ⵉⵙⴽⵔ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵎⵓⵏⵉ ⵏⵏⵙ ⵜⴰⵏⵎⵍⴰⵙⵙⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ, ⴰⵙⵙ ⵏ ⵓⵙⵉⵏⴰⵙ 28 ⵉⴱⵔⵉⵔ 2020. ⵉⵍⵉⵏ ⵖ ⵓⵖⴰⵡⴰⵙ ⵏ ⵜⵡⵓⵔⵉ ⵎⵏⵏⴰⵡ ⵉⵎⵔⵙⵉⵡⵏ ⵀⵎⵎⴰⵏⵉⵏ: ⴰⵣⵣⵔⴰⴼ,  ⵜⵉⴹⴰⴼ,  ⵜⴰⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ, ⴰⵙⴽⵔ ⵏ ⵜⵔⴰⴱⴱⵓⵜ ⵉⵥⵍⵉⵏ ⵙ ⵓⵣⵣⵔⴰⴼ ⵖ ⵢⵉⴳⵔ ⵏ ⵜⴷⵓⵙⵉ, ⵜⴰⵣⴷⴰⵢⵜ ⵏ ⵓⵙⵇⵇⵉⵎ ⴷ ⴽⵔⴰ ⵏ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ.

ⵖ ⵜⵣⵡⵉⵔⵉ, ⵉⵙⴷⴷⵉⴷ ⵓⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⴼ ⵡⴰⵜⵉⴳ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵜⵉⵕⵡⵉ ⵏ ⵜⵡⵉⵙⵉ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵜⵓⴳⵜ ⵓⵍⴰ ⵜⵓⵣⵍⵜ ⵖ ⵉⵙⵡⵉⵔⵏ ⵏ ⵜⵉⴹⴰⴼ ⴷ ⵓⵣⵣⵔⴰⴼ. ⵙ ⵓⵣⵎⵣⵣⵓ, ⵙⴷⴷⵉⴷⵏ ⴰⴷ ⵜⵉⵍⵉ ⵜⵣⵣⵉⴳⵣⵜ ⵖ ⵜⵎⵙⴽⴰⵔ ⵜⵉⴷⵙⵜⴰⵔⵉⵏ ⵙ ⴰⵢⵍⵍⵉ ⵜⵔⴰ ⵜⵏⴰⴼⵓⵜ ⵜⴰⵏⴰⵎⵓⵔⵜ ⴷ ⵓⵡⵇⵇⵔ ⵏ ⵜⵎⵙⴽⴰⵔ ⵏ ⵡⴰⵔⴰⵢ.

ⵉⴱⴷⴷ ⵓⵙⵉⵔⴰ ⴼ ⵜⵉⵍⴰⵍⵜ ⵏ ⵓⵙⵇⵇⵉⵎ ⵖ ⵉⵎⴰⵍⴰⵙⵙ ⵉⵣⵔⵉⵏ, ⵉⴱⴷⵔ ⵜⵉⵙⵏⵜⴰⵢⵉⵏ ⴷ ⵜⵙⵎⵓⵏⴰⵢ ⵍⵍⵉ ⵙⴽⵔⵏⵜ ⵜⵙⵇⵇⵉⵎⵉⵏ, ⵉⴹⴼⵕ ⵜⵏⵜ ⵓⵎⵏⵉⴷ ⴰⵎⴰⵜⴰⵢ ⴰⵏⴰⵎⵓⵔ ⵙ ⴽⵉⴳⴰⵏ ⵏ ⵓⵅⵎⵎⴻⵎ, ⵜⵉⵍⵉ ⴳⵉⵙⵏⵜ ⵜⵡⵓⵔⵉ ⵏ ⵓⵣⵣⵔⴰⴼ ⵉⵥⵍⵉⵏ ⵙ ⵓⵙⵖⵣⵏ ⵏ ⵙⵉⵏ ⵉⵙⵏⴼⴰⵔⵏ ⵏ ⵓⵙⵍⴳⵏ,  ⵡⵉⵏ ⵓⵙⵔⵙ ⵏ ⵉⵙⵡⵓⴷⴷⵓⵜⵏ ⵥⵍⵉⵏⵉⵏ ⵉ ⵉⴷ ⴱⴰⴱ ⵏ ⵜⵡⵓⵔⵉ ⵉⵎⵍⵜⴰⵖⵏ ⵖ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⴷ ⵉⵅⴷⴷⴰⵎⵏ ⵏⵏⵙⵏ, ⵍⵍⵉ ⵜⵙⵖⵣⵏ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵏⴰⵎⵓⵏⵏ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⵖ ⵜⵖⵉⵎⵉⵜ ⵜⵓⵙⵎⵉⴷⵜ. ⵖⵎⴽ ⵍⵍⵉ ⵜⵙⵖⵣⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ ⵙ ⵓⵎⴽⵕⴰⴹ ⴰⵙⵏⴼⴰⵔ ⵏ ⵓⵙⵍⴳⵏ ⵏ ⵓⵙⵔⵙ ⵏ ⵉⴱⴹⵉⵢⵏ ⵥⵍⵉⵏⵉⵏ ⵙ ⵜⵣⵣⵉⴳⵣⵜ ⵏ ⵉⵏⴳⵎⴰⵎⵏ ⵏ ⵜⵎⵙⵙⵓⴳⵓⵔⵜ ⵏ ⵜⵎⵙⵙⵓⵔⵉⵏ ⵏ ⵜⵡⵉⵣⵉ ⴷ ⵜⵎⴰⵎⴽⵉⵏ ⵏ ⵓⵙⴽⴰⵔ ⵏ ⵜⵙⵎⵓⵏⴰⵢ ⵏⵏⵙⵏⵜ ⵜⵉⵎⴰⵜⴰⵢⵉⵏ, ⵖⵎⴽ ⵍⵍⵉ ⵜⵙⴰⵍⴰ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ  ⵜⵉⵖⵔⵉ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵉⵣⴷⵉⵏ ⵙ ⵓⵙⵍⴳⵏ ⴰⵏⴱⴽⴰⴹ ⵉⵥⵍⵉⵏ ⵙ ⵓⵙⴱⴷⴷⵉ ⵏ ⵉⵔⵉⴷ ⵏ ⵉⴷⵔⵉⵎⵏ, ⴷ ⵓⵙⵏⴼⴰⵔ ⵏ ⵓⵙⵍⴳⵏ ⵉⵣⴷⵉⵏ ⵙ ⵜⵏⴱⴹⴰⵢⵜ ⴷ ⵜⵎⴰⵣⵣⴰⵍⵜ ⵜⴰⵎⵛⴰⵛⴽⴰⵏⵜ. ⵖ ⵢⵉⴳⵔ ⵏ ⵜⵉⴹⴰⴼ, ⵜⵙⴽⵔ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⴷ ⵉⵎⵖⵔⴰⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ ⵜⴰⵙⵎⵓⵏⵉ ⵉⵥⵍⵉⵏ ⵙ ⵉⵎⵖⵔⴰⴱⵉⵢⵏ ⵍⵍⵉ ⵏⵏ ⵉⵖⴰⵎⴰⵏ ⵖ ⴱⵕⵕⴰ. ⵜⵜⵓⵙⴽⴰⵔⵏⵜ ⵓⵍⴰ ⵜⵙⵎⵓⵏⴰⵢ ⵏ ⵉⵙⵉⵔⴰⵜⵏ ⵏ ⵜⵙⵇⵇⵉⵎⵉⵏ: ⵜⴰⵙⵇⵇⵉⵎⵜ ⵏ ⵉⴳⵔⴰⵏ ⵉⵙⵢⴰⴼⵓⵜⵏ, ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ, ⵜⴰⵙⵇⵇⵉⵎⵜ ⵏ ⵜⴳⵯⵏⵙⴰⵏⵜ ⴷ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ.

ⵉⴱⴷⴷ ⵓⵙⵉⵔⴰ ⵓⵍⴰ ⴼ ⵓⵙⵖⵉⵡⵙ ⵏ ⵜⵡⵓⵔⵉ ⵜⴰⵣⵣⵔⴰⴼⵜ ⵏ ⵜⵙⵇⵇⵉⵎⵉⵏ, ⵔⴰⴷ ⵜⵜⵓⵙⴽⵉⵔ ⵜⵖⵉⵎⵉⵜ ⵜⵓⵙⵎⵉⴷⵜ ⴰⵙⵙ ⵏ ⵓⴽⴰⵡⵙ 30 ⵉⴱⵔⵉⵔ ⵉ ⵜⵖⵔⵉ ⴷ ⵓⵙⵜⴰⵢ ⵏ ⵉⴹⵕⵉⵚⵏ ⵓⵊⴰⴷⵏⵉⵏ.

ⵉⵥⵕⴰ ⵓⵙⵉⵔⴰ ⵏ ⵓⵙⵇⵇⵉⵎ ⵢⴰⵣⵏ ⵉ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵙⵢⴰⴼⵓⵜⵏ ⵜⴰⵙⵓⵎⵔⵜ ⵏ ⵓⵙⵍⴳⵏ ⵉⵣⴷⵉⵏ ⵙ ⵓⵃⵟⵟⵓ ⵏ ⵓⵏⵙⵎⵓⵔ, ⵢⴰⵣⵏ ⵉ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⵜⴰⵙⵓⵎⵔⵜ ⵏ ⵓⵙⵍⴳⵏ ⵉⵥⵍⵉⵏ ⵙ ⵜⵣⴷⴰⵢⵉⵏ ⵏ ⵜⵎⵖⵓⵏⵜ ⵏⴳⵔ ⵓⵎⵙⵙⵖⴼⵔ ⴷ ⵓⴽⵔⵔⴰⵢ.

ⵖ ⵜⵉⴹⴰⴼ ⵜⴰⵏⵎⵍⴰⵙⵙⵜ  : ⵉⵥⵍⵉ ⵓⵙⵉⵔⴰ ⴰⵖⴰⵡⴰⵙ ⵏ ⵜⵡⵓⵔⵉ ⵏⵏⵙ ⵉ ⵢⵉⴳⵔ ⵏ ⵓⵙⵡⵓⵔⵉ ⴷ ⵓⵙⵉⴷⴼ ⴰⵣⵣⵓⵍⴰⵏ, ⵔⴰⴷ ⴳⵉⵙ ⵉⵍⵉⵏ ⵉⵙⵇⵙⵉⵜⵏ ⵍⵍⵉ ⴷ ⵉⴹⴼⵕ ⵓⵎⴹⴰⴽⴰⵕ ⵙ ⵓⵣⵣⴳⵉⵔ ⵏ ⵓⵎⴰⴳⵔⴰⴷ 268 ⵏ ⵓⵙⵍⴳⵏ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ.

ⵉⵎⴷⴰⵡⴰⵍ ⵓⵙⵉⵔⴰ ⴼ ⵓⵙⵎⵀⵍ ⵏ ⵉⵙⵖⵍⴰⴼ ⵏ ⵡⴰⵙⵙ ⵏ ⵜⵖⵓⵔⵉ ⵍⵍⵉ ⵜⵙⴽⵔ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⵖ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵙⴷⴷⵉⴷ ⵓⵙⵉⵔⴰ ⴰⴷ ⵉⵜⵜⵓⵙⴽⵉⵔ ⵢⴰⵏ ⵓⵖⴰⵡⴰⵙ ⴰⵙⵉⴽⵔⴰⵏ ⵙ ⵜⵉⴼⴰⵡⵜ ⵏ ⵜⵢⴰⴼⵓⵜ ⵏ ⵓⵎⵙⴰⵡⴰⵍ ⴰⵏⴰⵎⵓⵔ ⴷ ⵓⵙⵕⵚⵓ ⵏ ⵜⴷⵍⵙⴰ ⵏ ⵓⴱⵕⵍⴰⵎⴰⵏ ⵏ ⵡⴰⴷⴰⵙ ⵉⵎⵓⵏⵏ ⴷ ⵜⵎⴰⵣⵣⴰⵍⵜ ⵏ ⵓⵎⵙⴰⵡⴰⴹ, ⵖⵎⴽ ⴰⵏⵏ ⴷ ⵓⵎⵏⵉⴷ ⵏ ⵓⵣⵣⵔⴰⴼ ⵙ ⵓⵣⵣⵔⴰⵢ ⵏ ⵉⵙⵍⴳⵏⵏ ⵉⵎⴰⴷⴷⴰⵙⵏ ⵣⴷⵉⵏⵉⵏ ⴷ ⵜⴼⴰⴷⵉⵡⵉⵏ ⵏ ⵜⵏⴽⴷⴰ ⵏ ⵜⵓⵍⴽⵉⵎⵉⵏ ⴷ ⵜⵓⵜⵔⵉⵡⵉⵏ ⵉ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⵖ ⵢⵉⴳⵔ ⵏ ⵓⵣⵣⵔⴰⴼ.

ⵖ ⵜⵣⴷⴰⵢⵜ ⵏ ⵓⵙⵇⵇⵉⵎ  ⵏ ⵉⵎⵓⵔⴰ ⴷ ⵉⵏⴳⵎⴰⵎⵏ ⵏ ⵡⴰⵎⵓⵏ ⴰⵖⵔⵎⴰⵏ: ⵉⵙⴷⴷⵉⴷ ⵓⵙⵉⵔⴰ ⵏ ⵓⵙⵇⵇⵉⵎ ⴼ ⵡⴰⵜⵉⴳ ⵏ ⵓⵎⵙⴰⵡⴰⴹ ⴷ ⵓⵎⵢⴰⵡⴰⵙ ⵍⵍⵉ ⵔⴰⴷ ⵉⵜⵜⵓⵙⴽⵉⵔ ⵙ ⵢⴰⵏ ⵓⵖⴰⵡⴰⵙ ⴰⵎⵥⵍⴰⵢ ⵙ ⵜⴷⵔⴰⵡⵜ ⴷ ⵓⵎⵛⴰⵡⴰⵕ ⵏ ⵉⵏⴳⵎⴰⵎⵏ ⵏ ⵡⴰⵎⵓⵏ ⴰⵖⵔⵎⴰⵏ ⵙ ⵓⵣⵣⴳⵉⵔ ⵏ ⵓⵎⴰⴳⵔⴰⴷ 137 ⵏ ⵓⵙⵍⴳⵏ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ.

ⵖ ⵓⵎⵏⵉⴷ ⵏ ⵓⵙⴰⵜⵉ ⴰⵣⵣⵔⴰⴼ ⵉⵙⴳⴰⴷⴷⴰⵏ ⵉⴳⵔ ⴰⴷⵓⵙⴰⵏ: ⵔⴰⴷ ⵜⵜⵓⵙⴽⵉⵔ ⵢⴰⵜ ⵜⵔⴰⴱⴱⵓⵜ ⵏ ⵜⵡⵓⵔⵉ ⵜⴰⵙⴳⵓⵎⴰⵏⵜ ⵜⴰⵎⵙⵉⴽⵓⴷⵜ, ⵔⴰⴷ ⴳⵉⵙ ⵢⵉⵍⵉ ⵢⴰⵏ ⵓⴳⵎⴰⵎ ⵖ ⴽⵔⴰⵢⴳⴰⵜⵜ ⵜⵔⴰⴱⴱⵓⵜ ⴷ ⵜⴳⵔⵓⵎⵎⴰ ⵜⴰⴱⵕⵍⴰⵎⵏⵉⵜ ⴷ ⵙⵉⵏ ⵉⴳⵎⴰⵎⵏ ⵖ ⵓⵙⵉⵔⴰ ⵏ ⵓⵙⵇⵇⵉⵎ, ⵔⴰⴷ ⵜⵙⴽⵔ ⵉⵔⵣⵣⵓⵜⵏ ⴷ ⵜⵖⵓⵔⵉⵡⵉⵏ ⵖ ⵢⵉⴳⵔ ⴰⴷ, ⴳⵉⵏ ⴰⵙⵏⴰⵍ ⵉ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵏⴰⵎⵓⵏⵏ ⵖ ⵓⵙⵇⵇⵉⵎ ⵏ ⵉⵎⵓⵔⴰ.

ⵖ ⵜⵣⴷⴰⵢⵜ ⵏ ⵓⵙⵇⵇⵉⵎ ⴷ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ: ⵉⵎⴹⴰⴽⴰⵕ ⵓⵙⵉⵔⴰ ⵏ ⵓⵙⵇⵇⵉⵎ ⴼ ⵜⵓⵜⵔⴰ ⵏ ⴽⵔⴰ ⵏ ⵜⵔⵓⴱⴱⴰ ⵜⵉⴱⵕⵍⴰⵎⴰⵏⵉⵢⵉⵏ ⵉⵥⵍⵉⵏ ⵙ ⵓⵎⵏⵉⴷ ⵏ ⵓⵙⵇⵇⵉⵎ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⵏⵎⵏⴰⴹ ⴼ ⵉⴷⵔⵉⵣⵏ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ ⵖ ⵉⵙⵡⵉⵔⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ, ⵔⴰⴷ ⵜⵜ ⵢⴰⵣⵏ ⵉ ⵜⵎⵔⵙⵍⵜ ⴰⴷ ⵙ ⵓⵣⵣⴳⵉⵔ ⵏ ⵉⴱⴹⵉⵢⵏ ⵏ ⵓⵎⴰⴳⵔⴰⴷ 7 ⵖ ⵓⵙⵍⴳⵏ ⵏⵏⵙ ⴰⵎⴰⴷⴷⴰⵙ ⴷ ⵓⵎⴰⴳⵔⴰⴷ 337 ⵖ ⵓⵙⵍⴳⵏ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ.

ⵖⵎⴽ ⵍⵍⵉ ⵉⵥⵕⴰ ⵓⵙⵉⵔⴰ ⵙⵉⵏ ⵉⵏⵇⵇⵉⵙⵏ ⴰⵙⴳⵓⵎⴰⵏ ⴷ ⵓⵙⴳⵯⵙⴰⵏ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ.