ⴰⵙⵉⵡⴹ ⴼ ⵜⵙⵎⵓⵏⵉ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 17 ⵎⴰⵢⵢⵓ 2021

ⵉⵙⵏⵎⴰⵍⴰ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵎⵓⵏⵉ ⵜⴰⵏⵎⵍⴰⵙⵙⵜ ⵍⵍⵉ ⵉⵙⵙⵉⵅⴼ ⵓⵏⵙⵙⵉⵅⴼ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵢⵏⴰⵙ 17 ⵎⴰⵢⵢⵓ 2021, ⵜⵥⵍⵉ ⵉ ⵓⵣⵣⵔⴰⴼ ⴷ ⵜⵉⴹⴰⴼ.

ⵖ ⵜⵣⵡⵉⵔⵉ, ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴼ ⵜⵣⵣⵉⴳⵣⵉⵏ ⵏ ⵜⵎⵙⴰⵔⵜ ⵜⴰⴼⵉⵍⵉⵚⵟⵉⵏⵉⵜ ⵉⴳⴰⵏ ⵜⴰⵣⵔⴼⴰⵏⵜ ⴷ ⵓⵙⵓⵔⵙ ⴳ ⵍⵇⵓⴷⵙ ⴰⵛⴰⵔⵉⴼ ⴷ ⴹⴹⵉⴼⴼⴰ ⴷ ⵖⴰⵣⵣⴰ, ⵖⵎⴽ ⴰⵏⵏ ⴷ ⵜⵉⵙⵖⵉⵏ ⵀⵔⵛⵏⵉⵏ ⵏ ⵉⵙⵔⴰⵉⵍ, ⴼ ⵉⵏⵎⵓⵔⴰⵏ ⴷ ⵜⵓⵚⴽⵉⵡⵉⵏ ⴷ ⵜⵎⵔⵙⴰⵍ ⵏ ⵓⵎⵢⴰⵡⴰⴹ ⴷ ⵜⴷⵎⵙⴰ, ⵍⵍⵉ ⵙⵙⵀⵔⵛⵏ ⵎⴰⵕⵕⴰ ⵏ ⵉⵎⵖⵔⵉⴱⵉⵢⵏ, ⵉⵙⵙⴽⵜⵉ ⴷ ⵓⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⵎⴰⵙ ⵜⴳⴰ ⵜⵡⵉⵙⵉ ⵜⴰⵏⴼⴳⴰⵏⵜ ⵍⵍⵉ ⵜⵚⵕⴼ ⵜⵎⴰⵣⵉⵔⵜ ⵏⵏⵖ ⵙ ⵉⵙⵡⴰⵍⴰⵢⵏ ⴰⵜⵜⵓⵢⵏⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ, ⵜⴳⴰ ⵜⴰⵎⴰⵜⴰⵔⵜ ⵏ ⵜⵎⵙⴽⵔⵜ ⵜⴰⵎⵖⵔⵉⴱⵉⵜ ⵜⴰⵇⴱⵓⵔⵜ ⵉⵙⵏⴰⵍⵏ ⵜⴰⵎⵙⴰⵔⵜ ⵜⴰⴼⵉⵍⵉⵙⵟⵉⵏⵉⵜ.

ⵉⴱⴷⴷ ⵓⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⴼ ⵜⵉⵍⴰⵍ ⵙⵜⴰⵡⵀⵎⵎⴰⵏⵉⵏ ⵍⵍⵉ ⵜⵙⴽⴰⵔ ⵜⵙⵇⵇⵉⵎⵜ ⵏ ⵍⵇⵓⴷⵙ ⵙ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⴼⵔⴰⴳ ⵏ ⵍⵇⵓⴷⵙ ⴷ ⵜⵡⵓⵔⵉ ⵉⵙⵓⵍⵏ ⴳ ⵓⵙⴱⴷⴷⵉ ⵏ ⵜⵉⵔⵎⵉⵜⵉⵏ ⵏ ⵓⵙⵏⴼⵍ ⵏ ⵓⵙⵓⵔⵙ ⵏⵏⵙ ⴰⵣⵔⴼⴰⵏ.

ⵖ ⵓⵍⵜⴰⵖ ⵖ ⵓⵙⵎⵓⵙⵙⵓ ⴰⵏⴰⵎⵓⵔ ⵢⵓⵎⴰⵏ, ⵉⴼⴼⵖ ⵓⵙⵉⵔⴰ ⴰⴷ ⵜⵥⵍⵉ ⵜⵣⵡⵉⵔⵉ ⵏ ⵜⵖⵉⵎⵉⵜ ⵏ ⵉⵙⵇⵙⵉⵜⵏ ⵉⵎⵉⵡⴰⵏⵏ ⵏ ⵡⴰⵢⵏⴰⵙ ⵉ ⵜⵡⵉⵣⵉ ⴰⴽⴷ ⵓⵎⴰⴷⴰⵏ ⴰⴼⵉⵍⵉⵙⵟⵉⵏⵉ, ⵖ ⵔⴰⴷ ⵙⴰⵡⵍⵏ ⴽⵓ ⵉⴼⵔⴷⴰⵙ ⵏ ⵓⵙⵇⵇⵉⵎ ⴼ ⵓⵎⴰⴽⵕⴰⴹ ⴰⵏⴰⵎⵓⵔ ⴼ ⵜⵎⵙⴰⵔⵜ ⵜⴰⴼⵉⵍⵉⵙⵟⵉⵏⵉⵜ ⵜⴰⵣⵔⴼⴰⵏⵜ.

ⵖ ⵓⵣⵣⵔⴰⴼ, ⵉⵥⵕⴰ ⵓⵙⵉⵔⴰ ⵢⴰⵣⵏ ⵉ ⵜⵙⵇⵇⵉⵎⵜ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⵉⵡⵉⵏ, ⴰⵙⵏⴼⴰⵔ ⵏ ⵓⵙⵍⴳⵏ 03.19 ⴼ ⵓⵙⴷⴷⵓⵔⵢ ⴰⵎⵙⵉⴽⵓⴷ ⵏ ⵡⴰⵢⴷⴰ ⴰⴳⴷⵓⴷⴰⵏ ⵏ ⵓⵡⴰⵏⴽ, ⴷ ⵜⵙⵓⵎⵔⵜ ⵏ ⵓⵙⵍⴳⵏ ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵉⵎⴰⴳⵔⴰⴷⵏ 306 ⴷ 313 ⴳ ⵓⵙⵍⴳⵏ 52.05 ⵉⴳⴰⵏ ⴰⵙⵍⴳⵏ ⵏ ⵓⴱⵔⵉⴷ.

ⵖ ⵜⵉⵍⴰⵍⵜ ⵏ ⵜⵉⴹⴰⴼ ⵏ ⵓⵙⵇⵇⵉⵎ, ⵉⵥⵕⴰ ⵓⵙⵉⵔⴰ ⵜⴰⵢⴰⴼⵓⵜ ⵏ ⵜⵙⵇⵇⵉⵎⵜ ⵍⵍⵉ ⵉⵙⴽⵔ ⵉⵜⵜⵓⵙⵎⴰⴳⴰⵍⵏ ⵙ ⵜⵖⵔⵉ ⵏ ⵜⵣⵣⵉⴳⵣⵜ ⵏ ⵓⵙⵓⵔⵙ ⴰⵣⵣⵔⴰⴼ ⴳ ⵉⵙⵏⴼⴰⵔⵏ ⴷ ⵜⵎⵙⴰⵔⵉⵏ.

ⵉⵙⵙⴽⵜⵉ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵙⵏⴰⵜ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵜ, ⵜⵥⵍⵉ ⵢⴰⵜ ⴳⵉⵙⵏⵜ ⵙ ⵜⵉⵍⵉⵜ ⵏ ⵎⴰⵙⵙ ⴰⵎⴰⵡⵙⴰⵙ ⵏ ⵓⵡⴰⵏⴽ ⵉⵜⵜⵓⵙⵎⴰⴳⴰⵍⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ , ⵉⵍⵉⵏ ⴳⵉⵙ ⵉⵙⴳⵓⵎⵏ ⴰⴷ:

- ⴰⵙⴳⵓⵎ ⴰⵎⵣⵡⴰⵔⵓ: ⴰⵙⵓⵔⵙ ⵏ ⵉⵙⵏⴼⴰⵔⵏ ⵓⵔ ⵍⵍⵉⵏⵉⵏ ⵉ ⵜⵖⵔⵉ ⴷⴰⵔ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ;

- ⴰⵙⴳⵓⵎ ⵡⵉⵙ ⵙⵉⵏ: ⴰⵙⵓⵔⵙ ⵏ ⵉⵙⵏⴼⴰⵔⵏ ⴱⵉⴷⴷⵏⵉⵏ;

- ⴰⵙⴳⵓⵎ ⵡⵉⵙ ⴽⵕⴰⴹ: ⴰⵙⵓⵔⵙ ⵏ ⵉⵙⵏⴼⴰⵔⵏ ⴼ ⵍⵍⴰⵏⵜ ⵜⵖⵜⴰⵙⵉⵏ ⵏ ⵜⵙⵏⴱⴹⴰⵢⵜ ⵜⴰⴷⵙⵜⴰⵔⵜ;

- ⴰⵙⴳⵓⵎ ⵡⵉⵙ ⴽⴽⵓⵥ: ⴰⵙⵓⵔⵙ ⵏ ⵜⵙⵓⵎⵔⵉⵏ ⵏ ⵉⵙⵍⴳⵏⵏ ⴷ ⵜⵙⵓⵎⵔⵉⵏ ⵏ ⵉⵙⵍⴳⵏⵏ ⵍⵍⵉ ⴼ ⴷ ⵜⵎⵛⴰⵛⴽⴰ ⵜⵏⴱⴰⴹⵜ.

ⵉⴼⴽⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴷ ⵉⴳⵎⴰⵎⵏ ⵏ ⵓⵙⵇⵇⵉⵎ ⴷ ⵎⴰⵙⵙ ⴰⵎⴰⵡⵙⴰⵙ ⵉⵙⵉⵙⴼⵉⵡⵏ ⴼ ⵉⵙⴳⵓⵎⵏ ⴰⴷ, ⵔⴰⴷ ⵉⵜⵜⵓⵚⵕⵉⴼ ⵉ ⵜⵙⵇⵇⵉⵎⵉⵏ ⵃⵎⴰ ⴰⴷ ⵢⵉⵍⵉ ⵓⵙⵏⵜⵉ ⵏ ⵓⵙⵖⵉⵡⵙ ⵙ ⵓⵎⵙⴰⵙⴰ ⴷ ⵉⵎⴰⵡⵙⴰⵙⵏ ⵖ 15 ⵏ ⵡⴰⵙⵙ.

ⵖ ⵜⵡⵓⵔⵉ ⵏ ⵓⵣⵣⵔⴰⴼ : ⵉⵥⵕⴰ ⵓⵙⵉⵔⴰ ⵜⴰⵣⵣⵉⴳⵣⵜ ⵏ ⵜⵖⵔⵉ ⴷⴰⵔ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⴷ ⵓⵙⵓⵔⵙ ⵏ ⵉⵙⵏⴼⴰⵔⵏ ⴷ ⵜⵙⵓⵎⵔⵉⵏ.

ⴼ ⵜⵡⵓⵔⵉ ⵏ ⵜⵉⴹⴰⴼ : ⵉⵎⴷⴰⵡⴰⵍ ⵓⵙⵇⵇⵉⵎ ⴼ ⵓⵙⵖⵉⵡⵙ ⴰⵏⵎⵍⴰⵙⵙ, ⵔⴰⴷ ⵜⵉⵍⵉ ⵜⵖⵉⵎⵉⵜ ⵏ ⵡⴰⵢⵏⴰⵙ 24 ⵎⴰⵢⵢⵓ ⴼ ⵓⵙⴳⵓⵎ ⴰⴷⵎⵙⴰⵏ ⴷ ⵓⵏⴰⵎⵓⵏ, ⵔⴰⴷ ⵉⵜⵜⵓⵥⵕⵉ ⵖ ⵉⵎⴰⵍⴰⵙⵙ ⴷ ⵢⵓⵛⴽⴰⵏ ⵓⵏⴳⵔⴰⵡ ⵏ ⵉⵙⵇⵙⵉⵜⵏ ⴷ ⵓⵔⵣⵣⵓ ⵏ ⵜⴱⵔⵉⴷⵜ ⵉⵥⵉⵍⵏ ⵉ ⵓⵙⵎⵖⵔ ⵏⵏⵙⵏⵜ.