ⴰⵙⵉⵔⴰ(2016-2021):
ⴰⵙⵉⵡⴹ ⴼ ⵜⵙⵎⵓⵏⵉ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ, 27 ⴽⵟⵓⴱⵕ 2020
|
ⵉⵙⴳⵓⵎⵏ ⵏ ⵜⵙⵎⵓⵏⵉ: ⴰⵙⵖⵓⴷⵓ ⵏ ⵜⵡⵓⵔⵉ ⵏ ⵜⵉⴹⴰⴼ ⴷ ⵜⵙⵏⵜⴰⵢⵜ ⵜⴰⵣⵣⵔⴰⴼⵜ ⵏ ⵓⵙⵇⵇⵉⵎ |
ⵉⵙⵏⵎⴰⵍⴰ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵎⵓⵏⵉ ⵏⵏⵙ ⵜⴰⵏⵎⵍⴰⵙⵙⵜ ⵙ ⵜⵏⵙⵙⵉⵅⴼⵜ ⵏ ⵓⵏⵙⵙⵉⵅⴼ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⵙⵙ ⵏ ⵓⵙⵉⵏⴰⵙ 27 ⴽⵟⵓⴱⵕ, ⵜⵥⵍⵉ ⵉ ⵜⵉⴹⴰⴼ ⴷ ⵓⵣⵣⵔⴰⴼ ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⵙⵇⵇⵉⵎ.
ⵖ ⵜⵡⵓⵔⵉ ⵏ ⵜⵉⴹⴰⴼ: ⵉⵎⴷⴰⵡⴰⵍ ⵓⵙⵉⵔⴰ ⴼ ⵜⵢⴰⴼⵓⵜ ⵜⴰⴼⵔⴽⴰⵏⵜ ⵏ ⵜⵖⵉⵎⵉⵜⵉⵏ ⵜⵉⵏⵎⵍⴰⵙⵙⵉⵏ ⵏ ⵉⵙⵇⵙⵉⵜⵏ, ⵖ ⵉⵖⵜⵙ ⵓⵙⵉⵔⴰ ⵏ ⵓⵙⵇⵇⵉⵎ ⴰⴷ ⵉⵍⵉⵏ ⴽⵕⴰⴹ ⵉⴳⵔⴰⵏ ⵓⵏⴱⵉⴹⵏ ⵖ ⴽⵓ ⵜⵉⵖⵉⵎⵉⵜ ⵃⵎⴰ ⴰⴷ ⵢⵉⵍⵉ ⵓⵔⵎⴰⵙ ⵎⵇⵇⵓⵔ ⵏ ⵜⵣⵣⵉⴳⵣⵉⵏ ⴷ ⵜⵎⵙⴰⵔⵉⵏ ⵏ ⵖⵉⵍⴰⴷ, ⵖⵎⴽ ⵍⵍⵉ ⴷ ⵉⵙⵙⴽⵜⵉ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵉⵅⵎⵎⵉⵎⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⵃⵎⴰ ⴰⴷ ⵢⵉⵍⵉ ⵓⴳⴳⴰⵔ ⵏ ⵓⵏⵢⴰⵍⴽⴰⵎ ⴼ ⵓⵏⴳⵔⴰⵡ ⵏ ⵉⵙⵇⵙⵉⵜⵏ, ⵎⴰ ⴰⴷ ⴰⴼ ⵔⴰⴷ ⵢⵉⵍⵉ ⵓⵙⵓⵊⴷ ⵏ ⵓⵙⵏⴼⴰⵔ ⵉⵏⵢⴰⵍⴽⴰⵎⵏ ⴷ ⵉⵏⴰⵔⵓⵣⵏ ⴰⴷ, ⵔⴰⴷ ⵢⵉⵍⵉ ⵓⵙⵎⵏⵉⴷ ⵏⵏⵙ ⴼ ⵜⵙⵎⵓⵏⵉ ⵏ ⵓⵎⵛⴰⵡⴰⵕ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ, ⵔⴰⴷ ⵢⵉⵍⵉ ⵓⵍⴰ ⴰⵙⵎⵏⵉⴷ ⵏⵏⵙ ⵉ ⵓⵙⵖⵣⵏ ⵖ ⵜⵙⵎⵓⵏⵉ ⴷ ⵢⵓⵛⴽⴰⵏ ⵏ ⵓⵙⵉⵔⴰ.
ⵉⵙⵔⵙ ⵓⵙⵉⵔⴰ ⵏ ⵓⵙⵇⵇⵉⵎ ⴰⵖⴰⵡⴰⵙ ⵏ ⵜⵡⵓⵔⵉ ⵏ ⵜⵖⵉⵎⵉⵜ ⵏ 2 ⵏⵓⵡⴰⵏⴱⵉⵔ ⵖ ⵉⴳⵔⴰⵏ ⴰⴷ: ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ, ⴰⵙⵡⵓⵔⵉ ⴷ ⵓⵙⵉⴷⴼ ⴰⵣⵣⵓⵍⴰⵏ, ⵜⴰⵎⴰⵍⵍⴰⵢⵜ ⴷ ⵜⵏⵉⴷⵉ ⴷ ⵡⴰⵙⵙⴰⵢ ⴰⵢⵍⴰⵏ ⴷ ⵜⴷⵎⵙⴰ ⵜⴰⵏⴰⵎⵓⵏⵜ.
ⵖ ⵓⵣⵣⵔⴰⴼ: ⵉⵥⵕⴰ ⵓⵙⵉⵔⴰ ⵢⴰⵣⵏ ⵉ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ ⴰⵙⵏⴼⴰⵔ ⵏ ⵓⵙⵍⴳⵏ ⵉⵣⴷⵉⵏ ⴷ ⵓⵏⴳⵔⴰⵡ ⵏ ⵜⴱⴰⵖⴰ ⵜⴰⵎⵣⵡⴰⵔⵓⵜ ⴷ ⵜⴰⴷ ⵉⵜⵜⵓⵙⴽⴰⵔⵏ, ⵢⴰⵣⵏ ⵉ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴰⵙⵏⴼⴰⵔ ⵏ ⵓⵙⵍⴳⵏ ⴰⵎⴰⴷⴷⴰⵙ ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 02.12 ⵉⵣⴷⵉⵏ ⵙ ⵓⵙⵎⵍ ⵖ ⵜⵣⵣⵓⵍⵉⵏ ⴰⵜⵜⵓⵢⵏⵉⵏ.
ⵖⵎⴽⵍ ⵍⵍⵉ ⵉⵎⴹⴰⴽⴰⵕ ⵓⵙⵉⵔⴰ ⴼ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵜⵙⵇⵇⵉⵎⵉⵏ ⴷ ⵜⵢⴰⴼⵓⵜ ⵏⵏⵙⵏⵜ, ⵉⵙⴷⴷⵉⴷ ⴼ ⵜⵓⴳⴳⴰⵙ ⵍⵍⴰⵏⵉⵏ ⵖ ⵜⵖⵔⵉ ⵏ ⵉⴹⵕⵉⵚⵏ ⵉⵣⵣⵔⴰⴼⵏ, ⴷ ⵓⵙⵏⵎⴰⵍⴰ ⵏ ⵉⵖⴰⵡⴰⵙⵏ ⵏ ⵜⵡⵓⵔⵉ ⵏⵏⵙⵏⵜ ⵖ ⵓⵎⴹⴰⴽⴰⵕ ⵏ ⵉⵙⵏⴼⴰⵔⵏ ⵏ ⵜⵎⵙⴰⵙⵜⵍⵉⵏ ⵜⴰⵢⵢⴰⵡⵉⵏ ⵖ ⵉⴳⵔⴰⵏ ⵏⵏⵙⵏⵜ, ⵖⵎⴽ ⵍⵍⵉ ⵉⵣⵎⵎⵉⵎ ⴰⵣⵎⵣ ⵉⵥⵉⵍⵏ ⵖ ⵉⵣⵔⵉ ⵓⵎⴹⴰⴽⴰⵕ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ ⵖ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ.
ⵖ ⵜⵙⵏⵜⴰⵜⵢ ⵜⴰⵣⵣⵔⴰⴼⵜ ⵏ ⵓⵙⵇⵇⵉⵎ ⵖ ⵓⵎⵏⵉⴷ ⵏ ⵜⵙⵓⵎⵔⵉⵏ ⵏ ⵉⵙⵍⴳⵏⵏ: ⵉⵣⵎⵎⵉⵎ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⴰⵜⵉⴳ ⵏ ⵉⵙⵖⵍⴰⴼ ⵏ ⵓⵏⵎⵓⵇⵇⴰⵔ ⵉⵙⵎⵓⵏⵏ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴷ ⵓⵎⴰⵡⵙⴰⵙ ⵏ ⵓⵡⴰⵏⴽ ⵉⵜⵜⵓⵙⵎⴰⴳⴰⵍⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ, ⵉⵍⵍⴰ ⴷⴰⵖ ⵓⵙⴷⴷⵉⴷ ⴼ ⵡⴰⵜⵉⴳ ⵉⵍⵍⴰⵏ ⴷⴰⵔ ⵜⵙⵓⵎⵔⵉⵏ ⵏ ⵉⵙⵍⴳⴳⵏ ⴷ ⵓⵅⵎⵎⴻⵎ ⴳⵉⵙⵏⵜ ⴷ ⵓⵡⵇⵇⵔ ⵏ ⵜⴱⵔⵉⴷⵉⵏ ⵏⵏⵙⵏⵜ ⵜⵉⵣⵣⵔⴰⴼⵉⵏ, ⴷ ⵓⵡⵇⵇⵔ ⵓⵍⴰ ⵏ ⵓⵣⵎⵣ ⴰⵢⵢⵓⵔⴰⵏ ⵉⵍⵍⴰⵏ ⵖ ⵓⵎⵏⵏⵉ 82 ⵏ ⵓⴷⵓⵙⵜⵓⵔ, ⴰⵢⵍⵍⵉ ⵔⴰⴷ ⵢⵉⵍⵉ ⵖ ⵡⴰⵙⵙ ⵏ ⵓⵙⵉⵏⴰⵙ ⵉⴳⴳⵓⵔⴰⵏ ⵖ ⵡⴰⵢⵢⵓⵔ ⵏ ⵏⵓⵡⴰⵏⴱⵉⵔ ⴷ ⵢⵓⵛⴽⴰⵏ.
ⵉⵥⵕⴰ ⵓⵙⵉⵔⴰ ⵜⵉⵙⵓⵎⵔⵉⵏ ⵍⵍⵉ ⴷ ⵜⵏⵢⴰⵍⴽⴰⵎ ⵜⵏⴱⴰⴹⵜ, ⵉⵙⵓⵜⴳ ⴰⴷⴷⴰⴷ ⴰⴷ, ⴷ ⵜⵉⵕⵡⵉ ⵏ ⵜⵙⵓⵎⵔⵉⵏ ⴰⴷ ⵍⵍⵉ ⵙⴽⵔⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵖ ⴽⵓ ⵉⴳⵔⴰⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⵣⵔⴼⴰⵏⵏ ⴷ ⵉⵡⵏⴹⴰⵏⵏ.
ⵖ ⵜⵙⵎⵉⴳⴰⵍ ⵏ ⵓⵙⴰⴳⴳⵯ: ⵍⵍⵉⵖ ⵉⵔⴰ ⵓⵙⵉⵔⴰ ⵏ ⵓⵙⵇⵇⵉⵎ ⴰⴷ ⵉⴼⵔⴳ ⴰⵎⵏⴰⴷ ⴰⴷ ⵏ ⵜⵉⴹⴰⴼ ⵉⵟⵟⴰⴼⵏ ⴰⵜⵉⴳ ⵏⵏⵙ ⵖ ⵜⵉⴹⴰⴼ ⵙ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⴷ ⵉⴳⵔⴰⵏ ⵏ ⵓⵙⴽⵔ ⵏ ⵉⵙⵍⴳⵏⵏ ⴷ ⵜⵎⵙⴰⵔⵉⵏ ⴰⴽⴽⵯ ⵏ ⵡⴰⵎⵓⵏ, ⵉⵙⵓⵊⴰⴷ ⵓⵙⵉⵔⴰ ⵏ ⵓⵙⵇⵇⵉⵎ ⴰⵙⵏⴼⴰⵔ ⵏ ⵜⵍⴳⴰⵎⵜ ⵜⴰⴳⵯⵏⵙⴰⵏⵜ ⵉⵙⵏⵎⴰⵍⴰⵏ ⵜⴰⵎⴰⵎⴽⵜ ⵏ ⵓⵙⵙⴰⵔⵓ ⵉⵥⵉⵍⵏ ⵏ ⵜⵙⵎⵉⴳⴰⵍ ⴰⴷ ⵙ ⵓⵙⴳⵉⴷⴷⵉ ⵏ ⵜⴱⵔⵉⴷⵜ ⵏ ⵜⵓⵜⵔⴰ ⵏ ⵜⵙⵎⵉⴳⴰⵍ ⵏ ⵓⵙⴰⴳⴳⵯ ⴷ ⵉⴳⵔⴰⵏ ⴷ ⵜⴼⴰⴷⵉⵡⵉⵏ ⵏⵏⵙⵏⵜ ⴷ ⵓⵥⵟⵟⴰ ⴷ ⵉⵙⵖⵡⴰⵏ ⵏ ⵉⴳⵎⴰⵎⵏ ⴷ ⵜⴱⵔⵉⴷⵜ ⵏ ⵜⵡⵓⵔⵉ ⴷ ⵜⴼⴰⴷⵉⵡⵉⵏ ⵏ ⵓⵙⵓⵊⴷ ⵏ ⵉⵏⵇⵇⵉⵙⵏ ⵏⵏⵙⵏⵜ, ⴰⵙⵏⴼⴰⵔ ⴰⴷ ⵔⴰⴷ ⴼⵍⵍⴰⵙ ⵎⴹⴰⴽⴰⵕⵏ ⴽⵓ ⵉⴼⵔⴷⴰⵙ ⵏ ⵓⵙⵇⵇⵉⵎ ⵃⵎⴰ ⴰⴷ ⴼⵍⵍⴰⵙ ⵢⵉⵍⵉ ⵓⵎⵙⴰⵙⴰ.