ⴰⵙⵇⵇⵉⵎ ⵏ ⵉⵎⵓⵔⴰ ⵉⵙⵖⵣⵏ ⵚⴹⵉⵚ ⵉⴹⵕⵉⵚⵏ ⵉⵣⵣⵔⴰⴼⵏ ⴳⵉⵙⵏ ⴽⵕⴰⴹⵜ ⵜⵙⵓⵎⵔⵉⵏ ⵏ ⵉⵙⵍⴳⵏⵏ
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵎⴰⴽⵕⴰⴹ, ⴰⵙⵉⵏⴰⵙ 22 ⴷⵓⵊⴰⵏⴱⵉⵔ 2020, ⴽⵕⴰⴹ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ ⵡⴰⴷⴷⴰⴷ ⵏ ⵉⵖⴰⵡⴰⵍⵏ ⵉⴷⵓⵙⴰⵏⵏ ⴷ ⵓⵙⵉⵡⴹ ⵏⵏⵙⵏ, ⵉⵔⴳⴰⵢⵏ ⵏ ⵜⴳⵔⴰⵡⵉⵏ ⵜⵉⴷⵖⴰⵔⴰⵏⵉⵏ ⴷ ⵜⵎⵔⴽⵉⵜ ⵏ ⵉⵖⵔⵔⵓⴱⴱⴰ, ⴷ ⴽⵕⴰⴹⵜ ⵜⵙⵓⵎⵔⵉⵏ ⴼ ⵉⴷⵖⴰⵔⵏ ⵏ ⵓⵙⵉⴼⴹ ⵉⵍⴻⵍⵍⵉ, ⴰⵙⵍⴳⵏ ⵏ ⵜⵡⵓⵔⵉ, ⴰⴼⵓⴽⴽⵓ ⵏ ⵓⵏⴳⵔⴰⵡ ⵏ ⵜⵏⵓⴼⴰ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵖ ⵜⵖⵉⵎⵉⵜⵉⵏ ⵜⵉⴳⴷⵓⴷⴰⵏⵉⵏ ⵍⵍⵉ ⵉⵙⵙⵉⵅⴼ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵙ ⵜⵉⵍⵉⵜ ⵏ ⵎⴰⵙⵙ ⵎⵓⵃⴰⵎⵎⴰⴷ ⴰⵎⴽⵔⴰⵣ ⴰⵎⴰⵡⵙⴰⵙ ⵏ ⵜⵡⵓⵔⵉ ⴷ ⵓⵙⵉⴷⴼ ⴰⵣⵣⵓⵍⴰⵏ, ⴷ ⵎⴰⵙⵙ ⵏⵓⵔⴷⴷⵉⵏ ⴱⵓⵟⵢⵢⵉⴱ ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵓⵎⴰⵡⵙⴰⵙ ⵏ ⵜⴳⵯⵏⵙⴰⵏⵜ.
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 63.20 ⴼ ⵓⵙⵖⵣⵏ ⵏ ⵓⵎⵕⵚⵓⵎ ⵙ ⵓⵙⵍⴳⵏ ⵓⵟⵟⵓⵏ 2.20.503 ⵏ 17 ⴷⵉ ⵍⵃⵉⵊⵊⴰ 1441 (7 ⵖⵓⵛⵜ 2020) ⵉ ⵓⵙⵎⴰⴷ ⵏ ⵓⵎⵕⵚⵓⵎ ⵙ ⵓⵙⵍⴳⵏ ⵓⵟⵟⵓⵏ 2.20.292 ⵏ 28 ⵕⴰⵊⴰⴱ 1441 (23 ⵎⴰⵕⵚ 2020) ⴼ ⵉⴱⴹⵉⵢⵏ ⵏ ⵡⴰⴷⴷⴰⴷ ⵏ ⵉⵖⴰⵡⴰⵍⵏ ⵉⴷⵓⵙⴰⵏⵏ ⴷ ⵓⵙⵉⵡⴹ ⵏⵏⵙⵏ, ⴷⴼⴼⵉⵔ ⵍⵍⵉⵖ ⴷ ⵜⵙⴼⴼⵓⵖ ⵜⵏⴱⴰⴹⵜ ⵖ 7 ⵖⵓⵛⵜ 2020 ⴰⵎⵕⵚⵓⵎ ⵙ ⵓⵙⵍⴳⵏ ⵖ ⵜⵉⵣⵉ ⵉⵍⵍⴰⵏ ⵏⴳⵔ ⵙⵏⴰⵜ ⵜⵙⵓⵜⵍⵉⵏ ⵜⵉⵣⵣⵔⴰⴼⵉⵏ, ⴰⵔ ⵉⵜⵜⵉⵏⵉ ⵓⵎⴰⴳⵔⴰⴷ 81 ⵏ ⵓⴷⵓⵙⵜⵓⵔ ⵎⴰⵙ ⴷ ⵉⵇⵇⴰⵏ ⵓⵙⵎⵏⵉⴷ ⵏⵏⵙⵏ ⵖ ⵓⴱⵕⵍⴰⵎⴰⵏ ⵖ ⵜⵙⵓⵜⵍⵜ ⴷ ⵢⵓⵛⴽⴰⵏ.
ⵖ ⵓⵙⵎⵏⵉⴷ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 07.20 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ ⵓⵟⵟⵓⵏ 47.06 ⴼ ⵉⵔⴳⴰⵢⵏ ⵏ ⵜⴳⵔⴰⵡⵉⵏ ⵜⵉⴷⵖⴰⵔⴰⵏⵉⵏ, ⵉⵏⵏⴰ ⵓⵎⴰⵡⵙⴰⵙ ⴰⵎⴰⵔⵉ ⵖⵔ ⵓⵎⴰⵡⵙⴰⵙ ⵏ ⵜⴳⵯⵏⵙⴰⵏⵜ ⵎⴰⵙ ⵉⵡⴰⵜⵜⵙ ⴰⵎⵙⴰⵛⴽⴰ ⵏ ⵓⵏⴳⵔⴰⵡ ⵏ ⵉⵔⴳⴰⵢⵏ ⵉⴷⵖⴰⵔⴰⵏⵏ ⴷ ⵉⵙⵏⴼⵍⵏ ⵏ ⵡⴰⵔ ⵜⴰⵏⴰⵎⵎⴰⵙⵜ ⵖ ⵍⵎⵖⵔⵉⴱ ⴷⴼⴼⵉⵔ ⵎⴰⴷ ⵍⵍⴰⵏ ⵉⵙⵍⴳⵏⵏ ⵉⵎⴰⴷⴷⴰⵙⵏ ⵏ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⵙⴳ 2015, ⵢⵉⵏⵉ ⵎⴰⵙ ⵉⴽⴽⴰ ⵓⵙⵏⴼⴰⵔ ⴰⴷ ⵉⵎⵛⴰⵡⴰⵕⵏ ⴷ ⵉⴳⵏⵙⴰⵙⵏ ⵏ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴷ ⴽⵓ ⵉⵎⵙⴽⴰⵔⵏ ⴷ ⵜⵙⴳⴳⵉⵡⵉⵏ ⵜⵀⵎⵎⴰ ⵜⵖⴰⵡⵙⴰ ⵏ ⵉⵔⴳⴰⵢⵏ ⵉⴷⵖⴰⵔⴰⵏⵏ, ⵙⵍⴰⵡⴰⵏ ⴰⴽⴽⵯ ⵉⴷⵎⵙⴰⵏⵏ. ⵉⴱⴷⴷ ⵓⵙⵏⴼⴰⵔ ⴰⴷ ⴼ ⵓⵙⵖⵓⴷⵓ ⵏ ⵉⵔⴳⴰⵢⵏ ⵉⴷⵖⴰⵔⴰⵏⵏ ⴷ ⵓⵣⵣⵔⴰⵢ ⵏ ⵜⵔⵙⴰⵍ ⵏⵏⵙⵏⵜ ⴷ ⵜⵉⵢⵢⴰⴹ.
ⵖ ⵓⵎⴹⴰⴽⴰⵕ ⴰⵎⴰⵜⴰⵢ, ⵙⵓⵜⴳⵏⵜ ⵜⵔⵓⴱⴱⴰ ⵏ ⵜⵓⴳⵜ ⴷ ⵜⵓⵣⵍⵜ ⵖ ⵓⵙⵇⵇⵉⵎ ⵏ ⵉⵎⵓⵔⴰ ⴰⴹⵕⵉⵚ ⴰⴷ ⵉⴳⴰⵏ ⵜⴰⵔⵙⵍⵜ ⵍⵍⵉ ⵔⴰⴷ ⵢⴰⵡⵙ ⵉ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⵖ ⵓⵙⵙⵥⵕⴼ ⵏ ⵉⵔⴳⴰⵢⵏ ⴷ ⵜⵙⵉⵎⴰⵏⵜ ⵖ ⵓⵎⵏⵉⴷ ⴰⴷ ⴷ ⵓⵙⵎⵖⵔ ⵏ ⵜⵉⵍⴰⵍ ⵏⵏⵙⵏⵜ ⵖ ⵜⴳⵎⵉ ⵜⴰⴷⵖⴰⵔⴰⵏⵜ, ⵖⵔⵉⵏ ⵉ ⵜⵖⵔⵉ ⵏ ⵓⵏⴳⵔⴰⵡ ⵏ ⵉⵔⴳⴰⵢⵏ ⵉⴷⵖⴰⵔⴰⵏⵏ ⵃⵎⴰ ⴰⴷ ⵢⵉⵍⵉ ⵓⵏⴳⵔⴰⵡ ⵖ ⵜⵍⵍⴰ ⵜⵣⵔⴼⵜ ⵏ ⵉⵔⴳⴰⵢⵏ ⴷ ⵓⵙⵙⵔⵇⴱ ⵏ ⵓⵙⵙⴰⵔⵓ. ⵖⵎⴽ ⴰⵏⵏ ⴷ ⵓⵙⵎⵖⵔ ⵏ ⵉⵔⴳⴰⵢⵏ ⴷ ⵓⵙⴷⵓⵙ ⵏ ⵜⵉⵕⵡⵉ ⴷ ⵓⴱⴰⴹ ⴷ ⵓⵙⵙⵔⵅⵓ ⵏ ⵜⴱⵔⵉⴷⵉⵏ ⴷ ⵓⵙⴷⵓⵙ ⵏ ⵡⴰⵎⵎⴰⴽ ⴰⵎⴰⵢⵏⵓ ⵏ ⵜⵏⴱⴰⴹⵜ ⴷ ⵓⵙⵖⵔⵜ ⵏ ⵉⵙⵓⴳⴰⵎ ⵉⵏⴼⴳⴰⵏⵏ.
ⵉⵙⵎⵏⵉⴷ ⵎⴰⵙⵙ ⴰⵎⵡⵙⴰⵙ ⵏ ⵜⵡⵓⵔⵉ ⴷ ⵓⵙⵉⴷⴼ ⴰⵣⵣⵓⵍⴰⵏ ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 69.18 ⴼ ⵜⵎⵔⴽⵉⵜ ⵏ ⵉⵖⵔⵔⵓⴱⴱⴰ, ⵍⵍⵉ ⴷ ⵢⵓⵛⴽⴰⵏ ⵃⵎⴰ ⴰⴷ ⵉⵍⵉⵏ ⵉⵣⵣⵔⴰⴼⵏ ⵖ ⵓⵎⵏⵉⴷ ⴰⴷ ⵖ ⵉⵟⵟⴰⴼ ⵍⵎⵖⵔⵉⴱ ⴰⵙⵓⵔⵙ ⵏⵏⵙ ⵖ ⵓⵏⴳⵔⴰⵡ ⴰⵢⵍⴰⵏ ⴷ ⵉⵙⵖⵡⴰⵏ ⵏⵏⵙ ⵎⵏⵉⴷ ⵏ ⵜⵎⵔⵙⴰⵍ ⵜⵉⴳⵔⴰⵖⵍⴰⵏⵉⵏ ⴷ ⵓⵙⴽⵔ ⵏ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵖ ⵓⵎⵏⵉⴷ ⵏ ⵢⵉⵍ. ⵉⵡⴰⵜⵜⵙ ⵓⵙⵏⴼⴰⵔ ⴰⴷ ⵉⵙⵔⵙ ⵉⵣⵣⵔⴰⴼⵏ ⵣⴷⵉⵏⵉⵏ ⴷ ⵜⵎⵔⴽⵉⵜ ⵏ ⵉⵖⵔⵔⵓⴱⴱⴰ ⴷ ⵓⵙⵉⴷⴼ ⵏ ⵉⵣⵣⵔⴰⴼⵏ ⵉⴳⵔⴰⵖⵍⴰⵏⵏ ⴼ ⵉⵍⵍⴰ ⵓⵙⵖⵣⵏ ⵖ ⵓⵙⴱⴷⴷⵉ ⵏ ⵜⵎⵔⴽⵉⵜ ⴷ ⵓⴼⵔⴰⴳ ⵏ ⵉⵙⵍⵎⴰⵏ ⴷ ⵉⵍ ⴷ ⵡⴰⵡⴰⵏⴰⴹ ⵏⵏⵙ ⵖ ⵍⵎⵖⵔⵉⴱ.
ⵖ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵉⵣⴷⵉⵏ ⴷ ⵜⵖⵔⵉ ⵏ ⵜⵙⵓⵎⵔⵉⵏ ⵏ ⵉⵙⵍⴳⵏⵏ, ⴼⴽⴰⵏⵜ ⵜⵔⵓⴱⴱⴰ ⵏ ⵜⵓⴳⵜ ⵜⴰⵙⵓⵎⵔⵜ ⵏ ⵓⵙⵍⴳⵏ ⴼ ⵓⵙⵏⴼⵍ ⵏ ⵓⵙⵍⴳⵏ ⵓⵟⵟⵓⵏ 19.94 ⴼ ⵉⴷⵖⴰⵔⵏ ⵏ ⵓⵙⵉⴼⴷ ⵉⵍⴻⵍⵍⵉ, ⵢⵉⵍⵉ ⵓⵙⵏⴼⵍ ⵏ ⵜⴳⵓⵔⵉ ⵏ “ⵉⴷⵖⴰⵔⵏ ⵏ ⵡⴰⵣⵣⴰⵣ ⴰⵎⴳⵓⵔⴰⵏ” ⵙ “ⵉⴷⵖⴰⵔⵏ ⵏ ⵓⵙⵉⴼⴹ ⵉⵍⴻⵍⵍⵉ” ⵖ ⵓⵣⵡⵍ ⴷ ⵉⵎⴰⴳⵔⴰⴷⵏ ⵏ ⵓⵙⵍⴳⵏ 19.94.
ⵙⵎⵏⵉⴷⵏⵜ ⵜⵔⵓⴱⴱⴰ ⵏ ⵜⵣⵔⴼⵜ ⴷ ⵜⴳⵎⵉ ⴷ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ ⵙⵏⴰⵜ ⵜⵙⵓⵎⵔⵉⵏ ⵏ ⵉⵙⵍⴳⵏⵏ ⵉ ⵓⵙⵏⴼⵍ ⵏ ⵓⵙⵍⴳⵏ ⵓⵟⵟⵓⵏ 65.99 ⵉⴳⴰⵏ ⴰⵙⵍⴳⵏ ⵏ ⵜⵡⵓⵔⵉ, ⵖ ⴳⴰⵏ ⵢⴰⵜ ⵜⵙⵓⵎⵔⵜ, ⵢⵉⵍⵉ ⵓⵎⵙⴰⵛⴽⴰ ⴷ ⵓⵙⵍⴳⵏ ⴰⵎⴰⵢⵏⵓ ⵓⵟⵟⵓⵏ 44.18 ⴼ ⵜⵏⵓⴼⴰ ⵜⴰⵙⵔⴷⴰⵙⵜ ⵍⵍⵉ ⴰⴷ ⵉⵣⵔⵉⵏ ⵢⵉⵍⵉ ⵖ ⵓⵖⵎⵉⵙ ⴰⵎⴰⴷⴷⵓⴷ, ⵖⵉⴽ ⴰⵏⵏ ⴰⴼ ⵉⵍⵍⴰ ⵓⵍⵇⵎ ⵏ ⵜⵏⴰⴼⵓⵜ ⵜⴰⵙⵔⴷⴰⵙⵜ, ⵉⵍⵉⵏⵜ ⵜⵖⴰⵡⵙⵉⵡⵉⵏ ⵍⵍⵉ ⵔⴰⴷ ⵉⴹⵎⵏ ⵜⴰⵡⵓⵔⵉ ⵖ ⵢⵉⴳⵔ ⵓⵙⵍⵉⴳ ⵉⵖ ⵜⴱⵉⴷⴷ ⵜⵎⵖⵓⵏⵜ ⵏ ⵜⵡⵓⵔⵉ ⵖ ⵜⵉⵣⵉ ⵏ ⵜⵏⴰⴼⵓⵜ ⵜⴰⵙⵔⴷⴰⵙⵜ.
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵓⵎⵔⵜ ⵏ ⵓⵙⵍⴳⵏ ⴼ ⵓⴼⵓⴽⴽⵓ ⵏ ⵜⵏⵓⴼⴰ ⵚⴰⵃⴰⵏⵉⵏ ⵉ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵙ ⵜⵓⵜⵔⴰ ⵏ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ, ⵍⵍⵉ ⴷ ⵢⵉⵡⵉⵏ ⴰⴷ ⵜⴱⴷⴷ ⵜⵡⵉⵙⵉ ⵖ ⵓⵏⴳⵔⴰⵡ ⵉⵜⵜⵓⵙⴽⴰⵔⵏ ⵉ ⵡⴰⵡⵜⵜⴰⵙ ⴰⴷ ⵙⴳ ⵉⵎⵓⵔⴰ ⴷ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵓⵙⴱⴷⴷⵉ ⵏ ⵜⵏⵓⴼⴰ ⵜⵜⵓⴼⴽⴰⵏⵉⵏ ⵙ ⵓⵏⴳⵔⴰⵡ ⴰⴷ.