ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⴼⵓⴳⵍⴰ ⵏ ⵜⵉⴽⴽⵉ ⵏ ⵜⵙⵎⵖⵓⵔⵜ ⵏ ⵜⵏⵖⵎⴰⵙⵜ ⵜⴰⴱⵕⵍⴰⵎⴰⵏⵉⵜ

ⵙⵉⵙⵎ ⵏ ⵕⴱⴱⵉ, ⵜⴰⵥⴰⵍⵍⵉⵜ ⴷ ⵓⴼⵔⴰ ⴼ ⵓⵕⵇⵇⴰⵚ ⵏⵏⵙ

* ⵎⴰⵙⵙ ⴰⵎⴰⵔⴰ ⴰⵎⴰⵜⴰⵢ ⵏ ⵜⵎⴰⵡⴰⵙⵜ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ ⵉⵜⵜⴰⵡⵇⵇⴰⵔⵏ;

* ⵎⴰⵙⵙ ⴰⵙⵍⵎⴰⴷ ⵍⵊⵉⵍⴰⵍⵉ ⴱⵏⵃⵍⵉⵎⴰ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵏⴼⴳⵓⵔⵜ;

* ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵏ ⵜⵏⴼⴳⵓⵔⵜ ⵜⵜⴰⵡⵇⵇⴰⵔⵏⵉⵏ;

* ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵏⵙⴰⵙⵏ ⵏ ⵉⵎⴰⵙⵙⵏ ⵏ ⵓⵙⵏⵖⵎⵙ ⵜⵜⴰⵡⵇⵇⴰⵔⵏⵉⵏ;

* ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ.

ⴳⵜⵣⵡⵉⵔⵉ, ⵉⵙⵙⵓⵙⵎ ⵉⵢⵉ ⴰⴷ ⵙⵔⵓⵏ ⵙⴱⵔⵔⴽⵖ ⵙ ⵉⵙⵎ ⵉⵏⵓ ⴷ ⵉⵙⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⴼⵓⴳⵍⴰ ⴰⴷ ⵍⵍⵉ ⴱⴷⴷⴰ ⵏⵙⵎⴰⵍⴰ ⴽⵓ ⴰⵙⴳⴳⵯⴰⵙ ⵉ ⵓⵙⵎⵖⵔ ⴷ ⵓⵙⵙⵔⵇⴱ ⵏ ⵜⵎⵖⴰⵔⵉⵏ ⴷ ⵉⵔⴳⴰⵣⵏ ⵏ ⵓⵏⵙⵏⵖⵎⵙ ⴰⵏⴰⵎⵓⵔ ⴷ ⵓⵙⵙⵏ ⵏ ⵜⵓⴳⴳⵯⴰⵙ ⵏⵏⵙ ⴳ ⵓⴹⴼⵕ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵓⵙⵙⵍⴽⵎ ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ ⵉ ⵎⴰⵕⵕⴰ ⵉⵏⵎⵓⵔⴰⵏ ⴷ ⵜⵏⵎⵓⵔⴰⵢⵉⵏ.

ⵖⵎⴽ ⵍⵍⵉ ⵜⵙⵙⵏⵎ, ⵜⵜⵓⵙⴽⴰⵔ ⵜⵙⵎⵖⵓⵔⵜ ⵏ ⵜⵏⵖⵎⴰⵙⵜ ⵜⴰⴱⵕⵍⴰⵎⴰⵏⵉⵜ ⵙ ⵓⵎⵙⴰⵙⴰ ⴷ ⵓⵎⵏⵏⵉ 136 ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ. ⵙ ⵜⵎⵍⴷⴰ ⴰⴷ, ⴰⵔ ⵙⵏⵉⵎⵎⵉⵔⵖ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵖⵎⴰⵙⵏ ⵍⵍⵉ ⵙⵎⵏⵉⴷⵏⵉⵏ ⵉⵙⴷⴰⵡⵏ ⵏⵏⵙⵏ ⵉ ⵜⵙⵎⵖⵓⵔⵜ ⴰⴷ ⵜⴰⴱⵕⵍⴰⵎⴰⵏⵉⵜ ⴳ ⵓⵙⴳⴳⵯⴰⵙ ⵏ 2023 ⴳ ⵜⵙⵓⵜⵍⵜ ⵜⵉⵙ ⴽⵕⴰⴹⵜ. ⴷⴰ ⵙⵓⵜⴳⵖ ⵜⴰⵎⴷⵔⴰⵡⵜ ⵉⵥⵉⵍⵏ ⵉⵍⵍⴰⵏ ⴳ ⵜⵙⵓⵜⵍⵜ ⴰⴷ ⵙ ⵓⵎⵣⴰⵣⴰⵍ ⴷ ⵙⵏⴰⵜ ⵜⵙⵓⵜⴰⵍ ⵣⵔⵉⵏⵉⵏ, ⴰⵔ ⵉⵎⵎⴰⵍ ⵎⴰ ⴰⴷ ⴰⵅⵎⵎⴻⵎ ⵉⴳⴳⵓⵜⵏ ⵍⵍⵉ ⵢⴰⴽⴽⴰ ⵓⵙⵏⵖⵎⵙ ⴰⵏⴰⵎⵓⵔ ⵉ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ.

ⴰⵙⵏⵉⵎⵎⵔ ⴷ ⵓⵙⵓⵜⴳ ⵉⵏⵓ ⵉ ⵎⴰⵙⵙ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵏⴼⴳⵓⵔⵜ ⵎⴰⵙⵙ ⵍⵊⵉⵍⴰⵍⵉ ⴱⵏⵃⵍⵉⵎⴰ ⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵎⴰⵙⵙⴰ ⴼⴰⵟⵉⵎⴰ ⴰⵏⵊⴷⴰⵎ, ⵎⴰⵙⵙⴰ ⵏⴰⴷⵢⴰ ⵍⵎⵀⵉⴷⵉ, ⵎⴰⵙⵙ ⵄⴰⴱⴷⵕⵕⴰⵃⵎⴰⵏ ⵍⵄⴰⴷⴰⵡⵉ, ⵎⴰⵙⵙ ⵟⵟⴰⵢⵢⵉⴱ ⴷⴽⴽⴰⵔ, ⵍⵍⵉⵖ ⵇⴱⵍⵏ ⴰⴳ ⵉⵍⵉⵏ ⴳ ⵜⵏⴼⴳⵓⵔⵜ ⵏ ⵜⵙⵎⵖⵓⵔⵜ ⴰⴷ ⵍⵍⵉ ⴰⵙⵏ ⵢⵉⵡⵉⵏ ⵜⵓⴳⴳⵯⴰⵙ ⴷ ⵓⵣⵎⵣ ⵉⴳⴳⵓⵜⵏ ⵎⵇⵇⴰⵔ ⵉⵙⵖⴰⵡⵏⵏ ⵏⵏⵙⵏ ⵉⵣⵣⵓⵍⴰⵏⵏ ⴷ ⵉⵏⵉⵎⴰⵏⵏ. 

ⴷⴰ ⵙⵓⵜⴳⵖ ⵓⵍⴰ ⵜⵓⵜⵔⴰ ⵍⵍⵉ ⵙⵎⵏⵉⴷⵏ ⴳ ⵜⵣⵡⵉⵔⵉⵏ ⵜⵡⵓⵔⵓⵉⵏ ⵏ ⵜⵙⵇⵇⵉⵎⵜ ⵉ ⵓⵙⵔⵅⵓ ⵏ ⵜⴼⴰⴷⵉⵡⵉⵏ ⵏ ⵜⴷⵔⴰⵡⵜ ⴳ ⵜⵙⵎⵖⵓⵔⵜ ⴳ ⵎⴰⴷ ⵉⵥⵍⵉⵏ ⵙ ⵜⴽⵕⴹⴰ ⵏ ⵜⵏⵖⵎⴰⵙⵜ ⵖⴰⵙ ⵏ ⵓⵙⴳⴳⵯⴰⵙ ⴰⴷ ⴱⵍⴰ ⴽⵕⴰⴹ ⵉⵙⴳⴳⵯⴰⵙⵏ ⵉⵎⴳⴳⵓⵔⴰ, ⵜⴰⵙⵉⵎⵔⵜ ⵏⵏⵉⵜ ⵍⵍⵉ ⵏⵇⴱⵍ ⴷ ⵓⵍⴳⴳⵓⴷ.

* ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵜⴰⵡⵇⵇⴰⵔⵏⵉⵏ,

* ⵡⵉⴷⴰ ⵃⴰⴹⵕⵏⵉⵏ;

ⴰⵔ ⵢⴰⴽⴽⴰ ⵓⵙⵇⵇⵉⵎ ⵏ ⵉⵎⵉⵔⴰ ⴰⵜⵉⴳ ⴰⵎⵇⵔⴰⵏ ⵉ ⵓⵙⵎⵖⵔ ⵏ ⵓⵙⵏⵖⵎⴰⵙ ⴰⵏⴰⵎⵓⵔ ⵍⵍⵉ ⵉⴳⴰⵏ ⴰⵎⴷⵔⴰⵡ ⵏ ⵜⵉⴷⵜ ⵉⵜⵜⴰⵡⵙⵏ ⴳ ⵓⵙⵎⵖⵔ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⵏⵙⵓⵏⴼⴰ ⴷ ⵏⴱⵓⵔⵣ ⵙ ⵜⵓⴷⵉⵙⵉ ⵉⵣⵣⵉⴳⵣⵏ ⵏ ⵜⵣⴷⴰⵢⵜ ⴰⴷ ⴰⵙⵙ ⴼ ⵡⴰⵙⵙ, ⴰⵢⵍⵍⵉ ⴳⵉⴳⵏⵖ ⵉⵙⵉⴳⴳⵉⵍⵏ ⴰⵙⵡⵓⵔⵉ ⵉ ⵓⵙⴷⵓⵙ ⵏⵏⵙ.

ⴳ ⵓⵙⴰⵜⵉ ⴰⴷ, ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⵏ ⵜⵖⵔⵉ ⵉⵙⵜⴰⵡⵀⵎⵎⴰⵏ ⴳ ⵡⴰⵢⵢⵓⵔ ⵏ ⴷⵓⵊⴰⵏⴱⵉⵔ 2022 ⵅⴼ: “ⴰⵙⵏⵖⵎⵙ ⴰⵏⴰⵎⵓⵔ ⴷ ⵡⴰⵎⵓⵏ”, ⵍⵍⵉⵖⴷⵔⵓⵏ ⴽⵉⴳⴰⵏ ⵉⴳⵯⵏⵙⴰⵙⵏ ⵏ ⵉⵎⴰⵙⵙⵏ ⵏ ⵓⵙⵏⵖⵎⵙ ⴰⵏⴰⵎⵓⵔ, ⵢⴰⵡⵉ ⴷ ⵉⵙⵖⵍⴰⴼ ⵍⵍⵉ ⴷ ⵜⵇⵇⴰⵏ ⵜⴰⵔⵓⵔⵜ ⴳ ⵜⵉⵍⴰⵡⵜ ⵉ ⵓⵙⵎⵖⵔ ⵏ ⵜⵣⵣⵓⵍⵜ ⵏ ⵜⵏⵖⵎⴰⵙⵜ ⴳ ⵓⵙⴰⵜⵉ ⵏ ⵜⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⵏⵖⵎⴰⵙⵉⵏ ⵜⵉⵣⵣⵍⵓⴰⵏⵉⵏ ⴷⵓⵙⵏⵉⵏ.

ⴷⴰ ⵙⵎⴰⵢⵏⵓⵖ ⴰⵙⴷⴷⵉⴷ ⵏ ⵓⵏⵏⵓⵕⵥⵎ ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ ⴼ ⵎⴰⵕⵕⴰ ⵉⵎⵙⴽⴰⵔⵏ ⴳ ⵢⵉⴳⵔ ⴰⵏⵖⵎⴰⵙ, ⵏⵎⵎⴰⵖ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵙⵡⵓⵔⵉ ⴰⴽⴷ ⵉⴳⵏⵙⴰⵙⵏ ⵏ ⵉⵎⴰⵙⵙⵏ ⵓⵙⵏⵖⵎⵙ ⴰⵏⴰⵎⵓⵔ ⵉ ⵓⵙⵖⵓⴷⵓ ⵏ ⵉⵙⵍⴳⵏⵏ ⵙⵏⵎⴰⵍⴰⵏⵉⵏ ⵉⴳⵔⴰ ⴷ ⵜⵏⵖⵎⴰⵙⵜ ⴷ ⵓⵙⵏⵖⵎⵙ ⵍⵍⵉ ⴳⴰⵏⵉⵏ ⵜⴰⵏⴰⴼⵜ ⵜⴰⴳⴷⵓⴷⴰⵏⵜ ⵉⵎⵎⴰⵍⴰⵏ ⵜⴰⴼⵔⴽⴰ ⵙⴳ ⵜⴼⵔⴽⵉⵡⵉⵏ ⵏ ⵜⵣⵣⵉⴳⵣⵜ ⵏ ⵜⵎⵜⵜⵉ.

ⵏⴼⵔⴽ ⴰⴼⵔⴰⴽ ⵉⴳⴳⵓⵜⵏ ⵙ ⵜⵏⴰⵥⴰⵕⵉⵏ ⴷⴰⵜ ⵏ ⵓⵙⵏⵖⵎⵙ ⴰⵏⴰⵎⵓⵔ, ⵙⵍⴰⵡⴰⵏ ⴰⴽⴽⵯ ⵜⵉⴷ ⵣⴷⵉⵏⵉⵏ ⴷ ⵓⵙⵖⵔⵜ ⵏ ⵓⵙⵏⵖⵎⵙ ⴰⵏⴰⵎⵓⵔ ⵙ ⵎⴰⵔⵔⴰ ⴰⵏⴰⵡⴰⵏ ⵏⵏⵙ, ⵏⴰⵎⵥ ⵚⴰⵃⴰ ⵙⴳ ⵓⵙⵎⴰⵜⵜⵉ ⴰⵎⵓⵟⵟⵓⵏ, ⴷ ⵓⵚⴽⵓ ⵏ ⵓⵎⵏⴰⴷ ⴰⵎⴰⵜⴰⵢ ⴰⵏⴰⵎⵓⵔ ⵉⴼⵔⴽⵏ, ⴷ ⵜⵎⵙⴽⵔⵜ ⵜⴰⵏⵖⵎⴰⵙⵜ ⵉⵖⵣⴰⵏⵏ, ⴷ ⵓⵙⵖⵓⴷⵓ ⵏ ⵉⵙⵓⵔⵙⵏ ⵉⵏⴰⵎⵓⵔⵏ ⵏ ⵉⵎⵙⵡⵓⵔⵉⵢⵏ ⴳ ⵢⵉⴳⵔ ⴰ, ⴷ ⵓⵙⵎⵓⵜⵜⴳ ⵉⵙⵓⵍⵏ ⵉ ⵚⴰⵃⴰ ⵏ ⵜⵎⵖⴰⵔⵉⵏ ⴷ ⵉⵔⴳⴰⵣⵏ ⵏ ⵓⵙⵏⵖⵎⵙ.

ⵎⴽ ⵍⵍⵉ ⴰⵡⵏ ⵏⴻⵏⵏⴰ ⴳ ⵓⵙⴳⴳⵯⴰⵙ ⵍⵍⵉ ⵉⵣⵔⵉⵏ, ⵏⵙⵏⵏⵜⵉ ⵙ ⵓⵣⴷⴰⵢ ⵊⴰⵔ ⵉⵙⵉⵔⴰⵜⵏ ⵏ ⵉⵙⵇⵇⵉⵎⵏ ⴳ ⵜⵙⵏⵙⵉ ⵏ ⵜⴱⵔⵉⴷⵜ ⵜⴰⵎⴰⵢⵏⵓⵜ ⵏ ⵓⵙⵖⵣⵏ ⵏ ⵉⵏⵖⵎⴰⵙⵏ ⴳ ⵓⴱⵕⵍⴰⵎⴰⵏ, ⵔⴰⴷ ⵏⵙⴽⵔ ⵜⵉⵙⵓⵜⴰⵍ ⵏ ⵓⵙⵎⵓⵜⵜⴳ ⵉ ⵉ,ⵖⵎⴰⵙⵏ ⵙ ⵎⴰⴷ ⵔⴰⵏ ⴷ ⵎⴰⴷ ⵙⵉⴳⴳⵉⵍⵏ, ⵏⴻⵏⵏⵓⵕⵥⵎ ⴰⴽⴽⵯ ⴼ ⵜⵙⵓⵎⴰⵔ ⵡⴰⵜⵜⵙⵏⵉⵏ ⴰⵙⵎⵀⵍ ⴷ ⵓⵙⵖⵓⴷⵓ ⵏ ⵜⵡⵓⵔⵉ ⵜⴰⵏⵖⵎⴰⵙⵜ ⵜⴰⴱⵕⵍⴰⵎⴰⵏⵉⵜ ⵙⵍⵡⴰⵏ ⴰⴽⴽⵯ ⴳ ⵓⵙⵇⵇⵉⵎ ⵏ ⵉⵎⵉⵔⴰ.

ⵔⴰⴷ ⵉⵣⵣⵉⴳⵣ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵙⵔⵜⵉⵜ ⵏⵏⵙ ⵏ ⵓⵎⵢⴰⵡⴰⴹ ⵉⵕⵡⴰⵏ ⵉⴳⴰⵏ ⵜⴰⵎⵣⴰⵔⵓⵜ ⵃⵎⴰ ⴰⴷ ⵉⴼⴽ ⴰⵏⵖⵎⵉⵙ ⵉ ⵜⵏⵖⵎⴰⵙⵉⵏ ⴷ ⵉⵏⵖⵎⴰⵙⵏ ⴳ ⵜⵎⵏⵜⵍⵉⵏ ⵥⵉⵍⵏⵉⵏ ⴷ ⵓⵍⴳⴳⵓⴷ, ⴰⵡⵜⵜⴰⵙ ⵏⵏⵖ ⴰⵙⵉⵍⴰⵏ ⴰⴷ ⵏⵚⴽⵓ ⵜⴰⵎⴷⵔⴰⵡⵜ ⵉⴷⵓⵙⵏ ⴳ ⵓⵙⴰⵜⵉ ⵏ ⵓⵡⵇⵇⵔ ⵏ ⵉⵙⵍⴳⵏⵏ ⵍⵍⴰⵏⵉⵏ ⴷ ⵜⵖⴰⵔⵉⵡⵉⵏ ⵏ ⵜⵣⵣⵓⵍⵜ.

ⴳⵜⴳⵉⵔ, ⴷⴰ ⵔⵣⵣⴼⵖ ⵡⵉⴷ ⵉⵡⵉⵏⵉⵏ ⵜⴰⵙⵎⵖⵓⵔⵜ ⵏ ⵜⵏⵖⵎⴰⵙⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⴳⴳⵯⴰⵙ ⴰⴷ, ⵏⵏⵓⵔⵣⵖ ⴰⵙⵏ ⴰⵏⵏⴰⵣ ⴷ ⵓⵎⵓⵔⵙ ⴳ ⵜⵙⵎⵉⴳⴰⵍ ⵏⵏⵙⵏ ⵥⵉⵍⵏⵉⵏ, ⵏⴽⴽⵯⵏⵉ ⵏⴼⵔⴽ ⵙ ⵜⵡⵉⵣⵉ ⵏ ⵉⴳⵔ ⵏ ⵜⵏⵖⵎⴰⵙⵜ ⴷ ⵓⵙⵏⵖⵎⵙ ⴳ ⵓⵙⴷⵓⵙ ⵏ ⵓⵚⴽⵓ ⴰⴷⵉⵎⵓⵇⵔⴰⵟⵉ ⴳ ⵜⵎⴰⵣⵉⵔⵜ ⵏⵏⵖ ⴷ ⵓⵙⴽⵔ ⵏ ⵜⴳⵎⵉ ⵜⴰⵎⴰⵜⴰⵢⵜ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.

ⵜⴰⵏⵎⵎⵉⵔⵜ ⴼ ⵓⵙⵙⴼⵍⴷ ⵏⵏⵓⵏ