ⵜⴰⴳⵓⵔⵉ ⵏ ⵎⴰⵙⵙ ⵃⴰⴼⵉⴹ ⵡⴰⵛⴰⴽ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵓⵙⵓⵜⴳ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ 2018-2021 ⴳ ⵓⵕⵥⵥⵓⵎ ⵏ ⵓⵏⵎⵓⵇⵇⴰⵔ ⴼ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ
ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ
ⴰⵏⴳⴳⵯⵓ ⴰⴳⵎⴰⵎ ⵏ ⵓⴱⵕⵍⴰⵎⴰⵏ ⵏ ⵍⴱⵓⵔⵜⵓⵖⴰⵍ
ⵎⴰⵙⵙ ⴰⵏⵙⵙⵉⵅⴼ ⵏ ⵜⵣⵓⵏⵉ ⵏ ⵓⵎⵢⴰⵡⴰⵙ ⴳ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵍⵎⵖⵔⵉⴱ
ⵉⴷ ⵎⴰⵙⵙ ⵉⵎⵓⵣⴰⵢⵏ ⴷ ⵉⵙⵍⵎⴰⴷⵏ
ⵜⵉⵏⴳⴳⵯⴰ ⴷ ⵜⵉⵏⴳⴳⵯⴰ
ⵉⵙⵜ ⵎⴰ ⵙⵙⴰ ⴷ ⵉⴷ ⵎⴰⵙⵙ
ⵓⵎⵎⵔⵖ ⴰⴷ ⵏⵏⵓⵕⵥⵎⵖ ⴰⵏⵎⵓⵇⵇⴰⵔ ⵍⵍⵉ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴼ ⵓⵎⵓⴽⵏ ⴰⵎⵙⵙⵓⴳⵓⵔ ⴳ ⵜⵎⵙⴰⴽⴰⵔ ⵏ ⵓⵎⵣⴰⵣⴰⵍ, ⴷ ⵓⵙⵓⵜⴳ ⵏ ⵓⵎⵓⴽⵏ ⴰⴷ ⴳ ⵉⵥⵕⵉ ⵏ ⵉⵎⵣⵣⵔⴰⴼⵏ, ⵉⴱⵕⵍⴰⵎⴰⵏⵉⵢⵏ ⵉⵎⵙⴽⴰⵔⵏ ⵏ ⵉⵙⵍⴳⵏⵏ, ⴷ ⵉⵎⵓⵣⴰⵢⵏ ⵍⵍⴰⵏⵉⵏ ⵊⴰⵔ ⵉⵎⵣⵣⵔⴰⴼⵏ ⴷ ⵉⵎⵣⵣⴳⴰⵔⵏ ⴷ ⵜⵎⵙⵙⵓⴳⵓⵔⵜ, ⵉⴷ ⴱⴰⴱ ⵏ ⵜⵎⵓⵣⴰⵢⵜ ⵍⵍⵉ ⵎⵓ ⵏⵙⵖⴰⵡⵙⴰ ⵙ ⵜⴰⵏⵏⴰⵢⵜ ⵏⵏⵙⵏ.
ⴰⵔ ⵙⵏⵉⵎⵎⵉⵔⵖ ⵉⵎⴷⵔⴰⵡ ⵏⵏⵖ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ, ⴼ ⵓⵙⵏⴰⵍ ⵏⵏⵙⵏ ⵉ ⵓⵙⵇⵇⵉⵎ ⵏ ⵉⵎⵓⵔⴰ, ⵙⵓⵜⴳⵖ ⵜⴰⵎⴷⵔⴰⵡⵜ ⴰⴷ ⴷ ⵓⵎⵢⴰⵡⴰⵙ ⵉⵍⵍⴰⵏ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵓⵙⵏⴰⵍ ⵏ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵓⵙⴷⵓⵙ ⵏ ⵜⴷⵉⵎⵓⵇⵕⴰⵟⵉⵜ, ⴷ ⵉⵖⴰⵡⴰⵙⵏ ⵢⴰⴹⵏⵉⵏ ⵏ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ ⵍⵍⵉ ⵜⵙⵙⵥⵕⴼ ⵜⴰⵎⵓⵏⵜ ⵏ ⵓⵕⵓⴱⴱⴰ.
ⴰⵔ ⵙⴱⵔⵔⴰⴽⵖ ⴰⵏⴳⴳⵯⵓ ⵍⵡⵉⵙ ⵍⵉⵜ ⵔⴰⵎⵓⵙ ⴰⴳⵎⴰⵎ ⵏ ⵓⴱⵕⵍⴰⵎⴰⵏ ⵏ ⵍⴱⵓⵔⵜⵓⵖⴰⵍ ⴷ ⵉⵙⵍⵎⴰⴷⵏ ⵉⵎⵓⵣⴰⵢⵏ ⴳ ⵜⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ ⵓⵍ ⵙⴳ ⵜⵙⴷⴰⵡⵉⵜ ⵜⴰⵎⵖⵔⵉⴱⵉⵜ.
ⵎⴽ ⵜⵙⵙⵏⵎ, ⵉⴳⴰ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵜⵉⵎⵥⵍⵉⵜ ⵜⴰⴷⵙⵍⴰⵏⵜ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵉⵍⵍⴰⵏ ⴳ ⵓⴷⵓⵙⵜⵓⵔ ⵏ 2011 ⵍⵍⵉ ⵉⵙⵖⵣⵏ ⵓⵎⴰⴷⴰⵏ ⴰⵎⵖⵔⵉⴱⵉ, ⵉⵙⵎⵖⵔ ⵜⵉⵎⵥⵍⴰⵢ ⴰⴷⴷ ⵙ ⵓⵙⴷⵓⵙ ⵏ ⵜⵎⵙⴽⵔⵜ ⵜⴰⴷⵉⵎⵓⵇⵕⴰⵟⵉⵜ ⵜⴰⵎⵔⵙⵍⴰⵏⵜ.
ⵍⵍⵉⵖ ⵉⵙⴽⵔ ⵓⵙⵇⵇⵉⵎ ⵏ ⵉⵎⵓⵔⴰ ⵙⴳ 2015 ⵜⵉⵡⵡⵓⵔⵉⵡⵉⵏ ⵏ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵍⵍⵉ ⵉⴼⴼⵖⵏ ⵙ ⵉⵙⵖⵍⴰⴼ ⴷ ⵜⵙⵓⵎⵔⵉⵏ ⵉ ⵓⵙⵖⵓⴷⵓ ⵏ ⵜⵙⵔⵜⴰⵢ, ⵉⵙⴽⵔ ⴳ ⵜⵣⵡⵉⵔⵉ ⵏ ⵜⵡⴰⵍⴰ ⴰⴷ ⴽⵕⴰⴹ ⵜⵙⵎⵉⴳⴰⵍ ⴼ ⵍⵎⵖⵔⵉⴱ ⴰⵣⴳⵣⴰⵡ ⴷ ⵜⵙⵔⵜⵉⵜ ⵏ ⵡⴰⵎⴰⵏ ⴷ ⵓⵖⴰⵡⴰⵙ ⵏ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ 2018-2021, ⵜⴰⴷ ⵜⴳⴰ ⵙⴳ ⴰⵏⵎⵓⵇⵇⴰⵔ ⵏ ⵡⴰⵙⵙ ⴰⴷ ⵍⵍⵉ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵙ ⵏ 18 ⵎⴰⵕⵚ ⵙ ⵜⵡⵉⵙⵉ ⵏ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ ⴷ ⵜⴳⵔⴰⵡⵉⵏ ⵜⵉⵖⵔⵎⴰ,ⵉⵏ ⴷ ⵉⵎⵓⵣⴰⵢⵏ ⵉⵏⴰⵎⵓⵔⵏ.
ⵉⵡⴰⵜⵜⵙ ⵓⵙⵇⵇⵉⵎ ⴳ ⵓⵙⵏⵎⴰⵍⴰ ⵏ ⵓⵏⵎⵓⵇⵇⴰⵔ ⴰⴷ ⵉⵙⵙⵏ ⵜⵉⵎⵙⴽⴰⵔ ⵜⵉⴳⵔⴰⵖⵍⴰⵏⵉⵏ, ⴷⴰⵔ ⵉⵎⴷⵔⴰⵡⵏ ⵏⵏⵖ ⵏ ⵓⵕⵓⴱⴱⴰ ⴷ ⵓⵏⵢⴰⵍⴰⴽⵎ ⴰⴽⴷ ⵉⵎⵓⵣⴰⵢⵏ ⵏ ⵜⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ ⵉ ⵓⵙⵙⵎⵖⵔ ⴷ ⵓⵙⴷⵓ ⵏ ⵉⵎⵓⴽⵏⵏ ⴰⴷ ⵕⵡⵓⵏ.
ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ
ⴰⵔ ⴷ ⵙⵙⴽⵯⵜⵉⵖ ⴰⵜⵉⴳ ⵏ ⵜⵏⵓⴼⴰ ⵜⴰⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ ⴳ ⵜⴷⵉⵏⴰⵎⵉⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⴷⵍⵙⴰⵏⵜ, ⵜⴳ ⴳ ⵉⵎⵓⴽⵏⵏ ⵃⵎⴰ ⴰⴷ ⵢⵉⵍⵉ ⴷ ⵉⵙⵖⴰⵡⵙⴰⵜⵏ ⵏ ⵡⴰⵎⵓⵏ ⴷ ⵜⴷⵎⵙⴰ, ⵢⴰⵡⵉ ⵜⴰⵎⵢⵉⵎⴰⵏⵜ ⵏ ⵉⵏⵎⵓⵔⴰⵏ.
ⵜⵉⵡⵙ ⵜⵖⴰⵡⵙⴰ ⴰⴷ ⵉ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷ ⵉⵙⴽⵔ ⵜⴰⵡⵡⵓⵔⵉ ⴰⴷ ⵜⴰⵎⵣⵡⴰⵔⵓⵜ ⴳ ⵜⵡⴰⵍⴰ ⴰⴷ ⴼ ⵓⵎⵓⴽⵏ ⴰⵎⵙⵙⴳⵓⵔ, ⵢⵉⵔⵉ ⴰⴷ ⵉⵙⵙⵏ ⴰⴷⵔⵉⵣ ⵏ ⵓⵎⵓⴽⵏ ⴰⴷ ⴷ ⵉⵡⵜⵜⴰ ⵏⵏⵙ ⴷ ⵉⵙⵖⴰⵡⵙⴰⵜⵏ ⵏⵏ ⴳ ⴽⵓ ⵉⵎⵏⴰⴷⵏ ⵏⵏⵙ ⴳ ⵜⵎⵙⴽⵔⵜ ⵎⴰⵙ ⵇⵇⵍⵏ ⵉⵏⵎⵓⵔⴰⵏ ⴷ ⵓⴷⵖⴰⵔ ⴰⵊⵢⵓⵖⵔⴰⴼⵉ ⵃⵎⴰ ⴰⴷ ⵜⴳ ⵜⴰⵔⵏⴰⵎⵎⴰⵙⵜ ⵜⴰⵎⵙⵙⵓⴳⵓⵔⵜ ⵜⵉⴷⵜ ⵉⴼⴰⵡⵏ.
ⵎⴰⵢⴰ ⵏⵏ ⵉⴳⴰ ⴰⵙⴷⵓⵙ ⵏ ⵜⵎⵢⵉⵎⴰⵏⵜ ⴳ ⵜⵏⵓⴼⴰ ⵜⴰⴳⴷⵓⴷⴰⵏⵜ ⵖⵎⴽ ⴰⵏⵏ ⵓⵍⴰ ⴳ ⵜⵎⵔⵙⴰⵍ ⴷ ⵡⴰⵍⴰⵢ ⵉ ⵓⵙⵎⵓⵙⵙⵓ ⵉ ⵜⵏⴰⵥⵔⵉⵏ ⵜⵉⵅⴰⵜⴰⵔⵉⵏ ⵏ ⵓⵎⵓⴽⵏ ⵍⵍⵉ ⵜⵙⴽⴰⵔ ⵜⵎⴰⵣⵉⵔⵜ ⵏⵏⵖ ⵏⵏⵖ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.
ⵜⴳⴰ ⵜⵎⴰⴼⴰⵡⵜ ⵏ ⵜⵎⵙⴽⴰⵔ ⵜⵉⵎⵙⵙⵓⴳⵓⵔⵉⵏ ⴷ ⵓⵙⵉⴱⵙⵓⵙ ⵏ ⵜⴱⵔⵉⴷⵉⵏ ⵜⴰⵎⵔⴰⵔⵓⵜ ⵏ ⵉⵣⵔⴼⴰⵏ ⵉⴷⵙⵍⴰⵏⵏ ⵏ ⵓⵏⵎⵓⵔⵉ: ⴰⵣⵔⴼ ⴳ ⵜⵏⴳⴰⴷⴷⴰⵢⵜ ⴷⴰⵜ ⵏ ⵜⵎⵙⵙⵓⴳⵓⵔⵜ, ⴳ ⵜⵎⴰⴼⴰⵡⵜ, ⵉⵎⵉⵥ ⵏ ⵜⵎⵓⵛⴰ ⴷ ⵜⴻⵜⴳⴰⵔⵉⵏ, ⴳⵉⵏ ⵉⴼⵔⴷⴰⵙ ⵉⴷⵙⵍⴰⵏⵏ ⴳ ⵓⵏⵣⵡⵉ ⵏ ⵜⵡⵡⵓⵔⵉⵏ ⴷ ⵢⵓⵙⴰⵏ, ⴷ ⵜⵎⵢⵉⵎⴰⵏⵜ ⵏ ⵉⵎⴷⵔⴰⵡⵏ ⴷ ⵉⵎⵙⴽⴰⵔⵏ ⴳ ⵜⴷⵎⵙⴰ ⴷ ⵓⵙⵙⴰⵔⵓ.
ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ
ⵉⵇⵇⴰⵏ ⴷ ⵓⵙⵕⵚⵓ ⵏ ⵜⵎⵙⵙⵓⴳⵓⵔⵜ ⵜⴰⵎⴰⵢⵏⵓⵜ ⵉⵔⴰⵔⵏ ⵉ ⵜⵎⵔⴰⵔⵓⵜⵉⵏ ⵏ ⵓⵣⵎⵣ, ⵉ ⵓⴹⴼⵕ ⵏ ⵉⵎⵓⴽⵏⵏ ⵉⵅⴰⵜⴰⵔⵏ ⵍⵍⴰⵏⵉⵏ ⴳ ⵜⵎⴰⵣⵉⵔⵜ ⵏⵏⵖ. ⴳ ⵓⵎⵏⵉⴷ ⴰⴷ ⴰⵔ ⵏⵙⴷⴷⵉⴷ ⴼ ⵎⴰⴷ ⵢⵓⵛⴽⴰⵏ ⴳ ⵜⴱⵔⴰⵜ ⵜⴰⵎⴰⵜⵜⵓⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵄⵣⵣⵓ ⵕⴱⴱⵉ ⵉ ⵓⵏⵎⵓⵇⵇⴰⵔ ⴰⵏⴰⵎⵓⵔ ⵉ ⵜⵡⵡⵓⵔⵉ ⵜⴰⴳⴷⵓⴷⴰⵏⵜ ⵜⴰⵎⵜⵜⵓⵢⵜ ⵍⵍⵉ ⵜⵙⵏⵎⴰⴰⵍ ⵜⵎⴰⵡⴰⵙⵜ ⵏ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ ⴷ ⵜⵡⵡⵓⵔⵉ ⵜⴰⴳⴷⵓⴷⴰⵏⵜ ⴳ ⵚⵚⵅⵉⵕⴰⵣⵜ ⴰⵙⵙ ⵏ 27 ⴱⵕⴰⵢⵕ 2018: “ⵜⴳⴰ ⵜⵎⵓⴽⵔⵉⵙⵜ ⵏ ⵓⵙⵡⵓⴷⴷⵓ ⵉⵕⵡⴰⵏ ⵏ ⵉⵙⵓⴳⴰⵎ ⴷ ⵉⵙⵖⴰⵡⵙⴰⵜⵏ ⵏ ⵓⵙⵎⵖⵔ ⵏ ⵜⴳⵎⵉ ⵜⴰⵎⴰⵜⴰⵢⵜ, ⵉⵙⵔⵙ ⵜⴰⵎⵓⴽⵔⵉⵙⵜ ⵏ ⵜⵉⵕⵡⵉ ⵏ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ ⴷ ⵜⵎⵔⵙⴰⵍ ⵏ ⵓⵡⴰⵏⴽ, ⴰⵢⵍⵍⵉ ⴷ ⵢⵉⵡⵉⵏ ⴰⴷ ⵢⵉⵍⵉ ⵓⵣⵣⵔⴰⵢ ⵏ ⵜⵎⴰⵎⴽⵉⵏ ⵏ ⵜⵡⵡⵓⵔⵉ ⵏⵏⵙ, ⴷ ⵜⴱⵔⵉⴷⵉⵏ ⵏ ⵓⵙⵡⵓⴷⴷⵓ ⵏ ⵉⵙⵓⴳⴰⵎ ⵉⴳⴷⵓⴷⴰⵏⵏ ⵉ ⵓⵙⵎⵔⵙ ⵉⵕⵡⴰⵏ ⵏ ⵜⵥⴹⴰⵕⵉⵏ ⵍⵍⴰⵏⵉⵏ”. ⵉⵙⵎⴷ ⵡⴰⵡⴰⵍ ⵏ ⴱⴰⴱ ⵏ ⵡⴰⴷⴷⵓⵔ.
ⵉⴳⴰ ⵓⵏⵎⵓⵇⵇⴰⵔ ⵏ ⵡⴰⵙⵙ ⴰⴷ ⴳ ⵓⵙⵖⵏⵓ ⵏ ⵓⵏⴳⵔⴰⵡ ⵏ ⵓⵙⵓⵜⴳ ⵍⵍⵉ ⵉⵕⵥⵎ ⵓⵙⵇⵇⵉⵎ, ⴷ ⵓⴹⴼⵕ ⵏ ⵜⵡⵡⵓⵔⵉ ⵏ ⵜⵔⴰⴱⴱⵓⵜ ⴰⴷ ⵜⴰⵙⴳⵓⵎⴰⵏⵜ ⴳ ⵉⵍⵍⴰ ⵓⵙⵙⴼⵍⴷ ⵉ ⵉⵎⵙⵜⴳⴳⴰⵔⵏ ⵓⵏⴱⵉⴹⵏ ⴷ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ ⴷ ⵜⴳⵔⴰⵡⵉⵏ ⵏ ⵓⵏⴱⴰⴹ, ⴷ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⴷ ⵉⵙⵍⵎⴰⴷⵏ ⴷ ⵉⵎⵓⵥⴰⵢⵏ ⴷ ⵜⴳⵔⴰⵡⵉⵏ ⵏ ⵡⴰⵎⵓⵏ ⴰⵖⵔⴰⵎⵏ, ⴷ ⵉⵔⵣⴰⴼⵏ ⵃⵎⴰ ⴰⴷ ⵏⵙⵙⵏ ⴰⵙⵓⵔⵙ ⵏ ⵓⵣⵣⴳⵉⵔ ⵏ ⵓⵖⴰⵡⴰⵙ ⴰⵏⴰⵎⵓⵔ ⴳ ⵓⵙⵡⵉⵔ ⴰⴷⵖⴰⵔⴰⵏ, ⵏⵙⴽⵔ ⴰⴷ ⵉⵔⵣⴰⴼⵏ ⵉ ⵜⵙⴳⴰ ⵏ ⴼⴰⵙ ⵎⴽⵏⴰⵙ, ⵔⴰⴷ ⵏⵔⵣⴼ ⵓⵍⴰ ⵜⴰⵙⴳⴰ ⵏ ⴷⴷⴰⵅⵍⴰ ⵡⴰⴷⵉ ⴷⴷⴰⵀⴰⴱ, ⵟⴰⵏⵊⴰ ⵜⵉⵟⵡⴰⵏ ⵍⵃⵓⵙⵉⵎⴰ ⵃⵎⴰ ⴰⴷ ⵏⵙⴽ ⵉⵏⵎⵓⵇⵇⴰⵔⵏ ⴷ ⵉⵎⵙⵜⴳⴳⴰⵔⵏ ⴷ ⵉⵏⵙⵙⵉⵅⴼⵏ ⵏ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴷ ⵉⵎⵙⴽⴰⵔⵏ ⵉⴷⵖⴰⵔⴰⵏⵏ ⵃⵎⴰ ⴰⴷ ⵉⴱⵓⵖⵍⵓ ⵓⵎⴹⴰⴽⴰⵕ ⴼ ⵜⵓⵎⴰⵢⵜ ⴷ ⵜⵎⵙⴽⴰⵔ ⵏ ⵓⵖⴰⵡⴰⵙ ⴰⵏⴰⵎⵓⵔ.
ⵏⴻⵏⵏⵓⵔⵣ ⴰⴷ ⵏⵙⴽⵔ ⵜⵉⵎⵙⴽⴰⵔ ⵏ ⵓⵎⵣⴰⵣⴰⵍ ⴷⴰⵔ ⵉⵎⴷⴷⵓⴽⴽⵯⴰⵍ ⴷ ⵉⵎⴷⵔⴰⵡⵏ ⴼ ⵜⴱⵔⵉⴷⵉⵏ ⵏ ⵓⵙⵓⵜⴳ ⴷ ⵜⵙⵓⵎⵔⵉⵏ ⴷ ⵜⵓⵎⴰⵢⵜ ⵏ ⵓⵙⵓⵜⴳ, ⴰⵡⵜⵜⴰⵙ ⴰⵙⵖⵓⴷⵓ ⵏ ⵜⵎⵙⴽⵔⵜ ⵏ ⵓⵙⵇⵇⵉⵎ ⵎⵓ ⵉⴳⴰ ⵓⵙⵓⵜⴳ ⵏ ⵜⵡⵡⵓⵔⵉ ⵜⴰⴳⴷⵓⴷⴰⵏⵜ ⵙⴳ ⵜⵉⵎⵥⵍⴰⵢ ⵏⵏⵙ ⵎⴽ ⵉⵍⵍⴰⵏ ⴳ ⵡⴰⵏⴰⵡ ⵓⵏⴳⵉⵎ ⴰⵎⴰⵢⵏⵓ.
ⵜⴰⵏⵎⵎⵉⵔⵜ ⵏⵏⵓⵏ ⴷ ⴱⵔⵔⴽⴰⵜ