ⴰⵙⵉⵔⴰ(2016-2021):
ⴰⵙⵉⵡⴹ ⵏ ⵜⵙⵎⵓⵏⵉ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 26 ⵉⴱⵔⵉⵔ 2021
ⵉⵙⵏⵎⴰⵍⴰ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵎⵓⵏⵉ ⵏⵏⵙ ⵜⴰⵏⵎⵍⴰⵙⵙⵜ ⵙ ⵜⵏⵙⵙⵉⵅⴼⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵢⵏⴰⵙ 26 ⵉⴱⵔⵉⵔ 2021, ⵉⵥⵍⵉ ⵓⵖⴰⵡⴰⵙ ⵏⵏⵙ ⵉ ⵜⵡⵓⵔⵉ ⵏ ⵜⵉⴹⴰⴼ ⴷ ⵓⵣⵣⵔⴰⴼ ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⵙⵇⵇⵇⵉⵎ.
ⴳ ⵜⵣⵡⵉⵔⵉ, ⵉⵙⵙⴽⵉ ⴷ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⴽⵜⵜⴰⵢ ⵏ ⵎⵔⵡⴰ ⵏ ⵕⵎⴹⴰⵏ, ⵖ ⵉⵎⵎⵓⵜ ⴱⴰⴱⴰⵙ ⵏ ⵜⵎⵜⵜⵉ ⵉⴳⵍⵍⵉⵏ ⵏ ⵓⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵙⵎⵎⵓⵙ ⴰⴷ ⵜ ⵉⵕⵃⵎ ⵕⴱⴱⵉ, ⵉⵏⵏⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵎⴰⵙ ⵉⴳⴰ ⵜⴰⵎⵍⴷⴰ ⵖ ⴷ ⴽⵜⵜⵉⵏ ⵉⵎⵖⵔⵉⴱⵉⵢⵏ ⴰⴽⴽⵯ ⵉⵙⴼⴰⵙⴽⴰⵜⵏ ⵉⵎⵇⵔⴰⵏⵏ ⵏ ⵉⴳⵍⵍⵉⵏ ⵏ ⵓⴳⵍⵍⵉⴷ ⵉ ⵜⵎⴰⵣⵉⵔⵜ ⵏⵏⵙ ⴷ ⵓⵎⴰⴷⴰⵏ ⵏⵏⵙ ⴷ ⵜⵖⵏⵙⴰ ⵏⵏⵙ ⵉⵣⵣⵉⴳⵣⵏ ⵉ ⵜⵍⴻⵍⵍⵉ ⴷ ⵜⵙⵉⵎⴰⵏⵜ, ⴷ ⵓⵎⵛⴰⴱⴱⴰⴽ ⵉⴷⵓⵙⵏ ⵉⵙⵎⵓⵏⵏ ⵏⴳⵔ ⵓⵎⴰⴷⴰⵏ ⴰⵎⵖⵔⵉⴱⵉ ⴷ ⵓⴷⴰⴱⵓ ⴰⵄⴰⵍⴰⵡⵉ ⵉⵍⴰⵏ ⴰⴷⴷⵓⵔ.
ⴷⴼⴼⵉⵔ ⵏ ⵜⵎⵜⵜⴰⵏⵜ ⵏ ⴱⴰⴱ ⵏ ⵜⵎⵜⵜⵉ, ⵢⵓⵙⵉ ⵜⴰⵙⴰⴼⵓⵜ ⵓⵎⴽⴽⵓⵙⵓ ⵏ ⵓⴷⴰⴱⵓ ⵏⵏⵙ ⴷ ⵓⵙⵎⵓⵏ ⵏⵏⵙ ⴳ ⵜⵖⵏⵙⴰ ⵉⴳⵍⵍⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⵍⵃⴰⵙⴰⵏ ⵡⵉⵙ ⵙⵉⵏ, ⴰⴷ ⵜ ⵉⴽⵕⵎ ⵕⴱⴱⵉ, ⵉⵙⵔⵙ ⴷⴰⵜ ⵏⵏⵙ ⴰⵙⴷⵓⵙ ⵏ ⵉⵢⴰⴼⵓⵜⵏ ⴷ ⵓⵙⴷⵓⵙ ⵏ ⵜⵎⵔⵙⴰⵍ.
ⴳ ⵓⴱⵔⵉⴷ ⴰⴷ, ⵉⵣⵣⵉⴳⵣ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ, ⵙ ⵜⵉⵔⴰⵜ ⵜⴰⵡⴰⴷⴰ ⵏ ⵓⵚⴽⵓ ⵍⵍⵉ ⵎⵎⴰⵍⴰⵏ ⵉⵙⴰⵡⵓⵔⵏ ⵉⴷⵎⵙⴰⵏⵏ ⴷ ⵉⵏⴰⵎⵍⵓⵏⵏ ⵉⵅⴰⵜⴰⵔⵏ ⵍⵍⴰⵏⵉⵏ ⴳ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ ⴷ ⵉⵎⵓⴽⵏⵏ ⵉⵙⵔⵜⴰⵏⵏ ⴳ ⵉⵍⵍⴰ ⵓⴷⵓⵙⵜⵓⵔ ⴰⵎⴰⵢⵏⵓ, ⵍⵍⵉ ⵉⴳⴰⵏ ⵢⴰⵏ ⵓⵙⵔⵙ ⵉⵙⵜⴰⵡⵀⵎⵎⴰⵏ ⴳ ⵓⵎⵣⵔⵓⵢ ⵏ ⵍⵎⵖⵔⵉⴱ ⴰⵜⵔⴰⵔ.
ⴳ ⵜⵉⴹⴰⴼ, ⵉⵙⵜⵉ ⵓⵙⵉⵔⴰ ⵏ ⵓⵙⵇⵇⵉⵎ ⴰⴷ ⵜⵉⵍⵉ ⵜⵖⵉⵎⵉⵜ ⵏ ⵡⴰⵢⵏⴰⵙ 3 ⵎⴰⵢⵢⵓ ⴳ ⵉⴳⵔⴰⵏ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⴰⵡⴰ ⴷ ⵜⵥⴹⴰⵕⵜ ⴷ ⵉⵣⵓⵖⴰⵣ ⴷ ⵜⵎⴰⵍⵍⴰⵢⵜ, ⵖⵎⴽ ⵍⵍⵉ ⵔⴰⴷ ⵜⵉⵍⵉ ⵜⵖⵉⵎⵉⵜ ⵏ ⵉⵙⵇⵙⵉⵜⵏ ⵏ ⵜⵙⵔⵜⵉⵜ ⵜⴰⵎⴰⵜⴰⵢⵜ ⵍⵍⵉ ⴼ ⵔⴰⴷ ⵉⵔⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵡⴰⵢⵏⴰⵙ 10 ⵎⴰⵢⵢⵓ ⴼ :
« ⵉⵙⵡⵓⴷⴷⵓⵜⵏ ⵓⵏⴱⵉⴹⵏ ⵉ ⵓⵙⵎⵀⵍ ⵏ ⵓⵙⴰⵡⵓⵔ ⵏ ⵓⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ »
ⴳ ⵓⵣⵣⵔⴰⴼ, ⵉⵥⵕⴰ ⵓⵙⵉⵔⴰ ⵢⴰⵣⵏ ⵉ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵓⵙⴰⵏⵜ ⴰⵙⵏⴼⴰⵔ ⵏ ⵓⵙⵍⴳⵏ 51.20 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ 103.12 ⴼ ⵜⵎⵔⵙⴰⵍ ⵏ ⵓⵙⴼⵍⵙ ⴷ ⵜⴳⵔⴰⵡⵉⵏ ⵍⵍⵉ ⵜⵏⵜ ⵉⵔⵡⴰⵙⵏ.
ⵉⵥⵕⴰ ⵢⴰⵣⵏ ⵉ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵜⴰⵙⵓⵎⵔⵜ ⵏ ⵓⵙⵍⴳⵏ ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵉⵎⴰⴳⵔⴰⴷⵏ 6 ⴷ 10 ⴷ 23 ⴳ ⵓⵙⵍⴳⵏ 7.81 ⵉ ⵓⴽⵓⵙ ⵏ ⵡⴰⵢⴷⴰ ⵉ ⵜⵏⵓⴼⴰ ⵜⴰⵎⴰⵜⴰⵢⵜ ⴷ ⵓⴽⵕⴰⵥ ⴰⵎⵙⵉⴽⵓⴷ.
ⵢⴰⵣⵏ ⵉ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵏⴰⵎⵓⵏⵏ, ⵜⴰⵙⵓⵎⵔⵜ ⵏ ⵓⵙⵍⴳⵏ ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵎⴰⴳⵔⴰⴷ 8 ⴳ ⵓⵙⵍⴳⵏ 10.03 ⴼ ⵉⵎⵙⴽⵛⵓⵎⵏ.
ⵢⴰⵣⵏ ⵉ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵙⵢⴰⴼⵓⵜⵏ, ⵜⴰⵙⵓⵎⵔⵜ ⵏ ⵓⵙⵍⴳⵏ ⵉ ⵓⵙⵏⴼⵍ ⵏ ⵓⵎⴰⴳⵔⴰⴷ 326 ⴳ ⵓⵙⵍⴳⵏ 15.95 ⵏ ⵜⵙⴱⴱⴰⴱⵜ.
ⵉⵥⵕⴰ ⵓⵙⵉⵔⴰ ⵉⵙⵏⴼⴰⵔⵏ ⴷ ⵜⵙⵓⵎⵔⵉⵏ ⵏ ⵉⵙⵍⴳⵏⵏ ⵍⵍⴰⵏⵉⵏ ⵉ ⵜⵖⵔⵉ ⴷⴰⵔ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ, ⵉⵙⵙⴽⵜⵉ ⴷ ⴰⵙⴰⴽⵓⴷ ⴰⵢⵢⵓⵔⴰⵏ ⵉⵥⵍⵉⵏ ⵉ ⵜⵖⵔⵉ ⵏ ⵜⵙⵓⵎⵔⵉⵏ ⵏ ⵉⵙⵍⴳⵏⵏ ⴷ ⵓⵙⵜⴰⵢ ⵏⵏⵙⵏⵜ , ⵉⴼⴼⵖ ⴰⴷ ⵜⵉⵍⵉ ⵜⵖⵔⵉ ⵉ ⵜⵙⵇⵇⵉⵎⵉⵏ ⴷ ⵜⵏⴱⴰⴹⵜ ⵉ ⵓⵙⵔⵓⵙ ⵏ ⵓⵖⴰⵡⴰⵙ ⵉⵥⵍⵉⵏ ⵙ ⵜⵙⵓⵎⵔⵉⵏ ⵖ ⵉⵍⵍⴰ ⵓⵎⵍ ⵏ ⵜⵓⴳⴳⴰⵙ ⵜⵉⵣⵣⵔⴰⴼⵉⵏ ⵏ ⵓⴳⵎⴰⵎⵏ ⵏ ⵓⵙⵇⵇⵉⵎ, ⴷ ⵓⵙⴷⵓⵙ ⵏ ⵓⵙⴰⴽⵓⴷ ⴰⵢⵢⵓⵔⴰⵏ ⴳ ⵓⵖⴰⵡⴰⵙ ⵏ ⵜⵡⵓⵔⵉ ⵜⴰⵣⵣⵔⴰⴼⵜ ⵏ ⵓⵙⵇⵇⵓⵉⵎ.