ⴰⵙⵉⵔⴰ(2016-2021):
ⴰⵙⵉⵡⴹ ⵏ ⵜⵙⵎⵓⵏⵉ ⵏ ⵓⵙⵉⵔⴰ ⵏ ⵓⵙⵇⵇⵉⵎ, ⴰⵢⵏⴰⵙ 21 ⴷⵓⵊⴰⵏⴱⵉⵔ 2020
ⵉⵎⵔⵙⵉ ⵏ ⵜⵖⵉⵎⵉⵜ ⵜⴰⵢⵢⵓⵔⴰⵏⵜ ⵏ ⵡⴰⵢⵏⴰⵙ 28 ⴷⵓⵊⴰⵏⴱⵉⵔ 2020: ⵜⴰⵢⴰⴼⵓⵜ ⵜⴰⴷⵉⴱⵍⵓⵎⴰⵙⵉⵜ ⵏ ⵜⴳⵍⴷⵉⵜ ⵖ ⵓⵙⴷⴰⵡ ⵏ ⵜⵎⵙⴰⵔⵜ ⵜⴰⵏⴰⵎⵓⵔⵜ ⴷ ⵉⵎⵏⴰⴷⵏ ⵏ ⵓⴼⵓⴽⴽⵓ ⵏ ⵓⵎⵏⵣⴰⵖ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ.
ⵉⵙⵏⵎⴰⵍⴰ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵎⵓⵏⵉ ⵏⵏⵙ ⵜⴰⵏⵎⵍⴰⵙⵙⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⴰⵢⵏⴰⵙ 21 ⴷⵓⵊⴰⵏⴱⵉⵔ 2020, ⵜⵥⵍⵉ ⵉ ⵜⵉⴹⴰⴼ ⴷ ⵓⵣⵣⵔⴰⴼ.
ⵖ ⵜⵉⴹⴰⴼ, ⵙ ⵉⵎⵛⴰⵡⴰⵕⵏ ⵏ ⵜⵏⵙⵙⵉⵅⴼⵜ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ, ⵔⴰⴷ ⵜⵉⵍⵉ ⵜⵖⵉⵎⵉⵜ ⵜⴰⵢⵢⵓⵔⴰⵏⵜ ⵏ ⵡⴰⵢⵏⴰⵙ 28 ⴷⵓⵊⴰⵏⴱⵉⵔ ⴼ ⵜⵙⵔⵜⵉⵜ ⵜⴰⵎⴰⵜⴰⵢⵜ ⵙ ⵜⵉⵍⵉⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴼ :
« ⵜⴰⵢⴰⴼⵓⵜ ⵜⴰⴷⵉⴱⵍⵓⵎⴰⵙⵉⵜ ⵏ ⵜⴳⵍⴷⵉⵜ ⵖ ⵓⵙⴷⴰⵡ ⵏ ⵜⵎⵙⴰⵔⵜ ⵜⴰⵏⴰⵎⵓⵔⵜ ⴷ ⵉⵎⵏⴰⴷⵏ ⵏ ⵓⴼⵓⴽⴽⵓ ⵏ ⵓⵎⵏⵣⴰⵖ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ”
ⵖ ⵓⵣⵣⵔⴰⴼ, ⵉⵙⵔⵙ ⵓⵙⵉⵔⴰ ⴰⵖⴰⵡⵙ ⵏ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵏ ⵓⵙⵉⵏⴰⵙ 22 ⴷⵓⵊⴰⵏⴱⵉⵔ 2020 , ⵉⵙⴷⴷⵉⴷ ⴼ ⵡⴰⵜⵉⴳ ⵏ ⵜⵙⵏⵜⴰⵢⵜ ⵏ ⵓⵙⵇⵇⵉⵎ ⵖ ⵢⵉⴳⵔ ⵏ ⵓⵣⵣⵔⴰⴼ, ⵉⵍⵍⴰ ⵓⵙⵖⵉⵡⵙ ⵏ ⴽⴽⵓⵥⵜ ⵜⵙⵓⵎⵔⵉⵏ ⴼ ⵉⴷⵖⴰⵔⵏ ⵏ ⵓⵙⵉⴼⴹ ⵉⵍⴻⵍⵍⵉ, ⵙⵏⴰⵜ ⵜⵙⵓⵎⵔⵉⵏ ⴼ ⵓⵙⵍⴳⵏ ⵏ ⵜⵡⵓⵔⵉ, ⵉⵥⵕⴰ ⵓⵙⵉⵔⴰ ⵓⵍⴰ ⵜⴰⵙⵓⵎⵔⵜ ⵏ ⵓⵙⵍⴳⵏ ⴼ ⵓⴼⵓⴽⴽⵓ ⵏ ⵜⵏⵓⴼⴰ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵙⵓⵜⴳ ⴰⵎⵙⴰⵛⴽⴰ ⵍⵍⵉ ⴼⵍⵍⴰⵙ ⵉⵍⵍⴰⵏ.