ⴰⵙⵉⵔⴰ(2016-2021):
ⴰⵙⵉⵡⴹ ⵏ ⵜⵙⵎⵓⵏⵉ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 28 ⵢⵓⵏⵢⵓ 2021
ⵉⵙⴳⵓⵎⵏ ⵏ ⵜⵙⵎⵓⵏⵉ: ⵜⴰⵖⵜⴰⵙⵜ ⵏ ⵓⴱⵕⵍⴰⵎⴰⵏ ⴰⵄⵕⴰⴱ, ⴰⵙⵎⵏⵉⴷ ⵏ ⵜⵢⴰⴼⵓⵜ ⵜⴰⴼⵔⴽⴰⵏⵜ ⵏ ⵜⵡⵓⵔⵉ ⵏ ⵜⵏⴱⴰⴹⵜ
ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵎⵓⵏⵉ ⵏⵏⵙ ⵜⴰⵏⵎⵍⴰⵙⵙⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ, ⴰⵢⵏⴰⵙ 28 ⵢⵓⵏⵢⵓ 2021, ⵜⵥⵍⵉ ⵉ ⵜⵖⵜⴰⵙⵜ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⴼ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵓⵙⵎⵏⵉⴷ ⵏ ⵜⵢⴰⴼⵓⵜ ⵜⴰⴼⵔⴽⴰⵏⵜ ⵏ ⵜⵡⵓⵔⵉ ⵏ ⵜⵏⴱⴰⴹⵜ ⴷ ⵜⵎⵙⴰⵔⵉⵏ ⵏ ⵜⵉⴹⴰⴼ ⴷ ⵓⵣⵣⵔⴰⴼ.
ⵉⵙⴰⵡⵍ ⵓⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⴳ ⵜⵣⵡⵉⵔⵉ ⴼ ⵜⵙⵎⵓⵏⵉ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⴷ ⵓⵙⵏⴰⵍ ⵏⵏⵙ ⵉ ⵡⴰⴷⴷⴰⴷ ⴰⵎⵖⵔⵉⴱⵉ ⴷⴼⴼⵉⵔ ⵏ ⵜⵖⵜⴰⵙⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⵅⴼ ⵜⴰⵙⵙⴰⵙⵜ ⵜⴰⵙⵉⵏⵔⴰⵏⵜ ⵊⴰⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⴳⵍⴷⵉⵜ ⵏ ⵚⴱⴰⵏⵢⴰ.
ⵉⵙⵓⵜⴳ ⵓⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⴰⴷⴷⴰⴷⵏ ⵥⵉⵍⵏⵉⵏ ⵏ ⵉⴽⴰⴱⴰⵕⵏ ⴰⵄⵕⴰⴱⵏ ⴰⵢⵜⵎⴰⵜⵏ ⴷ ⵉⵎⴰⵏ ⵏ ⵜⵡⵉⵣⵉ ⵉⴷⵓⵙⵏ ⵉⵍⵍⴰⵏ ⴳ ⵜⵖⵜⴰⵙⵜ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⴷ ⵓⵖⵣⴰⵏ ⵏ ⵜⵓⵎⴰⵢⵉⵏ ⵏⵏⵙ ⴷ ⵓⵙⵓⵜⴳ ⵏⵏⵙ ⵉ ⵜⵓⴳⴳⴰⵙ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⵙⴱⴷⴷⵉ ⵏ ⵓⵣⵡⴰⴳ ⵡⴰⵔⵓⵍⴳⵉⵏ, ⵍⵍⵉ ⵉⴱⴷⴷⵏ ⴼ ⵜⵉⵔⴰⵜ ⵜⴰⵙⵔⵜⴰⵏⵜ ⵉⴷⵓⵙⵏ ⴷ ⵉⵙⵡⴰⵍⴰⵢⵏ ⵓⵙⵔⵉⴷⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ.
ⴼ ⵜⵉⴹⴰⴼ, ⵉⵙⵔⵙ ⵓⵙⵉⵔⴰ ⴰⵖⴰⵡⴰⵙ ⵏ ⵜⵡⵓⵔⵉⵡⵉⵏ ⵏ ⵜⵖⵉⵎⵉⵜ ⵜⴰⵏⵎⵍⴰⵙⵙⵜ ⵏ ⵡⴰⵢⵏⴰⵙ 5 ⵢⵓⵍⵢⵓⵣ ⴳ ⵓⵙⴳⵓⵎ ⴰⴷⵎⵙⴰⵏ ⴷ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ.
ⴼ ⵓⵣⵔⴰⴼ, ⵉⵥⵕⴰ ⵓⵙⵉⵔⴰ ⵢⴰⵣⵏ ⵉ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵙⵏⴼⴰⵔ ⵏ ⵓⵙⵍⴳⵏ ⴼ ⵜⵡⵓⵔⵉ ⵜⴰⵎⵅⴰⵙⵜ ⴷ ⵜⵉⵏ ⵜⵎⴰⵖⵓⵏⵜ, ⴷ ⵓⵙⵏⴼⴰⵔ ⵏ ⵓⵙⵏⵎⴰⵍⴰ ⵏ ⵜⵎⴳⴳⵉⵡⵙⵜ ⵜⴰⵎⴰⵜⴰⵢⵜ ⵏ ⵜⵖⴰⵡⵙⵉⵡⵉⵏ ⵜⵉⵣⵔⴼⴰⵏⵉⵏ ⴷ ⵜⵥⵍⴰⵢⵉⵏ ⵏⵏⵙ ⴷ ⵜⵔⵙⴰⵍ ⵏ ⵓⵙⵏⵎⴰⵍⴰ ⵏⵏⵙ ⴷ ⵉⵣⵔⴼⴰⵏ ⵏ ⵉⴳⵎⴰⵎⵏ ⵏⵏⵙ ⴷ ⵓⵛⵛⵉⵍⵏ ⵏⵏⵙⵏ.
ⴼ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⵙⵇⵇⵉⵎ, ⵉⴼⴼⵖ ⵓⵙⵉⵔⴰ ⴰⴷ ⵜⵉⵍⵉ ⵜⵖⵉⵎⵉⵜ ⵜⴰⴳⴷⵓⴷⴰⵏⵜ, ⴰⵙⵉⵏⴰⵙ 29 ⵢⵓⵏⵢⵓ ⴳ ⵜⵉⵙ 16 ⵉ ⵜⵖⵔⵉ ⴷ ⵓⵙⵜⴰⵢ ⵏ ⵉⴹⵕⵉⵚⵏ ⵉⵣⵣⵔⴰⴼⵏ ⵓⵊⴰⴷⵏⵉⵏ.
ⴼ ⵓⵙⵎⵏⵉⴷ ⵏ ⵜⵢⴰⴼⵓⵜ ⵜⴰⴼⵔⴽⴰⵏⵜ ⵏ ⵜⵡⵓⵔⵉ ⵏ ⵜⵏⴱⴰⴹⵜ, ⵉⴼⴼⵖ ⵓⵙⵉⵔⴰ ⴰⴷ ⵜⵉⵍⵉ ⵜⵖⵉⵎⵉⵜ ⵏ ⵓⵙⵎⵏⵉⴷ ⵏⵏⵙ ⴰⵙⵉⵏⴰⵙ 6 ⵢⵓⵍⵢⵓⵣ ⵙⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⴰⵙⵉⵏⴰⵙ 13 ⵢⵓⵍⵢⵓⵣ ⴳ 15 ⵉ ⵓⵎⴹⴰⴽⴰⵕ.
ⴳ ⵜⵡⵓⵔⵉ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ, ⵉⵥⵕⴰ ⵓⵙⵉⵔⴰ ⴰⵏⵇⵇⵉⵙ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⴼ ⵉⴳⵔ ⵏ ⵜⵎⵔⵙⴰⵍ ⴷ ⵜⵓⵚⴽⵉⵡⵉⵏ ⵜⵉⵎⴰⵜⴰⵢⵉⵏ ⴳ ⵍⵎⵖⵔⵉⴱ ⵉⵍⵍⴰⵏ ⴼ 16 ⵏ ⵜⵎⵔⵙⵍⵜ ⵙ ⵜⵉⵍⵉⵜ ⵏ ⵉⵎⴰⵡⵙⴰⵙⵏ ⵏ ⵉⴳⵔⴰⵏ ⴰⴷ ⴷ ⵉⵏⵎⵀⴰⵍⵏ ⵉⵎⴰⵜⴰⵢⵏ ⵏ ⵜⵎⵔⵙⴰⵍ ⴰⴷ.