ⴰⵙⵉⵡⴹ ⴼ ⵜⵙⵎⵓⵏⵉ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 30 ⵎⴰⵕⵚ 2020

ⵉⵙⴽⵔ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵢⴰⵜ ⵜⵙⵎⵓⵏⵉ ⵍⵍⵉ ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⵙⵙ ⵏ ⵡⴰⵢⵏⴰⵙ 30 ⵎⴰⵕⵚ 2020, ⵜⵥⵍⵉ ⵉ ⵓⵙⵡⵓⴷⴷⵓ ⵏ ⵜⵡⵓⵔⵉ ⵏ ⵓⵙⵇⵇⵉⵎ ⴷ ⵓⵙⵏⵎⴰⵍⴰ ⵏ ⵜⵡⵓⵔⵉⵡⵉⵏ ⵏⵏⵙ ⵖ ⵉⴳⵔⴰⵏ ⵏ ⵓⵣⵣⵔⴰⴼ ⴷ ⵜⴹⵉⴰⴼ ⴷ ⵓⵏⵢⴰⵍⴰⴽⵎ  ⴷ ⵓⴳⴷⵓⴷ.

ⵖ ⵜⵣⵡⵉⵔⵉ ⵏ ⵜⵙⵎⵓⵏⵉ ⴰⴷ, ⵢⵉⵡ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴷ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵎⴰⵎⵏ ⵏ ⵓⵙⵉⵔⴰ ⴼ ⵜⵎⵙⴰⵔⵉⵏ ⴳⴳⵓⵜⵏⵉⵏ ⴷ ⵉⵣⵣⵉⴳⵣⵏ ⵉⵍⵍⴰⵏ ⵖ ⵓⵎⴰⴹⴰⵍ ⵓⵍⴰ ⵜⴰⵎⴰⵣⵉⵔⵜ ⵏⵏⵖ ⴷⴼⴼⵉⵔ ⵏ ⵜⵎⴰⴹⵓⵏⵜ ⵏ ⵓⴼⵉⵔⵓⵙ ⵏ ⴽⵓⵕⵓⵏⴰ, ⵙ ⵜⵎⵍⴷⴰ ⴰⴷ ⵏⵏⴰⵏ  ⴰⵙⵓⵜⴳ ⵏⵏⵙⵏ ⵢⴰⵜⵜⵓⵢⵏ ⵉ ⵉⵥⵎⵓⵥⵥⴰⵍ ⴷ ⵜⵙⵏⵜⴰⵢⵉⵏ ⵍⵍⵉ ⵜⵙⴽⵔ ⵜⵎⴰⵣⵉⵔⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵉⵣⵡⴰⵔⵏ ⵉⴷⵔⵉⵣⵏ ⵏ ⵜⴰⵙⵙⴰⵙⵜ ⴰⴷ ⵖ ⵡⴰⵎⵓⵏ ⴷ ⵜⴷⵎⵙⴰ ⴷ ⵓⵣⵣⵔⴰⴼ ⴷ ⵉⴳⵔⴰⵏ ⴰⴽⴽⵯ, ⵉⵍⵉⵏ ⵓⵍⴰ ⵉⵎⵉⴽⴰⵏⵉⵣⵎⵏ ⵉⵥⴹⴰⵕⵏ ⴰⴷ ⴼⵙⵉⵏ ⵉⴷⵔⵉⵣⵏ ⴰⴷ, ⵙⴱⴷⴷⵏ ⵜⵉⵎⵓⴽⵔⵉⵙⵉⵏ ⵏⵏⵙⵏ, ⵢⵉⵍⵉ ⵓⵙⵎⵓⵙⵙⵓ ⵏ ⵉⵙⴳⴳⵓⵔⵏ ⵏ ⵓⵙⴱⴷⴷⵉ ⵏⵏⵙⵏⵜ.

ⵖⵎⴽ ⵍⵍⵉ ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴷ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵎⴰⵎⵏ ⵏ ⵓⵙⵉⵔⴰ ⴼ ⵡⴰⵜⵉⴳ ⵏ ⵓⵎⴽⵕⴰⴹ ⴰⵏⴰⵎⵓⵔ ⴷ ⵉⵎⴰⵏ ⵏ ⵜⵡⵉⵣⵉ ⴷ ⵓⵎⵢⴰⵡⴰⵙ ⴷ ⵓⵎⵄⵉⵡⵏ ⵍⵍⵉ ⵉⵙⴽⵔ ⵓⵎⴰⴷⴰⵏ ⴰⵎⵖⵔⵉⴱⵉ ⵍⵍⵉ  ⴱⴷⴷⴰ ⵉⵎⵍⴰⵏ ⵖ ⵜⴼⵔⴽⵉⵡⵉⵏ ⵏ ⵜⵖⵏⵙⴰ ⵜⴰⵏⴰⵎⵓⵔⵜ ⵜⵉⵣⴷⴰⵢⵉⵏ ⴷⵔⴰⵏⵉⵏ ⵉⵍⵍⴰⵏ ⵏⴳⵔ ⵓⴷⴰⴱⵓ ⴷ ⵓⵎⴰⴷⴰⵏ ⵉⵎⵖⵔⵉⴱⵉⵢⵏ, ⵜⵉⵣⴷⴰⵢⵉⵏ ⴰⴷ ⴷⵔⴰⵏⵉⵏ ⵍⵍⵉ ⵙⴽⵔⵏⵉⵏ ⵖ ⵜⵎⴰⵣⵉⵔⵜ ⵏ ⵍⵎⵖⵔⵉⴱ ⵢⴰⵏ ⵓⵎⴷⵢⴰ ⵎⵓ ⵉⵚⴰⵃⴰ ⵓⵙⵓⵜⴳ ⴷⴰⵔ ⵉⵡⴰⵏⴽⵏ ⴷ ⵉⵎⴰⴷⴰⵏⵏ, ⵉⵙⴷⴷⵉⴷ ⵓⵙⵉⵔⴰ ⵏ ⵓⵙⵇⵇⵉⵎ.

ⵙ ⵓⵣⵎⵣⵣⵓ ⴰⴷ, ⵉⵏⵏⴰ ⵓⵙⵉⵔⴰ ⵏ ⵓⵙⵇⵇⵉⵎ ⴰⵙⵓⵜⴳ ⵏⵏⵙ ⵉⵥⵍⵉⵏ ⵉ ⵜⵓⴳⴳⴰⵙ ⵏ ⵜⵏⴱⴰⴹⵜ ⴷ ⵜⵓⴳⴳⴰⵙ ⵏ ⵉⵎⵙⴽⴰⵔⵏ ⴽⵓⵍⵍⵓ ⵜⵏ ⵖ ⵉⴳⵔⴰⵏ ⵏ ⵜⴷⴰⵡⵙⴰ ⴷ ⵓⵙⴳⵎⵉ ⴷ ⵜⵏⴼⵔⵓⵜ ⴷ ⵓⵙⵏⵖⵎⵙ ⴷ ⵢⵉⴳⵔ ⴰⵄⴰⵙⴽⴰⵔⵉ, ⴷ ⴽⵓ ⵜⵉⵎⴰⵡⵙⴰⵙⵉⵏ ⴷ ⵉⴳⵔ ⵓⵙⵍⵉⴳ ⴷ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⴷ ⵡⴰⵎⵓⵏ ⵓⵖⵔⵉⵎ, ⴼ ⵜⵓⴳⴳⴰⵙ ⵏⵏⵙⵏ ⵉⵎⵓⵏⵏ ⴷ ⵉⵎⴰⵏ ⵢⴰⵜⵜⵓⵢⵏ ⵏ ⵜⵎⵓⵔⵉ ⵍⵍⵉ ⵢⴰⴽⴽⴰⵏ ⴽⵉⴳⴰⵏ ⵏ ⵓⵏⴰⵔⵓⵣ ⵃⵎⴰ ⴰⴷ ⵜⵣⵔⵉ ⵜⴼⵔⴽⴰ ⴰⴷ ⵉⵛⵇⵇⴰⵏ, ⵢⵉⵍⵉ ⴳⵉⵙ ⵓⴼⵓⵖ ⴰⴷ ⴷⴰⵖ ⵜⵣⵣⵉⴳⵣ ⵜⵡⴰⴷⴰ ⵏ ⵜⴳⵎⵉ ⵙ ⵉⵙⴰⵡⵓⵔⵏ ⵏⵏⵙ ⵖ ⵉⵍⵍⴰ ⵢⵉⵎⴰⵍ.  

ⵉⵙⴰⵡⵍ ⵓⵙⵉⵔⴰ ⵓⵍⴰ ⴼ ⵓⵙⵓⵜⴳ ⵏⵏⵙ ⵉ ⵢⵉⵎⵏ ⵢⴰⵜⵜⵓⵢⵏ ⵍⵍⵉ ⵉⵎⵍⴰ ⴽⵓ ⵎⴰ ⴰⴷ ⵉⵍⵍⴰⵏ ⵖ ⵓⵙⵇⵇⵉⵎ ⵖ ⵜⵡⵓⵔⵉ ⵏ ⵓⵎⵣⵉⵣⵣⵍ ⵏ ⵜⵡⵉⵣⵉ ⴷ ⵓⵙⴽⴰⵔ ⵏ ⵜⵡⵓⵔⵉⵡⵉⵏ ⵉⵥⵍⵉⵏ ⴷ ⵜⵉⴹⴰⴼ ⴷ ⵓⵣⵣⵔⴰⴼ, ⵖⵎⴽ ⴰⵏⵏ ⵓⵍⴰ ⵖ ⵜⵙⵏⵜⴰⵢⵉⵏ ⵏ ⵜⵡⵓⵔⵉ ⵏ ⵡⴰⴷⴰⵙ ⴷ ⵓⵎⵄⵉⵡⵏ ⵓⵙⵔⵉⴷ ⵖ ⵉⵔⵓⵜⵜⵢⵉⵏ ⵏ ⵓⵙⵜⴰⵢ.

ⵖⵎⴽ ⵍⵍⵉ ⵉⵙⵓⵜⴳ ⵓⵙⵉⵔⴰ ⵉⵎⴰⵏ ⵏ ⵜⵡⵉⵣⵉ ⴷ ⵓⵎⵢⴰⵡⴰⵙ ⵍⵍⵉ ⵙⴽⵔⵏ ⵉⵎⵙⵖⴰⵏ ⴷ ⵜⵎⵙⵖⴰⵏⵉⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵙⵎⵓⵏⵜ ⵏⵏⵙ ⵉ ⵜⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⴷ ⵓⵏⵎⴰⵍⵍⵓ ⵏⵏⵙ ⴰⵙⵉⵎⴰⵏ. 

ⵖ ⵓⵙⵏⵎⴰⵍⴰ ⵏ ⵜⵡⵓⵔⵉ ⵏ ⵓⵙⵇⵇⵉⵎ ⴷ ⵓⵙⵡⵓⴷⴷⵓ ⵏ ⵜⵡⵓⵔⵉ ⵏⵏⵙ, ⵉⵙⴷⴷⵉⴷ ⵓⵙⵉⵔⴰ ⵏ ⵓⵙⵇⵇⵉⵎ ⴼ ⵜⵉⵍⴰⵍⵜ ⵉⵙⵜⴰⵡⵀⵎⵎⴰⵏ ⵍⵍⵉ ⵙⴽⴰⵔⵏ ⵉⵎⵓⵔⴰ ⵖ ⵓⵙⵍⴽⵎ ⵏ ⵜⵎⵓⴽⵔⵉⵙⵉⵏ ⴷ ⵜⵎⵙⴰⵔⵉⵏ ⵏ ⵉⵏⵎⵓⵔⴰ ⴷ ⵓⵎⵣⴰⵖ ⵏⵏⵙⵏⵜ ⵙ ⴽⵉⴳⴰⵏ ⵏ ⵓⵙⴼⴰⵙⴽⴰ, ⵖⵎⴽ ⵍⵍⵉ ⵉⵙⴷⴷⵉⴷ ⵓⵙⵇⵇⵉⵎ ⵎⴰⵙ ⵔⴰⴷ ⵉⵣⵣⵉⴳⵣ ⵖ ⵜⵎⵙⴽⴰⵔ ⵏⵏⵙ ⵜⵉⴷⵙⵜⴰⵔⵉⵏ ⵙ ⵜⵖⴰⵔⴰⵙⵜ ⵜⵓⵍⴳⵉⵏⵜ ⵙ ⵜⵉⵍⵉⵜ ⵏ ⵓⵎⵏⴰⴹ ⵏ ⵜⴼⵔⴽⴰ ⴰⴷ ⴷ ⴰⵢⵍⵍⵉ ⵙ ⵜⵙⵖⴰⵡⵙⴰ ⵖ ⵉⴳⵔⴰⵏ ⵏ ⵓⵣⵣⵔⴰⴼ ⴷ ⵜⵉⴹⴰⴼ.

ⵖ ⵎⴰ ⴰⴷ ⵉⵥⵍⵉⵏ ⵙ ⵜⵣⴷⴰⵢⵜ  ⵏ ⵓⵙⵇⵇⵉⵎ ⴷ ⵜⵏⴱⴰⴹⵜ, ⵉⴼⴼⵖ ⵓⵙⵉⵔⴰ ⵏ ⵓⵙⵇⵇⵉⵎ ⴰⴷ ⵢⴰⵣⵏ ⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴼ ⵜⵎⵙⴽⵔⵜ ⵏ ⵜⵉⵍⴰⵍⵜ ⵏ ⵜⵉⴹⴰⴼ, ⴷ ⵜⵖⴰⵔⴰⵙⵉⵏ ⵏ ⵓⵙⴳⵉⴷⴷⵉ ⵏ ⵜⵎⵙⴽⵔⵜ ⴰⴷ ⴷ ⵓⵙⵓⵔⵙ ⵏ ⵡⴰⵔⴰⵢ ⵉⵍⵍⴰⵏ.

ⵖ ⵎⴰ ⴰⴷ ⵉⵥⵍⵉⵏ ⵙ ⵉⵖⴰⵡⴰⵙⵏ ⵏ ⵜⵖⵉⵎⵉⵜⵉⵏ ⵏ ⵜⵉⴹⴰⴼ, ⵔⴰⴷ ⵉⵙⵔⵙ ⵓⵙⵉⵔⴰ ⵏ ⵓⵙⵇⵇⵉⵎ ⵢⴰⵏ ⵓⵖⴰⵡⴰⵙ ⵏ ⵜⵡⵓⵔⵉ ⵉⴳⴰⵏ ⴰⵔⵙⵓⵍⴰⵏ ⵏ ⵜⵖⵉⵎⵉⵜⵉⵏ ⵏ ⵉⵎⴰⵍⴰⵙⵙ ⵏ ⵉⴱⵔⵉⵔ ⴷ ⵎⴰⵢⵢⵓ, ⵔⴰⴷ ⵥⵍⵉⵏⵜ ⵉ ⴽⵔⴰ ⵏ ⵉⴳⵔⴰⵏ ⵙ ⴰⵢⵍⵍⵉ ⵙ ⵣⵣⵉⴳⵣⵏ ⵉⵙⵓⵔⵙⵏ ⵏ ⵖⵉⵍⴰⴷ, ⴳⵉⵙⵏ ⵜⴰⴷⴰⵡⵙⴰ ⴷ ⵜⴳⵯⵏⵙⴰⵏⵜ ⴷ ⵜⴼⵍⵍⴰⵃⵜ ⴷ ⵓⵥⵕⴼ ⴷ ⵜⵎⴳⵓⵔⵉ ⴷ ⵓⵙⵖⵏⵣⵉ ⴷ ⵓⵙⴳⵎⵉ ⴰⵏⴰⵎⵓⵔ, ⵖⵎⴽ ⵍⵍⵉ ⵔⴰⴷ ⵉⵍⵉⵏⵜ ⵙⵏⴰⵜ ⵜⵖⵉⵎⵉⵜⵉⵏ ⵜⵉⵢⵢⵓⵔⴰⵏⵉⵏ ⵉⵥⵍⵉⵏ ⵙ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵖ 13 ⵉⴱⵔⵉⵔ ⴷ 25 ⵎⴰⵢⵢⵓ 2020.

ⵉⵙⵔⵙ ⵓⵙⵉⵔⴰ ⵏ ⵓⵙⵇⵇⵉⵎ ⵢⴰⵏ ⵓⵏⴰⴳⵔⴰⵡ ⵉⵥⵍⵉⵏ ⵙ ⵜⵖⵉⵎⵉⵜⵉⵏ ⴰⴷ , ⵔⴰⴷ ⵉⵜⵜⵓⵙⵎⵉⴷ ⵙ ⵓⵎⵛⴰⵡⴰⵕ ⴷ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ.  

ⵖⵎⴽ ⵍⵍⵉ ⵉⵙⴷⴷⵉⴷ ⵓⵙⵉⵔⴰ ⵏ ⵓⵙⵇⵇⵉⵎ ⴼ ⵡⴰⵜⵉⴳ ⵏ ⵓⵣⵓⵣⵣⵔ ⵏ ⵎⴰ ⴰⴷ ⵉⵜⵜⵉⵍⵉⵏ ⵖ ⵜⵖⵉⵎⵉⵜⵉⵏ ⵏ ⵜⵙⵇⵇⵉⵎⵉⵏ ⴷ ⵜⵖⵉⵎⵉⵜⵉⵏ ⵜⵉⴳⴷⴰⴷⴰⵏⵉⵏ ⵙ ⴽⵓ ⵉⵎⴰⵙⵙⵏ ⵏ ⵓⵙⵏⵖⵎⵙ ⵉⵍⵍⴰⵏ, ⵉⵙⴷⴷⵉⴷ ⵎⴰⵙ ⵔⴰⴷ ⵉⵙⵔⵙ ⴽⵓ ⵉⵎⴰⵙⵙⵏ ⵉⵜⵉⵇⵏⵉⵢⵏ ⵃⵎⴰ ⴰⴷ ⵉⵜⵜⵓⵙⴽⵉⵔ ⵡⴰⵡⵜⵜⴰⵙ ⴰⴷ.

ⵙ ⵓⵣⵣⴳⵉⵔ ⵏ ⵜⵓⵎⴰⵢⵏⵉⵏ ⵏ ⵓⵎⴰⴳⵔⴰⴷ 65 ⵏ ⵓⴷⵓⵙⵜⵓⵔ, ⵔⴰⴷ ⵜⵏⵏⵓⵕⵥⵎ ⵜⵙⵓⵜⵍⵜ ⵜⴰⵣⵣⵔⴰⴼⵜ ⵜⵉⵙ ⵙⵏⴰⵜ ⴰⵙⵙ ⵏ ⵓⵙⵉⵎⵡⴰⵙ 10 ⵉⴱⵔⵉⵔ 2020 ⵙ ⵜⵎⵙⴽⴰⵔ ⵜⵉⵎⴰⴷⴷⴰⵙⵉⵏ ⵍⵍⵉ ⵔⴰⴷ ⵉⵙⵔⵙ ⵓⵙⵉⵔⴰ ⵙ ⵓⵎⵛⴰⵡⴰⵕ ⴷ ⵜⵏⴱⴰⴹⵜ ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴷ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ.

ⵖ ⵎⴰ ⴰⴷ ⵉⵥⵍⵉⵏ ⵙ ⵓⵖⴰⵡⴰⵙ ⵏ ⵜⵡⵓⵔⵉ ⵜⴰⵣⵣⵔⴰⴼⵜ ⵏ ⵓⵙⵇⵇⵉⵎ, ⵉⵥⵕⴰ ⵓⵙⵉⵔⴰ ⵢⴰⵣⵏ ⵉ ⵜⵙⵇⵇⵉⵎⵉⵏ ⵉⵥⵍⵉⵏ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⵉⵣⴷⵉⵏ ⴷ ⵓⵡⵏⴰⴹ ⴷ ⵓⵙⵏⵎⴰⵍⴰ ⵏ ⵜⴰⵣⵣⵓⵍⵜ ⵏ ⵓⵎⵙⵙⵉⴹⵏ ⴷ ⵓⵙⴱⴷⴷⵉ ⵏ ⵓⵙⵙⵉⵔⴷ ⵏ ⵉⴷⵔⵉⵎⵏ, ⴷ ⵜⵙⵓⵎⴰⵔ ⵏ ⵉⵙⵍⴳⵏⵏ ⵉⵣⴷⵉⵏ ⴷ ⵜⵣⴷⵓⵖⵜ ⴷ  ⵜⵏⴼⵔⵓⵜ ⵜⴰⵏⴰⵎⵓⵏⵜ ⴷ ⵜⴳⵯⵎⵎⴰ ⵏ ⵓⴹⵓⴼ ⴷ ⵡⴰⴷⴷⴰⴷ ⵓⵖⵔⵉⵎ ⴷ ⵜⵎⵔⵙⴰⵍ ⵏ ⵜⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵏ ⵉⵎⵙⵖⴰⵏ ⵏ ⵜⵎⴰⵡⵙⴰⵙⵜ ⵏ ⵓⵣⵔⴼ ⴷ ⵜⵏⴼⵔⵓⵜ ⵜⴰⵏⴰⵎⵓⵏⵜ ⴷ ⵉⴳⵔ ⵏ ⵜⴷⴰⵡⵙⴰ ⴷ ⵉⵇⴱⵓⵔⵏ ⵏ ⵉⵄⵙⴽëⵉⵢⵏ ⴷ ⵉⵇⴱⵓⵔⵏ ⵏ ⵉⵎⵃⴰⵔⴽⴰⵏ ⴷ ⵜⵙⵓⵎⵔⵜ ⵏ ⵓⵙⵍⴳⵏ ⵏ ⵜⵙⴳⴳⵉⵡⵉⵏ ⵖ ⵍⵍⴰⵏ ⵉⴷⵔⴰⵔⵏ.

ⵖ ⵎⴰ ⴰⴷ ⵉⵥⵍⵉⵏ ⴷ ⵜⵡⵓⵔⵉ ⵏ ⵜⵉⴹⴰⴼ ⵏ ⵜⵙⵇⵇⵉⵎⵉⵏ, ⵉⵙⵓⵜⴳ ⵓⵙⵉⵔⴰ ⵏ ⵓⵙⵇⵇⵉⵎ ⵜⵓⴳⴳⴰⵙ ⵍⵍⵉ ⵏⵏ ⴳⴰⵏⵜ ⵜⵙⵇⵇⵉⵎⵉⵏ ⵖ ⵓⵣⵎⵣ ⵉⵍⵍⴰⵏ ⵏⴳⵔ ⵙⵏⴰⵜ ⵜⵙⵓⵜⴰⵍ, ⵙⵍⴰⵡⴰⵏ ⴰⵢⵍⵍⵉ ⵉⵥⵍⵉⵏ ⵙ ⵜⴹⴼⵕⵜ ⵏ ⵜⵓⴳⴳⴰⵙ ⵏ ⵢⵉⴳⵔ ⵏ ⵜⴷⴰⵡⵙ ⵖ ⵓⵙⴱⴷⴷⵉ ⵏ ⵜⵎⴰⴹⵓⵏⵜ ⵍⵍⵉ ⴼ ⵜⵍⵍⴰ ⵢⴰⵜ ⵜⵙⵎⵓⵏⵉ ⵉⵙⵜⴰⵡⵀⵎⵎⴰⵏ ⵍⵍⵉ ⵜⵙⴽⵔ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵏⴰⵎⵓⵏⵏ ⵙ ⵜⵉⵍⵉⵜ ⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⴷⵓⵙⵉ, ⴷ ⵜⴹⴼⵕⵜ ⵏ ⵉⴳⵔ ⵏ ⵜⴼⵍⵍⴰⵃⵜ ⴼ ⵉⵙⵡⵓⴷⴷⵓⵜⵏ ⵉⵥⵍⵉⵏ ⴷ ⵡⴰⵣⴰⵖ ⴷ ⵓⵙⵏⴰⵍ ⵏ ⵉⴼⵍⵍⴰⵃⵏ ⵎⵥⵥⵉⵏⵉⵏ ⵍⵍⵉ ⴼ ⵜⵍⵍⴰ ⵜⵙⵎⵓⵏⵉ ⵏ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵙⵢⴰⴼⵓⵜⵏ ⵙ ⵜⵉⵍⵉⵜ ⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⴷ ⵉⴳⵔ ⵏ ⵓⵥⵕⴼ ⵖ ⵓⵣⵣⵔⴰⵢ ⵏ ⵓⵎⵕⵚⵓⵎ ⵉⵣⴷⵉⵏ ⴷ ⵓⵎⵉⴹⴰⵏ ⵉⵜⵜⵓⴼⴽⴰⵏ ⵉ ⵜⵖⴰⵡⵙⵉⵡⵉⵏ ⵥⵍⵉⵏⵉⵏ ⵉⵣⴷⵉⵏ ⴷ ⵓⵙⵡⵓⴷⴷⵓ ⵏ ⵜⵎⴰⴹⵓⵏⵜ ⵏ ⵓⴼⵉⵔⵓⵙ ⵏ ⴽⵓⵕⵓⵏⴰ , ⵍⵍⵉ ⴼ ⵜⵍⵍⴰ ⵜⵙⵎⵓⵏⵉ ⵉⵙⵜⴰⵡⵀⵎⵎⴰⵏ ⵍⵍⵉ ⵜⵙⴽⵔ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ ⵙ ⵜⵉⵍⵉⵜ ⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⴷⵎⵙⴰ ⴷ ⵓⵥⵕⴼ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ, ⵉⴼⴽ ⴷ ⵓⵎⴷⵉⵡⴰⵍ ⴰⴷ 44 ⵏ ⵓⵙⵖⵍⴼ ⵉⵣⴷⵉⵏ ⴷ ⵡⴰⵎⵓⵏ ⴷ ⵜⴷⵎⵙⴰ ⴷ ⵓⵥⵕⴼ ⴷ ⵜⴷⴰⵡⵙⴰ ⴷ ⵉⵙⵡⵓⴷⴷⵓⵜⵏ ⵏ ⵡⴰⵔⴰⵢ ⵉⵣⴷⵉⵏ ⴷ ⵜⵎⴰⴹⵓⵏⵜ.  

ⵖⵎⴽ ⵍⵍⵉ ⵉⴱⴷⴷ ⵓⵙⵉⵔⴰ ⴼ ⵓⵎⴷⵉⵡⴰⵍ ⵉⵙⵜⴰⵡⵀⵎⵎⴰⵏ ⵉⵍⵍⴰⵏ ⵖ ⵜⵙⵇⵇⵉⵎⵜ ⵏ ⵜⴳⵯⵏⵙⴰⵏⵜ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ ⵍⵍⵉⵖ ⵜⵎⴹⴰⴽⴰⵕ ⴼ ⵓⵎⵕⵚⵓⵎ ⵉⴳⴰⵏ ⴰⵙⵍⴳⵏ ⵉⵣⴷⵉⵏ ⴷ ⵓⵙⵔⵓⵙ ⵏ ⵉⴱⴹⵉⵢⵏ ⵥⵍⵉⵏⵉⵏ ⵙ ⵡⴰⴷⴷⴰⴷ ⵏ ⵉⵖⴰⵡⴰⵍⵏ ⵉⴷⴰⵡⵙⴰⵏⵏ ⵍⵍⵉ ⵉⵣⵔⵉⵏ ⵙ ⵓⵎⴽⵕⴰⴹ ⵙ ⵜⵉⵍⵉⵜ ⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⴳⵯⵏⵙⴰⵏⵜ, ⵉⴳ ⵢⴰⵜ ⵜⵎⵍⴷⴰ ⵖ ⵉⵍⵍⴰ ⵓⵎⴽⵕⴰⴹ ⵏ ⵉⵎⵓⵔⴰ ⴼ ⴽⵓ ⵉⵙⵡⵓⴷⴷⵓⵜⵏ ⴷ ⵜⵎⵙⴽⴰⵔ ⵏ ⵓⵖⵉⵡⵍ ⵖ ⵜⵍⵍⴰ ⵜⴼⴰⵜⵉⵜ ⵏ ⵉⵎⵣⴷⴰⵖⵏ ⴷ ⵜⴼⴰⵜⵉⵜ ⵏ ⵡⴰⴽⴰⵍ ⴰⵏⴰⵎⵓⵔ.

ⵉⵙⴷⴷⵉⴷ ⵓⵙⵉⵔⴰ ⵏ ⵓⵙⵇⵇⵉⵎ ⵎⴰⵙ ⴱⴷⴷⴰ ⵉⵍⵍⴰ ⵃⵎⴰ ⴰⴷ ⵜⵜⵓⵙⴽⵉⵔⵏⵜ ⵜⵎⵙⴽⴰⵔ ⴷ ⵜⵙⵏⵜⴰⵢⵉⵏ ⵍⵍⵉ ⵔⴰⴷ ⵢⴰⵡⵙ ⵖ ⵜⵓⴳⴳⴰⵙ ⵜⵉⵏⴰⵎⵓⵔⵉⵏ.