ⵜⵉⵖⵍⴰⴼ ⵏ ⵜⵉⵏⴰⵡⵜ : ⵜⴰⴳⵓⵔⵉ ⵏ ⵎⴰⵙⵙ ⴰⵎⴰⵔⵉ ⵕⴰⵛⵉⴷ ⵍⵄⴰⴱⴷⵉ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ, ⵖ ⵓⵙⵎⴰⴷ ⵏ ⵜⵉⵏⴰⵡⵜ ⵜⴰⵎⴰⵙⵙⴰⵏⵜ ⵅⴼ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⵉⵜⵜⵓⵙⴽⴰⵔⵏ ⴰⵙⵙ ⵏ 25 ⴱⵕⴰⵢⵕ 2020 ⵖ ⵓⵙⵇⵇⵉⵎ ⵏ ⵉⵎⵓⵔⴰ

 ⵜⴳⴰ ⵜⵉⵏⴰⵡⵜ ⵍⵍⵉ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⵖ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⵏ 25 ⴱⵕⴰⵢⵕ 2020 ⵅⴼ:«ⵜⴰⴷⵉⵎⵇⵔⴰⵟⵉⵜ ⵜⴰⵎⴰⴷⵔⴰⵡⵜ: ⵉⵏⵎⵔⴰⵏ ⵏ ⵜⵉⵍⴰⵡⵜ ⴷ ⵉⵎⵏⵉⴷⵏ ⵏ ⵜⵣⵣⵉⴳⵣⵜ » ⵜⴰⴷ ⵖ ⵉⴷⵔⵓ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙ ⵎⵓⵃⴰⵎⵎⴰⴷ ⴰⵎⴽⵔⴰⵣ, ⴰⵎⴰⵡⵙⴰⵙ ⵏ ⵜⵡⵓⵔⵉ ⴷ ⵓⵙⵉⴷⴼ ⴰⵣⵣⵓⵍⴰⵏ, ⵖⵎⴽ ⴰⵏⵏ ⴷ ⵉⴷ ⵎⴰⵙⵙⴰ ⴷ ⵉⴷ  ⵎⴰⵙⵙ ⵉⵎⵓⵔⴰ, ⴷ ⵉⵏⵙⵙⵉⵅⴼⵏ ⵏ ⵜⵙⴷⴰⵡⵉⵢⵉⵏ ⴷ ⵉⵏⴱⴷⴰⴷⵏ ⴷ ⵉⵙⴰⵍⵎⴰⴷⵏ ⵉⵎⵔⵣⵓⵜⵏ, ⴷ ⵜⵎⵙⵎⵓⵏⵉⵏ ⵏ ⵡⴰⵎⵓⵏ ⵓⵖⵔⵉⵎ ⵙ ⵜⵓⴳⵜⵜ ⴷ ⵜⵎⵙⵇⴰⴷ ⵏ ⵜⵎⵉⵣⴰⵔ ⵏ ⵍⴰⵍⵎⴰⵏ ⴷ ⴽⴰⵏⴰⴹⴰ ⴷ ⵉⵏⴳⵎⴰⵎⵏ ⵉⴳⵔⴰⵖⵍⴰⵏⵏ ⵉⵙⵡⵓⵔⵉⵏ ⴳ ⵍⵎⵖⵔⵉⴱ.

ⵜⴽⵛⵎ ⵜⵉⵏⴰⵡⵜ ⴰⴷ ⵖ ⵜⵙⵔⵜⵉⵜ ⵏ ⵓⵏⵏⵓⵕⵥⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵡⴰⵎⵓⵏ ⵓⵖⵔⵉⵎ ⴷ ⵜⵎⵔⵙⴰⵍ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ, ⴷ ⴽⵓ ⵡⵉⴷ ⵜⵀⵎⵎⴰ ⵜⴷⵉⵎⴽⵔⴰⵟⵉⵜ ⵜⴰⵎⴰⴷⵔⴰⵡⵜ, ⵍⵍⵉⵖ ⵉⵙⵔⵙ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵏⵜⴰⵢⵜ ⵏⵏⵙ ⵉⵥⵍⵉⵏ ⵙ ⵜⵎⴷⵔⴰⵡⵜ ⵅⴼ ⵓⴱⵕⵍⴰⵎⴰⵏ ⵉⵏⵏⵓⵕⵥⵎⵏ. ⵖⵎⴽ ⵍⵍⵉ ⵜⴳⴰ ⴰⵣⵎⵣⵣⵓ ⵏ ⵓⵙⵏⴼⵍ ⵏ ⵜⴰⵏⵏⴰⵢⵉⵏ ⴼ ⴰⵢⵍⵍⵉ ⵙ ⵉⵥⵍⵉ ⵓⵎⵉⴽⴰⵏⵉⵣⵎ ⴰⴷ ⴰⵎⴰⵢⵏⵓ ⵉⵙⵎⴷⵏ ⵜⴰⴷⵉⵎⵓⵎⵇⵔⴰⵟⵉⵜ ⵏ ⵓⵙⵜⴰⵢ ⴱⵍⴰ ⵜⵍⵍⴰ ⵖ ⵓⴷⵖⴰⵔ ⵏⵏⵙ, ⴰⴷ ⴳⴰⵏ ⴷ ⵙⵉⵏ ⵉⵎⵉⴽⴰⵏⵉⵣⵎⵏ ⵎⵃⴰⴷⴰⵏⵉⵏ ⵅⴼ ⵉⵡⵜⵜⴰⵙⵏ ⴳⴰⵏⵉⵏ ⵢⴰⵏ, ⴰⴷ ⵜⵏ ⵉⴳⴰⵏ ⴷ ⵓⵙⴽⴰⵔ ⵏ ⵜⵓⵜⵔⴰⵡⵉⵏ ⵏ ⵉⵏⵎⵓⵔⴰⵏ ⴷ ⵉⵏⴰⵔⵓⵣⵏ ⵏⵏⵙⵏ ⴷ ⵓⵎⵣⴰⵖ ⵏ ⵜⵏⵓⴼⴰ ⵏⵏⵙ ⴷⴰⵔ ⵜⵏⴱⴰⴹⵜ ⵜⵎⵣⵣⴳⴰⵔⵜ.

ⵜⵥⵍⵉ ⵜⵖⵉⵎⵉⵜ ⵜⴰⵎⵣⵡⴰⵔⵓⵜ ⵏ ⵜⵉⵏⴰⵡⵜ ⴰⴷ ⵉ ⵓⵏⵎⵔⵉ: ⵜⴰⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⵖ ⵍⵎⵖⵔⵉⴱ: ⵜⵉⵔⵎⵉⵜ ⴷ ⵉⵏⵎⵔⴰⵏ ⵏ ⵜⵉⵍⴰⵡⵜ. ⵉⵍⵍⴰ ⴳⵉⵙ ⵓⵙⵙⴼⵍⴷ ⵉ ⵜⵓⴳⴳⴰ ⵏ ⵉⴷ ⵎⴰⵙⵙ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⵍⵍⵉ ⵉⵙⴰⵡⵍⵏ ⴼ ⵜⵡⵓⵔⵉ ⵜⴰⵜⵉⵇⵏⵉⵜ ⵏ ⵜⵙⵇⵇⵉⵓⵎⵜ, ⵜⴰⴷ ⵉⵥⵍⵉⵏ ⵉ ⵓⵣⵣⵔⴰⵢ ⵏ ⵜⵓⵍⴽⵉⵎⵉⵏ ⵍⵍⵉ ⴷ ⵉⵍⴽⵎⵏ ⴰⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵓⴽⵔⵉⵙⵉⵏ ⵏⵏⵙⵏⵜ. ⵖⵎⴽ ⵍⵍⵉ ⵍⵍⴰⵏⵜ ⵖ ⵜⵖⵉⵎⵉⵜ ⴰⴷ ⵜⴽⵛⵛⵓⵎⵉⵏ ⵙⵜⴰⵡⵀⵎⵎⴰⵏⵉⵏ ⵏ ⵉⴷⵓⴽⵜⵓⵔⵏ ⵉⵃⴰⴹⵕⵏ ⵍⵍⵉ ⵉⴼⴽⴰⵏ ⵜⵉⵎⵔⴰⵔⵓⵜⵉⵏ ⵅⴼ ⵉⵙⵇⵙⵉⵜⵏ ⵉⵍⵍⴰⵏ ⵙ ⵜⵖⴰⵔⴰⵙⵜ ⵉⴳⴰⵏ ⵜⴰⵎⴰⵙⵙⴰⵏⵜ ⴷ ⵜⴽⴰⴷⵉⵎⵉⵜ. ⵜⵉⴽⴽⵛⵛⵓⵎⵉⵏ ⵏ ⵉⴷ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵎⵓⵔⴰ ⴷ ⵉⴳⵎⴰⵎⵏ ⵏ ⵡⴰⵎⵓⵏ ⵓⵖⵔⵉⵎ ⵉⵃⴰⴹⵕⵏ ⵖ ⵜⵉⵏⴰⵡⵜ ⴰⴷ ⵥⵥⵏⵥⵕⵏⵜ ⴱⴰⵀⵔⴰ ⵜⵉⵡⵓⵔⵉⵡⵉⵏ ⵏⵏⵙ ⵍⵍⵉⵖ ⴰⴽⴽⵯ ⴷⴰⵔⵙⵏ ⴰⵏⵢⴰⵍⴽⴰⵎ ⴰⴽⵓⵢⴰⵙⵙ ⴷ ⵉⵏⵎⵓⵔⴰⵏ, ⵖⵎⴽ ⵍⵍⵉ ⵜⴻⵟⵟⴰⴼ ⵜⵉⵍⵉⵜ ⵏ ⵉⴳⵎⴰⵎⵏ ⵏ ⵜⵎⵔⵙⴰⵍ ⵏ ⵓⵙⵍⵎⴷ ⴰⵏⴰⴼⵍⵍⴰ ⵖ ⵜⵉⵏⴰⵡⵜ ⴰⵙⵡⵉⵔ ⵏⵏⵙ ⵉⴼⴽⴰⵏ ⵜⴰⵢⴰⴼⵓⵜ ⵜⴰⴽⴰⴷⵉⵎⵉⵜ ⵉ ⵓⵎⴷⵉⵡⴰⵍ ⴰⴷ.

ⵜⵥⵍⵉ ⵜⵖⵉⵎⵉⵜ ⵜⵉⵙ ⵙⵏⴰⵜ ⵏ ⵜⵉⵏⴰⵡⵜ ⵙ:”ⵉⵎⵏⵉⴷⵏ ⵏ ⵜⵣⵣⵉⴳⵣⵜ ⵙ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⵖ ⵜⵉⴼⴰⵡⵜ ⵏ ⵜⵉⵔⵎⵉⵜⵉⵏ ⵜⵉⴳⵔⴰⵖⵍⴰⵏⵉⵏ”, ⵉⵍⵍⴰ ⴳⵉⵙ ⵓⵙⴼⵙⵔ ⵏ ⵜⵉⵔⵎⵉⵜⵉⵏ ⵜⵉⴳⵔⴰⵖⵍⴰⵏⵉⵏ ⵖ ⵓⴱⴰⵔⴰⵣ ⵏ ⵜⵓⵍⴽⵉⵎⵉⵏ, ⵙⵍⴰⵡⴰⵏ ⴰⴽⴽⵯ ⵜⵉⵏ ⵉⴱⵕⵍⴰⵎⴰⵏⵏ ⵏ ⵓⵕⵓⴱⴱⴰ ⴷ ⴽⴰⵏⴰⴹⴰ ⴷ ⵍⴰⵍⵎⴰⵏ ⴷ ⴱⵕⵉⵟⴰⵏⵢⴰ, ⵃⵎⴰ ⴰⴷ ⴳⵉⵏⵜ ⵜⵉⵔⵎⵉⵜⵉⵏ ⴰⴷ ⵖ ⵚⴰⵃⴰ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜⵖ ⵖ ⵜⵉⴼⴰⵡⵜ ⵏ ⵏ ⵓⵡⵇⵇⵔ ⵏ ⵜⵔⵙⴰⵍ  ⵏ ⵜⵎⵜⵜⵉ ⴷ ⵉⵙⵍⴳⵏⵏ ⴷ ⵜⵎⵢⵓⵔⵉⵏ ⵏ ⵜⵎⴰⵣⵉⵔⵜ.

ⵉⴱⴷⴷ ⵓⵏⵎⵓⵇⵇⴰⵔ ⴰⴷ ⵙ ⵓⵔⵣⵣⵓ ⴼ ⵜⴱⴱⴰⵢⴹⴰⵕⵉⵏ ⵉⵍⵍⴰⵏ ⴷⴰⵜ ⵏ ⵜⵓⵍⴽⵉⵎⵉⵏ:

ⵉⵀⵎⵎⴰ ⵓⵙⵡⵉⵔ ⴰⵎⵣⵡⴰⵔⵓ ⵉⵏⵎⵓⵔⴰⵏ ⵉⴷ ⴱⴰⴱ ⵏ ⵜⵙⵏⵜⴰⵢⵜ ⴷ ⵜⵎⵙⵎⵓⵏⵉⵏ ⵏ ⵡⴰⵎⵓⵏ ⵓⵖⵔⵉⵎ ⵍⵍⵉⵖ ⵓⵔ ⴱⴰⵀⵔⴰ ⵜⵍⵍⵉ ⵜⵓⵙⵙⵏⴰ ⵙ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⴷⴰⵔ ⴰⵎⴰⵜⴰ ⵏ ⵉⵏⵎⵓⵔⴰⵏ ⴷ ⵜⵎⵙⵎⵓⵏⵉⵏ. ⵜⵜⵓⴽⴼⴰⵏ ⵖⵉⴷ ⵉⵙⵇⵙⵉⵜⵏ ⴰⵎ: ⵉⵙ ⵉⵥⴹⴰⵕ ⵡⴰⵎⵓⵏ ⵓⵖⵔⵉⵎ ⴰⴷ ⵉⵙⵡⵓⵔⵉ ⵙ ⵓⵎⵉⴽⴰⵏⵉⵣⵎ ⴰⴷ ⴰⴷⵉⵎⵓⵇⵔⴰⵟⵉ? ⵙ ⵎⴰⵏ ⵜⴰⵎⴰⵎⴽⵜ? ⵜⵉⴼⴰⴷⵉⵡⵉⵏ ⵜⵓⵍⴳⵉⵏⵉⵏ ⵏ ⵜⵓⵍⴽⵉⵎⵉⵏ ⴷ ⵜⵓⵜⵔⵉⵡⵉⵏ ⴳⴰⵏⵜ ⵜⴰⴱⴱⴰⵢⴹⴰⵕⵜ ⴷⴰⵜ ⵏ ⵓⵣⵓⵣⵣⵔ ⵏ ⵜⵓⵙⵙⵏⴰ ⵏ ⵜⵎⴷⵔⴰⵡⵜ ⵏ ⵜⵎⵓⵔⵉ.

ⵉⵀⵎⵎⴰ ⵓⵙⵡⵉⵔ ⵡⵉⵙ ⵙⵉⵏ ⵡⵉⴷ ⵉⵜⵜⴰⵎⵥⵏ ⵜⵓⵍⴽⵉⵎⵉⵏ ⴷ ⵜⵓⵜⵔⵉⵡⵉⵏ ⵉ ⵓⵣⵣⵔⴰⴼ, ⵉⵙ ⵉⵣⵎⵔ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷ ⵉⵣⵔⵔⵓ ⵜⵉⴼⴰⴷⵉⵡⵉⵏ ⴰⴽⴽⵯ ⵉⵜⵜⵓⵟⵍⴰⴱⵏ ⵖ ⵜⵓⵍⴽⵉⵎⵉⵏ ⴷ ⵜⵓⵜⵔⵉⵡⵉⵏ ⵉ ⵓⵣⵣⵔⴰⴼ.

ⵉⵥⵍⵉ ⵓⵙⵡⵉⵔ ⵡⵉⵙ ⴽⵕⴰⴹ ⵙ ⵡⴰⵡⵜⵜⴰⵙ ⴹⴰⵕⴰⵜ ⵏ ⵜⵓⵍⴽⵉⵎⵉⵏ ⴷ ⵜⵓⵜⵔⵉⵡⵉⵏ, ⵉⵙⴰ ⵍⵍⴽⴽⵎⵏⵜ ⴰⴷ ⵉⵜⵜⵓⵙⴽⵉⵔ ⵡⴰⵡⵜⵜⴰⵙ ⵏⵏⵙⵏⵜ ⵖ ⵜⵉⵍⴰⵡⵜ ⴰⵢⵍⵍⵉ ⵔⴰⴷ ⵢⴰⵡⵉ ⴰⴷ ⵜⴷⵓⵙ ⵜⵎⵢⵉⵎⴰⵏⵜ ⵖ ⵓⵙⵡⵓⵔⵉ ⴷ ⵜⵎⵔⵙⴰⵍ ⵢⵉⵍⵉ ⵓⵏⵢⴰⵍⴰⴽⴰⵎ ⴷ ⵜⵙⵏⵜⴰⵢⵉⵏ ⴷ ⵉⵜⵜⴰⵛⴽⴰⵏ.

ⵜⴼⴼⵓⵖ ⵜⵉⵏⴰⵡⵜ ⴰⴷ ⵙ ⴽⵉⴳⴰⵏ ⵏ ⵜⵖⵍⴰⴼ ⵍⵍⵉ ⵔⴰⴷ ⵢⴰⵡⵙ ⵖ ⵓⵙⵖⵓⴷⵓ ⵏ ⴰⵙⵡⵓⵔⵉ ⵉⵥⵍⵉⵏ ⵙ ⵜⵓⵍⴽⵉⵎⵉⵏ ⴷ ⵜⵓⵜⵔⵉⵡⵉⵏ, ⵜⵜⵓⴼⴽⵉⵏⵜ ⵓⵍⴰ ⵜⵢⴰⴼⵓⴼⵓⵜⵉⵏ ⵕⵡⴰⵏⵉⵏ, ⵢⵉⵍⵉ ⵖ ⵜⵖⵍⴰⴼ ⴰⴷ:

-  ⵉⵇⵇⴰⵏⴷ ⴰⴷ ⵢⵉⵍⵉ ⵓⵙⵡⵓⵜⵜⵓ ⵏ ⵜⴳⵓⵔⵉ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ, ⴰⴷ ⴰⵙ ⵉⵜⵜⵓⴼⴽⵉ ⵢⴰⵏ ⵓⵎⵏⴰⴷ ⴰⵎⴰⴷⵔⴰⵡ ⵏ ⵜⵉⴷⵜ ⵃⵎⴰ ⴰⴷ ⵉⵜⵜⵓⵙⴽⵉⵔ ⵢⴰⵏ ⵡⴰⵏⴰⵡ ⴰⵎⵖⵔⵉⴱⵉ ⵉⵥⵍⵉⵏ ⵉ ⵜⴷⵉⵎⵓⴽⵔⴰⵟⵉⵜ ⵜⴰⵎⴰⴷⵔⴰⵡⵜ;

-  ⴰⵙⴽⴰⵔ ⵙ ⵜⵢⴰⴼⵓⵜⵉⵏ ⵏ ⵓⵎⵙⴰⵡⴰⵍ ⴰⵏⴰⵎⵓⵔ ⵅⴼ ⵡⴰⵎⵓⵏ ⵓⵖⵔⵉⵎ ⵖ ⵓⵎⵏⵉⴷ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ;

-  ⴰⵙⵙⵉⴳⵯⵜ ⵏ ⵉⵎⵛⴰⵡⴰⵕⵏ ⴷ ⵡⴰⵎⵓⵏ ⵓⵖⵔⵉⵎ ⴷ ⵓⵙⴽⴰⵔ ⵏ (ⵓⴱⵕⵍⴰⵎⴰⵏ ⵏ ⵡⴰⴷⴰⵙ) ⴷ ⵓⵏⵢⴰⵍⴽⴰⵎ ⴷ ⵜⵎⵏⴰⴹⵉⵏ ⵙ ⵓⵎⵣⵉⵣⵣⵍ ⵏ ⵓⵎⵢⴰⵡⴰⴹ;

-  ⴰⵙⴽⴰⵔ ⴷ ⵓⵍⴳⴳⵓⴷ ⵏ ⵜⵎⵔⵙⴰⵍ ⵉⵥⵍⵉⵏ ⵙ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ;

-  ⴰⵏⵏⵓⵕⵥⵎ ⵏ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ ⴼ ⵉⵏⵎⵓⵔⴰⵏ ⴷ ⵉⵎⵓⵣⴰⵢⵏ ⵖ ⵜⵉⵣⵉ ⵏ ⵓⵣⵣⵔⴰⵢ ⵏ ⵜⵙⵓⵎⴰⵔ ⴷ ⵉⵙⵏⴼⴰⵔⵏ ⵏ ⵉⵙⵍⴳⵏⵏ;

-  ⴰⵙⵎⵀⵍ ⵏ ⵓⵣⴷⴷⵓⵢ ⴷ ⵜⵏⴱⴰⴹⵜ ⵖ ⵓⵣⵣⵔⴰⵢ ⵏ ⵜⴼⴰⴷⵉⵡⵉⵏ ⴷ ⵉⵇⵇⴰⵏ ⴰⴷ ⵉⵍⵉⵏⵜ ⵖ ⵡⵉⴷ ⴰⴽⴽⴰⵏⵉⵏ ⵜⵓⵍⴽⵉⵎⵉⵏ ⴷ ⵜⵓⵜⵔⵉⵡⵉⵏ ⵙⵍⴰⵡⴰⵏ ⴰⴽⴽⵯ ⵎⴰ ⴰⴷ ⵉⵥⵍⵉⵏ ⵙ ⵓⵣⵎⵎⴻⵎ ⵖ ⵜⵍⴳⴰⵎⵜ ⵏ ⵉⵙⵜⴰⵢⵏ ⴷ ⵓⵎⵔⵔⴻⵔ ⵙ ⵉⵣⵔⴼⴰⵏ ⵉⵎⴰⴷⴰⵏⵏ ⴷ ⵉⵙⵔⵜⴰⵏⵏ;

-  ⴰⵏⵏⵓⵕⵥⵎ ⴼ ⵜⵉⵔⵎⵉⵜⵉⵏ ⵢⴰⴹⵏⵉⵏ ⴷ ⵜⵎⵙⴽⴰⵔ ⵥⵉⵍⵏⵉⵏ ⵖ ⵢⵉⴳⵔ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ: ⴰⵙⵎⵀⵍ ⵏ ⵜⴱⵔⵉⴷⵉⵏ, ⴰⵙⵙⴷⵔⵓ ⵏ ⵉⴱⵕⵍⴰⵎⴰⵏⵉⵢⵏ ⵖ ⵜⵏⴽⴷⴰ ⵏ ⵓⵎⵉⴽⴰⵏⵉⵣⵎ ⴰⴷ ⴷⴰⵜ ⵏ ⵓⵙⵇⵇⵉⵎ;

-  ⴰⵙⵏⴼⵍ ⵏ ⵉⵙⵍⴳⵏⵏ ⵓⵟⵟⵓⵏⵏ 44.14 ⴷ 64.14 ⵉⵥⵍⵉⵏ ⵙ ⵓⵣⵔⴼ ⵏ ⵜⴽⴷⴰ ⵏ ⵜⵓⵍⴽⵉⵎⵉⵏ ⵉ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⴷ ⵜⵏⴽⴷⴰ ⵏ ⵜⵓⵜⵔⵉⵡⵉⵏ ⵖ ⵢⵉⴳⵔ ⵏ ⵓⵣⵣⵔⴰⴼ ⵉ ⵓⵙⵇⵇⵉⵎ ⵏ ⵉⵎⵓⵔⴰ, ⵖⵎⴽ ⴰⵏⵏ ⴷ ⵓⵙⵍⴳⵏ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵙⵙⴷⵔⵓ ⵏ ⵡⴰⵎⵓⵏ ⵓⵖⵔⵉⵎ ⵖ ⵜⵡⵓⵔⵉ ⴰⴷ;

-  ⴰⵙⵙⴽⵛⵎ ⵏ ⵙⵉⵏ ⵉⵙⵍⴳⵏⵏ ⵉⵎⴰⴷⴷⴰⵙⵏ ⵖ ⵢⴰⵏ ⵓⵙⵍⴳⵏ;

ⵥⴹⴰⵕⵏ ⵉⵙⵏⴼⵍⵏ ⴰⴷ ⴰⴷ ⵉⵍⵉⵏ ⵖ ⵢⴰⵜ ⵜⵙⵓⵎⵔⵜ ⵏ ⵓⵙⵍⴳⵏ, ⵢⵉⵍⵉ ⴳⵉⵙⵏ:

-  ⴰⵣⵓⴳⵣ ⵏ ⵓⵏⵛⴽ ⵏ ⵡⵉⵍⵍⵉ ⵔⴰⴷ ⵉⵣⵎⵎⵉⵎ ⴷ ⵓⵙⵏⴼⵍ ⵏ ⵜⴼⴰⴷⵉⵡⵉⵏ ⵉⵜⵜⵓⵟⵍⴰⴱⵏ;

-  ⴰⵣⵣⵔⴰⵢ ⵏ ⵜⵣⴳⴰⵍⵉⵏ ⵉⵍⵍⴰⵏ ⵖ ⵜⵓⵍⴽⵉⵎⵉⵏ ⵜⴰⵔ ⴰⵄⴽⴽⵙ ⵏⵏⵙⵏⵜ;

-  ⵃⵎⴰ ⴰⴷ ⵢⵉⵍⵉ ⵓⵙⵙⴷⵓⵙ ⵏ ⵜⵣⴷⴰⵢⵉⵏ ⵏⴳⵔ ⵓⴱⵕⵍⴰⵎⴰⵏ ⴷ ⵉⵏⵎⵓⵔⴰⵏ ⴷ ⵜⵎⵙⵎⵓⵏⵉⵏ ⵏ ⵡⴰⵎⵓⵏ ⵓⵖⵔⵉⵎ, ⵉⵇⵇⴰⵏⴷ ⴰⴷ ⵜⵜⵓⵙⴽⵉⵔⵏⵜ ⵜⵖⵉⵎⵉⵜⵉⵏ ⵏ ⵓⵙⵙⴼⵍⴷ ⴷⴰⵜ ⵏ ⵜⵏⴽⴷⴰ ⵏ ⵜⵓⵍⴽⵉⵎⵜ;

-  ⴰⴷ ⵣⵎⵔⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⴰⴷ ⴰⵙⵉⵏ ⵜⵓⵜⵔⴰ ⵖ ⵢⵉⴳⵔ ⵏ ⵓⵣⵣⵔⴰⴼ ⵉⵜⵜⵓⵇⴱⴰⵍⵏ ⴷⴰⵔ ⵓⵙⵉⵔⴰ ⵏ ⵓⵙⵇⵇⵉⵎ, ⵓⵔ ⴷ ⵖⴰⵙ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵉⵥⵍⵉⵏ ⵙ ⵉⵎⵔⵙⵉ ⵏ ⵜⵓⵜⵔⴰ;

-  ⴰⴷ ⵜⵜⵓⴼⴽⵉⵏⵜ ⵜⵥⵉⴹⴰⵕ ⴷ ⵢⵓⵙⴰⵏ ⵉ ⵜⵓⵍⴽⵉⵎⵜ ⵜⴰⵍⵉⴽⵟⵕⵓⵏⵉⵜ;

ⵉⵥⴹⴰⵕ ⵓⵙⴽⴰⵔ ⵙ ⵜⵖⵍⴰⴼ ⴰⴷ, ⴰⴷ ⵢⴰⵡⵉ ⴰⴷ ⵜⵉⴳⵓⵜ ⵜⵎⵢⵉⵎⴰⵏⵜ ⵊⴰⵔ ⵉⵏⵎⵓⵔⴰⵏ ⴷ ⵜⵎⵔⵙⵍⵜ ⵜⴰⴱⵕⵍⴰⵎⴰⵏⵉⵜ, ⴰⵢⵍⵍⵉ ⵔⴰⴷ ⵢⴰⵡⵉ ⴰⴷ ⵉⴷⵓⵙ ⵓⵍⴰ ⵓⵔⴳⴳⵉⴳ ⴰⵏⴰⵎⵓⵏ ⵏ ⵜⵎⴰⵣⵉⵔⵜ ⵏⵏⵖ ⵉⵄⵣⵣⴰⵏ.

ⵖ ⵜⴳⵉⵔⴰ ⵏ ⵜⵉⵏⴰⵡⵜ ⴰⴷ, ⵏⵏⵓⵔⵣⵖ ⴰⴷ ⵜⵜⵓⵙⴽⵉⵔⵏ ⵉⵡⵜⵜⴰⵙⵏ ⵏⵏⵙ, ⴰⵔ ⵙⵏⵉⵎⵎⵉⵔⵖ ⵡⵉⴷ ⵃⴰⴹⵕⵏⵉⵏ ⵙⵏⵉⵎⵎⵔⵖ ⵓⵍⴰ ⵡⵉⴷ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵡⵓⴷⴷⵓ ⵏ ⵜⵖⵉⵎⵉⵜⵉⵏ ⵏⵏⵙ, ⵖⵎⴽ ⴰⵏⵏ ⴷ ⵡⵉⵍⵍⵉ ⴼⴽⴰⵏⵉⵏ ⵜⵉⴽⵛⵛⵓⵎⵉⵏ ⵏⵏⵙⵏ.