ⴰⵙⵉⵡⴹ ⵏ ⵜⵙⵎⵓⵏⵉ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 6 ⵎⴰⵢⵢⵓ 2020

ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵎⵓⵏⵉ ⵏⵏⵙ ⵜⴰⵏⵎⵍⴰⵙⵙⵜ ⵙ ⵜⵏⵙⵙⵉⵅⴼⵜ ⵏ    ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ  ⵉⵎⵓⵔⴰ, ⴰⵙⵙ ⵏ ⵓⴽⵕⴰⵙ 6 ⵎⴰⵢⵢⵓ 2020,  ⵉⵥⵍⵉ ⵓⵖⴰⵡⴰⵙ ⵏⵏⵙ  ⵉ ⵜⵡⵓⵔⵉ ⵏ ⵜⵉⴹⴰⴼ ⴷ ⵓⵣⵣⵔⴰⴼ.

ⵖ ⵜⵡⵓⵔⵉ ⵏ ⵜⵉⴹⴰⴼ : ⵖ ⵓⵙⴰⵜⵉ ⵏ ⵓⵖⴰⵡⴰⵙ ⵍⵍⵉ ⵉⵙⵔⵙ ⵓⵙⵉⵔⴰ ⵏ ⵓⵙⵇⵇⵉⵎ, ⵔⴰⴷ ⵜⵉⵍⵉ ⵜⵖⵉⵎⵉⵜ ⵜⴰⵏⵎⵍⴰⵙⵙⵜ ⵏ ⵡⴰⵢⵏⴰⵙ 11 ⵎⴰⵢⵢⵓ 2020 ⴼ ⵢ   ⵉⴳⵔ ⵏ  ⵓⵙⵖⵏⵣⵉ ⴷ ⵜⵎⴳⵓⵔⵉ ⴷ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵜⵎⵓⵟⵟⵓⵏⵜ, ⵙ ⵉⵙⵇⵙⵉⵜⵏ ⵍⵍⵉ ⵉⴹⴼⵕ ⵓⵎⴹⴰⴽⴰⵕ. ⵖⵎⴽ ⵍⵍⵉ ⵉⵙⵔⵙ ⵓⵙⵉⵔⴰ ⴰⵖⴰⵡⴰⵙ ⵏ ⵜⵡⵓⵔⵉ ⵏ   ⵜⵖⵉⵎⵉⵜ ⵜⴰⵢⵢⵓⵔⴰⵏⵜ ⵉⵥⵍⵉⵏ ⵙ ⵜⵙⵔⵜⵉⵜ ⵜⴰⵎⴰⵜⴰⵢⵜ ⵍⵍⵉ  ⴼ ⵔⴰⴷ ⵉⵔⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴼ : « ⴰⵖⴰⵡⴰⵙ ⵏ ⵜⵏⴱⴰⴹⵜ ⵖ ⵓⵙⵉⵜⵜⵉ ⵏ ⵓⵥⵍⴰⵢ ⴰⴷⵓⵙⴰⵏ ».

ⵖ ⵓⵎⴹⴰⴽⴰⵕ ⴼ ⵜⵎⵙⴽⵔⵜ ⵏ ⵜⵉⴹⴰⴼ ⵏ ⵓⵙⵇⵇⵉⵎ : ⵉⵙⵓⵜⴳ ⵓⵙⵉⵔⴰ ⴰⵎⵙⴰⵡⴰⵍ ⴰⵎⴰⵙⴰⵢ ⵉⵕⵡⴰⵏ ⵉⵍⵍⴰⵏ ⵖ ⵜⵖⵉⵎⵉⵜⵉⵏ ⵏ ⵓⵙⵇⵙⵉ, ⵉⵣⵔⵉⵏ ⴼ ⵜⵎⵙⴰⵔⵉⵏ ⵏ ⵓⵣⵎⵣ ⴰⴷ. ⵉⴹⴼⵕ ⵜⵏⵜ ⵓⵎⵏⵉⴷ ⴰⵎⴰⵜⴰⵢ ⴰⵏⴰⵎⵓⵔ ⵙ ⴽⵉⴳⴰⵏ ⵏ ⵓⵅⵎⵎⴻⵎ. ⵉⵙⴷⴷⵉⴷ ⵓⵙⵉⵔⴰ ⴼ ⵜⵣⵣⵉⴳⵣⵜ ⵖ ⵓⵙⴽⵔ ⵏ ⵓⵖⴰⵡⴰⵙ  ⵍⵍⵉ ⵉⵙⵔⵙ ⵉⵥⵍⵉⵏ ⵙ ⵉⵙⵇⵙⵙⵉⵜⵏ  ⵉ ⵎⵉⵡⴰⵏⵏ, ⵃⵎⴰ  ⴰⴷ ⵉⵙⵙⵏ ⵓⵎⵏⵉⴷ ⴰⵎⴰⵜⴰⵢ  ⴰⵏⴰⵎⵓⵔ ⵙ ⵜⵖⴰⵔⴰⵙⵜ ⵜⴰⵙⵓⵍⴰⵏⵜ  ⵉⵙⵎⴷⵏ ⴽⵓ  ⵜⵉⵎⵓⵛⴰ  ⴷ ⵉⵏⵖⵎⵉⵙⵏ ⴷ ⵜⵎⵙⴽⴰⵔ ⵍⵍⵉ ⵙⵉⴳⴳⵉⵍⵏ ⵉⵏⵎⵓⵔⴰ ⴷ ⵜⵏⵎⵓⵔⴰ ⴰⴷ ⵜⵏ ⵙⵙⵏⵏ.

ⵖ ⵓⵣⵣⵔⴰⴼ : ⵉⵣⵎⵎⵉⵎ ⵓⵙⵉⵔⴰ ⵜⵉⵕⵡⵉ ⵏ ⵓⵙⵡⵓⴷⴷⵓ ⵏ ⵡⴰⴽⵓⴷ ⵍⵍⵉ ⵙⴽⵔⵏⵜ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⵖ ⵓⵙⵖⵣⵏ ⵏ ⵉⴹⵕⵉⵚⵏ ⵖ ⵍⵍⴰⵏ ⵙⵉⵏ ⵉⵎⵕⵚⵓⵎⵏ ⵏ ⵉⵙⵍⴳⵏⵏ ⵥⵍⵉⵏⵉⵏ ⵙ ⵉⵖⴰⵡⴰⵍⵏ ⵉⴷⴰⵡⵙⴰⵏⵏ ⴷ ⵉⵙⵙⵥⵕⴼⵏ ⵏ ⴱⵕⵕⴰ, ⵃ   ⵎⴰ ⴰⴷ ⵜⵙⵎⴷ ⵜⴱⵔⵉⴷⵜ ⵜⴰⵣⵣⵔⴰⴼⵜ ⵉⵍⵍⴰⵏ ⵖ ⵓⵎⴰⴳⵔⴰⴷ 81 ⵏ ⵓⴷⵓⵙⵜⵓⵔ, ⵓⵍⴰ ⵉⴹⵕⵉⵚⵏ ⴹⴼⵕⵏⵉⵏ ⴰⴷⴷⴰⴷ ⵏ ⵉⵖⴰⵡⴰⵍⵏ ⵉⴷⴰⵡⵙⴰⵏⵏ ⵣⴷⵉⵏⵉⵏ ⵙ ⵜⵎⵙⵙⵓⵔⵉⵏ ⵏ ⵜⵡⵉⵣⵉ.

ⵉⵥⵕⴰ ⵓⵙⵉⵔⴰ ⵜⴰⵙⵓⵎⵔⵜ ⵏ ⵓⵙⵍ ⴳⵏ ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ  ⵓⵟⵟⵓⵏ 19.10 ⵉⵣⴷⵉⵏ ⵙ ⵓⵙⴽⵔ ⴷ  ⵓⵙⵏⵎⴰⵍⴰ ⵏ ⵜⵎⵔⵙⵍⵜ ⵏ ⵍⵃⴰⵙⴰⵏ ⵡⵉⵙ ⵙⵉⵏ ⵉ ⵓⵙⵎⵖⵔ ⵏ ⵜⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵉ ⵉⵎⵙⵡⵓⵔⵉⵢⵏ  ⵖ ⵢⵉⴳⵔ ⴰⴳⴷⵓⴷⴰⵏ ⵏ ⵜⴷⵓⵙⵉ, ⵢⴰⵣⵏ ⵜⵜ ⵉ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵏⴰⵎⵓⵏⵏ. ⵖⵎⴽ ⵍⵍⵉ ⵢⵓⵣⵏ ⵉ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ   ⵜⴳⵎⵉ ⵜⴰⴷⵎⵙⴰⵏⵜ ⵜⴰⵙⵓⵎⵔⵜ ⵏ ⵓⵙⵍⴳⵏ  ⵙ ⵓⴼⴰⵏⵜ ⴰⴷ ⵜⵜⵓⵙⴽⵉⵔⵏⵜ ⵜⵙⵎⵓⵏⴰⵢ ⵜⵉⵎⴰⵜⴰⵢⵉⵏ ⵏ ⵜⵎⵙⵙⵓⵔⵉⵏ  ⵍⵍⵉ  ⵎⵓ ⵜⵎⵓⵜⵜⴰ ⵜⵎⴰⵙⴰⵢⵜ, ⴷ ⵜⵉⵏ ⵜⵡⵉⵣⵉ, ⴷ ⵜⵉⵏ ⵓⵙⵖⵍⴼ ⵖ ⵜⵉⵣⵉ ⵏ ⵡⴰⴷⴷⴰⴷ ⵏ   ⵉⵖⴰⵡⴰⵍⵏ ⵉⴷⴰⵡⵙⴰⵏⵏ.

ⵖⵎⴽ ⵍⵍⵉ ⵉⵎⴰⴹⴰⴽⴰⵕ ⵓⵙⵉⵔⴰ ⴼ  ⵡⴰⵎⵎⴰⴽⵏ ⴷ ⵜⵥⵉⴹⴰⵕ ⵉⵍⵍⴰⵏ ⵖ ⵓⴼⵓⵙ ⵏ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵓⵔⴰ, ⵃⵎⴰ ⴰⴷ ⵜⵉⵍⵉ ⵜⴼⴰⵜⵉⵜ ⵏⵏⵙⵏ ⵖ ⵓⴳⵯⵏⵙ ⵏ ⵜⴷⴰⵍⴰ ⵏ ⵜⵖⵉⵎⵉⵜⵉⵏ ⵏⵖ ⵜⵉⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ,  ⵢⵉⵏⵉ ⵎⴰⵙ ⵔⴰⴷ  ⵢⵉⵡⵣ ⴼ ⵓⵙⴷⵓⵙ ⵏ ⵡⴰⵎⵎⴰⴽⵏ ⴷ ⵜⵥⵉⴹⴰⵕ ⴰⴷ.

ⵖ ⵓⴹⴼⵕ ⵏ ⵉⵙⵖⵡⴰⵏ ⵏ ⵜⵏⴱⴰⴹⵜ ⵖ ⵓⵙⵇⵇⵉⵎ ⵏ ⵉⵎⵓⵔⴰ : ⵉⵙⵙⴽⵜⵉ ⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵜⵉⴳ ⵏ ⵜⵎⵙⴽⵔⵜ ⴰⴷ ⵍⵍⵉ ⵉⵙⵙⵏⵜⵉ ⵓⵙⵇⵇⵉⵎ ⵖ ⵉⵙⴳⴳⵯⴰⵙⵏ ⵣⵔⵉⵏⵉⵏ ⵖ ⵜⵖⵉⵎⵉⵜⵉⵏ ⵜⵉⵎⴰⵜⴰⵢⵉⵏ, ⴰⵢⵍⵍⵉ ⵢⵉⵡⵙⵏ ⴰⴷ ⵢⵉⵍⵉ ⵓⴹⴼⵕ ⵙⵇⵇⵉⵇⵏ    ⵉ ⴽⵉⴳⴰⵏ ⵏ ⵉⵙⵖⵡⴰⵏ ⵏ ⵜⵏⴱⴰⴹⵜ ⴷ ⵜⵎⵙⴽⴰⵔ ⵏⵏⵙ. ⵎⴰⵢⴰ ⴷ ⵉⵍⵍⴰ ⵖ ⵓⵙⴰⵜⵉ ⵏ ⵜⵡⵓⵔⵉ ⵏ ⵜⵉⴹⴰⴼ  ⵖ ⵓⴳⵯⵏⵙ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ, ⵔⴰⴷ ⵢⵉⵍⵉ ⵓⵙⵏⵜⵉ ⵏⵏⵙ ⵖ ⵎⴰⵏⵏ ⵓⵔ ⵢⴰⴳⴳⵓⴳⵏ.

ⵖⵎⴽ ⵍⵍⵉ ⵉⵥⵕⴰ ⵓⵙⵉⵔⴰ ⵜⴰⵖⵜⴰⵙⵜ  ⵏ  ⵜⵙⵏⴱⴹⴰⵢⵜ ⵜⴰⴷⵙⵜⴰⵔⵜ ⵓⵟⵟⵓⵏ 20/105.