ⵜⴰⴳⵓⵔⵉ ⵏ ⵓⴽⴰⴱⴰⵕ ⴰⵎⵖⵔⵉⴱⵉ ⴳ ⵜⵖⵉⵎⵉⵜ ⵜⴰⵎⴰⵜⴰⵢⵜ ⵏ ⵜⵙⵓⵜⵍⵜ ⵜⵉⵙ 145 ⵏ ⵜⴰⵎⵓⵏⵜ ⵜⴰⴱⵕⵍⴰⵎⵏⵉⵜ ⵜⴰⴳⵔⴰⵖⵍⴰⵏⵜ

ⵎⴰⵙⵙ ⴰⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ

ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⴱⵕⵍⴰⵎⴰⵏⵉⵢⵏ ⵜⵜⴰⵡⵇⴰⵔⵏⵉⵏ ⵉⴳⵏⵙⴰⵙⵏ ⵏ ⵉⴱⵕⵍⴰⵎⴰⵏⵏ ⵉⵎⴷⴷⵓⴽⴽⵯⴰⵍ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵃⴰⴹⵕⵏⵉⵏ

ⵜⵉⵏⴳⴳⵯⴰ ⴷ ⵉⵏⴳⴳⵯⴰ

ⵔⵉⵖ ⵖ ⵜⵣⵡⵉⵔⵉ ⴰⴷ ⴱⴰⵀⵔⴰ ⵙⵏⵉⵎⵎⵔⵖ ⵜⴰⴳⴷⵓⴷⴰⵏⵜ ⵏ ⵕⵡⴰⵏⴷⴰ ⵜⴰⵎⴷⴷⴰⴽⴽⵯⵍⵜ, ⴰⵎⴰⴷⴰⵏ ⴷ ⵜⵏⴰⵔⴰ, ⴼ ⵓⵙⵏⵓⴱⴳ ⵏ ⵜⵙⵓⵜⵍⵜ ⴰⴷ, ⴷ ⵓⵙⴱⵔⵔⴽ ⴷ ⵓⵙⵏⵓⴱⴳ ⵉⴼⵓⵍⴽⵉⵏ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵉⴳⴰ ⵉⵎⵔⵙⵉ ⵉⵜⵜⵓⵙⵜⴰⵢⵏ ⵉ ⵜⵙⵓⵜⵍⵜ ⴰⴷ, ⵡⵉⵏ: ⵉⵙⴽⵉⵍ ⵊⴰⵡⵔ ⵡⴰⵡⵜⵎ ⴷ ⵜⴰⵡⵜⵎⵜ ⴷ ⵉⴱⵕⵍⴰⵎⴰⵏⵏ ⵜⵜⵓⵇⵇⴰⵔⵏⵉⵏ ⵉⵎⵣⵔⴰⵢⵏ ⵊⴰⵔ ⵏⵏⵙⵏ: ⵉⵎⴰⵙⵙⵏ ⵏ ⵓⵙⵏⴼⵍ ⵉ ⵓⵎⴰⴹⴰⵍ ⵏ ⵓⴼⵔⴰ, ⵡⴰⴷ ⴱⴰⵀⵔⴰ ⵉⵙⵜⴰⵡⵀⵎⵎⴰⵏ ⵖⵉⵍⴰⴷ, ⵉⴳ ⵖ ⵉⵅⵎⵎⵉⵎⵏ ⵉⴷⵙⵍⴰⵏⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵎⵏⵉⴷ ⵏ ⵓⵙⵡⵓⵔⵉ ⴷ ⵓⴹⴼⵕ ⴷ ⵓⵣⵣⵔⴰⵢ ⵉⵙⵓⵍⵏ, ⵙ ⵜⴱⵔⵉⴷⵜ ⵉⵣⴷⵉⵏ ⵊⴰⵔ ⵉⵏⴰⴷⵏ ⵉⵣⵔⴼⴰⵏⵏ ⴷ ⵉⵙⵔⵜⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ ⴷ ⵓⵏⴳⵉⵎⵏ ⵏ ⵜⵎⴰⵣⵉⵔⵜ ⵏⵏⵖ.

ⵓⵔ ⵉⴳⵉ ⵍⵃⴰⵍ ⵖⴰⵙ ⴰⴷ ⵜⵥⵍⵉⵜ ⵉⵙⴳⴰⵡⵔⵏ, ⵏⵖ ⴰⵙⵎⵖⵔ ⵏ ⵜⴳⵏⵙⴰⵙⵜ ⵏ ⵜⵎⵖⴰⵔⵉⵏ ⴳ ⵉⴷⵖⴰⵔⵏ, ⵎⴰⵛⵛ ⵉⵣⵔⵉ ⵙ ⵓⵙⵕⵚⵚⵓ ⵏ ⵜⴷⵍⵙⴰ ⵏ ⵜⴷⵔⴰⵡⵜ ⵉⵕⵡⴰⵏ ⴷ ⵉⴳⴰⴷⴷⴰⵏ ⵉ ⵡⴰⵡⵜⵎ ⴷ ⵜⴰⵡⵜⵎⵜ ⴳ ⵓⵙⵡⵓⴷⴷⵓ ⵏ ⵓⴷⵎⴰⵡⵏ ⵏ ⵜⵓⴷⵔⵜ ⵜⵓⵙⵍⵉⴳⵜ ⴷ ⵜⵎⴰⵜⴰⵢⵜ.

ⴳ ⵓⵎⵏⴰⴹ ⴰⴷ, ⵏⵙⵙⴽⵯⵜⵉ ⴷ ⴳ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵜⵉⵢⵢⴰⴼⵓⵜⵉⵏ ⵏ ⵜⵙⵓⵜⵍⵜ 127 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵉⵣⵔⵉⵏ ⴳ ⵍⴽⵉⴱⵉⴽ ⴳ ⴽⵟⵓⴱⵕ 2012 ⵉⴱⴷⴷⵏ ⴼ ⵓⵖⴰⵡⴰⵙ ⵏ ⵜⵡⵡⵓⵔⵉ ⵜⴰⴱⵕⵍⴰⴰⵎⵏⵉⵜ ⵏ ⵉⴱⵕⵍⴰⵎⴰⵏⵏ ⵙⵡⵓⵔⵉⵏⵉⵏ  ⵙ ⵡⴰⵏⴰⵡ, ⵍⵍⵉ ⵉⵎⵙⴰⵙⴰⵏ ⴷ ⵓⵙⵏⴼⵍ ⵍⵍⵉ ⵙ ⵜⵣⵡⴰⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵙⴳ 2002, ⴳ ⵓⵎⵏⵉⴷ ⵏ ⵜⴳⵏⵙⴰⵙⵜ ⵏ ⵜⵎⵖⴰⵔⵉⵏ, ⵙⴳ ⵙⵏⴰⵜ ⵜⵎⵓⵔⴰ ⴳ 1993 ⴰⵔ 96 ⴳ 2016 ⴳⵉⵙⵏ 6 ⵜⵎⵓⵔⴰ ⴳ ⵓⵙⵜⴰⵢ ⴰⵎⴰⵜⴰⵢ ⵓⵙⵔⵉⴷ ⴷ 90 ⵏ ⵜⵎⴰⵔⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵓⵙⵡⵉⵔ ⴰⵙⴳⴰⵡⴰⵏ, ⵜⴳ ⴰⵣⵎⵣ ⵏ ⵓⵙⵎⵓⵜⵜⵉ ⴰⵅⴰⵜⴰⵔ ⵉⵟⵟⴰⴼⵏ ⴰⵜⵉⴳ ⵏⵏⵙ ⴳ ⵓⵎⵏⴰⴹ ⵉⵜⵜⵉⵜⵉⵏ ⵉⵎⵉⴽ ⵙ ⵉⵎⵉⴽⴽ ⴳ ⵜⵎⵏⵜⵉⵍⵉⵜ ⵏ ⵓⵇⵇⵍ ⴷ ⵓⴼⵔⴰⴳ ⴳ ⵓⵙⵡⵉⵔ ⴰⵏⴰⵎⵓⵏ ⴷ ⵓⴷⵍⵙⴰⵏ.

ⴳ ⵓⵙⵡⵉⵔ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵏⵣⵎⵎⵉⵎ ⴽⵓ ⵉⵙⵏⴼⵍⵏ ⵉⵣⵔⴼⴰⵏⵏ ⴷ ⵉⵎⴰⴷⴷⴰⵙⵏ ⵍⵍⴰⵏⵉⵏ ⴳ ⵍⵎⵖⵔⵉⴱ ⵙⴳ ⴰⵙⵖⵣⵏ ⵏ ⵓⴷⵓⵙⵜⵓⵔ ⵏ 2011, ⵍⵍⵉⵖ ⵉⵍⴽⵎ ⵓⵏⵛⴽ ⵏ ⵜⵎⵖⴰⵔⵉⵏ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ 12 ⴳ 2015, ⵉⵍⴽⵎ ⵖⵉⵍⴰⴷ ⴳ ⵜⵡⴰⵍⴰ ⴰⴷ ⵎⴰⴷ ⵉⴳⴰⵏ 14 ⵏ ⵜⵎⵛⵛⵉⵡⵕⵜ ⵜⴰⴱⵕⵍⴰⵎⴰⵏⵉⵜ.

ⵉⴳⴰ ⵓⵙⴰⵜⵉ ⴰⵣⵣⵔⴰⴼ ⴳ ⵍⵎⵖⵔⵉⴱ ⵜⴰⵉⵍⴰ ⴷ ⵢⵓⵙⴰⵏ ⵉ ⵓⵙⴷⵓⵙ ⵏ ⵢⵉⵙⴽⵉⵍ ⵊⴰⵔ ⵡⴰⵡⵜⵎ ⴷ ⵜⴰⵡⵜⵎⵜ ⴷ ⵓⵙⵉⵜⵜⵉ ⵏ ⵓⵙⵏⵓⵃⵢⵓ ⵊⴰⵔ ⵏⵏⵙⵏ, ⵉⵙⴱⴷⴷ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵏ 2011, ⴰⵙⵍⴳⵏ ⴰⵎⴰⵜⵜⵓⵢ ⵏ ⵜⵎⴰⵣⵉⵔⵜ, ⴽⵓ ⴰⵏⴰⵡⵏ ⵏ ⵓⵙⵏⵓⵃⵢⵓ ⵙ ⵓⵥⵓⵔ ⵏⵖ ⴰⴽⵍⵓ ⵏⵖ ⴰⵙⴳⴷ ⵏⵖ ⵜⴰⴷⵍⵙⴰ ⵏⵖ ⵜⵉⵍⵉⵜ ⵜⴰⵏⴰⵎⵓⵏⵜ, ⵏⵖ ⵜⴰⵙⴳⴰⵡⴰⵏⵜ  ⵏⵖ ⵜⵓⵜⵍⴰⵢⵜ ⵏ ⵓⵎⵎⵓⵃⴹⵕ ⵏⵖ ⴰⵙⵓⵔⵙ ⴰⵏⵉⵎⴰⵏ, ⵉⴽ ⵏⵏⴰ ⵉⴳⴰ, ⵉⴱⴷⴷ ⵓⵍⴰ ⴼ ⵢⵉⵙⴽⵉⵍ ⴳ ⵉⵣⵔⴼⴰⵏ ⵊⴰⵔ ⵉⵡⵜⵎⴰⵏ ⵖ ⵍⴰⵏ ⵉⵣⵔⴼⴰⵏ ⵉⵖⵔⵎⴰⵏⵏ ⴷ ⵉⵙⵔⵜⴰⵏⵏ ⴷ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ ⴷ ⵉⵡⵏⴹⴰⵏⵏ (ⴰⵎⵏⵏⵉ 19) ⴷ ⵓⵣⵔⴼ ⵏ ⵜⴼⴰⵜⵉⵜ ⵏ ⵜⴼⴽⴽⴰ ⴷ ⵉⵎⴰⵏ (ⴰⵎⵏⵏⵉ 22) ⴷ ⵢⵉⵙⴽⵉⵍ ⵙ ⵓⵙⴽⵔ ⵏ ⵜⴳⵔⴰⵡⵜ ⴱ ⵢⵉⵙⴽⵉⵍ  ⴷ ⵓⵙⴱⴷⴷⵉ ⵏ ⴽⵓ ⴰⵏⴰⵡⵏ ⵏ ⵓⵙⵏⵓⵃⵢⵓ (ⴰⵎⵏⵏⵉ 19 ⴷ 164) ⵢⵉⵍⵉ ⵓⵙⵖⵣⵏ ⵏ ⵓⵙⵍⴳⵏ ⵏ ⵜⴳⵔⴰⵡⵜ ⴰⴷ ⴳ 2017. ⵉⵙⵖⵣⵏ ⵍⵎⵖⵔⵉⴱ ⵓⵍⴰ, ⴳ 2015, ⴰⵙⵏⴼⴰⵔ ⵏ ⵓⵙⵍⴳⵏ ⵉ ⵓⵎⵙⴰⵙⴰ ⴼ ⵓⴱⵔⵓⵜⵓⴽⵓⵍ ⵉⵥⵍⵉⵏ ⵙ ⵜⵎⵢⴰⵇⵇⴰⵏⵜ ⵏ ⵓⵙⴱⴷⴷⵉ ⵏ ⴽⵓ ⴰⵏⴰⵡⵏ ⵏ ⵓⵙⵏⵓⵃⵢⵓ ⵎⵏⵉⴷ ⵏ ⵜⵎⵖⴰⵔⵜ.

ⴳ ⵓⵎⵏⵉⴷ ⴰⴷ, ⵉⴳⴰ ⵓⵙⵍⴳⵏ ⵏ ⵜⵎⵖⴰⵔⵜ ⴳ ⵍⵎⵖⵔⵉⴱ ⴰⵙⵓⵔⴷ ⵏ ⵜⵉⴷⵜ ⴳ ⵓⵎⵣⵔⵓⵢ ⵏ ⵓⵣⵣⵔⴰⴼ ⴳ ⵜⵎⴰⵣⵉⵔⵜ ⵏⵏⵖ, ⴷ ⵓⵥⵎⴰⵥⵥⵍ ⵉⵥⵉⵍⵏ ⴳ ⵓⴱⵔⵉⴷ ⵏ ⵓⵙⴷⵓⵙ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⴷ ⵡⴰⵣⵣⴰⵏ, ⵉⵍⵍⴰ ⵓⵙⵏⴼⵍ ⵏ ⵉⵎⵏⵏⵉⵜⵏ ⵏ ⵓⵙⵍⴳⵏ ⵏ ⵉⵙⵓⵔⵙⵏ ⵉⵏⵉⵎⴰⵏⵏ ⵉ ⵚⴰⵃⴰ ⵏ ⵜⵎⵖⴰⵔⵜ ⴷ ⵡⴰⵣⵣⴰⵏ, ⴳ ⵓⵎⵏⵉⴷ ⵏ ⵓⵣⵔⴼ ⵏⵏⵙ ⴳ ⵍⵉⵜⵜⵉⵀⴰⵍ ⴷ ⵓⵕⵥⵎ ⴷ ⵓⴼⵔⴰⴳ, ⴷ ⴰⴷ ⵜⴼⴽ ⵜⵎⵖⴰⵔⵜ ⵜⴰⵎⵖⵔⵉⴱⵉⵜ ⵜⴰⵏⵎⵓⵔⵉ ⵏⵏⵙ ⵉ ⵜⴰⵔⵡⴰ ⵏⵏⵙ ⵙⴳ ⵓⵔⴳⴰⵣ ⵏⵏⵙ ⵓⵔ ⵉⴳⵉⵏ ⴰⵎⵖⵔⵉⴱⵉ.

ⴳ ⵓⵙⵡⵉⵔ ⵏ ⵓⵙⵓⵔⵙ ⵏ ⵜⵎⵖⴰⵔⵜ ⴳ ⵉⴽⴰⴱⴰⵕⵏ ⵉⵙⵔⵜⴰⵏⵏ, ⵀⴰⵜⵉ ⵙⵜⴰⵡⵀⵎⵎⴰⵏ ⵙ ⵜⵙⵔⵜⵉⵜ ⵏ ⵓⵙⵙⵔⵇⴱ ⵏ ⵜⵎⵖⴰⵔⵜ ⴳ ⵜⵓⴷⵔⵜ ⵜⴰⵙⵔⵜⴰⵏⵜ, ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⴱⴰⵀⵔ ⴰⴼⵔⴽⵏ ⵙ ⵜⵎⴰⵙⴰⵢⵜ ⵜⴰⵙⵉⵍⴰⵏⵜ ⴳ ⵓⵙⵏⴰⵍ ⵏ ⵜⵎⵖⴰⵔⵜ ⴳ ⵓⴱⵕⵍⴰⵎⴰⵏ ⴼ ⵉⵙⵇⵇⵉⵎⵏ ⵍⵍⵉ ⵉⴳⴰⵏ ⵜⴰⵎⴰⵙⴰⵢⵜ ⵏ ⵉⴽⴰⴱⴰⵕⵏ, ⴰⵢⵍⵍⵉ ⵏⵉⵜ ⵉⴱⴷⵔ ⵓⴷⵓⵙⵜⵓⵔ  ⴰⵎⵖⵔⵉⴱⵉ ⵙ ⵜⵎⴰⴼⴰⵡⵜ ⴳ ⵓⵎⵏⵏⵉⵏ ⵏⵏⵙ ⵡⵉⵙ 7: ⴰⵔ ⵙⵡⵓⵔⵉⵏ ⵉⴽⴰⴱⴰⵕⵏ ⵉⵙⵔⵜⴰⵏⵏ ⴳ ⵓⵙⴼⵔⴽ ⵏ ⵉⵏⵎⵓⵔⴰⵏ ⴷ ⵜⵏⵎⵓⵔⵉⵢⵉⵏ  ⴷ ⵓⵙⵎⵓⵜⵜⴳ ⵏⵏⵙⵏ ⴰⵙⵔⵜⴰⵏ ⴷ ⵓⵙⴷⵓⵙ ⵏ ⵜⵡⵉⵙⵉ ⵏⵏⵙⵏ ⴳ ⵜⵓⴷⵔⵜ ⵜⴰⵙⵔⵜⴰⵏ ⴷ ⵓⵙⵡⵓⴷⴷⵓ ⵏ ⵜⵖⴰⵡⵙⴰ ⵜⴰⵎⴰⵜⴰⵢⵜ.

 ⴳ ⵓⵎⵏⵉⴷ ⵏ ⵓⵙⴱⴷⴷⵉ ⵏ ⵜⴽⵕⴹⵉ ⵎⵏⵉⴷ ⵏ ⵜⵎⵖⴰⵔⵉⵏ, ⵉⵙⴷⵓⵙ ⵍⵎⵖⵔⵉⴱ ⴰⵏⴳⵔⴰⵡ ⵏⵏⵙ ⴰⵎⵔⵙⵍⴰⵏ ⴷ ⵓⵣⵔⴼⴰⵏ ⵙ ⵓⵙⵖⵣⵏ ⵏ ⵓⵙⵍⴳⵏ ⵏ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ ⴳ 2018, ⵉⵙⵔⵙ ⵎⵏⵏⵡⴰ ⵉⴱⴹⵉⵢⵏ ⴼ ⵓⵙⴱⴷⴷⵉ ⵏ ⴽⵔⴰ ⵏ ⵜⵎⵙⴽⴰⵔ ⴰⵎ ⵍⵉⵜⵜⵉⵀⴰⵍ ⵏ ⴱⵣⵣⵉⵣ ⴷ ⵜⵔⴰⵄⴰⵢⴰⵜ, ⴷ ⵉⵎⴰⵙⵙⵏ ⵉⵎⵔⵙⵍⴰⵏⵏ ⵏ ⵓⴼⵔⴰⴳ ⵏ ⵜⵎⵖⴰⵔⵉⵏ ⴳⴰⵏⵉⵏ ⵜⵉⵏⴳⴰⵙⵉⵏ ⵏ ⵜⴽⵕⴹⵉ ⴷ ⵓⵙⴱⴷⴷⵉ ⵏ ⴽⵓ ⴰⵏⴰⵡⵏ ⵏⵏⵙ, ⴷ ⵜⵉⵍⵉⵜ ⵏ ⵓⵙⵏⴰⵍ ⵏⵏⵙ ⴷ ⵓⵙⵡⴰⵍⴰ ⴷⵉ ⵓⴽⵛⵓⵎ ⵙ ⵜⵏⵓⴼⴰ ⵍⵍⴰⵏⵉⵏ, ⵃⵎⴰ ⴰⴷ ⵢⵉⵍⵉ ⵓⴼⵔⴰⴳ ⵏ ⵜⵎⵖⴰⵔⵉⵏ ⴳⴰⵏⵉⵏ ⵜⵉⵏⴳⴰⵙⵉⵏ ⵏ ⵜⴽⵕⴹⵉ. ⵖⵎⴽ ⴰⵏⵏ ⴷ ⵓⵙⴽⵔ ⵏ ⵜⵙⵇⵇⵉⵎⵉⵏ ⵜⵉⵏⴰⵎⵓⵔⵉⵏ ⴷ ⵜⵙⴳⴰⵡⴰⵏⵉⵏ ⴷ ⵜⴷⵖⴰⵔⴰⵏⵉⵏ ⴷ ⵜⴰⴷⵔⵡⵉⵏ ⵏ ⵓⴼⵔⴰⴳ ⵏ ⵜⵎⵖⴰⵔⵉⵏ ⵜⵉⵏⴳⴰⵙⵉⵏ ⵏ ⵜⴽⵕⴹⵉ.

ⴷⴰⵜ ⵏ ⵜⵎⵙⴽⴰⵔ ⴰⴷ, ⵉⵍⵍⴰ ⵓⵙⵏⵎⴰⵍⴰ ⵏ ⵉⵎⵓⵙⵙⵓⵜⵏ ⵏ ⵓⵙⴼⵔⴽ ⵉⵙⴳⴳⵯⴰⵙⴰⵏⵏ ⵉ ⵓⵙⴱⴷⴷⵉ ⵏ ⵓⵎⵓⴽⵔⵉⵙ ⴰⴷ, ⵢⵉⵍⵉ ⵓⵙⴷⵓⵙ ⵏ ⵉⵙⵡⵓⴷⴷⵓⵜⵏ ⴰⴷ ⵙ ⵓⵖⴰⵡⴰⵙ ⵏ ⵓⵙⴽⵔ ⵏ 65 ⵏ ⵓⵙⴰⵢⵔⵓⵔ ⴰⵎⵏⵏⴰⵡ ⵉ ⵜⵎⵖⴰⵔⵉⵏ ⴳ ⵓⵙⵡⵉⵔ  ⴰⵙⴳⴰⵡⴰⵏ ⴷ ⵓⴷⵖⴰⵔⴰⵏ ⵉ ⵓⴼⵔⴰⴳ ⵏ ⵜⵎⵖⴰⵔⵉⵏ ⵜⵉⵏⴳⴰⵙⵉⵏ ⵏ ⵜⴽⵕⴹⵉ (ⴰⵙⵏⵓⴱⴳ, ⴰⵙⵙⴼⵍⴷ ⴰⵣⴷⵓⵖ ⴰⵙⵉⴽⵓⴷ, ⴰⵙⵡⴰⵍⴰ ⴷ ⵓⴹⴼⵕ ⴰⵙⵏⵉⵊⵊⵉ ⴷ ⵓⴱⵙⵉⴽⵓⵍⵓⵊⵉ ⴷ ⵓⵏⴰⵎⵓⵏ) ⴷ ⵓⵕⵥⵥⵓⵎ ⵏ ⵜⵙⵜⵔⴰⵜⵉⵊⵉⵜ ⵜⴰⵎⴰⵢⵏⵓⵜ 2020/2030 ⵉ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ.

ⴳⴰⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⵉⵎⵉⵙⵙ ⵉⴷⵓⵙⵏ ⵉ ⵓⵙⵎⴰⵢⵏⵓ ⵏ ⵡⴰⵎⵓⵏ ⴰⵎⵖⵔⵉⴱⵉ ⴷ ⵓⵙⵡⵓⵜⵎ ⵏⵏⵙ, ⵎⵍⵍⵉ ⵉⵍⵍⴰ ⴱⴰⴱ ⵏ ⵡⴰⴷⴷⵓⵔ ⴼ ⵓⴷⴰⴱⵓ, ⵉⵙⴰⵡⵍ ⵓⵎⵓⵙⵙⵓ ⴰⵜⵎⴰⵏ ⴰⵙⵎⴰⵢⵏⵓ ⴳ ⵜⵎⴰⵣⵉⵔⵜ ⵏⵏⵖ ⴳ ⵓⴳⵣⵣⵓⵎ ⵏⵏⵙ ⴷ ⵓⵖⵔⵎⴰⵏ ⵉ ⵜⵉⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴷⵓⵙⵏ ⵉ ⵓⵙⵎⵖⵔ ⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵓⵙⴽⵔ ⵏ ⵢⵉⵙⴽⵉⵍ ⵙ ⵓⵎⵙⴰⵙⴰ ⴷ ⵓⴷⵓⵙⵜⵓⵔ ⵏ ⵜⵎⴰⵣⵉⵔⵜ, ⵉⵍⵍⴰ ⵏⵉⵜ ⵓⵣⵎⵎⴻⵎ ⵏ ⵍⵎⵖⵔⵉⴱ ⵏ ⴽⵉⴳⴰⵏ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴳ ⵓⵍⵏⴰⴹ ⴰⴷ.

ⵏⴼⵔⴽ ⵎⴰⵙⴷ ⵜⴰⵡⵡⵓⵔⵉ ⵉ ⵓⵙⴽⵔ ⵏ ⵢⵉⵙⴽⵉⵍ ⵊⴰⵔ ⵡⴰⵡⵜⵎ ⴷ ⵜⴰⵡⵜⵎⵜ ⵉⵙⵓⵍ ⴷ ⵉⵙⵖⴰⵡⵙⴰ ⵉ ⵜⵓⴳⴳⵯⴰⵙ ⴷ ⵉⵙⵓⴳⴰⵎ ⵉ ⵓⵙⴽⵔ ⵏ ⵡⴰⵡⵜⵜⴰⵙ ⴰⴷ, ⵉⴳ ⵓⵙⴽⵔ ⵏ ⵢⵉⵙⴽⵉⵍ ⴷ ⵓⵙⴷⵓⵙ ⵏ ⵜⵉⵍⴰⵍⵜ ⵏ ⵜⵎⵖⴰⵔⵜⴳ ⵜⵉⵔⵔⴰ ⵏ ⵎⴰⵕⵕ ⵏ ⵉⵙⵍⴳⵏⵏ ⴷ ⵉⵖⴰⵡⴰⵙⵏ ⵉⵏⴰⵎⵓⵔⵏ ⵃⵎⴰ ⴰⴷ ⵢⵉⵍⵉ ⵓⵙⵉⵥⴹⵕ ⵏ ⵜⵎⵖⴰⵔⵜ ⴳ ⵉⵣⵔⴼⴰⵏ ⴷ ⵓⵛⵛⵉⵍⵏ ⵍⵍⴰⵏⵉⵏ ⴷⴰⵔ ⵓⵔⴳⴰⵣ ⴳ ⵉⴳⵔⴰⵏ ⴰⴽⴽⵯ.

ⴰⵔ ⵏⵙⴷⴷⵉⴷ, ⵜⵉⵏⴳⴳⵯⴰ ⴷ ⵉⵏⴳⴳⵯⴰ, ⵎⴰⵙ ⵏⴼⵔⴽ ⴳ ⵍⵎⵖⵔⵉⴱⵎⴰⵙ ⴷ ⵉⵙⴽⵉⵍ ⵊⴰⵔ ⴰⵡⵜⵎ ⴷ ⵜⴰⵡⵜⵎⵜ ⵉⴷⴰ ⴰⵙⵉⴷⴼ ⵉ ⵡⴰⵎⵓⵏ ⵏ ⵜⴳⵎⵉ ⴷ ⵣⵣⵀⵕⵜ ⴷ ⵓⵚⴽⵓ ⵏ ⵓⵡⴰⵏⴽ ⴰⴷⵉⵎⵓⵇⵔⴰⵟⵉ ⵉⴱⴷⴷⵏ ⴼ ⵓⴼⴼⵓⴽⵙ ⴰⵎⴳⵔⵓ ⵏ ⵜⵎⵖⴰⵔⵉⵏ ⴷ ⵉⵔⴳⴰⵣⵏ, ⵏⴼⵔⴽ ⵎⴰⵙ ⵜⵎⵇⵇⵓⵔ ⵜⴰⵎⴰⵖⵜ ⴰⴷ ⵉⵔⴰⵏ ⵜⵉⵔⴰⵜ ⵜⴰⵙⵔⵜⴰⵏⵜ ⵉⴷⵓⵙⵏ ⵉⴳⴰⵏ ⵜⴰⵎⵏⵏⴰⵡⵜ, ⵖⵎⴽ ⴰⵏⵏⴰ ⴼ ⵏⵙⵡⵓⵔⵉ ⴼ ⵉⴳⵔⴰⵏ ⴳⴳⵓⵜⵏⵉⵏ ⵉⴷⵎⵙⴰⵏⵏ ⴷ ⵉⵙⵔⵜⴰⵏⵏ ⴷ ⵉⴷⵍⵙⴰⵏⵏ, ⵏⵏⴻⵏⵏⵓⵔⵣ ⴰⵣⴷⴰⵢ ⵉⴳⴳⵓⵜⵏ ⴷ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ ⴳ ⵓⵎⵏⵉⴷ ⵏ ⵓⵙⴷⵓⵙ ⵏ ⵓⵎⵙⵡⴰⵍ ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⵃⵎⴰ ⴰⴷ ⵏⵣⵣⵉⴳⵣ ⵙ ⵓⵎⴹⴰⵍ ⵉⵥⵉⵍⵏ, ⴰⵎⴰⴹⴰⵍ ⵏ ⵓⴼⵔⴰ ⴷ ⵜⵣⵔⴼⵜ ⴷ ⵣⵣⵀⵕⵜ ⵜⴰⵏⴰⵎⵓⵏⵜ.

ⵜⴰⵏⵎⵎⵉⵔⵜ ⴼ ⵓⵙⵙⴼⵍⴷ.