ⴰⵙⵉⵡⴹ ⵏ ⵜⵙⵎⵓⵏⵉ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 19 ⵉⴱⵔⵉⵔ 2021

ⵉⵙⵏⵎⴰⵍⴰ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵎⵓⵏⵉ ⵏⵏⵙ ⵜⴰⵏⵎⵍⴰⵙⵙⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 19 ⵉⴱⵔⵉⵔ 2021. ⵜⵥⵍⵉ ⵉ ⵜⵉⴹⴰⴼ ⴷ ⵓⵣⵣⵔⴰⴼ.

ⴳ ⵜⵣⵡⵉⵔⵉ, ⵉⵙⴰⵡⵍ ⵓⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⴼ ⵜⵎⵙⴰⵔⵜ ⵜⴰⵅⴰⵜⴰⵔ ⵉⵍⵍⴰⵏ ⴳ ⵜⵎⴰⵣⵉⵔⵜ ⴳ ⵉⵎⴰⵍⴰⵙⵙ ⵉⵣⵔⵉⵏ ⵍⵍⵉⵖ ⵉⵍⵍⴰ ⵓⵙⵏⴼⴰⵔ ⴰⴳⵍⴷⴰⵏ ⵏ ⵓⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ. ⵉⵏⵉⵏ ⵎⴰⵙ ⵉⴳⴰ ⵓⵙⵏⴼⴰⵔ ⴰⴷ ⵢⴰⵜ ⵜⴳⵔⴰⵡⵍⴰ ⵜⴰⵏⴰⵎⵓⵏⵜ ⵍⵍⵉ ⵔⴰⴷ ⵉⵙⵎⵖⵔ ⵉⵙⵓⵔⵙⵏ ⵏ ⵉⵎⵖⵔⵉⴱⵉⵢⵏ, ⵉⴳ ⵢⴰⵜ ⵜⵡⵉⵙⵉ ⵍⵍⵉ ⵊⵊⵓ ⵓⵔ ⵉⵍⵍⵉⵏ ⵖ ⵓⵙⴱⴷⴷⵉ ⵏ ⵓⵥⵍⴰⴹ, ⵉⴳ ⴰⵥⵎⴰⵥⵥⵍ ⴰⵙⵜⵔⴰⵜⵉⵊⵉ ⴳ ⵓⵙⴽⵔ ⵏ ⵓⵙⵏⴼⴰⵔ ⴰⵏⴰⵎⵓⵏ ⵍⵍⵉ ⵉⵙⴽⴰⵔⵏ ⴳ ⵓⴼⴳⴰⵏ ⴰⵛⴰⵎⵓⵛ ⵏ ⵜⴳⵎⵉ ⵜⴰⵙⵓⵍⴰⵏⵜ ⵜⴰⵎⴰⵜⴰⵢⵜ.

ⵉⵙⵙⴽⵜⵉ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⵅⵎⵎⴻⵎ ⵏ ⵓⵙⵇⵇⵉⵎ ⴳ ⵓⴹⴼⵕ ⵏ ⵓⵙⴰⵡⵓⵔ ⴰⴷ ⴰⵏⴰⵎⵓⵔ ⴰⵅⴰⵜⴰⵔ, ⵉⴱⴷⴷ ⴼ ⵡⴰⵜⵉⴳ ⵏ ⵓⴼⵔⴰⴳ ⴰⵏⴰⵎⵓⵏ ⴷⴰⵔ ⴽⵓ ⵉⴼⵔⴷⴰⵙ ⵏ ⵓⵙⵇⵇⵉⵎ, ⵉⵙⵙⴽⵜⵉ ⴷ ⵜⴰⵡⵓⵔⵉ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵏⴳⵔⴰⵡ ⴰⴷⵓⵙⴰⵏ ⵍⵍⵉ ⵉⵙⵙⴼⵍⴷⵏ ⵉ ⴽⵓ ⵉⵎⵙⴽⴰⵔⵏ ⴳ ⵢⵉⴳⵔ ⴰⴷⵓⵙⴰⵏ ⴷ ⵓⴼⵔⴰⴳ ⴰⵏⴰⵎⵓⵏ, ⵜⵙⵓⵊⵉⴷ ⴰⵏⵇⵇⵉⵙ ⵍⵍⵉ ⵔⴰⴷ ⵉⵜⵜⵓⵙⵎⵏⵉⴷ ⵖⵔ ⵓⵙⵇⵇⵉⵎ ⵖ ⴽⵔⴰ ⵏ ⵜⵖⵉⵎⵉⵜ ⴷ ⵢⵓⵛⴽⴰⵏ.

ⴳ ⵜⵉⴹⴰⴼ, ⵔⴰⴷ ⵜⵉⵍⵉ ⵜⵖⵉⵎⵉⵜ ⵏ ⵡⴰⵢⵏⴰⵙ 26 ⵉⴱⵔⵉⵔ ⴼ ⵉⴳⵔⴰⵏ ⵏ ⵜⴳⵯⵏⵙⴰⵏⵜ ⴷ ⵜⴷⵓⵙⵉ ⴷ ⵜⵎⴰⵍⵍⴰⵢⵜ.

ⴳ ⵓⵣⵣⵔⴰⴼ, ⵉⴼⴼⵖ ⵓⵙⵉⵔⴰ ⵏ ⵓⵙⵇⵇⵉⵎ ⴰⴷ ⵜⵉⵍⵉ ⵜⵖⵉⵎⵉⵜ ⵜⴰⴳⴷⵓⴷⴰⵏⵜ ⴰⵙⵙ ⵏ ⵓⵙⵉⵏⴰⵙ 20 ⵉⴱⵔⵉⵔ ⴳ ⵜⵉⵙ 12, ⵉ ⵜⵖⵔⵉ ⴷ ⵓⵙⵜⴰⵢ ⵏ ⵎⵏⵏⴰⵡ ⵉⵙⵏⴼⴰⵔⵏ ⴷ ⵜⵎⵢⴰⵇⵇⴰⵏⵉⵏ, ⴷ ⵜⵖⵔⵉ ⴷ ⵓⵙⵜⴰⵢ ⵏ ⵓⵙⵏⴼⴰⵔ ⵏ ⵓⵙⵏⴼⴰⵔ ⵏ ⵓⵙⵍⴳⵏ 12.18 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ ⴰⵏⴱⴽⴰⴹ ⴷ ⵓⵙⵍⴳⵏ 43.05 ⴼ ⵓⵙⴱⴷⴷⵉ ⵏ ⵢⵉⵔⵉⴷ ⵏ ⵉⴷⵔⵉⵎⵏ.

ⵉⴼⴼⵖ ⵓⵙⵉⵔⴰ ⴰⴷ ⵉⵜⵜⵓⵚⵕⵉⴼ ⵓⵙⵏⴼⴰⵔ ⵏ ⵓⵙⵍⴳⵏ 13.21 ⴼ ⵓⵙⵎⵔⵙ ⵓⵍⴳⵉⵏ ⵏ ⵍⴽⵉⴼ ⵉ ⵜⵙⵇⵇⵉⵎⵜ ⵏ ⵜⴳⵯⵏⵙⴰⵏⵜ ⴷ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ.

ⴼ ⵜⵡⵓⵔⵉ ⵏ ⵜⵙⵇⵇⵉⵎⵉⵏ, ⵉⵥⵕⴰ ⵓⵙⵉⵔⴰ ⵜⴰⵣⵣⵉⴳⵣⵜ ⵏ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⵍⵍⵉ ⴰⵙ ⴷ ⵜⵜⵓⵚⵕⴰⴼⵏⵉⵏ, ⵖⵎⴽ ⴰⵏⵏ ⵓⵍⴰ ⵜⵉⵙⵓⵎⵔⵉⵏ ⵏ ⵉⵙⵍⴳⵏⵏ ⴳⴰⵏⵉⵏ 227,  ⵢⵉⵏⵉ ⵎⴰⵙ ⴷ ⵜⵇⵇⴰⵏ ⵜⵡⵓⵔⵉ ⵏ ⵓⵙⵇⵇⵉⵎ ⴷ ⵜⵏⴱⴰⴹⵜ ⵉ ⵓⵙⴷⵓⵙ ⵏ ⵡⴰⴽⵓⴷ ⴰⵢⵢⵓⵔⴰⵏ ⵉⵥⵍⵉⵏ ⵙ ⵜⵙⵓⵎⵔⵉⵏ ⵏ ⵉⵙⵍⴳⵏⵏ.