ⴰⵙⵉⵔⴰ(2016-2021):
ⴰⵙⵉⵡⴹ ⴼ ⵜⵙⵎⵓⵏⵉ ⵏ ⵓⵙⵉⵔⴰ ⵏ ⵓⵙⵇⵇⵉⵎ, 20 ⵉⴱⵔⵉⵔ 2020
ⵉⵙⵏⵎⴰⵍⴰ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵎⵓⵏⵉ ⵏⵏⵙ ⵜⴰⵏⵎⵍⴰⵙⵙⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ, ⴰⵙⵙ ⵏ ⵡⴰⵢⵏⴰⵙ 20 ⵉⴱⵔⵉⵔ 2020. ⵜⵥⵍⵉ ⵉ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⵙⵇⵇⵉⵎ ⵖ ⵓⵣⵣⵔⴰⴼ ⴷ ⵜⵉⴹⴰⴼ.
ⵖ ⵜⵣⵡⵉⵔⵉ ⵏ ⵜⵙⵎⵓⵏⵉ, ⵉⴼⴽⴰ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵢⴰⵏ ⵓⵣⴳⵣⵍ ⴼ ⵜⵡⵓⵔⵉ ⵏ ⵓⵙⵇⵇⵉⵎ ⵖ ⵜⵉⵣⵉ ⵏ ⵉⵖⴰⵡⴰⵍⵏ ⵉⴷⴰⵡⵙⴰⵏⵏ ⴷ ⵜⵎⵙⴽⴰⵔ ⵏ ⵡⴰⵔⴰⵢ ⵍⵍⵉ ⵉⵍⵍⴰⵏ, ⵢⵉⵏⵉ ⴰⵙⵓⵜⴳ ⵏⵏⵙ ⵙ ⵉⵙⵎ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵉ ⵜⵓⴳⴳⴰⵙ ⵍⵍⵉ ⵉⵜⵜⵓⵙⴽⴰⵔⵏ ⵖ ⵓⴹⴼⵕ ⵏ ⵜⵉⴹⴰⴼ ⴷ ⵓⵣⵣⵔⴰⴼ ⴷ ⵜⵡⵉⵙⵉ ⴳⵉⵙⵏ, ⵖⵎⴽ ⴰⵏⵏ ⵓⵍⴰ ⵖ ⵓⵙⵏⵖⵍ ⵏ ⵜⵎⵙⴰⵔⵉⵏ ⴷ ⵉⵅⵎⵎⵉⵎⵏ ⵉⵍⵍⴰⵏ ⵖ ⵜⵎⵓⵔⵜ ⴷ ⵓⵎⵣⴰⵖ ⵏⵏⵙⵏ ⴷⴰⵔ ⵜⵎⴰⵡⵙⴰⵙⵉⵏ ⵍⵍⵉ ⵙⵔⵙⵏⵜ ⵉⵥⵍⵉⵏ. ⵖⵎⴽ ⵍⵍⵉ ⵉⵙⴷⴷⵉⴷ ⵓⵙⵉⵔⴰ ⵎⴰⵙ ⵜⵣⵣⵉⴳⵣ ⵜⵡⵓⵔⵉ ⵏ ⵓⵙⵇⵇⵉⵎ ⵙ ⵜⵖⴰⵔⴰⵙⵜ ⵍⵍⵉ ⵜⵙⵉⴳⴳⵉⵍ ⵜⵎⵙⵓⵜⵍⵜ ⴰⴷ, ⵢⵉⵍⵉ ⵓⵙⵙⴰⵔⵓ ⵏ ⵜⵥⵉⴹⴰⵕ ⵉⵍⵍⴰⵏ ⵃⵎⴰ ⴰⴷ ⴳⵉⵏⵜ ⵜⵎⵙⴰⵔⵉⵏ ⵏ ⵉⵏⵎⵓⵔⴰ ⵜⵉⵎⵣⵡⵓⵔⴰ ⵖ ⵓⵙⵡⵉⵏⴳⵎ ⴷ ⵜⵎⵙⴽⵔⵜ.
ⵉⴱⵉⴷⴷ ⵓⵙⵉⵔⴰ ⵏ ⵓⵙⵇⵇⵉⵎ ⵓⵍⴰ ⴼ ⵉⵎⴹⴰⴽⴰⵕⵏ ⵕⵡⴰⵏⵉⵏ ⵉⵍⵍⴰⵏ ⵖ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⵖ ⵎⴰⴷ ⵉⵥⵍⵉⵏ ⵙ ⵜⵎⵙⴰⵔⵉⵏ ⵍⵍⵉ ⵢⵉⵡⵉⵏ ⵜⴰⵏⵏⴰⵢⵜ ⵏ ⵡⴰⵎⵓⵏ ⴷ ⵓⵅⵎⵎⴻⵎ ⵏⵏⵙ, ⵉⵙⴷⴷⵉⴷ ⵎⴰⵙ ⵔⴰⴷ ⵉⵙⵙⴷⵓⵙ ⵓⵎⵙⴰⵡⴰⴹ ⵜⴰⵎⵥⵍⴰ ⵏ ⵡⴰⴷⴰⵙ ⴷ ⵓⵏⵏⵓⵕⵥⵎ, ⵖⵉⴽ ⴰⵏⵏ ⴰⴼ ⵜⵍⵍⴰ ⵢⴰⵜ ⵜⵖⵎⵔⵜ ⵜⴰⵎⴰⵢⵏⵓⵜ ⵖ ⵓⵙⵉⵜ ⴰⵎⴰⴷⴷⵓⴷ ⵏ ⵓⵙⵇⵇⵉⵎ ⵖ ⵔⴰⴷ ⵉⵍⵉⵏ ⵉⵎⵏⵉⴷⵏ ⴷ ⵜⵙⵓⵎⴰⵔ ⵏ ⵉⵏⵎⵓⵔⴰ ⴷ ⵜⵏⵎⵓⵔⴰ, ⴰⵢⵍⵍⵉ ⵙ ⵔⴰⴷ ⵙⴱⵔⵔⴽⵏ ⴽⵓ ⵉⴼⵔⴷⴰⵙ ⵉⵙⵔⵜⴰⵏⵏ ⵏ ⵓⵙⵇⵇⵉⵎ.
ⵖ ⵎⴰⴷ ⵉⵥⵍⵉⵏ ⵙ ⵜⵙⵏⵜⴰⵢⵜ ⵜⴰⴳⵍⴷⴰⵏⵜ ⵍⵍⵉ ⵔⴰⴷ ⵉⵙⵙⵕⵚⵓ ⵢⴰⵏ ⵓⵙⴰⵜⵉ ⴰⵙⵉⴽⵔⴰⵏ ⵉ ⵓⴹⴼⵕ ⵏ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⵖ ⴽⵓ ⵜⵉⴼⵔⴽⵉⵡⵉⵏ ⵏ ⵓⵙⵡⵓⴷⴷⵓ ⵏ ⵓⴼⵉⵔⵓⵙ ⵏ ⴽⵓⵕⵓⵏⴰ, ⵉⵙⵓⵜⴳ ⵎⴰⵙⵙ ⴰⵏⵏⵙⵉⵅⴼ ⴷ ⵓⵙⵉⵔⴰ ⵏ ⵓⵙⵇⵇⵉⵎ ⴰⵎⵏⴰⴷ ⵏ ⵓⵎⵢⴰⵡⴰⵙ ⵏ ⵜⵙⵏⵜⴰⵢⵜ ⴰⴷ ⵉⴳⴰⵏ ⵜⴰⵎⵣⵡⴰⵔⵓⵜ ⵖ ⵍⵍⴰⵏ ⵉⴼⵔⴰⵢⵏ ⵥⵉⵍⵏⵉ ⵏ ⵜⵡⵉⵣⵉ ⴷ ⵓⵎⵢⴰⵡⴰⵙ ⵏⴳⵔ ⵉⵎⴰⴷⴰⵏⵏ ⵉⴼⵔⵉⵇⵉⵢⵏ ⴳⴰⵏⵉⵏ ⴰⵢⵜⵎⴰⵜⵏ, ⵖ ⵜⵎⵙⵓⵜⵍⵜ ⴰⴷ ⵉⵛⴷⴷⴰⵏ ⵖ ⵉⵍⵍⴰ ⵓⵙⵡⵓⴷⴷⵓ ⴰⴳⵔⴰⵖⵍⴰⵏ ⴰⵙⴳⴰⵡⵢⴰⵏ ⵉ ⵜⴰⵙⵙⴰⵙⵜ ⴰⴷ ⵖ ⵍⴰⵃ ⴰⵎⵢⴰⵡⴰⵙ ⴷ ⵓⵣⴷⴷⵓⵢ.
ⵃⵎⴰ ⴰⴷ ⵢⵉⵍⵉ ⵓⴷⵔⴰⵡ ⵖ ⵓⵙⵡⴰⵍⴰ ⴰⴷ, ⵢⴰⵡⵙ ⵓⵙⵇⵇⵉⵎ ⵏ ⵉⵎⵓⵔⴰ ⵖ ⵜⵙⵏⵜⴰⵢⵜ ⴰⴷ ⵖ ⵉⵎⵏⴰⴷⵏ ⵏⵏⵙ ⵏ ⵜⴼⴼⵓⴳⵏⴰ, ⵢⵓⵣⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⵉ ⴽⵔⴰ ⵏ ⵜⵎⴰⴷⴷⴰⵙⵉⵏ ⵜⵉⵙⴳⴰⵡⴰⵏⵉⵏ ⴰⵎ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵕⴰⵏⴽⵓⴼⵓⵏⵉⵜ ⴷ ⵓⴱⵕⵍⴰⵎⴰⵏ ⵏ ⴽⵓ ⵉⴼⵔⵉⵇⵢⴰ ⴷ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵔⵉⵇⵉⵜ ⵃⵎⴰ ⴰⴷ ⵢⵉⵍⵉ ⵉⵎⵔⵙⵉ ⵏ ⵓⵎⵢⴰⵡⴰⵙ ⴰⴼⵔⵉⵇⵉ ⴼ ⵓⴱⴰⵢⵢⵓⵕ ⵏ ⴽⵓⵕⵓⵏⴰ ⵖ ⵉⵖⴰⵡⴰⵙⵏ ⵏ ⵜⵡⵓⵔⵉ ⵏ ⵜⵎⵔⵙⴰⵍ ⴰⴷ ⵜⵉⴱⵕⵍⴰⵎⵏⵉⵢⵉⵏ.
ⵖ ⵢⵉⴳⵔ ⵏ ⵓⵣⵣⵔⴰⴼ ⵉⵥⵍⵉⵏ ⵙ ⵓⵏⴳⵔⴰⵡ ⴰⴷⴰⵡⵙⴰⵏ : ⴰⵢⵍⵍⵉ ⴼ ⵢⴰⴷ ⵉⵎⴹⴰⴽⴰⵕ ⵓⵙⵉⵔⴰ ⵖ ⵎⴰⴷ ⵉⵣⵔⵉⵏ, ⵏⵏⴰⵏ ⵉⴳⵎⴰⵎⴰⵏ ⴽⵓⵍⵍⵓ ⵜⵏ ⴰⵙⵓⵜⴳ ⵏⵏⵙⵏ ⵢⴰⵜⵜⵓⵢⵏ ⵉ ⵜⵓⴳⴳⴰⵙ ⴷ ⵉⵙⴼⴰⵙⴽⴰⵜⵏ ⵖ ⵉⵍⵍⴰ ⵢⵉⵎⴰⵏ ⵏ ⵜⵎⵓⵔⵉ ⴷ ⵜⴰⵢⵔⵉ ⵏ ⵜⵎⵓⵔⵜ ⵍⵍⵉ ⵙ ⵙⵡⵡⵓⵔⵉⵏⵜ ⴽⵓⵍⵍⵓ ⵜⴰⵣⵣⵓⵍⵉⵏ ⵏ ⵜⴷⵓⵙⵓ ⵙ ⵎⴰⴷ ⴽⵓⵍⵍⵓ ⴳⴰⵏⵜ, ⵙⴷⴷⵉⴷⵏ ⵙ ⵓⵣⵎⵣⵣⵓ ⴰⴷ ⵎⴰⵙ ⵜⵜ ⵢⵉⵡⵉ ⵓⵙⵇⵇⵉⵎ ⵖ ⵜⵡⵓⵔⵉ ⴼ ⵓⵙⴰⵜⵉ ⴰⵣⵣⵔⴰⴼ ⵉⵥⵍⵉⵏ ⵙ ⵢⵉⴳⵔ ⵏ ⵜⴷⵓⵙⵉ ⵃⵎⴰ ⴰⴷ ⵢⵉⵍⵉ ⵓⵙⵖⵓⴷⵓ ⵏⵏⵙ ⴷ ⵓⵙⵙⵎⵖⵔ ⵏⵏⵙ ⵙ ⴰⵢⵍⵍⵉ ⵔⴰⴷ ⵉⴼⴽ ⵉ ⵜⵎⴰⵣⵉⵔⵜ ⵏⵏⵖ ⵢⴰⵏ ⵓⵙⴰⵜⵉ ⴰⵣⵣⵔⴰⴼ ⵉⵍⵍⴰⵏ ⴷ ⵉⵏⴰⵔⵓⵣⵏ ⵏ ⴽⵓ ⵉⵎⵖⵔⴰⴱⵉⵢⵏ. ⵉⴼⴼⵓⵖ ⵓⵙⵉⵔⴰ ⴰⴷ ⵜⴻⵜⵜⵓⵙⴽⵉⵔ ⵢⴰⵜ ⵜⵙⵇⵇⵉⵎⵜ ⵜⴰⵙⴳⵓⵎⴰⵏⵜ ⵉⵥⵍⵉⵏ ⵉ ⵎⴰⵢⴰ ⴷ.
ⵖ ⵜⵡⵓⵔⵉⵡⵉⵏ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⴷ ⵜⵙⵎⵓⵏⴰⵢ ⵏⵏⵙⵏⵜ : ⵉⵎⴷⴰⵡⴰⵍ ⵓⵙⵉⵔⴰ ⵏ ⵓⵙⵇⵇⵉⵎ ⴼ ⵓⵙⵙⵎⵖⵔ ⵏ ⵓⴷⵔⴰⵡ ⵖ ⵜⵉⴳⴳⵓⴳⵜ ⵏ ⴽⵓ ⵉⴳⵎⴰⵎⵏ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ, ⵉⵙⴷⴷⵉⴷ ⵖⵉ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴼ ⵎⴰⵙ ⴷ ⵉⵇⵇⴰⵏ ⴰⴷ ⵉⵍⵉⵏⵉⵜ ⴽⵓ ⵜⵉⵥⵉⴹⴰⵕ ⵜⵉⵜⵉⵇⵏⵉⵢⵉⵏ ⵃⵎⴰ ⴰⴷ ⵜⵜⵓⵙⴽⵉⵔ ⵜⵡⵓⵔⵉ ⴰⴷ, ⵉⴼⴼⵓⵖ ⵓⵙⵉⵔⴰ ⴰⴷ ⵢⴰⵣⵏ ⵉ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⵃⵎⴰ ⴰⴷ ⵉⵍⵉⵏ ⵉⵙⵡⵓⴷⴷⵓⵜⵏ ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵜⵙⵎⴰⵏⴰⵢ ⵏⵏⵙⵏⵜ ⴷ ⵓⵙⵡⵓⴷⴷⵓ ⵏ ⵡⴰⴽⵓⴷ ⵍⵍⵉ ⵙⵔⵙⵏⵜ ⵉⵥⵍⵉⵏ.
ⵖ ⵓⵖⴰⵡⴰⵙ ⵏ ⵜⵖⵉⵎⵉⵜⵉⵏ ⵜⵓⵙⵎⵉⴷⵉⵏ : ⵉⴼⴼⵓⵖ ⵓⵙⵉⵔⴰ ⵏ ⵓⵙⵇⵇⵉⵎ ⴰⴷ ⵜⵉⵍⵉ ⵢⴰⵜ ⵜⵖⵉⵎⵉⵜ ⵜⵓⵙⵎⵉⴷⵜ ⴰⵙⵙ ⵏ ⵓⵙⵉⵏⴰⵙ 21 ⵉⴱⵔⵉⵔ, ⵔⴰⴷ ⵜⵥⵍⵉ ⵉ ⵜⵖⵔⵉ ⴷ ⵓⵙⵜⴰⵢ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵉⵣⴷⵉⵏ ⴷ ⵓⵙⵔⵙ ⵏ ⵉⵙⵡⵓⴷⴷⵓⵜⵏ ⵥⵍⵉⵏⵉ ⵉ ⵉⴷ ⴱⴰⴱ ⵏ ⵜⵡⵓⵔⵉ ⵉⵎⵍⵜⴰⵖⵏ ⵖ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ.