ⴰⵙⵎⵏⵉⴷ ⵏ ⵎⴰⵙⵙⴰ ⵎⴰⵔⵢⴰⵎⴰ ⴱⵓⵊⵎⵄⴰ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴼ ⵜⵉⵍⴰⵍⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵖ ⵓⵙⴽⵔ ⵏ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ

ⵖ ⵓⵙⴽⵔ ⵏ ⵉⵙⵖⵡⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵍⵍⴰⵏⵉⵏ ⵖ ⵓⵖⴰⵡⴰⵙ ⵏⵏⵙ ⴼ ⵓⴱⵕⵍⴰⵎⴰⵏ ⵉⵏⵏⵓⵕⵥⵎⵏ, ⵖ ⵓⵙⴰⵜⵉ ⵏ ⵓⵏⵏⵓⵕⵥⵎ ⴼ ⵜⵎⵙⵎⵓⵏⵉⵏ ⵏ ⵡⴰⵎⵓⵏ ⴰⵖⵔⵎⴰⵏ, ⵜⴷⵔⵓ ⵎⴰⵙⵙⴰ ⵎⴰⵔⵢⴰⵎⴰ ⴱⵓⵊⵎⵄⴰ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵖ ⵜⵙⵓⵜⵍⵜ ⵏ ⵓⵙⵎⵓⵜⵜⴳ ⴼ ⵓⵙⴽⵔ ⵏ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ ⵖ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⵖ ⵜⵎⵏⴰⴹⵜ ⵏ ⵟⴰⵏⵊⴰ ⵜⵉⵟⵡⴰⵏ ⵍⵃⵓⵙⵉⵎⴰ ⵖ ⵟⴰⵏⵊⴰ ⴰⵙⵙ ⵏ 4 ⴷⵓⵊⴰⵏⴱⵉⵔ 2020, ⵍⵍⵉ ⵜⵙⵏⵎⴰⵍⴰ ⵜⴳⵔⴰⵡⵜ ⵜⴰⵎⵛⴰⵡⴰⵕⵜ ⵏ ⵡⴰⵎⵓⵏ ⴰⵖⵔⵎⴰⵏ ⴷ ⵢⵉⵙⴽⵉⵍ ⵖ ⵜⵎⵏⴰⴹⵜ ⴰⴷ ⴷ ⵜⵎⵔⵙⵍⵜ ⵜⴰⵍⵉⵎⴰⵏⵉⵜ ⴽⵓⵏⵔⴰⴷ ⵉⴷⵏⵀⴰⵡⵔ ⴷ ⵜⵎⵔⵙⵍⵜ ⵜⴰⵏⴰⵎⵎⴰⵙⵜ ⵉ ⵓⵎⵢⴰⵡⴰⵙ ⴷ ⵜⴳⵎⵉ, ⴳⵉⵙ ⴰⵙⵎⵏⵉⴷ ⵏ ⵜⵙⵏⵜⴰⵢⵉⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵖ ⵓⵙⴽⵔ ⵏ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ 2030 ⵙ ⵜⵉⵍⴰⵍ ⵏⵏⵙ ⵜⵉⵣⵣⵔⴰⴼⵉⵏ ⴷ ⵜⵉⴹⴰⴼ ⵏ ⵜⵡⵓⵔⵉ ⵏ ⵜⵏⴱⴰⴹⵜ ⴷ ⵓⵣⵣⵔⴰⵢ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵓⵙⵙⴰⵏ ⵏ ⵜⵖⵓⵔⵉ ⴷ ⵉⵏⵎⵓⵇⴰⵔⵏ ⵉⴳⵔⴰⵖⵍⴰⵏⵏ ⴷ ⵉⵙⴳⴰⵡⴰⵏⵏ ⴷ ⵉⵎⵏⵥⴰⵡⵏ.

ⵜⵙⴰⵡⵍ ⵎⴰⵙⵙⴰ ⵜⴰⵎⴰⵔⵉⵜ ⴼ ⵉⵙⵡⵓⴷⴷⵓⵜⵏ ⵜⵜⵓⵙⴽⴰⵔⵏⵉⵏ ⵖ ⵓⵙⴰⵜⵉ ⴰⵎⵔⵙⵍⴰⵏ ⵙ ⵓⵙⴽⵔ ⵏ ⴽⵉⴳⴰⵏ ⵏ ⵜⵔⵓⴱⴱⴰ ⵜⵉⵙⴳⵓⵎⴰⵏⵉⵏ ⵏ ⵜⵡⵓⵔⵉ ⴼ ⵓⵏⴳⵔⴰⵡ ⴰⴷⵓⵙⴰⵏ ⴷ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵓⵙⴰⵎⵓ ⴷ ⵢⵉⵙⴽⵉⵍ ⴷ ⵓⵣⵣⵔⴰⵢ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵖ ⵢⵉⴳⵔ ⵏ ⵓⵙⵙⵍⵎⴷ ⴰⵎⵏⵣⵓ. ⵖⵎⴽ ⴰⵏⵏ ⵓⵍⴰ ⵖ ⵢⵉⴳⵔ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⵙ ⵓⵙⴽⵔ ⵏ ⵜⵙⵇⵇⵉⵎⵜ ⵏ ⵜⵓⵜⵔⵉⵡⵉⵏ ⴷ ⵜⵓⵍⴽⵉⵎⵉⵏ ⵖ ⵓⵙⵇⵇⵉⵎ, ⴷ ⵉⵏⵎⵓⵇⴰⵔⵏ ⴷ ⵉⴳⵎⴰⵎⵏ ⵏ ⵡⴰⵎⵓⵏ ⴰⵖⵔⵎⴰⵏ, ⴷ ⵓⵙⴽⵔ ⵏ ⵓⵙⵉⵜ ⴰⵍⵉⴽⵟⵕⵓⵏⵉ ⵏ ⵓⵙⵇⵇⵉⵎ ⵖ ⵉⵍⵍⴰ ⵓⵏⵢⴰⵍⴽⴰⵎ ⴷ ⵉⵏⵎⵓⵔⴰⵏ ⵙ ⵜⵉⴽⴽⵉ ⵏ ⵉⵅⴼⴰⵡⴰⵍⵏ ⴼ ⵉⵙⵏⴼⴰⵔⵏ ⵏ ⵉⴹⵕⵉⵚⵏ ⵉⵣⵣⵔⴰⴼⵏ, ⴷ ⵓⵏⵢⵍⴽⴰⵎ ⵏ ⵉⵏⵎⵓⵔⴰⵏ ⴷ ⵉⴷ ⵎⴰⵙⵙ ⵉⵎⵓⵔⴰ.

ⵜⵜⵓⵙⴽⴰⵔⵏ ⵓⵍⴰ ⵖ ⵓⵙⵇⵇⵉⵎ ⵏ ⵉⵎⵓⵔⴰ ⴽⵉⴳⴰⵏ ⵏ ⵉⵎⵓⵙⵙⵓⵜⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ ⵖ ⵢⵉⴳⵔ ⵏ ⵜⴳⵎⵉ ⵜⴰⵙⵓⵍⵎⴰⵏⵜ:

• ⵜⴰⵙⵓⵜⵍⵜ ⵜⵉⵙ ⵚⴹⵉⵚⵜ ⴷ ⵎⵔⴰⵡⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ (22 ⵏⵓⵡⴰⵏⴱⵉⵔ 2019).
• ⵜⴰⵙⵎⵓⵏⵉ ⵜⵉⵙ ⴽⴽⵓⵥⵟ ⴷ ⵎⵔⴰⵡⵜ ⵏ ⵓⵥⵟⵟⴰ ⵏ ⵉⴱⵕⵍⴰⵎⴰⵏⵉⵢⵉⵏ ⵉⵏⴰⵎⵎⴰⵙⵏ ⵉ ⵜⴳⵎⵉ ⵜⴰⵙⵓⵍⴰⵏⵜ (17 ⴷⵓⵊⴰⵏⴱⵉⵔ 2019).
• ⴰⵙⵙ ⵏ ⵜⵖⵓⵔⵉ ⴼ ⵓⵏⴳⵔⴰⵡ ⵏ ⵓⴼⵔⴰⴳ ⴰⵏⴰⵎⵓⵏ ⵖ ⵍⵎⵖⵔⵉⴱ (25 ⴷⵓⵊⴰⵏⴱⵉⵔ 2019).
• ⵜⴰⵙⵎⵓⵏⵉ ⵜⴰⴱⵕⵍⴰⵎⴰⵏⵉⵜ ⴼ ⵓⵙⵖⵣⵏ ⵏ ⵓⵎⵇⵏ ⴰⴳⵔⴰⵖⵍⴰⵏ ⵏ ⵓⵣⵡⴰⴳ ⵏ ⵓⵙⴼⵍⵙ ⵉⴳⴰⴷⴷⴰⵏ (6-7 ⴷⵓⵊⴰⵏⴱⵉⵔ 2018).
• ⵜⵉⵏⴰⵡⵜ ⵜⴰⵏⴰⵎⵓⵔⵜ ⴼ ⵓⵙⵏⴼⴰⵔ ⵏ ⵓⵙⵍⴳⵏ ⴰⵙⴰⵜⵉ ⵉⵣⴷⵉⵏ ⴷ ⵓⵏⴳⵔⴰⵡ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ (23 ⴽⵟⵓⴱⵕ 2018).
• ⵜⴰⴷⵔⴰⵡⵜ ⵖ ⵓⵏⵎⵓⵇⴰⵔ ⴰⴱⵕⵍⴰⵎⴰⵏⵉ ⴰⴳⵔⴰⵖⵍⴰⵏ ⵡⵉⵙ ⴽⵕⴰⴹ ⴼ ⵉⵎⵏⵉⴷⵏ ⵏ ⵜⵣⵔⴼⵜ ⵜⴰⵏⴰⵎⵓⵏⵜ ⴷ ⵜⵙⵓⵎⵔⵉⵏ ⵏ ⵡⴰⵏⴰⵡ ⴰⵏⴳⵎⵓ ⴰⵎⴰⵢⵏⵓ (19 ⴱⵕⴰⵢⵕ 2020).
• ⴰⵏⵎⵓⵇⴰⵔ ⴰⵎⵛⴰⵡⴰⵕ ⴰⴱⵕⵍⴰⵎⴰⵏⵉ ⴰⴼⵔⵉⵇⵉ ⴼ : “ⴰⵏⵣⵡⵉ ⴷ ⵜⴳⵎⵉ ⵜⴰⵙⵓⵍⴰⵏⵜ ⵙⴳ ⵜⵎⵢⴰⵇⵇⴰⵏⵉⵏ ⴰⵔ ⵜⴰⵡⵓⵔⵉ: ⴰⵙⵎⴰⵇⵍ ⵏ ⵉⴱⵕⵍⴰⵎⴰⵏⵉⵢⵉⵏ ⵉⴼⵔⵉⵇⵉⵢⵏ (17 ⴽⵟⵓⴱⵕ 2017).
• ⴰⵙⵙ ⵏ ⵜⵖⵓⵔⵉ ⵏ ⵜⵙⵇⵇⵉⵎⵜ ⵜⴰⵙⴳⵓⵎⴰⵏⵜ ⵏ ⵓⵙⴰⵎⵓ ⴷ ⵢⵉⵙⴽⵉⵍ ⴼ “ⵜⴰⵎⵙⴰⵙⵜⵍⵜ ⵏ ⵡⴰⵏⴰⵡ ⴰⵏⴰⵎⵓⵏ”.

ⵜⵙⵉⵙⴼⵉⵡ ⵎⴰⵙⵙⴰ ⴱⵓⵊⵎⵄⴰ ⵎⴰⵙ ⴷ ⵙ ⵜⵉⵍⴰⵍ ⵏⵏⵙ ⵣⴷⵉⵏⵉⵏ ⴷ ⵓⵙⵔⵙ ⵏ ⵉⵣⵣⵔⴰⴼⵏ ⴷ ⵓⵙⵓⵊⴷ ⵏ ⵜⵎⵙⴰⵙⵜⵍⵉⵏ, ⵉⵙⵡⵓⵔⵉ ⵓⵙⵇⵇⵉⵎ ⵏ ⵉⵎⵓⵔⴰ ⵖ ⵜⵡⵓⵔⵉⵡⵉⵏ ⵏ ⵓⴹⴼⵕ ⵏ ⵓⵣⵣⴳⵉⵔ ⵏ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ ⵙ ⵉⵎⴰⵙⵙⵏ ⵏ ⵜⵉⴹⴰⴼ ⵏ ⵜⵡⵓⵔⵉ ⵏ ⵜⵏⴱⴰⴹⵜ ⴷ ⵓⵣⵣⵔⴰⵢ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⴷ ⵜⴷⵔⴰⵡⵜ ⵏ ⵓⴱⵕⵍⴰⵎⴰⵏ ⵖ ⵓⵙⵎⵏⵉⴷ ⴰⵏⴰⵎⵓⵔ ⵏ ⵓⵙⴽⵔ ⵏ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ ⴷ ⵓⵙⵓⵊⴷ ⵏ ⵓⵖⴰⵡⴰⵙ ⵏ ⵜⵡⵉⵙⵉ ⵖ ⵓⵙⴼⵔⴽ ⵙ ⵡⴰⵜⵉⴳ ⵏ ⵜⵓⵙⵙⵏⴰ ⵏ ⵉⴷ ⵎⴰⵙⵙ ⵉⵎⵓⵔⴰ ⵏ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ ⴷ ⵉⵎⴰⵙⵙⵏ ⵏ ⵓⴹⴼⵕ ⵏ ⵓⵣⵣⴳⵉⵔ ⵏⵏⵙ ⵙⴳ ⵜⵎⵙⵎⵓⵏⵉⵏ ⵏ ⵡⴰⵎⵓⵏ ⴰⵖⵔⵎⴰ ⴷ ⵉⵏⵎⵓⵔⴰⵏ ⵙ ⴰⵢⵍⵍⵉ ⵉⵍⵍⴰⵏ ⵖ ⵓⵖⴰⵡⴰⵙ ⵏ ⵓⴱⵕⵍⴰⵎⴰⵏ ⵉⵏⵏⵓⵕⵥⵎⵏ.