ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⴼ ⵓⵖⴰⵡⴰⵙ ⴰⴷⵎⵙⴰⵏ ⵏ 2030

ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⴼ ⵓⵖⴰⵡⴰⵙ ⵏ ⵜⴳⵎⵉ ⵜⴰⵙⵓⵍⴰⵏⵜ ⵏ ⵓⵙⴳⴳⵯⴰⵙ ⵏ 2030 ⵓⵙⵙⴰⵏ ⵏ 29 ⴷ 30 ⵏⵓⵡⴰⵏⴱⵉⵔ ⴳ ⴱⴰⵢⵔⵓⵜ ⵍⵓⴱⵏⴰⵏ, ⵍⵍⵉ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵜⵎⵜⵜⴰ ⵎⵓⵏⵏⵉⵏ  ⵉ ⵜⵖⴰⵡⵙⵉⵡⵉⵏ ⵜⵉⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⵏ ⴳⵔⵡⵜ ⵏ ⴰⵙⵢⴰ (ⵉⵙⴽⵡⴰ) ⴳ ⵓⵙⴰⵜⵉ ⵏ ⵜⵎⴷⵔⴰⵡⵜ ⴰⴽⴷ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵓⵖⴰⵡⴰⵙ ⵓⵏⴳⵉⵎ ⵏ ⵜⵎⵜⵜⴰ ⵎⵓⵏⵏⵉⵏ. 

ⵉⵍⵍⴰ ⴳ ⵓⴽⴰⴱⴰⵕ: 

- ⵎⴰⵙⵙⴰ ⵏⴰⴷⵢⴰ ⵜⵓⵀⴰⵎⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⴰⵔⴰⴱⴱⵓⵜ ⵏ ⵜⴳⵎⵉ ⴷ ⵜⵙⵔⵎⵓⵏⵜ; 

- ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⴰⵔⴰⴱⴱⵓⵜ ⵜⴰⵏⴰⵎⵓⵔⵜ ⵏ ⵉⵏⵙⵉⵎⴰⵏⵏ. 

ⴳ ⵓⵖⴰⵡⴰⵙ, ⵉⵍⵍⴰ ⵓⵎⴹⴰⴽⴰⵕ ⴼ ⵓⵣⵣⴳⵉⵔ ⵏ ⵓⵖⴰⵡⴰⵙ ⵏ ⵜⴳⵎⵉ ⵜⴰⵙⵓⵍⴰⵏⵜ ⵏ 2030 ⴳ ⵜⵙⴳⴰ ⵏ ⵡⴰⵄⵕⴰⴱⵏ, ⴷ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⴳ ⵓⵙⴱⴷⴷⵉ ⵏ ⵉⴱⵔⵙⵙⵉⵡⴷⵏ ⵣⴷⵉⵏⵉⵏ ⴷ ⵓⵙⵏⴼⵍ ⵏ ⵓⵏⵣⵡⵉ ⴷ ⵓⵙⴷⵓⵙ ⵏ ⵜⵣⵣⵉⴳⵣⵜ ⵉ ⵓⵙⴽⵔ ⵏ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ ⴷ ⵓⵙⵎⵏⵉⴷ ⵏ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⴳ ⵓⵙⵉⴼⵙⵓⵙ ⵏ ⵜⴰⵙⵙⴰⵙⵜ ⵉⵣⴷⵉⵏ ⴷ ⵓⵙⵏⴼⵍ ⵏ ⵓⵏⵣⵡⵉ ⴷ ⵓⵙⵎⵖⵔ ⵏ ⵜⵡⵡⵓⵔⵉ ⴳ ⵓⵎⵏⵉⴷ ⴰⴷ ⴳ ⵜⵙⴳⴰ ⴰⴷ. 

ⵜⵙⴰⵡⵍ ⵎⴰⵙⵙⴰ ⵏⴰⴷⵢⴰ ⵜⵓⵀⴰⵎⵉ ⴳ ⵜⵖⵉⵎⵉⵜ ⵉⵥⵍⵉⵏ ⵙ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⴳ ⵓⵚⴽⵓ ⵏ ⵜⵙⵓⴳⵔⵜ ⴳ ⵓⴼⵔⴰⴳ ⵏ ⵉⵡⴷⴰⵏ ⵛⵃⴰⵏⵉⵏ, ⴼ ⵓⵍⵜⴰⵖ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴼ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵉⵙⴷⵉⴷⴷⵉⵢⵏ ⵏⵏⵙⵏ ⴼ ⵉⵎⴰⵍ ⵏ ⵜⴼⴳⴰⵏⵉⵜ, ⵜⵙⵎⵏⵉⴷ ⵓⵍⴰ ⵜⵉⵎⵙⴽⴰⵔ ⵥⵉⵍⵏⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵓⵏⵣⵡⵡⵉ ⴷ ⵓⵣⵣⴳⵉⵔ ⵏ ⵉⵡⵜⵜⴰⵙ ⵏ ⵜⴳⵎⵉ ⵜⴰⵙⵓⵍⴰⵏⵜ ⴷ ⵜⵉⵍⴰⵍⵜ ⵏ ⵓⵙⵏⴼⴰⵔ ⴰⴳⵍⴷⴰⵏ ⵉⵣⴷⵉⵏ ⴷ ⵓⴼⵔⴰⴳ ⴰⵏⴰⵎⵓⵏ ⵉ ⵉⵡⴷⴰⵏⵉⵏ ⵛⵃⴰⵏⵉⵏ. ⵖⵎⴽ ⵍⵍⵉ ⵜⵙⴰⵡⵍ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⵛⵛⴰⵔⵏ ⴳ ⵉⴳⵔⴰⵏ ⵉⵙⵔⵜⴰⵏⵏ ⴷ ⵉⴷⵎⵙⴰⵏⵏ ⴷ ⵡⵉⵏ ⵓⵜⵛⵓ ⴷ ⵜⵥⴹⴰⵕⵜ ⴷ ⵡⴰⵡⵏⴰⴹ ⵉ ⵓⴼⵓⴽⴽⵓ ⵏ ⵜⴰⵙⵙⴰⵙⵉⵏ ⵍⵍⴰⵏⵉⵏ ⴳ ⵜⵙⴳⴰ ⵏ ⵡⴰⵄⵕⴰⴱⵏ. 

ⴳ ⵜⵖⵉⵎⵉⵜ ⵉⵥⵍⵉⵏ ⵙ ⵜⵉⵔⵎⵉⵜⵉⵏ ⵜⵉⴳⵔⴰⵖⵍⴰⵏⵉⵏ ⴼ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵉ ⵓⵙⵉⴱⵙⵓⵙ ⵏ ⵉⴷⵔⵉⵣⵏ ⵏ ⵓⵙⵏⴼⵍ ⵏ ⵓⵏⵣⵡⵉ, ⵉⵙⴰⵡⵍ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ ⴼ ⵜⵙⵔⵜⴰⵢ ⵜⵉⵏⴰⵎⵓⵔⵉⵏ ⵣⴷⵉⵏⵉⵏ ⴷ ⵡⴰⵎⴰⵏ  ⴷ ⵓⴼⴰⵔⵙ ⵏ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵙⴽⵔ ⵏ ⵜⵏⴼⵔⵓⵜ ⵜⴰⵥⴹⴰⵕⴰⵏⵜ. ⵉⵙⴰⵡⵍ ⵓⵍⴰ ⴼ ⵜⵎⴰⵙⴰⵢⵜ ⵏ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ ⴳ ⵓⵏⵄⴰⵕ ⵉ ⵓⵙⴱⴷⴷⵉ ⵏ ⵜⵎⵏⵜⵍⵉⵏ ⵏ ⵓⵙⵏⴼⵍ ⵏ ⵓⵏⵣⵡⵉ ⴷ ⵓⵙⴱⴷⴷⵉ ⵏ ⵉⴷⵔⵉⵣⵏ ⵏ ⵉⵎⵣⵔⴰⵢⵏ ⵏ ⵓⵏⵣⵡⵉ ⴷ ⵓⵙⴷⵓⵙ ⵏ ⵓⵚⴽⵓ ⴰⴷⵉⵎⵓⵇⵔⴰⵟⵉ ⴷ ⵓⵎⵔⵙⵍⴰⵏ ⴷ ⵓⵙⴽⵔ ⵏ ⵓⵎⵛⴰⴱⴱⴰⴽ ⴰⵏⴰⵎⵓⵏ ⴷ ⵓⵙⵉⴱⵙⵓⵙ ⵏ  ⵉⵎⵣⵔⴰⵢⵏ ⵊⴰⵔ ⵜⵉⵙⴳⴳⵉⵡⵉⵏ. 

ⵉⵖⵔ ⵓⵍⴰ ⵉ ⵜⵡⵡⵓⵔⵉ ⵉ ⵓⴼⵔⴰⴳ ⵏ ⵉⵙⵓⴳⴰⵎ ⵉⴳⴰⵎⴰⵏⵏ ⵉ ⵓⵙⴷⵓⵙ ⵏ ⵜⵏⴼⵔⵓⵜ ⵏ ⵡⴰⵎⴰⵏ  ⵎⴽ ⵍⵍⵉ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⵉⵉ ⴳ ⵉⵏⴰⵡ ⵏ ⵓⵏⵏⵓⵕⵥⵎ ⵏ ⵓⵙⴳⴳⵯⴰⵙ ⴰⵣⵣⵔⴰⴼ ⵏ ⵖⵉⵍⴰⴷ. 

ⵉⵜⵜⵓⵙⵙⴰⵏ ⵎⴰⵙⵙ ⵜⵜⵓⵙⴽⴰⵔ ⵉⵙⴽⵡⴰ ⴳ 1973 ⵉ ⵓⵙⵎⵖⵔ ⴰⴷⵎⵙⴰⵏ ⴳ ⵉⵡⴰⵏⴽⵏ ⵉⴳⵎⴰⵎⵏ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵜⴳⵎⵉ ⴷ ⵓⵔⴳⴳⵉⴳ ⴷ ⵓⵙⴽⵔ ⵏ ⵉⵎⴰⵍ ⵉⵣⵉⵍⵏ ⵉ ⵓⴼⴳⴰⵏ ⵉⴱⴷⴷⵏ ⴼ ⵉⵣⵔⴼⴰⵏ ⴷ ⵜⵓⴷⵔⵜ ⵉⵥⵉⵍⵏ ⴷ ⵜⵣⵣⵉⴳⵣⵜ ⵜⴰⴷⵎⵙⴰⵏⵜ ⴷ ⵣⵣⵀⵕⵜ ⵜⴰⵏⴰⵎⵓⵏⵜ ⴷ ⵜⵙⵓⵍⴰⵏⵜ ⵜⴰⵡⵏⴹⴰⵏⵜ.