ⵏⵢⴰⵎⵉ: ⵉⴷⵓⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵍⵎⵖⵔⵉⴱ ⴳ ⵜⵙⵓⵜⵍⵜ ⵜⵉⵙ 29 ⵏ ⵜⵎⵙⵎⵓⵏⵜ ⵜⴰⵏⵎⵏⴰⴹⵜ ⵏ ⵉⴼⵔⵉⵇⵢⴰ ⵉⴹⴼⵕⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ
ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵍⵎⵖⵔⵉⴱ ⴳ ⵜⵙⵓⵜⵍⵜ ⵜⵉⵙ 29 ⵏ ⵜⵎⵙⵎⵓⵏⵜ ⵜⴰⵏⵎⵏⴰⴹⵜ ⵏ ⵉⴼⵔⵉⵇⵢⴰ ⵉⴹⴼⵕⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ, ⴳ 16 ⴰⵔ 18 ⵎⴰⵢ 2023 ⴳ ⴱⵏⵢⴰⵎⵉ ⵏⵏⵉⵊⵉⵔ.
ⵜⵙⵙⵉⵅⴼ ⴰⴽⴰⴱⴰⵕ ⵎⴰⵙⵙⴰ ⵍⴰⵟⵉⴼⴰ ⵍⴱⵍⵉⵃ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ, ⵙⴳ ⵜⵥⵖⵔⵜ ⴷ ⵜⵎⴰⵜⵔⴰⵔⵜ, ⴳⵉⵙ ⴰⵎⴰⵔⵉ ⵍⵃⵓⵙⴰⵢⵏ ⵓⵄⵍⴰⵍ ⵙⴳ ⴰⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⴰⵎⴰⵔⵉ ⵛⵛⴰⴼⵉⵇ ⵀⴰⵛⵎ ⴰⵎⵉⵏ ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ ⴷ ⵜⵎⵛⵛⵉⵡⵕⵜ ⵎⵉⵏⴰ ⵃⵎⴰⴷⴰⵏⵉⵙⴳ ⵜⴰⵎⵓⵏⵜ ⵜⴰⵎⵖⵔⵉⴱⵉⵜ ⵉ ⵜⵡⵡⵓⵔⵉ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ.
ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵎⵛⴰⵡⴰⵕ ⴷ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⴷ ⵓⵏⵏⵓⵕⵥⵎ ⵏ ⵉⵎⵏⴰⴷⵏ ⵉ ⵓⵙⴷⵙⵓ ⵏ ⵜⵓⴳⴳⴰⵙ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵓⵙⴰⵢⵔⵓⵔ ⴰⴼⵕⴰⵏⴽⵓⴼⵓⵏⵉ.
ⵔⴰⴷ ⵢⵉⵍⵉ ⵓⵎⴷⴰⴽⴰⵕ ⵏ ⵜⵎⵙⴰⵔⵉⵏ ⵣⴷⵉⵏⵉⵏ ⴷ ⵓⵙⵓⵔⵙ ⴰⵙⵔⵜⴰⵏ ⴳ ⵉⵡⴰⵏⴽⵏ ⵏ ⴱⵓⵕⴽⵉⵏⴰⴼⴰⵚⵓ ⴷ ⵖⵉⵏⵢⴰ ⴷ ⵎⴰⵍⵉ ⴷ ⵜⵛⴰⴷ, ⴷ ⵜⵎⵙⴰⵔⵉⵏ ⵢⴰⴹⵏⵉⵏ ⵣⴷⵉⵏⵉⵏ ⴷ ⵜⴷⵉⵎⵓⵇⵔⴰⵟⵉⵜ ⴷ ⵜⵏⴼⵔⵓⵜ ⴳ ⵉⴼⵔⵉⵇⵢⴰ ⵜⴰⴼⵕⴰⵏⴽⵓⴼⵓⵏⵉⵜ, ⵜⴰⵏⴼⵔⵓⵜ ⵏ ⵓⵜⵛⵓ ⴳ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵏ ⵜⴰⵙⵙⴰⵙⵉⵏ ⵜⵉⵙⵔⵜⴰⵏⵉⵏ ⴷ ⵜⵏⴰⵎⵓⵏⵉⵏ ⴷ ⵜⴷⵎⵙⴰⵏⵉⵏ, ⴰⴼⵔⴰⴳ ⵏ ⵢⵉⴳⵔ ⴰⵡⵏⴹⴰⵏ ⴷ ⵜⴰⴳⴰⵏⵉⵏ ⴷ ⵓⵙⴱⴷⴷⵉ ⵏ ⵜⵣⵣⵉⴳⵣⵜ ⵏ ⵜⵏⵣⵔⵓⴼⵜ ⴳ ⵉⴼⵔⵉⵇⵢⴰ ⴷ ⵉⴷⵔⵉⵣⵏ ⵏⵏⵙ ⴼ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵜⵉⵙⵏⵜⴰⵢⵉⵏ ⵜⵉⴱⵔⵍⴰⵎⴰⵏⵉⵢⵉⵏ ⴳ ⵜⵎⵔⴰⵡⵜ ⵜⴰⵎⴳⴳⴰⵔⵓⵜ.
ⵔⴰⴷ ⵉⵎⴹⴰⴽⴰⵕ ⵓⴽⴰⴱⴰⵕ ⴰⴱⵕⵍⴰⵎⵏⵉ ⴷ ⵉⴽⴰⴱⴰⵕⵏ ⵍⵍⵉ ⴷⵔⵓⵏⵉⵏ ⴳ ⵓⵏⵎⵓⵇⵇⴰⵔ ⴰⴷ ⵉ ⵓⵙⴷⵙⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ.