ⵏⵢⵓⵢⵓⵕⴽ: ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵎⵓⵏⵉ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵙ ⵜⵎⵍⴷⴰ ⵏ ⵜⵙⵓⵜⵍⵜ ⵜⵉⵙ 67 ⵏ ⵜⵙⵇⵇⵉⵎⵜ ⵏ ⵜⵎⵖⴰⵔⵜ, 7 ⵎⴰⵕⵚ 2023
ⵜⴷⵔⵓ ⵎⴰⵙⵙⴰ ⵜⴰⵎⴰⵔⵉⵜ ⵅⴷⴷⵓⵊ ⵙⵙⵍⴰⵙⵉ ⵙⴳ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⴷⴰⵔ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ ⴳ ⵜⵙⵎⵓⵏⵉ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⵖⵍⴰⵏⵜ ⵉⵜⵜⵓⵙⵏⵎⴰⵍⴰⵏ ⵙ ⵜⴷⵔⴰⵡⵜ ⴷ ⵜⵙⵇⵇⵉⵎⵜ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵜⵎⵖⴰⵔⵜ, ⵙ ⵜⵎⵍⴷⴰ ⵏ ⵜⵙⵓⵜⵍⵜ ⵜⵉⵙ 67 ⵏ ⵜⵙⵇⵇⵉⵎⵜ ⵏ ⵓⵙⵓⵔⵙ ⵏ ⵜⵎⵖⴰⵔⵜ, ⴰⵙⵙ ⵏ 7 ⵎⴰⵕⵚ 2023 ⴱ ⵏⵢⵓⵢⵓⵔⴽ ⴳ ⵎⴰⵔⵉⴽⴰⵏ.
ⵜⵍⵍⴰ ⵜⵙⵎⵓⵏⵉ ⴰⴷ ⴷⴷⵓ ⵏ ⵓⵣⵡⵍ: ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⴳ ⵓⵙⴷⵓⵙ ⵏ ⵢⵉⵙⴽⵉⵍ ⵙ ⵜⴻⵜⵉⴽⵏⵓⵍⵓⵊⵉⵜ, ⵜⵡⴰⵜⵜⵙ ⴰⵙⴷⵓⵙ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴳ ⵓⵙⵎⵖⵔ ⵏ ⵢⵉⵙⴽⵉⵍ ⵙ ⵜⵡⵉⵣⵉ ⵏ ⵡⴰⵎⵓⵏ ⴰⵖⵔⵎⴰⵏ ⴷ ⵜⵎⵔⵙⴰⵍ ⵜⵉⴰⵎⵓⵔⵉⵏ. ⵖⵎⴽ ⴰⵏⵏ ⴷ ⵓ ⵙⵏⴼⵍ ⵏ ⵜⴰⵏⵏⴰⵢⵢⵉⵏ ⴷ ⵜⵎⵙⴽⴰⵔ ⵥⵉⵍⵏⵉⵏ ⵡⴰⵜⵜⵙⵏⵉⵏ ⵜⵉⵍⵉⵜ ⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵜⴼⵔⵅⵉⵏ ⵙ ⵓⵙⵎⵔⵙ ⵏ ⵜⴻⵜⵉⴽⵏⵓⵍⵓⵊⵉⵜ ⴳ ⵓⵙⴱⴷⴷⵉ ⵏ ⵜⴽⵕⴹⵉ.
ⴷⵔⵓⵏ ⴳ ⵜⵙⵎⵓⵏⵉ ⴰⴷ ⵉⴽⴰⴱⴰⵕⵏ ⵙⴳ ⵓⵎⴰⴹⴰⵍ ⴷ ⵉⵎⵓⵣⴰⵢⵏ ⴷ ⵉⵎⵙⵜⴳⴳⴰⵔⵏ ⵙⴳ ⵜⵎⵜⵜⴰ ⵎⵓⵏⵏⵉⵏ ⴷ ⵉⴷⵉⴱⵍⵓⵎⴰⵙⵉⵢⵏ ⴷ ⵉⴽⴰⴷⵉⵎⵉⵢⵏ ⵥⵍⵉⵏⵉⵏ ⴳ ⵜⵎⵙⴰⵔⵉⵏ ⵣⴷⵉⵏⵉⵏ ⴷ ⵓⵙⴷⵓⵙ ⵏ ⵢⵉⵙⴽⵉⵍ ⵙ ⵜⴻⵜⵉⴽⵏⵓⵍⵓⵊⵉⵜ.
ⵜⵙⴰⵡⵍ ⵎⴰⵙⵙ ⵅⴷⴷⵓⵊ ⵙⵙⵍⴰⵙⵉ ⴼ ⵜⵉⵍⴰⵍⵜ ⵏ ⵜⵎⵖⴰⵔⵉⵏ ⴳ ⵓⵔⵎⴰⵙ ⴷ ⵓⵙⵡⵓⴷⴷⵓ ⵏ ⵜⴰⵙⵙⴰⵙⵉⵏ ⴳ ⵓⵎⴰⴹⴰⵍ ⴳ ⵍⵍⴰⵏ ⵉⵙⵏⴼⵍⵏ ⵣⴷⵉⵏⵉⵏ ⴷ ⵜⵎⵓⴹⴰⵏ ⴷ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵜⴷⵔⵓⵙⵜ ⵏ ⵡⴰⵎⴰⵏ. ⵖⵎⴽ ⴰⵏⵏ ⴷ ⵓⵙⵓⵜⴳ ⵏ ⵜⵡⵡⵓⵔⵉ ⵏ ⵉⴱⵔⵍⴰⵎⴰⵏⵏ ⴳ ⵓⵙⵎⵖⵔ ⵏ ⵜⴷⵔⴰⵡⵜ ⵏ ⵜⵎⵖⴰⵔⵉⵏ ⴳ ⵜⵖⵜⴰⵙⵜ ⵜⴰⵙⵔⵜⴰⵏⵜ ⴷ ⵜⴷⵎⵙⴰⵏⵜ ⴷ ⵜⴷⵍⵙⴰⵏⵜ ⴷ ⵓⵙⵎⵖⵔ ⵏ ⵓⵙⴰⵢⵔⵓⵔ ⴰⵎⵓⵟⵟⵓⵏ ⴳ ⵓⵙⴷⵓⵙ ⵏ ⵜⵉⵢⵢⴰⴼⵓⵜⵉⵏ ⴳ ⵢⵉⴳⵔ ⵏ ⵢⵉⵙⴽⵉⵍ ⴷ ⵜⵎⵢⴰⴷⴰⵙⵜ ⵏ ⵡⴰⵏⴰⵡ.
ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵔⵉⵜ ⴼ ⵓⵙⴽⵔ ⵏ ⵉⴱⵕⵍⴰⵎⴰⵏⵉⵢⵉⵏ ⵙ ⵜⵡⵡⵓⵔⵉ ⵏⵏⵙ ⵜⴰⴷⵙⵜⴰⵔⵜ ⵙ ⵜⵉⴹⴰⴼ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⵣⴷⴰⵢⵉⵜ ⵏⵏⵙ ⴷ ⵓⵙⵉⴷⴼ ⵏ ⵢⵉⵙⴽⵉⵍ ⴷ ⵜⵎⵢⴰⴷⴰⵙⵜ ⵏ ⵡⴰⵏⴰⵡ ⴳ ⵉⴳⵔⴰⵏ ⴷ ⵓⵙⵡⵓⵔⵉ ⴼ ⵓⵣⵣⵔⴰⴼ ⴷ ⵓⵙⵖⵓⴷⵓ ⵏ ⵉⵙⵍⴳⵏⵏ, ⵙ ⵎⴰ ⵔⴰⴷ ⵢⴰⵡⵙ ⴳ ⵓⵙⴽⵔ ⵏ ⵢⵉⵙⴽⵉⵍ ⴷ ⵓⵙⵖⵓⴷⵓ ⵏ ⵓⵣⵣⵔⴰⴼ ⴷ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ, ⵖ ⵜⵍⵍⴰ ⵜⴽⵕⴹⵉ ⵜⴰⵎⵓⵟⵟⵓⵏⵜ ⴷ ⵓⵙⵎⵖⵔ ⵏ ⵓⴼⵔⴰⴽ ⴷ ⵓⵙⵎⵓⵙⵙⵓ ⴷ ⵜⵉⵍⵉⵜ ⵏ ⵜⵣⴷⴰⵢⵜ ⵊⴰⵔ ⵓⴱⵕⵍⴰⵎⴰⵏⵉ ⴷ ⵡⵉⵍⵍⵉ ⵜ ⵙⵜⵉⵏⵉⵏ.