ⴰⵙⵉⵔⴰ(2016-2021):
ⴰⵙⵉⵡⴹ ⵏ ⵜⵙⵎⵓⵏⵉ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 9 ⵢⵓⵏⵢⵓ 2020
ⵉⵙⵏⵎⴰⵍⴰ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵎⵉⵏⵉ ⵏⵏⵙ ⵜⴰⵏⵎⵍⴰⵙⵙⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⵙⵙ ⵏ ⵓⵙⵉⵏⴰⵙ 9 ⵢⵓⵏⵢⵓ 2020, ⵉⵥⵍⵉ ⵓⵖⴰⵡⴰⵙ ⵏ ⵜⵡⵓⵔⵉⵡⵉⵏ ⵏⵏⵙ ⵉ ⵜⵉⴹⴰⴼ ⴷ ⵓⵣⵣⵔⴰⴼ.
ⵖ ⵜⵡⵓⵔⵉ ⵏ ⵓⵣⵣⵔⴰⴼ, ⵉⵙⵔⵙ ⵓⵙⵉⵔⴰ ⵏ ⵓⵙⵇⵇⵉⵎ ⴰⵙⴰⴽⵓⴷ ⵉⴳⴳⵓⵔⴰⵏ ⵏ ⵜⵖⵉⵎⵉⵜ ⵉⵥⵍⵉⵏ ⵙ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵣⴷⵉⵏ ⴷ ⵜⵙⵔⵜⵉⵜ ⵜⴰⵎⴰⵜⴰⵢⵜ ⴼ ⵉⵎⵔⵙⵉ ⵏ ⵓⵖⴰⵡⴰⵙ ⵓⵏⴱⵉⴹ ⴼ ⵓⵙⴰⵍⵉ ⵏ ⵓⵥⵍⴰⵢ ⴰⴷⵓⵙⴰⵏ, ⴰⵙⵙ ⵏ ⵓⴽⵕⴰⵙ 10 ⵢⵓⵏⵢⵓ ⵖ ⵜⵙⵔⴰⴳⵜ ⵜⵉⵙ ⴽⵕⴰⴹⵜ ⵏ ⵜⵣⴷⵡⵉⵜ.
ⵖⵎⴽ ⵍⵍⵉ ⵉⵙⵔⵙ ⵓⵙⵉⵔⴰ ⵏ ⵓⵙⵇⵇⵉⵎ ⴰⵖⴰⵡⴰⵙ ⵉⵥⵍⵉⵏ ⵙ ⵜⵖⵉⵎⵉⵜⵉⵏ ⵜⵉⵏⵎⵍⴰⵙⵙⵉⵏ ⵏ ⵉⵙⵇⵙⵉⵜⵏ ⵉⵎⵉⵡⴰⵏⵏ, ⵔⴰⴷ ⵢⵉⵍⵉ ⵓⵙⵖⵉⵡⵙ ⵏ ⴽⵕⴰⴹ ⵉⴳⵔⴰⵏ ⵖ ⴽⵔⴰⵢⴳⴰⵜⵜ ⵜⵉⴳⵉⵡⵔⵜ ⵙ ⵉⵙⵇⵙⵉⵜⵏ ⵍⵍⵉ ⴷ ⵉⴹⴼⵕ ⵓⵎⴹⴰⴽⴰⵕ, ⵉⵜⵜⵔⵙ ⵓⵖⴰⵡⴰⵙ ⵏ ⵜⵡⵓⵔⵉ ⵉ 15 ⵢⵓⵏⵢⵓ ⵉ ⵉⴳⵔⴰⵏ ⵏ : ⵜⴳⵯⵏⵙⴰⵏⵜ ⴷ ⵜⵙⴱⴷⴰⴷⵉⵏ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⴷ ⵜⵣⵔⴼⵜ.
ⵖ ⵜⵙⵎⵓⵏⵉ ⴰⴷ, ⵉⵣⵣⵔⵉ ⵓⵙⵉⵔⴰ ⵏ ⵓⵙⵇⵇⵉⵎ ⴽⵓ ⵜⵉⵖⵉⵎⵉⵜⵉⵏ ⵜⵉⵏⵎⵍⴰⵙⵙⵉⵏ ⵍⵍⵉ ⵉⵙⴽⵔ ⵓⵙⵇⵇⵉⵎ ⵙⴳ ⵓⵙⵏⵜⵉ ⵏ ⵓⵥⵍⴰⵢ ⴰⴷⵓⵙⴰⵏ ⴷ ⵡⴰⴷⴷⴰⴷ ⵏ ⵉⵖⴰⵡⴰⵍⵏ ⵉⴷⴰⵡⵙⴰⵏⵏ, ⵉⵙⴷⴷⵉⴷ ⴼ ⵓⵖⵓⴷⵓ ⴷ ⵜⵉⵕⵡⵉ ⵏ ⵜⵎⵢⴰⴷⴰⵙⵉⵏ ⵍⵍⵉ ⵙ ⵉⵙⵡⵓⵔⵉ ⵖ ⵓⵙⵏⵎⴰⵍⴰ ⴷ ⵜⴷⵔⴰⵡⵜ ⵜⴰⵙⵔⵜⴰⵏⵜ ⵉⵕⵡⴰⵏ ⵍⵍⵉ ⴹⴼⵕⵏ ⵉⵏⵎⵓⵔⴰⵏ ⵙ ⴽⵉⴳⴰⵏ ⵏ ⵓⵅⵎⵎⴻⵎ.
ⵉⵙⴷⴷⵉⴷ ⵓⵙⵉⵔⴰ ⵏ ⵓⵙⵇⵇⵉⵎ ⵎⴰⵙ ⴷ ⵉⵇⵇⴰⵏ ⵓⵙⵎⵖⵔ ⵏ ⵢⵉⴳⵔ ⵏ ⵜⵉⴽⴽⵉ ⵏ ⵉⵙⵇⵙⵉⵜⵏ ⵉ ⵜⵏⴱⴰⴹⵜ ⵖ ⴽⵕⴰⴹ ⵉⴳⵔⴰⵏ, ⴰⵢⵍⵍⵉ ⵔⴰⴷ ⵢⴰⵡⵙ ⵉ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵎⴰⵎⵏ ⵏ ⵓⵙⵇⵇⵉⵎ ⴰⴷ ⴷⴰⵔⵙⵏ ⵜⵉⵍⵉ ⵢⴰⵜ ⵜⵓⵙⵙⵏⴰ ⵉⵙⵎⴷⵏ ⴼ ⴽⵓ ⵜⵎⵙⴰⵔⵉⵏ ⴷ ⵉⵅⵎⵎⵉⵎⵏ ⵀⵎⵎⴰⵏⵉⵏ ⵓⴳⴳⴰⵔ ⵏ ⵢⴰⵏ ⵉⴳⵔ; ⴰⵢⵍⵍⵉ ⵔⴰⴷ ⵢⴰⵡⵙ ⵓⵍⴰ ⴰⴷ ⵜⵉⵍⵉ ⵜⵓⵙⵙⵏⴰ ⵙⵇⵇⵉⵇⵏ ⵏ ⵜⵎⵙⴰⵔⵉⵏ ⴷ ⵉⵅⵎⵎⵉⵎⵏ ⵏ ⵉⵏⵎⵓⵔⴰⵏ ⵖ ⵜⵎⵙⵓⵜⵍⵉⵏ ⵥⵍⵉⵏⵉⵏ ⵖ ⵉⴷⴷⵔ ⵓⵎⴰⴹⴰⵍ ⵓⵍⴰ ⵜⴰⵎⴰⵣⵉⵔⵜ ⵏⵏⵖ.
ⵖⵎⴽ ⵍⵍⵉ ⵉⵣⵎⵎⵉⵎ ⵓⵙⵉⵔⴰ ⵏ ⵓⵙⵇⵇⵉⵎ ⵜⵓⴳⴳⴰⵙ ⴼⴰⵡⵏⵉⵏ ⵙⵇⵇⵉⵇⵏⵉⵏ ⵍⵍⵉ ⵙⴽⴰⵔⵏⵜ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⵖ ⵜⵡⵓⵔⵉ ⵏ ⵜⵉⴹⴰⴼ ⵏ ⵜⵏⴱⴰⴹⵜ, ⵉⴱⵉⴷⴷ ⴼ ⵡⴰⵜⵉⴳ ⵏ ⵜⵙⵎⵓⵏⴰⵢ ⵍⵍⵉ ⵜⵙⴽⵔ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵏⴰⵎⵓⵏⵏ ⴷ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵙⴰⵢⴼⵓⵜⵏ ⴷ ⵓⵎⴰⵡⵙⴰⵙ ⵏ ⵓⵙⵡⵓⵔⵉ ⴷ ⵓⵙⵉⴷ ⴼ ⴰⵣⵣⵓⵍⴰⵏ ⴷ ⵓⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵓⵙⵖⵏⵣⵉ ⴷ ⵜⴷⵎⵙⴰ ⵜⴰⵣⴳⵣⴰⵡⵜⴳ ⴷ ⵜⵎⵓⵟⵟⵓⵏⵜ ⵖ ⵜⵖⵔⵉ ⵏ ⵓⵙⵓⵔⵙ ⵏ ⵉⵎⵙⵡⵓⵔⵉⵢⵏ ⴷ ⵜⵎⵙⴽⴰⵔ ⵏ ⵓⴹⴼⵕ ⵉ ⵡⵉⵍⵍⵉ ⵜⵜⵓⴹⵕⵕⴰⵏⵉⵏ, ⴷ ⵉⵖⴰⵡⴰⵙⵏ ⵍⵍⴰⵏⵉⵏ ⵉ ⵓⵖⵓⵍ ⵏ ⵓⵙⵡⵓⵔⵉ ⵏ ⵉⵎⴰⵙⵙⵏ ⵏ ⵜⴷⵎⵙⴰ ⴷ ⵓⴼⴰⵔⵙ ⴷ ⵓⵙⵖⵏⵣⵉ, ⴽⵔⴰⵢⴳⴰⵜⵜ ⵜⴰⵙⵇⵇⵉⵎⵜ ⴷ ⵎⴰ ⴷ ⵙⵔⵙ ⵉⵥⵍⵉⵏ.
ⵖ ⵓⵣⵣⵔⴰⴼ, ⵉⴱⴱⴷ ⴷⴰⵖ ⵓⵙⵉⵔⴰ ⴼ ⵡⴰⵜⵉⴳ ⵏ ⵜⵙⵏⵜⴰⵢⵜ ⵜⴰⴱⵕⵍⴰⵎⴰⵏⵉⵜ ⵖ ⵢⵉⴳⵔ ⵏ ⵓⵣⵣⵔⴰⴼ ⵍⵍⵉ ⵉⵣⵎⵎⵉⵎⵏ ⵖ ⵜⵙⵓⵜⵍⵜ ⴰⴷ ⵎⴰ ⴷ ⵉⴳⴰⴷⴷⴰⵏ ⴷ 37 ⵏ ⵜⵙⵓⵎⵔⵜ ⵏ ⵓⵙⵍⴳⵏ, ⵉⵜⵜⵓⵙⵎⵏⴰⴷ 25 ⴳⵉⵙⵏⵜ ⵖ ⵓⵣⵎⵣ ⵏ ⵓⵥⵍⴰⵢ ⴰⴷⵓⵙⴰⵏ, ⵉⵍⵉⵏⵜ ⴼ ⵉⴳⵔⴰⵏ ⵏ ⵜⴷⵎⵙⴰ ⴷ ⵡⴰⵎⵓⵏ ⴷ ⵜⵏⴼⵔⵓⵜ. ⵙ ⵓⵣⵎⵣⵣⵓ ⴰⴷ, ⵉⵙⴷⴷⵉⴷ ⵓⵙⵉⵔⴰ ⵏ ⵓⵙⵇⵇⵉⵎ ⵎⴰⵙ ⴷ ⵉⵇⵇⴰⵏ ⵓⵡⵇⵇⵔ ⵏ ⵓⵙⴰⴽⵓⴷ ⴰⵢⵢⵓⵔⴰⵏ ⵉⵥⵍⵉⵏ ⵙ ⵜⵙⵓⵎⴰⵔ ⵏ ⵉⵙⵍⴳⵏⵏ, ⵜⵉⵍⵉ ⵜⵖⵓⵔⵉ ⵉ ⵜⵙⵇⵇⵉⵎⵉⵏ ⴷ ⵜⵏⴱⴰⴹⵜ ⵉ ⵓⵎⵢⴰⵡⴰⵙ ⵃⵎⴰ ⴰⴷ ⵉⵜⵜⵓⵙⴽⵉⵔ ⵡⴰⵡⵜⵜⴰⵙ ⴰⴷ.
ⵉⵥⵕⴰ ⵓⵙⵉⵔⴰ ⵜⴰⵙⵓⵎⵔⵜ ⵏ ⵓⵙⵍⴳⵏ ⵉⵥⵍⵉⵏ ⵙ ⵓⵙⵏⴼⵍ ⵏ ⵓⵙⵍⴳⵏ ⵏ ⵉⵙⵖⵡⴰⵏ ⴷ ⵜⵎⵖⵓⵏⵉⵏ, ⵢⴰⵣⵏ ⵜⵜ ⵉ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵖⵎⴽ ⵍⵍⵉ ⵢⵓⵣⵏ ⵉ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵏⴰⵎⵓⵏⵏ ⵜⴰⵙⵓⵎⵔⵜ ⵏ ⵓⵙⵍⴳⵏ ⵉⵥⵍⵉⵏ ⵙ ⵡⴰⵔⵔⴰⵣ ⵅⴼ ⵜⴰⵔⵡⵓⵔⵉ.
ⵖ ⵎⴰ ⴷ ⵉⵥⵍⵉⵏ ⵙ ⵉⵙⵏⴼⴰⵔⵏ ⵓⵏⴱⵉⴹⵏ, ⵉⵍⴽⵎ ⴷ ⵓⵙⵏⴼⴰⵔ ⵉⵣⴷⵉⵏ ⵙ ⵜⴽⵕⴹⴰ ⵜⴰⵏⴰⵎⵓⵔⵜ, ⵉⵚⵕⴼ ⵜ ⵓⵙⵇⵇⵉⵎ ⵉ ⵜⵙⵇⵇⵉⵎⵜ ⵏ ⵜⴳⵯⵏⵙⴰⵏⵜ ⴷ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ.
ⵖ ⵎⴰ ⴷ ⵉⵥⵍⵉⵏ ⵙ ⵓⵙⵏⴼⴰⵔ ⵏ ⵓⵙⵍⴳⵏ ⴰⵥⵕⴼⴰⵏ ⵉⵜⵜⵓⵙⵏⴼⴰⵍⵏ, ⴰⵔ ⵉⵜⵜⵇⵍ ⵓⵙⵇⵇⵉⵎ ⵙ ⵓⵙⴰⵖⵓⵍ ⵏⵏⵙ ⵓⵏⵚⵉⵓⴱ ⴷⴼⴼⵉⵔ ⵏ ⵓⵙⵎⴰⴷ ⵏ ⵜⴱⵔⵉⴷⵉⵏ ⵏⵏⵙ ⵜⵉⵣⵣⵔⴰⴼⵉⵏ, ⵖⵎⴽ ⵍⵍⵉ ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵜⵓⵎⴰⵢⵉⵏ ⵙⴳⴰⴷⴷⴰⵏⵉⵏ ⴰⵙⴰⴽⵓⴷ ⴰⴷ ⴰⵣⵣⵔⴰⴼ, ⵜⴼⴼⵓⵖ ⵜⵙⵎⵓⵏⵉ ⴰⴷ ⵉⵣⵣⵉⴳⵣ ⵓⵎⴹⴰⴽⴰⵕ ⴼ ⵉⵎⵔⵙⵉ ⴰⴷ ⵉⵙⵜⴰⵡⵀⵎⵎⴰⵏ, ⵢⵉⵍⵉ ⵓⵣⴷⴷⵓⵢ ⴷ ⴽⵓ ⵉⵏⴳⵎⴰⵎⵏ ⵏ ⵓⵙⵇⵇⵉⵎ ⴷ ⵜⵏⴱⴰⴹⵜ ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵉ ⵓⵙⵓⵊⴷ ⵉⵥⵉⵍⵏ ⵏ ⵓⵎⴹⴰⴽⴰⵕ ⴷ ⵓⵙⵜⴰⵢ ⵏ ⵓⵙⵏⴼⴰⵔ.