜⵙⵇⵇⵉⵎⵜ.

ⵉⵕⵥⵎ ⵓⵏⵙⵙⵉⵅⴼ ⵏ ⵜⵙⵇⵉⵎⵜ ⵏ ⵜⵓⵍⴽⵉⵎⵉⵏ ⴷ ⵜⵓⵜⵔⴰⵡⵉⵏ ⴰⵏⵎⵓⵇⴰⵔ ⴰⴷ, ⵢⵉⵏⵉ ⵎⴰⵙ ⵉⴳⴰ ⴰⵎⵣⵡⴰⵔⵓ ⴰⴱⵕⵍⴰⵎⴰⵏⵉ ⵙ ⵜⵖⵔⵉ ⵉ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵜ ⵉ ⵓⵏⵄⴰⵔ ⴷ ⵓⵙⵎⵏⵉⴷ ⵏ ⵉⵙⵉⵙⴼⵉⵡⵏ ⴼⵍⵍⴰⵙ. ⵢⵉⵏⵉ ⵎⴰⵙ ⵉⵙⴽⵔ ⵓⵙⵇⵇⵉⵎ ⵏ ⵉⵎⵓⵔⴰ ⵜⵓⵎⴰⵢⵉⵏ ⵏ ⵓⴷⵓⵙⵜⵓⵔ ⴷ ⵓⵙⵍⴳⵏ ⴰⵎⴰⴷⴷⴰⵙ 4414 ⵙ ⵓⵙⴽⵔ ⵏ ⵜⵙⵇⵉⵎⵜ ⵏ ⵜⵓⵍⴽⵉⵎⵉⵏ ⴳ 2017 ⴳ ⵜⵍⵍⴰ ⵜⵓⴳⵜ ⵓⵍⴰ ⵜⵓⵣⵍⵜ ⵙ ⵜⵖⴰⵔⴰⵙⵜ ⵜⴰⴷⵉⵎⵓⵇⵔⴰⵟⵉⵜ.

ⵍⵍⵉⵖ ⵜⵜⵓⵙⴽⴰⵔ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ, ⵜⵙⵡⵓⵔⵉ ⵙ ⵜⴱⵔⵉⴷⵉⵏ ⵏ ⵓⵙⵏⵓⴱⴳ ⵏ ⵜⵓⵍⴽⵉⵎⵉⵏ ⴷ ⵜⵓⵜⵔⴰⵡⵉⵏ ⵏ ⵉⵏⵎⵓⵔⴰⵏ, ⵍⵍⴰⵏⵉⵏ ⴳ ⵉⵙⵍⴳⵏⵏ ⵉⵎⴰⴷⴷⴰⵙⵏ ⴷ ⵓⵏⴳⵔⴰⵡ ⴰⴳⵯⵏⵙⴰⵏ, ⵙ ⵓⵙⵏⴰⵍ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⴼⵔⴷⴰⵙⵏ ⵏ ⵓⵙⵇⵇⵉⵎ.

ⵉⵙⴰⵡⵍ ⵎⴰⵙⵙ ⵕⴰⵛⵉⴷ ⵍⵄⴰⴱⴷⵉ ⴼ ⵓⴱⵔⵉⴷ ⵏ ⵜⵓⵍⴽⵉⵎⵜ “ⴰⵎⵇⵓⴷⴷⵉ ⵔⵓⵅⴰ” ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵜⵍⴽⵎ ⴷ ⴰⵙⵙ ⵏ 31 ⴷⵓⵊⴰⵏⴱⵉⵔ 2020, ⵜⵉⵍⵉ ⴷⴰⵔ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⴳ 12 ⵉⵏⵏⴰⵢⵔ 2021, ⵉⵟⵟⴰⴼⵏ ⴰⵢⵢⵓⵔ ⵉ ⵜⵖⵔⵉ ⵏ ⵜⵓⵍⴽⵉⵎⵜ ⴷ ⵓⵣⵣⵔⴰⵢ ⵏ ⵜⴼⴰⴷⵉⵡⵉⵏ ⵏⵏⵙ ⴷ ⵜⵉⴽⴽⵉ ⵏ ⵜⴰⵏⵏⴰⵢⵜ ⴼⵍⵍⴰⵙ ⵙ ⵓⵎⵙⴰⵙⴰ ⴷ ⵓⵙⵍⴳⵏ ⴰⵎⴰⴷⴷⴰⵙ 44.14 ⴷ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ.

ⵜⵙⵙⵏⵜⵉ ⵜⵙⵇⵉⵎⵜ ⵜⵉⵖⵔⵉ ⵏ ⵜⵓⵍⴽⵉⵎⵜ ⵙ ⵜⴼⴰⴷⵉⵡⵉⵏ ⵣⴷⵉⵏⵉⵏ ⴷ ⵉⵎⵣⵎⵎⵉⵎⵏ ⵏⵏⵙ, ⴳⴰⵏⵉⵏ 13816 ⴳⵉⵙⵏ 13692 ⵏ ⵓⴼⵔⴽⵓⴽ ⴷ 125 ⴰⵎⵍⵉⴽⵟⵕⵓⵏⵉ, ⵜⵉⵍⵉ ⵜⴱⵔⴰⵜ ⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴼ ⵉⵎⵣⵎⵎⵉⵎⵏ ⵖ ⵓⵎⵏⵉⴷ ⵏ ⵜⵉⵍⵉⵜ ⵏ ⵉⵣⵔⴼⴰⵏ ⵉⵖⵔⵎⴰⵏⵏ ⴷ ⵉⵙⵔⵜⴰⵏⵏ.

ⵉⵙⵓⵜⴳⵜ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⵓⴳⴳⴰⵙ ⵏ ⵜⵉⵔⵔⴰ ⵏ ⵜⵓⵍⴽⵉⵎⵜ  ⵙ ⵜⴷⵔⴰⵡ ⵏⵏⵙ ⵜⴰⵎⴰⵙⵙⴰⵏⵜ ⴷ ⵜⵉⵍⵉⵜ ⵏ ⵜⵙⴰⵖⵓⵍⵜ ⵜⴰⵎⴰⴹⵍⴰⵏⵜ ⴷ ⵜⴷⵙⵜⴰⵔⵜ ⵙⵍⴰⵡⴰⵏ ⴰⴽⴽⵯ ⴰⵎⴰⴳⵔⴰⴷ 19 ⵉⵙⵏⴰⵍⵏ ⵉⵣⵔⴼⴰⵏ ⵏ ⵜⵎⵖⴰⵔⵜ, ⵜⴳ ⵜⵓⵍⴽⵉⵎⵜ ⴰⴷ ⵜⴰⵢⴰⴼⵓⵜ ⵏⵏⵙ.

ⵢⵉⵏⵉ ⵎⴰⵙⵙ ⵕⴰⵛⵉⴷ ⵍⵄⴰⴱⴷⵉ ⵎⴰⵙ ⵉⴳⴰ ⵓⵏⵎⵓⵇⴰⵔ ⴰⴷ ⴰⵏⵏⵓⵕⵥⵎ ⴼ ⵉⵎⵙⵎⵏⵉⴷⵏ ⵏ ⵜⵓⵍⴽⵉⵎⵉⵏ ⵃⵎⴰ ⴰⴷ ⵢⵉⵍⵉ ⵓⵙⵙⴼⵍⴷ ⵉ ⵉⵏⵄⴰⵔⵏ ⴷ ⵉⵙⵉⵙⴼⵉⵡⵏ ⴷ ⵓⵙⵖⵏⵓ ⵏ ⵉⵎⴹⴰⴽⴰⵕⵏ ⴳ ⵓⵙⴰⵜⵉ ⵏ ⵜⵎⵢⴰⴷⴰⵙⵜ ⵜⴰⵎⴰⴷⵔⴰⵡⵜ ⵍⵍⵉ ⵉⵙⴽⴰⵔ ⵓⵙⵇⵇⵉⵎ ⴳ ⵓⴳⵯⵏⵙ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵢⵉⵙⴽⵉⵍ ⴷ ⵓⵙⴰⵎⵓ.

ⵜⵏⵏⴰ ⵎⴰⵙⵙⴰ ⴼⴰⵟⵉⵎⴰ ⵣⵣⴰⵀⵕⴰ ⵏⴰⵣⵉⵀ, ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵜⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵢⵉⵙⴽⵉⵍ ⴷ ⵓⵙⴰⵎⵓ, ⵎⴰⵙ ⵉⴳⴰ ⵓⵎⵇⵓⴷⴷⵉ ⵉⵎⵔⵙⵉ ⴷⴰⵔ ⵜⴰⵖⵍⴰⵖⴰⵍⵜ ⴷⴰⵔ ⵡⴰⵎⵓⵏ ⴰⵎⵖⵔⵉⴱⵉ, ⵙ ⵓⵙⵎⵓⵙⵙⵓ ⵏ ⵉⵎⵓⵙⵙⵓⵜⵏ ⵏ ⵜⵎⵖⴰⵔⵉⵏ ⴳ ⵜⴷⵉⵏⴰⵎⵉⵜ ⵜⴰⵏⴰⵎⵓⵏⵜ ⴳ ⵜⵉⵡⵙ ⵜⵔⴰⴱⴱⵓⵜ ⵙ ⵉⵙⴳⵓⴷⵉⵢⵏ ⴳ ⵍⵍⴰⵏ ⵉⵏⵎⵓⵇⴰⵔⵏ ⴷ ⵉⵏⴰⵡⴰⵏ.

ⵜⵉⵏⵉ ⵎⴰⵙⵙⴰ ⴼⴰⵟⵉⵎⴰ ⵣⵣⴰⵀⵕⴰ ⵏⴰⵣⵉⵀ, ⵎⴰⵙ ⵉⵣⴷⵉ ⵓⵎⵇⵓⴷⴷⵉ ⴷ ⵓⵏⵄⴰⵔ ⵉⵙⵓⵍⵏ ⴼ ⵉⵎⴰⵙⵙⵏ ⵏ ⵓⵙⴽⵔ ⵏ ⵓⵙⵓⵜⵔ ⴰⴷ, ⴼ ⵜⵖⵏⵙⴰ ⵉⵙⵓⵍⵏ ⴷ ⵜⵉⵍⵉⵜ ⵏ ⵓⴷⵓⵙⵜⵓⵔ ⵉⵣⵣⵉⴳⵣⵏ ⵉⵙⴷⵓⵙⵏ ⵢⵉⵙⴽⵉⵍ ⵏⴳⵔ ⵓⵔⴳⴰⵣ ⴷ ⵜⵎⵖⴰⵔⵜ ⴳ ⵉⵣⵔⴼⴰⵏ ⴷ ⵜⴷⵔⴼⵉⵢⵉⵏ ⵜⵉⵖⵔⵎⴰⵏⵉⵏ ⴷ ⵜⵙⵔⵜⴰⵏⵉⵏ ⴷ ⵜⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴷ ⵜⴷⵍⵙⴰⵏⵉⵏ ⴷ ⵜⵡⵏⴹⴰⵏⵉⵏ, ⵉⵙⴷⴷⵉⴷ ⴼ ⵓⵙⴰⵎⵓ ⵉⵙⴽⵔ ⴰⵏⴳⵔⴰⵡ ⵏ ⵢⵉⵙⴽⵉⵍ ⴷ ⵓⵙⴱⴷⴷⵉ ⵏ ⵡⴰⵏⴰⵡⵏ ⵏ ⵓⵙⵏⵓⵃⵢⵓ ⵙ ⵜⵉⵔⴰⵜ ⵜⴰⴳⵍⴷⴰⵏⵜ ⵜⴰⵎⴰⵜⵜⵓⵢⵜ ⵉⵙⴷⴷⵉⴷⵏ ⴼ ⵢⵉⵙⴽⵉⵍ ⵏⴳⵔ ⵓⵔⴳⴰⵣ ⴷ ⵜⵎⵖⴰⵔⵜ. 

ⵙⴰⵡⵍⵏ ⵓⵍⴰ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵏ ⵓⵙⵎⵏⵉⴷ ⵏ ⵜⵓⵍⴽⵉⵎⵜ ⵏ “ⴰⵎⵇⵓⴷⴷⵉ ⵔⵓⵅⴰ” ⵍⵍⵉ ⵜⵙⵙⵉⵅⴼ ⵎⴰⵙⵙⴰ ⵡⴰⴼⴰ ⵃⴰⵊⵊⵉ, ⵉⵏⵉⵏ ⵎⴰⵙ ⵜⴳⴰ ⵜⴷⵉⵏⴰⵎⵉⵜ ⴰⴷ ⵜⴰⵎⵣⵡⴰⵔⵓⵜ ⵖ ⵉⵡⵙⵏ ⵓⴷⴷⵉⵔⵏ ⵉⵙⵔⵜⴰⵏⵏ ⴷ ⵉⵏⵎⵓⵍⵍⵉⵢⵏ ⴷ ⵉⵙⵏⵖⵎⴰⵙⵏ ⴷ ⵉⴷⵍⵙⴰⵏⵏ ⵉ ⵓⵙⵓⵊⴷ ⵏ ⵜⵙⵡⵉⵏⴳⵎⵜ ⵏ ⵜⵓⵍⴽⵉⵎⵜ, ⴷ ⵓⵙⵔⵓⵙ ⵏ ⵓⵙⵍⴳⵏ ⴰⵙⴰⵜⵉ ⴼ ⵓⵙⴽⵔ ⵏ ⵓⵎⵇⵓⴷⴷⵉ ⵏⴳⵔ ⵉⵔⴳⴰⵣⵏ ⴷ ⵜⵎⵖⴰⵔⵉⵏ, ⴷ ⵓⵙⴽⵔ ⵏ ⵓⵎⴰⴳⵔⴰⴷ 19 ⵏ ⵓⴷⵓⵙⵜⵓⵔ. ⴷ ⵓⵙⵡⵓⵔⵉ ⴼ ⵓⵙⵕⵚⵓ ⵏ ⵢⵉⵙⴽⵉⵍ , ⴷ ⵉⵎⵉⵥ ⵏ ⵓⵙⵏⴼⴰⵔ ⴳ ⵉⵙⵜⴰⵢⵏ ⴷ ⵓⵛⴽⴰⵏⵉⵏ.

ⴳⴰⵏ ⵉⵡⵜⵜⴰⵙⵏ ⵏ ⵜⵓⵍⴽⵉⵎⵜ, ⴰⵙⵎⵓⵏ ⵏ ⵜⴰⵏⵏⴰⵢⵜ ⵏ ⵓⵏⵔⵣⵣⴰⴼ ⴼ ⵉⵣⵔⴼⴰⵏ ⵏ ⵜⵎⵖⴰⵔⵜ ⴷ ⵢⵉⵙⴽⵉⵍ ⴳ ⴽⵓ ⵉⴳⵔⴰⵏ, ⵙ ⵓⵎⵙⴰⵙⴰ ⴷ ⵜⵙⴷⴷⴰⵔⵜ ⵜⴰⵎⵣⵡⴰⵔⵓⵜ ⵏ ⵓⵎⴰⴳⵔⴰⴷ 19 ⵏ ⵓⴷⵓⵙⵜⵓⵔ, ⵙ ⴰⵢⵍⵍⵉ ⵔⴰⴷ ⵢⴰⵡⵙ ⴼ ⵜⵉⴼⴰⵡⵜ ⵏ ⵜⴰⵏⵏⴰⵢⵜ ⴰⴷ ⴳ ⴽⵉⴳⴰⵏ ⵏ ⵉⴹⵕⵉⵚⵏ ⵉⵣⵣⵔⴰⴼⵏ ⴼ ⵉⵣⵔⴼⴰⵏ ⵏ ⵜⵎⵖⴰⵔⵜ, ⴷ ⵢⵉⵙⴽⵉⵍ ⵏⴳⵔ ⵜⵎⵖⴰⵔⵉⵏ ⴷ ⵉⵔⴳⴰⵣⵏ ⴳ ⵜⵣⵣⵓⵍⵉⵏ ⴷ ⵜⵏⴰⵎⵓⵏⵉⵏ ⴷ ⵜⴷⵍⵙⴰⵏⵉⵏ ⴷ ⵜⵎⵙⴰⵏⵉⵏ ⴷ ⵜⴳⵏⵙⴰⵙⵉⵏ ⴷ ⵜⵉⵏ ⵢⵉⴳⵔⴰⵏ ⴷ ⵜⵉⵏ ⵜⵓⵏⵏⵓⵏⵜ, ⴷ ⵓⵙⴱⴷⴷⵉ ⵏ ⵓⵀⵔⴰⵛ ⴷ ⵜⵕⴽⴹⵉ ⵎⴳⴰⵍ ⵏ ⵜⵎⵖⴰⵔⵜ. ⴷ ⵓⵙⴽⵔ ⵏ ⵉⵙⵖⴰⵡⵏ ⵉⴳⵔⴰⵖⵍⴰⵏⵏ ⵏ ⵍⵎⵖⵔⵉⴱ ⴼ ⵓⵎⵙⴰⵙⴰ ⵏ ⵉⵣⵣⵔⴰⴼⵏ ⵉⴳⵯⵏⵙⴰⵏⵏ ⴷ ⵜⵓⵎⴰⵢⵉⵏ ⵏ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵣⴷⵉⵏⵉⵏ ⴷ ⵉⵣⵔⴼⴰⵏ ⵏ ⵜⵎⵖⴰⵔⵜ ⴷ ⵢⵉⵙⴽⵉⵍ ⵏⴳⵔ ⵉⵔⴳⴰⵣⵏ ⴷ ⵜⵎⵖⴰⵔⵉⵏ ⵙ ⵓⵎⵙⴰⵙⴰ ⴷ ⵉⴱⴹⵉⵢⵏ ⵏ ⵜⵎⵢⴰⵇⵇⴰⵏⵉⵏ ⴰⵏⵏ.

ⵖⵎⴽ ⴰⵏⵏ ⴷ ⵓⵙⵎⴰⵜⴰ ⵏ ⵢⵉⵙⴽⵉⵍ ⴳ ⵜⴳⵔⴰⵡⵉⵏ ⵜⵉⵎⴰⵜⴰⵢⵉⵏ ⵏ ⵓⵡⴰⵏⴽ ⴷ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴷ ⵜⵣⵣⵓⵍⵉⵏ ⵏ ⵜⵎⴰⵙⴰⵢⵜ ⴳ ⵓⵡⴰⵏⴽ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ, ⴷ ⵓⵙⵎⵖⵔ ⵏ ⵜⵡⵉⵙⵉ ⵜⴰⵙⵔⵜⴰⵏⵜ ⵏ ⵜⵎⵖⴰⵔⵜ ⴳ ⵉⵙⵜⴰⵢⵏ ⴷ ⵜⵎⵔⵙⴰⵍ ⵏⵏⵙⵏⵜ, ⴳ ⵉⵙⵡⵉⵔⵏ ⵉⵏⴰⵎⵓⵔⵏ ⴷ ⵉⴷⵖⴰⵔⴰⵏⵏ, ⴷ ⵓⵙⵎⵖⵔ ⵏ ⵢⵉⵙⴽⵉⵍ ⵏⴳⵔ ⵜⵎⵖⴰⵔⵉⵏ ⴷ ⵉⵔⴳⴰⵣⵏ ⴳ ⵉⴷⵖⴰⵔⵏ ⵉⵎⴰⵢⵏⵓⵜⵏ ⴳ ⵓⵡⴰⵏⴽ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⴷ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ.

ⴳ ⵓⵎⴹⴰⴽⴰⵕ, ⴱⴷⴷⵏ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⴱⵕⵍⴰⵎⴰⵏⵉⵢⵏ ⴼ ⵜⴷⵉⵏⴰⵎⵉⵜ ⵏ ⵜⵖⵏⵙⴰ ⵏ ⵜⵎⵖⴰⵔⵉⵏ ⵉ ⵢⵉⵙⴽⵉⵍ, ⴷ ⵓⵙⴷⵓⵙ ⵏ ⵜⵉⵍⵉⵜ ⴷ ⵜⵙⵉⵎⴰⵏⵜ ⵜⴰⴷⵎⵙⴰⵏⵜ ⴷ ⵓⴼⵔⴰⴽ ⴰⵙⵔⵜⴰⵏ ⴷⴰⵔ ⵜⵎⵖⴰⵔⵉⵏ ⴷ ⵓⵙⵙⵔⵇⴱ ⵏⵏⵙⵏⵜ  ⵉ ⵜⵡⵓⵔⵉ ⵜⴰⵙⵔⵜⴰⵏⵜ ⴷ ⵓⵍⵜⴰⵖ ⴳ ⵜⵎⵙⴰⵔⵜ ⵏ ⵜⵎⵖⴰⵔⵜ, ⴷ ⵓⵙⵎⵀⵍ ⵏ ⵜⴳⵔⵡⴰⵜ ⵏ ⵓⵙⴰⵎⵓ ⴷ ⵓⵙⴱⴷⴷⵉ ⵏ ⵡⴰⵏⴰⵡⵏ ⵏ ⵓⵙⵏⵓⵃⵢⵓ ⵉⵍⵍⴰⵏ ⴳ ⵓⴷⵓⵙⵜⵓⵔ ⵏ 2011 ⴳ “ⵜⵉⴳⵔⴰⵡⴰⵉⵏ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⵎⵖⵔ ⵏⵏⵙⵏⵜ ⵉⵍⵍⴰⵏ ⴳ ⵓⴳⵣⵣⵓⵎ 12 ⵏ ⵓⴷⵓⵙⵜⵓⵔ.

ⵉⵏⵉⵏ ⵡⵉⵍⵍⵉ ⵃⴰⴹⵕⵏⵉⵏ ⵎⴰⵙ ⴷ ⵉⵇⵇⴰⵏ ⴰⴷ ⵉⵍⵉⵏ ⵉⵎⴰⵙⵙⵏ ⵕⵡⴰⵏⵉⵏ ⴼ ⵢⵉⵙⴽⵉⵍ ⴳ ⴽⵓ ⵉⴳⵔⴰⵏ ⴳ ⵜⵍⵍⴰ ⵜⵎⵖⴰⵔⵜ, ⴳ ⵉⵣⵣⵔⴰⴼⵏ ⴷ ⵜⵎⵔⵙⴰⵍ ⴷ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵙ ⵓⵙⵖⵡⵏ ⵏ ⴽⵓ ⵉⵎⵙⴽⴰⵔⵏ ⴳ ⵜⵓⴷⵔⵜ ⵜⴰⵙⵔⵜⴰⵏⵜ ⴷ ⵜⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⴷⵍⵙⴰⵏⵜ, ⵙ ⵓⵙⵡⵓⵔⵉ ⵙ ⵢⵉⵙⴽⵉⵍ ⴷ ⵜⴰⵔⵙⵍⵜ ⵜⵓⵍⴳⵉⵏⵜ,  ⵜⵉⵖⵔⵉ ⵉ ⵉⴽⴰⴱⴰⵕⵏ ⵉⵙⵔⵜⴰⵏⵏ ⴷ ⵢⵉⵙⴽⵉⵍ ⵙ ⵓⵙⵙⵔⵇⴱ ⵏ ⵜⵎⵖⴰⵔⵉⵏ ⴳ ⵜⵡⵉⵙⵉ ⴳ ⵜⴳⵏⵙⴰⵙⵉⵏ ⵜⵉⵙⵔⵜⴰⵏⵉⵏ, ⴷ ⵓⵣⴷⴰⵢ ⵏ ⵢⵉⵙⴽⵉⵍ ⵙ ⵓⵙⴷⵓⵙ ⵏ ⵓⵙⵜⴰⵢ ⴰⴷⵉⵎⵓⵇⵔⴰⵟⵉ ⴷ ⵓⵙⵎⵖⵔ ⵏ ⵜⵏⵉⵍⵉⵢⵉⵏ ⴷ ⵜⵎⵙⴽⴰⵔ.