ⵜⵉⵙⵎⵓⵏⴰⵢ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⵍⵎⵖⵔⵉⴱ-ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ, ⴱⵔⵓⴽⵙⵉⵍ 27 ⴰⵔ 30 ⵢⵓⵏⵢⵓ 2022, ⵙⵜⵔⴰⵙⴱⵓⵔⴳ 4 ⴰⵔ 7 ⵢⵓⵍⵢⵓⵣ 2022

ⵜⵙⴽⵔ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⵍⵎⵖⵔⵉⴱ-ⵜⴰⵎⵓⵏⵜ ⵏ ⵓⵕⵓⴱⴱⴰ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵍⵃⵙⵏ ⵃⴰⴷⴷⴰⴷ ⵜⵓⴳⵜ ⵏ ⵜⵙⵎⵓⵏⴰⵢ ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴳ ⴱⵔⵓⴽⵙⵉⵍ ⵙⴳ 27 ⴰⵔ 30 ⵢⵓⵏⵢⵓ 2022 ⴷ ⵙⵜⵔⴰⵙⴱⵓⵔⴳ ⵙⴳ 04 ⴰⵔ 07 ⵢⵓⵍⵢⵓⵣ 2022. ⵙ ⵖⵎⴽ ⴰⴷ, ⵜⵍⵍⴰ ⵜⵙⵎⵓⵏⴰⵢ ⴰⴽⴷ 36 ⵏ ⵓⴱⵕⵍⴰⵎⴰⵏⵉ ⴳ ⴱⵔⵓⴽⵙⵉⵍ ⴷ ⵙⵜⵔⴰⵙⴱⵔⴳ ⵙⴳ ⵜⵉⵔⵓⴱⴱⴰ ⵜⵉⵙⵔⵜⴰⵏⵉⵏ ⵉ ⵓⵎⴹⴰⴽⴰⵕ ⵏ ⵓⵏⵇⵇⵉⵙ ⵏ ⵜⵙⵇⵇⵉⵎⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵡⵉⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ.

ⵜⵙⵓⵊⴰⴷ ⵜⵎⵏⴰⵇⵇⴰⵙⵜ ⵜⴰⴱⵕⵍⴰⵎⴰⵏⵉⵜ ⵉⵥⴰⴱⵉⵍ ⵡⵉⵣⵍⵉⵔ ⵍⵉⵎⴰ ⵙⴳ ⵓⴽⴰⴱⴰⵕ ⴰⵎⴷⵏⴰⵏ ⵏ ⵓⵔⵓⴱⴱⴰ ⵅⴼ ⵓⴼⵔⴰⴳ ⵏ ⵉⵏⵖⵎⴰⵙⵏ ⴳ ⵓⵎⴰⴹⴰⵍ ⴷ ⵜⵙⵔⵜⵉⵜ ⵏ ⵜⴰⵎⵓⵏⵜ ⵏ ⵓⵔⵓⴱⴱⴰ, ⵉⵜⵜⵓⵙⵔⴰⵙ ⵙ ⵓⵎⵛⴰⵡⴰⵕ ⴷ ⵉⵏⵖⵎⴰⵙⵏ ⴷ ⵉⵎⵓⵣⴰⵓⵏ, ⵢⵉⵍⵉ ⴳⵉⵙ ⵓⵙⵏⴼⴰⵔ ⵏ ⵜⵖⵜⴰⵙⵜ ⵎⴳⴰⵍ ⵏ ⵍⵎⵖⵔⵉⴱ.

ⴳ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ, ⵉⵍⵍⴰ ⵓⵎⴹⴰⴽⴰⵕ ⵏ ⵓⵏⵇⵇⵉⵙ ⵏ ⵓⴱⵕⵍⴰⵎⴰⵏⵉ ⵎⴰⵙⵙ ⴰⵏⵟⵓⵏⵢⵓ ⵍⵓⴱⵉⵣ ⵉⵙⵜⵔⵡⵉⵣ ⵙⴳ ⵜⴰⵔⴰⴱⴱⵓⵜ ⵏ ⵓⴽⴰⴱⴰⵕ ⴰⵎⴷⵏⴰⵏ ⵏ ⵓⵕⵓⴱⴱⴰ ⵅⴼ ⵜⵙⵔⵜⵉⵜ ⵏ ⴱⵕⵕⴰ ⴷ ⵜⵏⴼⵔⵓⵜ ⴳ ⵓⵙⴰⵜⵉ ⵏ ⵓⵙⵎⴰⵢⵏⵓ ⵏ ⵜⵎⴷⵔⴰⵡⵜ ⴰⴽⴷ ⵉⵡⴰⵏⴽⵏ ⵏ ⵉⴼⴼⵓⵙ ⴷ ⵜⴽⵕⴹⴰ ⵏ ⵜⵡⵡⵓⵔⵉ  ⵜⴰⵎⴰⵢⵏⵓⵜ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ, ⵜⵍⵍⴰ ⵜⵙⵓⵎⵔⵜ ⵉ ⵓⵙⵏⴼⵍ ⵓⵟⵟⵓⵏ 179 ⴷ ⵓⵙⵏⴼⴰⵔ ⵏ ⵜⵖⵜⴰⵙⵜ ⵓⵟⵟⵓⵏ 192 ⴳⴰⵏⵉⵏ ⵎⴳⴰⵍ ⵏ ⵍⵎⵖⵔⵉⴱ ⵙⴳ ⵜⴰⵔⴰⴱⴱⵓⵜ ⵏ ⵉⴱⵕⵍⴰⵎⴰⵏⵉⵢⵏ ⵙⴳ ⵉⵣⴳⵣⴰⵡⵏ ⴷ ⵓⵥⵍⵎⴰⴹ ⵏ ⵓⵕⵓⴱⴱⴰ ⵉⵎⵓⵏⵏ.

ⴳ ⵜⵉⵣⵉ ⴰⴷ ⴳ ⵜⵍⵍⴰ ⵜⵉⵔⵎⵉⵜ ⵏ ⵓⴽⵛⵓⵎ ⵙ ⵙ ⵉⴼⵔⵉⴳ ⵏ ⵓⵣⵣⴰⵍ ⵊⴰⵔ ⵏⵏⴰⴹⵓⵕ ⴷ ⵎⵍⵉⵍⵢⵢⴰ ⵉⵜⵜⵢⴰⵎⴰⵥⵏ, ⵜⵉⵔⵎⵉⵜ ⵏ ⵓⴽⵛⵓⵎ ⴰⵎⴳⵔⵓ ⵙⴳ ⵉⵎⵣⵡⴰⴳⵏ ⵉⴼⵔⵉⵇⵉⵢⵏ ⵡⴰⵔⵓⵍⴳⵉⵏⵏ, ⵜⵙⵎⵏⵉⴷ ⵜⵔⴰⴱⴱⵓⵜ ⵏ ⵓⵥⵍⵎⴰⴹ ⵏ ⵓⵕⵓⴱⴱⴰ ⵉⵎⵓⵏⵏ ⴷ ⵉⵣⴳⵣⴰⵡⵏ ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴰⵙⵏⴼⴰⵔ ⵏ ⵜⵖⵜⴰⵙⵜ ⵉⵖⴰⵍⵏ ⵎⴳⴰⵍ ⵏ ⵍⵎⵖⵔⵉⴱ.

ⴷⴰⵜ ⵏ ⵜⵙⵜⵔⴰⵜⵉⵊⵉⵜ ⴰⴷ ⵉⴳⴰⵏ ⵎⴳⴰⵍ ⵏ ⵍⵎⵖⵔⵉⴱ ⵎⵏⵉⴷ ⵏ ⵉⴱⵕⵍⴰⵎⴰⵏⵉⵢⵏ ⵉⵡⵙⵏⵉⵏ ⵉ ⴱⵓⵍⵉⵣⴰⵔⵢⵓ, ⵍⵍⵉ ⵔⴰⵏⵉⵏ ⴰⴷ ⴼⴽⵉⵏ ⵜⵉⴽⵔⴽⴰⵙ ⵉ ⵓⴳⴷⵓⴷ ⴳ ⵓⵕⵓⴱⴱⴰ, ⵜⵙⵙⵉⴳⵓⵜ ⵜⵙⵇⵇⵉⵎⵜ ⵉⵛⵛⴰⵔⵏ ⴳ ⵉⵏⵎⵓⵇⵇⴰⵔⵏ ⵏⵏⵙ ⴰⴽⴷ ⵉⴱⵕⵍⴰⵎⴰⵏⵉⵢⵉⵏ ⵏ ⵓⵕⵓⴱⴱⴰ ⵟⵟⴰⴼⵏⵉⵏ ⴰⴷⵖⴰⵔ ⵏⵏⵙⵏ, ⵢⵉⵍⵉ ⵓⵎⵙⴰⵛⴽⴰ ⵏ ⵜⵣⵣⵉⴳⵣⵜ ⵏ ⵓⵎⵙⴰⵡⴰⵍ ⵊⴰⵔ ⵍⵎⵖⵔⵉⴱ ⴷ ⵓⵕⵓⴱⴱⴰ ⵃⵎⴰ ⴰⴷ ⵉⵍⵉⵏ ⵉⴼⵙⵙⴰⵢⵏ ⵉ ⵜⵏⴰⵥⵕⵉ ⵍⵍⴰⵏⵉⵏ, ⵜⴻⵜⵜⵓⴼⴽⵉ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵉ ⵜⵣⴷⴰⵢⵉⵏ ⵊⴰⵔ ⵏⵏⵙⵏ, ⵜⵉⵍⵉ ⵓⵍⴰ ⵜⵡⵡⵓⵔⵉ ⵏ ⵓⵎⵢⴰⵡⴰⵙ ⵉ ⵓⵙⵎⵖⵔ ⵏ ⵜⵙⵔⵜⵉⵜ ⵏ ⵜⵓⴷⴷⵊⵓⵕⴰ ⴰⴽⴷ ⵓⵔⵓⴱⴱⴰ ⴷ ⵓⵙⴱⴷⴷⵉ ⵏ ⵓⵣⵡⴰⴳ ⵡⴰⵔⵓⵍⴳⵉⵏ ⵙ ⵓⵙⵎⵔⵙ ⵏ ⵓⵎⵢⴰⵡⴰⵙ ⵉ ⵜⵉⵍⵉⵜ ⵏ ⵜⵏⴼⵓⵜ ⵉⵙⵓⵍⵏ ⴷ ⵥⵥⵀⵕⵜ ⵉⵛⵛⴰⵔⵏ.

ⴳ ⵜⵙⵎⵓⵏⴰⵢ ⴰⴷ, ⵖⵔⴰⵏ ⵉⴳⵎⴰⵎⴰⵏ ⵏ ⵜⵙⵇⵇⵉⵎⵜ ⵉ ⵓⵙⴷⵓⵙ ⴷ ⵓⵙⵏⴰⵍ ⵏ ⵓⵚⴽⵓ ⵊⴰⵔ ⵍⵎⵖⵔⵉⴱ ⴷ ⵓⵕⵓⴱⴱⴰ ⵙ ⵜⵎⵢⴰⴷⴰⵙⵜ ⵉⵙⴽⵔⵏ ⵜⵉⴳⵎⵉ ⵉⵛⵛⴰⵔⵏ ⴳ ⵉⴳⵔⴰⵏ ⵏ ⵜⵥⴹⵕⵜ ⵜⴰⵎⴰⵢⵏⵓⵜ ⴷ ⵓⴼⵔⴰ ⴷ ⵜⵏⴼⵔⵓⵜ ⴷ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵓⴱⴽⴽⴰⴹ ⴷ ⵓⴱⵔⵙⵙⵉⵡⴷ ⵙ ⵎⴰⴷ ⵉⵙⵎⵓⵏⵏ ⴽⵓ ⵉⵎⵏⴰⴷⵏ ⵏ ⵜⵎⴷⵔⴰⵡⵜ ⵊⴰⵔ ⵍⵎⵖⵔⵉⴱ ⴷ ⵓⵕⵓⴱⴱⴰ. ⵙⴷⴷⵉⴷⵏ ⵉⴱⵕⵍⴰⵎⴰⵏⵉⵢⵏ ⵉⵎⵖⵔⵉⴱⵉⵢⵏ ⴼ ⵓⵛⵛⵉⵍ ⵙ ⵓⴼⵔⴰⴽ ⵙ ⵓⵙⵓⵔⵙ ⴷ ⵉⵙⴷⵓⴷⴷⵓⵢⵏ ⵏ ⵜⵏⴼⵔⵓⵜ, ⵖⵔⵏ ⵉ ⵜⵓⴳⴳⵯⴰⵙ  ⴳ ⵓⵙⴰⵜⵉ ⵏ ⵜⵍⵢⴰⴷⴰⵙⵜ ⵏ ⵜⵎⴷⵔⴰⵡⵜ ⴷ ⵡⴰⵔⴰⵢ  ⵉ ⵓⵙⴱⴷⴷⵉ ⵏ ⵉⵎⵉⵣⵉⵢⵏ ⵎⴳⴰⵍ ⵏ ⵜⵙⴳⴰ ⵓⵕⵓⵜⴰⵏⴰⵎⵎⴰⵙⵜ.

ⵜⵉⵥⴹⵉⵕ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⵊⴰⵔ ⵍⵎⵖⵔⵉⴱ ⴷ ⵓⵕⵓⴱⴱⴰ ⴰⴷ ⵜⵙⴱⴷⴷ ⴽⵕⴰⴹ ⵉⵙⵏⴼⴰⵔⵏ ⵏ ⵜⵖⵜⴰⵙⵉⵏ ⴷ ⵉⵙⵏⴼⵍⵏ ⵍⵍⴰⵏⵉⵏ ⴷⴰⵔ ⵜⵙⵇⵇⵉⵎⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵙⵇⵇⵉⵎⵜ ⵏ ⴱⵕⵕⴰ.

ⵜⴼⴽⴰ ⵜⵙⵇⵇⵉⵎⵜ ⵓⵍⴰ ⵉⵙⵉⵙⴼⵉⵡⵏ ⵉ ⵉⴱⵕⵍⴰⵎⴰⵏⵉⵢⵏ ⵏ ⵓⵕⵓⴱⴱⴰ ⴳ ⵜⵖⵉⵎⵉⵜ ⵜⴰⵎⴰⵜⴰⵢⵜ ⵏ 04 ⵢⵓⵍⵢⵓⵣ 2022 ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴳ ⵙⵜⵔⴰⵙⴱⵓⵔⴳ, ⴳ ⵉⵍⵍⴰ ⵓⵎⴹⴰⴽⴰⵕ ⵖ ⵃⴰⴹⵕⵏ 15 % ⵙⴳ ⵉⴱⵕⵍⴰⵎⴰⵏⵉⵢⵏ, ⵉⴽⴽ ⵎⴰⴷ ⵉⴳⴰⵏ 20 ⵏ ⵜⵓⵙⴷⴰⴷⵜ, ⵓⵔ ⵉⴼⴼⵖ ⵙ ⴽⵔⴰ ⵏ ⵜⵖⵜⴰⵙⵜ, ⵙⴰⵡⵍⵏ ⴳⵉⵙ ⵉⴱⵕⵍⴰⵎⴰⵏⵉⵢⵏ  ⴼ ⵎⴰⴷ ⵙⴽⵔⵏⵜ ⵍⵎⴰⴼⵢⴰⵜ ⵏ ⵓⵣⵡⴰⴳ ⵍⵍⵉ ⴷⵃⵉⵏⵉⵏ ⵉⵎⵣⵡⴰⴳ ⵍⵍⵉ ⴷ ⴽⵛⵏⵉⵏ ⴰⴽⴰⵍ ⴰⵎⵖⵔⵉⴱⵉ ⵙ ⵜⵖⴰⵔⴰⵙⵜ ⵡⴰⵔⵜⵓⵍⴳⵉⵏⵜ ⵉⵔⵉⵏ ⴰⴷ ⴽⴽⵙⵏ ⵉⴼⵔⵉⴳ ⵏ ⵜⵖⵔⵎⵜ ⵏ ⵎⵍⵉⵍⵉⵢⵢⴰ, ⴰⵢⵍⵍⵉ ⴷ ⵢⵉⵡⵉⵏ ⴰⴷ ⵎⵎⵜⵏ 23 ⵏ ⵓⵎⵣⵡⴰⴳ, ⵉⵍⵉⵏ ⵉⵎⵓⴳⴰⵙ ⵢⴰⴹⵏⵉⵏ. ⴰⵢⵍⵍⵉ ⴷ ⵢⵉⵡⵉⵏ ⴰⴷ ⵉⵍⵉⵏ ⴰⴷⴷⴰⴷⵏ ⵉⵣⵔⴼⴰⵏⵏ ⴷ ⵉⵙⵔⵜⴰⵏⵏ ⴼⴰⵡⵏⵉⵏ. ⵙ ⵜⵎⵙⴰⵔⵉⵏ ⴰⴷ ⵙⴳ ⵍⵎⴰⴼⵢⴰⵜ ⵏ ⵓⵣⵡⴰⴳ ⵍⵍⵉ ⴷ ⵙⵙⴽⵛⵎⵏⵉⵏ ⵉⵎⵣⵡⴰⴳ ⵙⴳ ⵉⴼⴼⵓⵙ ⵏ ⵚⵚⵃⵕⴰ ⵎⵎⴰⵖⵏ ⴷ ⵉⵎⵙⵡⵓⵔⵉⵢⵏ ⵉⴳⴷⵓⴷⴰⵏⵏ, ⵙⴽⵔ ⴰⵎⵓⵙⵙⵓ ⵖ ⵉⵍⵍⴰ ⵓⵔⴱⴰⴱ ⵙ ⵜⵖⴰⵔⴰⵙⵜ ⵏ ⵉⵖⵡⵡⴰⵖⵏ ⴷ ⵍⵎⴰⴼⴰⵢⵜ ⵏ ⵓⵙⵖⵏⵣⵉ ⴳ ⵉⵡⴷⴰⵏ, ⴰⵡⵜⵜⴰⵙ ⴰⴷ ⴼⴼⵖⵏ ⵉⵡⴷⴰⵏ ⴳⴳⵓⵜⵏⵉⵏ ⴳ ⵉⴼⵔⵉⴳ ⵏ ⵎⵍⵉⵍⵉⵢⵢⴰ ⵉⵜⵜⵢⴰⵎⴰⵥⵏ.

ⵙⴷⴷⵉⴷⵏ ⵉⴱⵕⵍⴰⵎⴰⵏⵉⵢⵏ ⵏ ⵓⵕⵓⴱⴱⴰ ⴼ ⵜⵉⵍⴰⵍⵜ ⵏ ⵍⵎⵖⵔⵉⴱ ⴳ ⵓⵙⴱⴷⴷⵉ ⵏ ⵓⵣⵡⴰⴳ ⵡⴰⵔⵓⵍⴳⵉⵏ ⵙ ⵉⵎⴰⵙⵙⵏ ⵏⵏⵙ ⵥⵍⵉⵏⵉⵏ , ⵖⵔⵉⵏ ⵉ ⵓⵕⵓⴱⴱⴰ ⵉ ⵓⵎⵢⴰⵡⴰⵙ ⴰⴽⴷ ⴷⵉⵙ ⵉ ⵓⵙⵔⵓⵙ ⵏ ⵜⵎⵢⴰⴷⴰⵙⵜ ⵏ ⵓⵙⵉⴷⴼ ⵉ ⵜⵎⵙⴰⵔⵉⵏ ⵏ ⵓⵣⵡⴰⴳ.

ⵙⵓⵜⴳⵏ ⵉⴱⵕⵍⴰⵎⴰⵏⵉⵢⵏ ⵏ ⵓⵕⵓⴱⴱⴰ ⵜⵉⵍⴰⵍⵜ ⵏ ⵜⵙⵇⵇⵉⵎⵜ ⵉⵛⵛⴰⵔⵏ ⴷ ⵜⵓⴳⴳⴰⵙ ⵏⵏⵙ ⴳ ⵓⵎⵏⵉⴷ ⵏ ⵓⵎⵢⴰⴷⴰⵙ ⵏ ⵜⴰⵏⵏⴰⵢⵢⵉⵏ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ  ⵍⵍⵉ ⵔⴰⴷ ⵉⵙⴷⵓⵙ ⵜⴰⵎⴷⵔⴰⵡⵜ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ.

ⴳ ⵓⵎⵏⵉⴷ ⵢⴰⴹⵏⵉⵏ, ⴱⴷⴷⵏ ⵉⴳⵎⵎⵏ ⵏ ⵜⵙⵇⵇⵉⵎⵜ ⵎⴳⴰⵍ ⵏ ⵜⵉⵔⵎⵉⵜⵏ ⵎⴳⴰⵍ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⵎⴰⵣⵉⵔⵜ ⵏⵏⵖ ⴷ ⵜⵉⵕⵥⵉ ⵏ ⵜⵎⴷⵔⴰⵡⵜ ⵉⵥⵉⵍⵏ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⵉⴱⴷⴷⵏ ⴼ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ ⵙ ⵜⵎⵢⴰⵇⵇⴰⵏⵉⵏ ⵍⵍⴰⵏⵉⵏ ⴳ ⵓⵙⴰⵜⵉ ⵏ ⵓⵙⵓⵔⵙ ⵉⵣⵣⵉⴳⵣⵏ ⵉⵥⵍⵉⵏ ⵜⴰⵎⴷⵔⴰⵡⵜ ⵜⴰⵎⵖⵔⵉⴱⵉⵜ ⴷ ⵓⵕⵓⴱⴱⴰ , ⵢⵉⵍⵉ ⵓⵙⴼⵔⴽ ⵏ ⵉⴱⵕⵍⴰⵎⴰⵏⵉⵢⵏ ⵏ ⵓⵕⵓⴱⴱⴰ ⵙ ⵜⵡⵡⵓⵔⵉ ⵏ ⵜⵔⴰⴱⴱⵓⵜ ⵏ ⵉⵣⴳⵣⴰⵡⵏ ⴷ ⵓⵥⵍⵎⴰⴹ ⵏ ⵓⵕⵓⴱⴱⴰ ⵉⵎⵓⵏⵏ ⵔⴰⵏⵉⵏ ⴰⴷ ⵙⴽⵔⵏ ⵢⴰⵏ ⵡⴰⴷⴷⴰⴷ ⵉⴳⴰⵏ ⵎⴳⴰⵍ ⵏ ⵡⵉⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵎⴰⴷ ⵉⵥⵍⵉⵏ ⵙ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ.

ⴳ ⵜⴳⵉⵔⴰ, ⵉ ⵜⵎⵔⴰⵔⵓⵜ ⴼ ⵉⵎⵓⵙⵙⵓⵜⵏ ⴳⴰⵏⵉⵏ ⵎⴳⴰⵍ ⵏ ⵍⵎⵖⵔⵉⴱ, ⵙ ⵜⵓⵜⵔⴰ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ, ⴼⴽⴰⵏ ⵉⴱⵕⵍⴰⵎⴰⵏⵉⵢⵏ ⵏ ⵓⵕⵓⴱⴱⴰ ⵉⵙⵇⵙⵉⵜⵏ ⵉ ⵜⵙⵇⵇⵉⵎⵜ ⵏ ⵓⵕⵓⴱⴱⴰ ⵅⴼ ⵓⵣⵡⴰⴳ ⴷ ⵜⵎⵓⴽⵔⵉⵙⵉⵏ ⵏⵏⵙ ⴷ ⵜⵉⵍⴰⵍⵜ ⵏ ⵍⵎⵖⵔⵉⴱ ⴳ ⵓⴼⵔⴰⴳ ⵏ ⵓⵕⵓⴱⴱⴰ ⵙⴳ ⵉⵎⵣⵡⴰⴳ ⴳ ⵉⵡⵜⵜⴰ ⵏ ⵢⵉⴽ.

ⴷⵔⵓⵏ ⴳ ⵙⵏⴰⵜ ⵜⵙⵎⵉⴳⴰⵍ ⴰⴷ:

• ⵎⴰⵙⵙ ⴰⵎⵛⵛⵉⵡⵕ ⵍⵃⵙⵏ ⵃⴰⴷⴷⴰⴷ, ⴰⵏⵙⵙⵉⵅⴼ ⵏⵜ ⵙⵇⵇⵉⵎⵜ ⵜⴰⴱⵕⵍⴰⵎⵏⵉⵜ ⵉⵛⵛⴰⵔⵏ ⴽⵎⵖⵔⵉⴱ ⵜⴰⵎⵓⵏⵜ ⵏ ⵓⵕⵓⴱⴱⴰ.
• ⵎⴰⵙⵙⴰ ⵜⴰⵎⴰⵔⵉⵜ ⵣⵉⵏⴰ ⵛⴰⵀⵉⵎ, ⴰⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ.
• ⵎⴰⵙⵙ ⴰⵎⴰⵔⵉ ⵙⵉⴷⵉ ⵉⴱⵕⴰⵀⵉⵎ ⵅⴰⵢⵢⴰ, ⴰⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ.
• ⵎⴰⵙⵙⴰ ⵜⴰⵎⴰⵔⵉⵜ ⴼⴰⵟⵉⵎⴰ ⵥⵥⴰⵀⵕⴰ ⴱⵏ ⵟⵟⴰⵍⴱ, ⵜⴰⵥⵖⵕⵜ ⴷ ⵜⵎⴰⵜⵔⴰⵔⵜ.
• ⵎⴰⵙⵙ ⴰⵎⴰⵔⵉ ⵄⴰⴱⴷⵍⵎⴰⵊⵉⴷ ⵍⴼⴰⵙⵉ ⵍⴼⵉⵀⵔⵉ, ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ.
• ⵎⴰⵙⵙ ⴰⵎⵛⵛⵉⵡⵕ ⵍⵅⵎⵎⴰⵕ ⵍⵎⵕⴰⴱⵟ, ⴰⵏⵙⵙⵉⵅⴼ ⵏ ⵜⴰⵥⵖⵕⵜ ⴷ ⵜⵎⴰⵜⵔⴰⵔⵜ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ.
• ⵎⴰⵙⵙ ⴰⵎⵛⵛⵉⵡⵕ ⵎⴱⴰⵔⴽ ⵙⵙⴱⴰⵄⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⵃⴰⵔⴰⴽⵉⵜ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ.