ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵣⵎⵎⴻⵎ ⵏ ⵜⵎⵢⴰⵇⵇⴰⵏⵜ ⵏ ⵜⴷⵔⴰⵡⵜ ⴷ ⵓⵎⵢⴰⵡⴰⵙ ⴷ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⵜⵉⵣⵔⴼⴰⵏⵉⵏ ⴷ ⵜⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴰⴳⴷⴰⵍ - ⵜⴰⵙⴷⴰⵡⵉⵜ ⵏ ⵎⵓⵃⴰⵎⵎⴰⴷ ⵡⵉⵙ ⵙⵎⵎⵓⵙ
ⵉⵣⵎⵎⵉⵎ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵎⴰⵙⵙ ⴼⴰⵔⵉⴷ ⵍⴱⴰⵛⴰ ⴰⵏⵎⵀⴰⵍ ⵏ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⵜⵉⵣⵔⴼⴰⵏⵉⵏ ⴷ ⵜⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴰⴳⴷⴰⵍ - ⵜⴰⵙⴷⴰⵡⵉⵜ ⵏ ⵎⵓⵃⴰⵎⵎⴰⴷ ⵡⵉⵙ ⵙⵎⵎⵓⵙ- ⵕⵕⴱⴰⵟ, ⴰⴽⵡⴰⵙ 21 ⵉⵏⵏⴰⵢⵔ 2021 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⵜⴰⵎⵢⴰⵇⵇⴰⵏⵜ ⵏ ⵜⴷⵔⴰⵡⵜ ⴷ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵔⵙⴰⵍ, ⵜⵡⴰⵜⵜⵙ ⴰⵙⵔⵅⵓ ⴷ ⵓⵙⵙⵔⵇⴱ ⵏ ⵓⵎⵢⴰⵡⴰⵙ ⵊⴰⵔ ⵏⵏⵙⵏⵜ ⴳ ⵉⴳⵔⴰⵏ ⵏ ⵓⵙⵎⵓⵜⵜⴳ ⴷ ⵓⵔⵣⵣⵓ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵎⴰⵙⵙⴰⵏⵉⵏ ⴳ ⵜⵓⵙⵙⵏⴰ ⴷ ⵓⵣⵔⴼ ⴷ ⵜⴷⵉⴱⵍⵓⵎⴰⵙⵉⵜ ⴷ ⵉⵣⵔⴼⴰⵏ.
ⵙ ⵜⵎⵍⴷⴰ, ⵉⵏⵏⴰ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵉⴽⵛⵎ ⵓⵣⵎⵎⴻⵎ ⴰⴷ ⴳ ⵓⵙⴰⵜⵉ ⵏ ⵜⴷⵔⴰⵡⵜ ⵉⵙⵎⵓⵏⵏ ⴰⵙⵇⵇⵉⵎ ⴷ ⵜⵎⵔⵙⴰⵍ ⵏ ⵓⵙⵙⵍⵎⴷ ⴰⵎⴰⵜⵜⵓⵢ ⴷ ⵓⵔⵣⵣⵓ ⴰⵎⴰⵙⵙⴰⵏ ⵙⴳ ⴰⵙⴳⴳⵯⴰⵙ ⵉⵣⵔⵉⵏ ⴷⴼⴼⵉⵔ ⵏ ⵓⵣⵎⵎⴻⵎ ⵏ ⵜⵎⵢⴰⵇⵇⴰⵏⵜ, ⵙ ⵜⵉⵍⵉⵜ ⵏ ⵎⴰⵙⵙ ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵉⵍⵖ ⴰⵣⵣⵓⵍⴰⵏ ⴷ ⵓⵙⵙⵍⵎⴷ ⴰⵎⴰⵜⵜⵓⵢ ⴷ ⵓⵔⵣⵣⵓ ⴰⵎⴰⵙⵙⴰⵏ, ⴷ ⵎⴰⵙⵙ ⴰⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⵍⵎⴷ ⴰⵎⴰⵜⵜⵓⵢ ⴷ ⵓⵔⵣⵣⵓ ⴰⵎⴰⵙⵙⴰⵏ.
ⵉⵙⴰⵡⵍ ⵎⴰⵙⵙ ⵍⵎⴰⵍⴽⵉ ⴼ ⵜⵉⵔⴰⵜ ⵉⴷⵓⵙⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⵏⵏⵓⵕⵥⵎ ⴼ ⵜⵙⴷⴰⵡⵉⵜ ⵜⴰⵎⵖⵔⵉⴱⵉⵜ, ⵉⵎⵍⵉ ⴷ ⴰⵜⵉⴳ ⵏ ⵓⵏⵢⴰⵍⴽⴰⵎ ⵏ ⵜⵎⵔⵙⴰⵍ ⵏ ⵓⵙⵙⵍⵎⴷ ⴰⵎⴰⵜⵜⵓⵢ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⴳⵎⴽ ⴰⵏⵏ ⴷ ⵜⵣⵣⵉⴳⵣⵜ ⵏ ⵜⵙⴷⴰⵡⵉⵜ ⵜⴰⵎⵖⵔⵉⴱⵉⵜ ⵜⵉⴳⴰⵔⵉⵡⵉⵏ ⴰⴷ ⴷ ⵓⴹⴼⵔ ⵏ ⵉⵙⵏⴼⵍⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ.
ⵖ ⵜⵙⴳⴰ ⵏⵏⵙ, ⵉⵙⵓⵜⴳ ⵎⴰⵙⵙ ⴼⴰⵔⵉⴷ ⵍⴱⴰⵛⴰ ⴰⵏⵎⵀⴰⵍ ⵏ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⵜⵉⵣⵔⴼⴰⵏⵉⵏ ⴷ ⵜⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴰⴳⴷⴰⵍ - ⵜⴰⵙⴷⴰⵡⵉⵜ ⵏ ⵎⵓⵃⴰⵎⵎⴰⴷ ⵡⵉⵙ ⵙⵎⵎⵓⵙ, ⴰⵣⵎⵎⴻⵎ ⵏ ⵜⵎⵢⴰⵇⵇⴰⵏⵜ, ⵍⵍⵉ ⵉⴳⴰⵏ ⵜⴰⵎⵣⵡⴰⵔⵓⵜ ⵍⵍⵉ ⵜⵙⴽⵔ ⵜⵖⵉⵡⴰⵏⵜ. ⵢⵉⵏⵉ ⴰⵣⵣⵉⴳⵣ ⵏ ⵓⵖⴰⵡⴰⵙ ⵏ ⵓⵙⵎⵖⵔ ⵏ ⵜⵖⵉⵡⴰⵏⵜ ⴳ ⵙⵉⵏ ⵉⵙⴳⴳⵯⴰⵙ ⴷ ⵢⵓⵛⴽⴰⵏ ⵙ ⵓⵏⵏⵓⵕⵥⵎ ⴼ ⵓⴷⵖⴰⵔ, ⴰⵢⵍⵍⵉ ⵉⵜⵜⴰⵡⵉⵏ ⵙ ⵓⵏⵢⴰⵍⴽⴰⵎ ⵊⴰⵔ ⴰⵙⵓⵊⴷ ⵏ ⵜⵓⵙⵙⵏⴰ ⴷ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ.
ⵎⵛⴰⵛⴽⴰⵏ ⴷ ⵙⵉⵏ ⵉⵎⵙⵜⴳⴳⴰⵔⵏ ⴰⴷ ⵜⵉⵍⵉ ⵜⵙⵇⵇⵉⵎⵜ ⵉⵛⵛⴰⵔⵏ ⵉ ⵓⴹⴼⵕ ⴷ ⵓⵙⵎⵀⵍ ⴷ ⵓⵣⵣⵔⴰⵢ ⵏ ⵉⵎⴰⴳⵔⴰⴷⵏ ⵏ ⵜⵎⵢⴰⵇⵇⴰⵏⵜ, ⴷ ⵓⵙⵓⵊⴷ ⵏ ⵜⵙⵓⵎⵔⵉⵏ ⴷ ⵉⵙⵏⴼⴰⵔⵏ ⵉⵎⴰⵙⵙⴰⵏⵏ ⵖ ⵉⴳⵔⴰⵏ ⵛⵛⴰⵔⵏⵉⵏ.