ⵜⴷⵔⵓ ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ, ⵜⴰⵏⵙⵙⵉⵅⴼⵜ ⵏ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ, ⴳ ⵓⵏⵎⵓⵇⵇⴰⵔ ⵡⵉⵙ 29 ⵏ ⵍⴰⵛⴱⵓⵏⴰ
ⵜⴷⵔⵓ ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ, ⵜⴰⵏⵙⵙⵉⵅⴼⵜ ⵏ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ, ⴰⵙⵙ ⵏ 16 ⴷ 17 ⴽⵟⵓⴱⵕ 2023 ⴳ ⵓⵏⵎⵓⵇⵇⴰⵔ ⵡⵉⵙ 29 ⵏ ⵍⴰⵛⴱⵓⵏⴰ ⵉⵜⵜⵓⵙⵏⵎⴰⵍⴰⵏ ⴼ : “ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵡⴰⵡⵏⴰⴹ ⴷ ⵉⴱⴽⴽⴰⴹⵏ ⵉⴷⵎⵙⴰⵏⵏ: ⵉⵄⵔⵔⵉⵎⵏ ⴳ ⴷⴰⵜ”.
ⴳ ⵜⴳⵓⵔⵉ ⵏⵏⵙ, ⵜⵙⴰⵡⵍ ⵎⴰⵙⵙⴰ ⴱⵏⵄⵣⵉⵣ ⴼ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵓⵎⵏⵉⴷ ⵏ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵜⴳⵎⵉ ⵜⴰⵙⵓⵍⴰⵏⵜ, ⵜⵉⵏⵉ ⵎⴰⵙ ⵉⴳⴰ ⵍⵎⵖⵔⵉⵏ ⴰⵎⵣⵡⴰⵔⵓ ⴳ ⵓⵙⴱⴷⴷⵉ ⵏ ⵉⵙⵏⴼⵍⵏ ⴰⴷ ⵙ ⵓⵙⴽⵔ ⵏ ⵡⴰⴳⴳⴰⴳⵏ ⵏ ⵡⴰⵎⴰⵏ ⵍⵍⵉ ⵡⴰⵜⵜⵙⵏⵉⵏ ⴰⴼⵔⴰⴳ ⵏ ⵡⴰⵎⴰⵏ ⴷ ⵓⴼⴰⵔⵙ ⵏ ⵜⵥⴹⴰⵕⵜ ⴷ ⵓⵙⵡⵉ ⵏ ⵉⴽⴰⵍⵉⵡⵏ ⵉⵏⴼⵍⴰⵃⵏ.
ⵜⵉⵏⵉ ⵎⴰⵙ ⵉⴼⴰⵔⵙ ⵍⵎⵖⵔⵉⴱ ⴰⵙⵖⵍ ⴱⴰⵀⵔⴰ ⵉⴷⵔⵓⵙⵏ ⴳ ⵉⴳⴰⵣⵏ ⴳⴰⵏⵉⵏ ⵎⴳⴰⵍ ⵏ ⵡⴰⵏⵡⵏⴰⴹ (ⵎⴰⴷ ⵉⴷⵔⵓⵙⵏ ⴼ 0.2 %), ⵜⵉⵏⵉ ⵎⴰⵙ ⵉⴳⴰ ⵍⵎⵖⵔⵉⴱ ⵓⵍⴰ ⴰⵡⵜⵜⴰⵙ ⵏ ⵉⴷⵔⵉⵣⵏ ⵏ ⵓⵏⵏⴼⵍ ⵏ ⵓⵏⵣⵡⵉ ⴰⵎⴰ ⵜⴰⵖⴰⵔⵜ ⴷ ⵉⵏⴳⵉⵜⵏ....
ⵖⵎⴽ ⵍⵍⵉ ⵜⵙⴰⵡⴰⵍ ⴼ ⵡⴰⵜⵉⴳ ⵏ ⵜⴳⵎⵉ ⵜⴰⵙⵓⵍⴰⵏⵜ ⴳ ⵍⵎⵖⵔⵉⴱ, ⴰⵢⵍⵍⵉ ⵏⵉⵜ ⵉⵍⵍⴰⵏ ⴳ ⵓⴷⵓⵙⵜⵓⵔ ⵏ 2011 ⵍⵍⵉ ⵉⵙⴰⵡⵍⵏ ⴼ ⵓⵣⵔⴼ ⴳ ⵜⵓⴷⵔⵜ ⴳ ⵡⴰⵡⵏⴰⴹ ⵉⵥⵉⵍⵏ (ⴰⵎⵏⵏⵉ 31), ⵖⵎⴽ ⵍⵍⵉ ⵜⴱⴷⵔ ⵜⵉⵙⵜⵔⴰⵜⵉⵊⵉⵢⵉⵏ ⵜⵉⵏⴰⵎⵓⵔⵉⵏ ⴼ ⵜⴳⵎⵉ ⵜⴰⵙⵓⵍⴰⵏⵜ.
ⴳ ⵓⴳⵣⵣⵓⵎ ⵡⵉⵙ ⵙⵉⵏ, ⵜⵙⴰⵡⵍ ⵎⴰⵙⵙⴰ ⴱⵏⵄⵣⵉⵣ ⴼ ⵜⵉⵍⴰⵍⵜ ⵏ ⵉⵄⵔⵔⵉⵎⵏⴳ ⵜⴳⵎⵉ ⵜⴰⵙⵓⵍⴰⵏⵜ, ⵜⵙⵡⴰⵍ ⴼ ⵜⵉⵔⵎⵉⵜ ⵏ ⵉⵄⵔⵔⵉⵎⵏ ⴳ ⵢⵉⴳⵔ ⵏ ⵜⴳⵎⵉ ⵜⴰⵙⵓⵍⴰⵏⵜ, ⵍⵍⵉ ⵉⵍⵍⴰⵏ ⵙ ⵜⴷⵔⴰⵡⵜ ⵏ ⵉⵄⵔⵔⵉⵎⵏ ⴳ ⵜⵙⵇⵇⵉⵎⵜ ⵏ ⵡⴰⵏⴰⵡ ⵓⵏⴳⵉⵎⴰ ⴰⵎⵢⵏⵓ ⵍⵍⵉ ⵉⵙⵔⵙⵏ ⴽⵉⴳⴰⵏ ⵏ ⵜⵙⵓⵎⴰⵔ ⴼ ⵓⵏⵣⵡⵉ ⴷ ⵜⴼⵍⵍⴰⵃⵜ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ.
ⵜⵙⴷⴷⵉⴷ ⵎⴰⵙⵙⴰ ⴱⵏⵄⵣⵉⵣ ⴼ ⵜⵉⵍⴰⵍⵜ ⵏ ⵉⵄⵔⵔⵉⵎⵏ ⴳ ⵓⵙⴱⴷⴷⵉ ⵏ ⵜⵎⵙⴽⴰⵔ ⴳⴰⵏⵉⵏ ⵎⴳⴰⵍ ⵏ ⵉⵎⴰⵍ ⵏ ⵓⴼⴳⴰⵏ ⴰⵎ ⵉⵎⴰⵖⵏ ⴷ ⵜⵎⵓⴽⵔⵉⵙⵉⵏ ⵏ ⵓⵏⵣⵡⵉ ⴷ ⵉⴱⴽⴽⴰⴹⵏ ⵉⴷⵎⵙⴰⵏⵏ ⴷ ⵜⵉⵕⵥⵉ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⵙⴷⴷⵉⴷ ⴼ ⵓⵙⵎⵓⵜⵜⴳ ⵏ ⵉⵄⵔⵔⵉⵎⵏ ⴼ ⵉⴳⵔⴰⵏ ⵏ ⵡⴰⵜⵉⴳⵏ ⴷ ⵜⴷⵍⵙⴰ...
ⵜⵙⴰⵡⵍ ⵓⵍⴰ ⴼ ⵜⵏⴰⵥⴰⵕⵜ ⴳ ⵉⵄⵔⵔⵉⵎⵏ ⵏ ⵓⵙⵉⵜⵜⵉ ⵏ ⵜⵏⴰⵥⴰⵕⵉⵏ ⵣⴷⵉⵏⵉⵏ ⴷ ⵉⵎⴰⵍ, ⵍⵍⵖ ⴳⴰⵏ ⵉⵄⵔⵔⵉⵎⵏ ⵉⵙⵓⴳⴰⵎ ⵉⵏⴼⴳⴰⵏⵏ ⵍⵍⵉ ⴱⴰⵀⵔⴰ ⵙⵡⵓⵔⵉⵏⵉⵏ ⴳ ⵡⴰⵎⵓⵏⵏ.
ⵜⵖⵔ ⵓⵍⴰ ⵉ ⵜⵉⵍⵉⵜ ⵏ ⵉⵎⴰⵙⵙⵏ ⵍⵍⵉ ⵔⴰⴷ ⵉⵙⵙⵔⵇⴱ ⵉⵄⵔⵔⵉⵎⵏ ⴳ ⵓⵚⴽⵓ ⵏ ⵡⴰⵎⵓⵏⵏ ⴳ ⵉⵍⵍⴰ ⵓⵎⵛⴰⴱⴱⴰⴽ ⵉ ⵡⴰⵍⴰⵙ ⵏ ⵓⵙⵡⴰⵍⴰ ⵏ ⵜⵥⴹⴰⵕⵉⵏ ⵏ ⵉⵄⵔⵉⵎⵏ, ⵙ ⵎⴰⴷ ⵉⵥⵉⵍⵏ ⵉⴳ ⴰⵙⵜⵔⴰⵜⵉⵊⵉ ⴷ ⵉⵎⵉⵥ ⵏ ⵡⴰⵜⵉⴳⵏ ⴷ ⵜⵡⵉⵙⵉ ⴳ ⵜⴳⵎⵉ ⴷ ⵓⵚⴽⵓ.
ⵜⵖⵔ ⵎⴰⵙⵙⴰ ⴱⵏⵄⵣⵉⵣ ⵉ ⵓⵙⵡⵓⵔⵉ ⵃⵎⴰ ⴰⴷ ⴷⵔⵓⵏ ⵉⵄⵔⵔⵉⵎⵏ ⴳ ⵓⵙⵡⵓⴷⴷⵓ ⵏ ⵜⵖⴰⵡⵙⴰ ⵜⴰⵎⴰⵜⴰⵢⵜ ⴷ ⵓⵙⵖⵏⵓ ⵏ ⵓⵙⵡⵓⴷⴷⵓ ⴰⴷ ⵙ ⵜⵙⵓⵎⴰⵔ ⴷ ⵉⵙⵡⵉⵏⴳⵉⵎⵏ, ⴷ ⵓⵚⴽⵓ ⵏ ⵜⵎⵔⵙⴰⵍ ⵏ ⵜⴳⵏⵙⴰⵙⵜ ⴷ ⵓⵣⵣⴳⵉⵔ, ⵙ ⵜⵉⴹⴰⴼ ⴷ ⵓⴼⵔⴰⵏ, ⵙⵙⵏⵏ ⵉⵄⵔⵔⵉⵎⵏ ⴰⴷⵔⵉⵣ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵓⴷⵔⵉⵣ ⵏ ⵜⵎⴽⵕⴹⵉ ⵜⴰⴳⴷⵓⴷⴰⵏⵜ ⴼ ⵡⴰⴷⴷⴰⴷⵏ ⵏⵏⵙ, ⴷ ⵜⵉⵍⵉⵜ ⵏ ⵜⵡⵓⵔⵉ ⵉⵜⵜⴰⵡⵉⵏ ⵙ ⵓⴷⴷⵓⵔ ⴷ ⵓⵙⵉⴷⴼ ⴳ ⵜⵓⴷⵔⵜ ⵜⴰⵎⴰⵜⴰⵢⵜ, ⴷ ⵓⵙⴷⵓⵙ ⵏ ⵜⵎⵢⵉⵎⴰⵏⵜ ⴳ ⵜⵎⵉⵣⴰⵔ ⵏⵏⵙ ⴳ ⵜⵎⵔⵙⴰⵍ.