ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵓⵜⵍⵜ 144 ⵏ ⵓⴳⵔⴰⵡ ⴰⵎⴰⵜⴰⵢ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ, ⵉⵏⴷⵓⵏⵉⵙⵢⴰ 20 ⴰⵔ 24 ⵎⴰⵕⵚ 2022

ⵜⵉⵏⴳⴳⵯⴰⴷⵉⵏⴳⴳⵯⴰ

ⵉⵙⵜⵎⴰⵙⵙⴰⴷⵉⴷⵎⴰⵙⵙ

ⵉⴳⴰ ⵉⵢⵉ ⴰⴷⴷⵓⵔ ⴰⴷ ⵙⴰⵡⵍⵖ ⵙ ⵉⵙⵎ ⵏ ⵓⴱⵕⵍⴰⵎⴰⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵜⵙⵓⵜⵍⵜ ⴰⴷ ⵍⵍⵉ ⵉⵙⵜⵉⵏⵉⵎⵔⵙⵉ ⵏ ⵓⵙⵎⵓⵙⵙⵓ ⵏ ⵉⴱⵕⵍⴰⵎⴰⵏⵏ ⵉ ⵓⵙⴱⴷⴷⵉ ⵏ ⵉⵙⵏⴼⵍⵏ ⵏ ⵓⵏⵣⵉ, ⵍⵍⵉⵖ ⵉⴼⵔⴽ ⵙ ⵉⵎⵉⵣⵉⵢⵏ ⵎⴳⴰⵍ ⵏ ⵓⴼⴳⴰⵏ ⴷ ⵉⵎⴰⵍ ⵏ ⵡⴰⴽⴰⵍ, ⴷ ⵜⵎⴰⵙⴰⵢⵜ ⵉⵍⵍⴰⵏ ⴼ ⵉⴱⵕⵍⴰⵎⴰⵏⵏ ⴳ ⵓⵙⴱⴷⴷⵉ ⵏ ⵉⵎⵉⵣⵉⵢⵏ ⴰⴷ ⵍⵍⴰⵏⵉⵏ ⴳ ⵢⵉⴳⵔ ⵏ ⵜⵎⵓⴽⵔⵉⵙⵉⵏ ⵏ ⵓⵏⵣⵡⵉ.

ⵙ ⵉⵙⵎ ⵏ ⵜⴰⵢⵢⴰⵡⵜ ⵜⴰⵎⵖⵔⵉⴱⵉⵜ ⴳ ⵜⴰⵎⵓⵏⵜ, ⴷⴰ ⵙⵏⵉⵎⵎⵉⵔⵖ ⴰⴱⵕⵍⴰⵎⴰⵏ ⵏ ⵉⵏⴷⵓⵏⵉⵙⵢⴰ ⴷ ⵜⵏⴱⴰⴹⵉⵏ ⵏⵏⵙ ⴼ ⵓⵙⵏⵎⴰⵍⴰ ⵉⵎⵓⵔⵙⵏ ⵏ ⵜⵙⵓⵜⵍⵜ ⴰⴷ.

ⵉⴳⴰ ⵉⵢⵉ ⵜⵓⵎⵔⵜ ⴰⴷ ⵉⵏⵉⵖ ⵎⴰⵙ ⵜⵍⵍⴰ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵄⵣⵣⵓ ⵕⴱⴱⵉ ⴷ ⵡⴰⵡⵏⴰⴹ ⴷ ⵓⵣⵣⴳⵉⵔ ⵏ ⵉⵙⵖⵡⴰⵏ ⵏ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵉⵙⵏⴼⵍⵏ ⵏ ⵓⵏⵣⵡⵉ, ⵜⴰⵡⵉ ⵜⵎⴰⵣⵉⵔⵜ ⵉⵏⵓ ⵜⴰⵎⵢⵉⵎⴰⵏⵜ ⵏ ⵡⴰⵎⵓⵏ ⴰⴳⵔⴰⵖⵍⴰⵏ ⵍⵍⵉⵖ ⵜⴻⵜⵜⵓⵙⵜⴰⵢ ⴳ ⵡⴰⵢⵢⵓⵔ ⵏ ⵎⴰⵕⵚ ⴳ ⵏⴰⵢⵔⵓⴱⵉ ⴰⴷ ⵜⴰⵏⵙⵙⵉⵅⴼⵜ ⵏ ⵜⵙⵓⵜⵍⵜ ⵜⵉⵙ ⵚⴹⵉⵚⵜ ⵏ ⵓⴳⵔⴰⵡ ⵏ ⵜⵎⵜⵜⴰ ⵎⵓⵏⵏⵉⵏ  ⵉ ⵡⴰⵡⵏⴰⴹ ⴳ ⵏⴰⵢⵔⵓⴱⵉ ⵉ ⵙⵉⵏ ⵉⵙⴳⴳⵯⴰⵙⵏ, ⴷⴼⴼⵉⵔ ⵎⴰⴷ ⵉⵜⵜⵓⵙⴽⴰⵔ ⴳ ⵡⴰⵎⵓⵔ ⵏ ⵡⴰⴽⵓⵛ ⴳ ⵏⵓⵡⴰⵏⴱⵉⵔ 2016 ⵜⵙⵓⵜⵍⵜ ⵜⵉⵙ 22 ⵏ ⵓⴳⵔⴰⵡ ⵏ ⵓⵏⵣⵡⵉ, ⵍⵍⵉ ⵉⴷⴼⴼⵖⵏ ⵙ ⵉⵙⵡⵓⴷⵓⵜⵏ ⵉ ⵚⵃⴰ ⵏ ⵉⵜⵔⵉ ⵏⵏⵖ ⴷ ⵜⵙⵏⵜⴰⵢⵉⵏ ⵏ ⵜⵣⵔⴼⵜ ⵏ ⵓⵏⵣⵡⵉ ⴳ ⵉⴼⵔⵉⵇⵢⴰ.

ⵜⴳⴰ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵜⴰⵎⵣⵡⴰⵔⵓⵜ ⴳ ⵉⵙⵡⵓⴷⴷⵓⵜⵏ ⵏ ⵓⴼⵔⴰⴳ ⵏ ⵡⴰⵡⵏⴰⴹ ⴷ ⵓⵙⴱⴷⴷⵉ ⵏ ⵉⵎⵏⵜⵉⵍⵏ ⵏ ⵓⵙⵉⴳⵓⵜ ⵏ ⵜⵔⵖⵉ ⵏ ⵡⴰⴽⴰⵍ, ⵉⴳ ⵡⴰⵡⵏⴰⴹ ⵜⴰⵙⵔⵉⵜ  ⵜⴰⵎⴰⵜⴰⵢⵜ ⵉⵜⵜⵓⴱⴷⴰⵔⵏ ⴳ ⵓⴷⵓⵙⵜⵓⵔ, ⵜⵉⵍⵉ ⴳ ⵜⵙⵔⵜⴰⵢ ⵜⵉⵎⴰⵜⴰⵢⵉⵏ ⵢⴰⴹⵏⵉⵏ. ⵓⵔ ⵜⵍⵍⵉ ⵜⵉⵣⵉ ⴰⴷ ⵏⴱⴷⵔ ⴽⵓ ⵜⵉⵙⵔⵜⴰⵢ ⴰⴷ, ⵜⵉⵎⵉⵜⴰⵔ ⵏⵏⵙⵜⵏ: 1) ⵜⴻⵟⵟⴰⴼ ⵜⴳⵍⴷⵉⵜ ⵜⴰⵙⵔⵜⵉⵜ ⴳ ⵓⴼⴰⵔⵙ ⵏ ⵜⵥⴹⴰⵕⵜ ⵜⴰⵎⴰⵢⵏⵓⵜ (ⵏ ⵜⴰⴼⵓⴽⵜ ⴷ ⵡⴰⴹⵓ ⴷ ⵢⵉⵍ ⴷ ⵡⴰⵎⴰⵏ). 2) ⴰⵔ ⵜⵜⴰⵡⵙ ⵜⵙⵔⵜⵉⵜ ⵜⴰⵏⴼⵍⴰⵃⵜ ⴳ ⵜⵉⵔⵎⵜ ⵏ ⵉⵎⵖⵔⵉⴱⵉⵢⵏ ⴷ ⵓⵙⵔⴳⴷ ⵏ ⵉⴳⴰⴷⴰⵣⵏ ⵉⵎⴰⴹⵍⴰⵏⵏ. 3) ⴰⴼⵔⴰⴳ ⵏ ⵓⴷⴰⴳⴰⵔ ⵏ ⵉⵙⵍⵎⴰⵏ ⴷ ⵓⵙⵏⴳⵉⴷⴷⵉ ⵏ ⵜⵉⵍⴰⵍ ⵏ ⵜⴳⵯⵎⵔⵜ ⵏ ⵢⵉⵍ. 4) ⵜⵉⵙⵔⵜⵉⵜ ⵏ ⵡⴰⵎⴰⵏ  ⴷ ⵓⵙⵎⵓⵙⵙ ⵏ ⵡⵎⴰⵏ ⵏ ⵜⵉⵙⵙⵉ ⴷ ⵓⵙⵎⵔⵙ ⵏ ⵡⴰⵎⴰⵏ ⵏ ⵜⴼⵍⵍⴰⵃⵜ ⴷ ⵜⵎⴳⵓⵔⵉ. 5) ⴰⵙⴳⴷⵍ ⵏ ⵜⵎⴳⵓⵔⵉ ⵏ ⵍⵎⵉⴽⴽⴰ ⵉⴹⵕⵕⴰⵏ ⴰⵡⵏⴰⴹ ⴷ ⵓⵙⵏⴼⵍ ⵏⵏⵙ ⵙ ⵜⵎⴳⵓⵔⴰ ⵜⵉⴽⵓⵍⵉⵊⵉⵢⵉⵏ.6) ⴰⵡⵇⵇⵔ ⵏ ⵡⴰⵡⵏⴹ ⵏ ⵉⵙⵏⴼⴰⵔⵏ ⵏ ⵓⵙⵙⴰⵔⵓ.7) ⴰⵙⴽⵔ ⵏ ⵉⵙⵓⵔⵙⵏ ⵏ ⵓⴼⴰⵔⵙ ⵏ ⵜⵥⴹⴰⵕⵜ  ⵜⴰⵎⴰⵢⵏⵓⵜ ⵙⵍⴰⵡⴰⵏ ⵜⴰⴷ ⵏ ⵜⴰⴼⵓⴽⵜ ⵉⴳ ⵓⵙⵓⵔⵙ ⵏ ⵡⴰⵔⵣⴰⵣⴰⵜ ⵏⵓⵕ ⴰⵅⴰⵜⴰⵔ ⴳ ⵓⵎⴰⴹⴰⵍ ⵉ ⵓⴼⴰⵔⵙ ⵏ ⵜⵥⴹⴰⵕⵜ ⵉⵖⵓⵙⵏ ⴷ ⵓⵙⵎⴰⵜⴰ ⵏⵏⵙ ⴳ ⵜⵙⴳⴳⵉⵡⵉⵏ ⵢⴰⴹⵏⵉⵏ ⴷ ⵜⵉⵏ ⵉⴼⴼⵓⵙ ⴰⵎ ⵍⵄⵢⵓⵏ ⴷ ⴱⵓⵊⴹⵓⵕ ⴷ ⴷⴷⴰⵅⵍⴰ ⵍⵍⵉⵖ ⵔⴰⴷ ⵢⵉⵍⵉ ⴰⵙⵏⴼⴰⵔ ⴰⵅⴰⵜⴰⵔ ⵏ ⵓⴼⴰⵔⵙ ⵏ ⵜⵥⴹⴰⵕⵜ ⵏ ⵡⴰⴹⵓ ⵙ 3 ⵎⵍⵢⴰⵕ ⵏ ⴷⵓⵍⴰⵕ, ⵙⴳ ⵟⴰⵏⵊⴰ ⴰⵔ ⵍⴳⵡⵉⵔⴰ ⵜⵍⵍⴰ 28 ⵏ ⵜⵖⵔⵎⵜ ⵖ ⵍⵍⴰⵏ ⵉⵙⵏⴼⴰⵔⵏ ⵏ ⵜⵥⴹⴰⵕⵜ ⵜⴰⵎⴰⵢⵏⵓⵜ.  ⵙ ⵉⵙⵏⴼⴰⵔⵏ ⴰⴷ ⴷ ⵡⵉⵉⵢⴰⴹ ⵜⴳⴰ ⵜⵎⴰⵣⵉⵔⵜ ⵉⵏⵓ ⵜⴰⵎⵣⵡⴰⵔⵓⵜ ⴳ ⵓⴼⴰⵔⵙ ⵏ ⵜⵥⴹⴰⵕⵜ ⵜⴰⵎⴰⵢⵏⵓⵜ ⴳ ⵓⵎⴰⴹⴰⵍ. 8)ⴰⵙⵎⵔⵙ  ⵡⴰⵎⴰⵏ ⵏ ⵜⴳⵯⵎⵎⴰ ⴷⴼⴼⵉⵔ ⵏ ⵓⵙⵎⴽⵍ ⴷ ⵓⵙⴼⵙⵉ ⵏ ⵡⴰⵎⴰⵏ ⵏ ⵢⵉⵍ ⴳ ⵓⵎⵏⵉⴷ ⵏ ⵜⵙⵔⵜⵉⵜ ⵏ ⵡⴰⵎⴰⵏ.

ⴳ ⵜⵙⵔⵜⵉⵜ ⵏⵏⵙ ⵏ ⴱⵕⵕⴰ ⵉⴱⴷⴷⵏ ⴼ ⵜⵡⵉⵣⵉ, ⵜⵎⵎⴰⵖ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⴷⵔⴰⵡ ⵏ ⵜⵎⵓⵣⴰⵢⵜ ⵏⵏⵙ ⴷ ⵜⵙⵔⵜⴰⵢ ⵏⵏⵙ ⴰⴽⴷ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ ⵙ ⵉⵙⵏⴼⴰⵔⵏ ⵉⵎⵣⵡⵓⵔⴰ ⴰⵎ ⴰⵎⵙⴰⵙⴰ ⵏ ⵜⴼⵍⵍⴰⵃⵜ ⵜⴰⴼⵔⵉⵇⵉⵜ ⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵓⴳⵔⴰⵡ ⵏ ⵓⵏⵣⵡⵉ ⴳ ⵡⴰⵎⵓⵔ ⵏ ⵡⴰⴽⵓⵛ ⴳ 2016 ⵉ ⵓⵙⵎⵖⵔ ⵏ ⵢⵉⴳⵔ ⴰⵏⴼⵍⴰⵃ ⴳ ⵉⴼⵔⵉⵇⵢⴰ ⴷ ⵓⵙⵉⵜⵜⵉ ⵏ ⵓⵥⵍⴰⴹ.

ⴰⵔ ⵜⵜⴰⵡⵙ ⵉⴼⵔⵉⵇⵢⴰ ⵙ 4 % ⴳ ⵉⴳⴰⵣⵏ ⵣⴷⵉⵏⵉⵏ ⴷ ⵜⵎⵏⵜⵉⵍⵎⵉⵏ ⵏ ⵜⵎⵓⴽⵔⵉⵙⵜ ⵏ ⵜⵔⵖⵉ, ⴰⵔ ⵏⴰⵇⵔⴰ ⴰⴷ ⵉⵍⵉⵏⵜ ⵜⵎⴷⵔⴰⵡⵉⵏ ⵉ ⵓⵙⴱⴷⴷⵉ ⵏ ⵜⵎⵓⴽⵔⵉⵙⵉⵏ ⵏ ⵓⵏⵣⵡⵉ ⴷⴰⵔ ⵉⵏⵎⵓⵔⴰ ⴷ ⵜⵏⵓⵎⵔⴰⵢⵉⵏ ⵏ ⵉⴼⵔⵉⵇⵢⴰ, ⵜⵉⵎⴷⵔⴰⵡⵉⵏ ⴱⴷⴷⵏⵉⵏ ⴼ ⵓⵔⵎⴰⵙ ⴰⵎⴰⵢⵏⵓ ⵏ ⵓⵎⵢⴰⵡⴰⵙ ⴷ ⵓⵙⵏⴰⵍ ⵉ ⵜⴳⵎⵉ ⵍⵍⵉⵖ ⵜⵟⵟⴰⴼ ⵉⴼⵔⵉⵇⵢⴰ ⵜⵉⵥⴹⴰⵕⵉⵏ ⵜⵉⵏⴼⴳⴰⵏⵉⵏ ⴷ ⵜⵉⵏ ⵓⵎⴰⴳⴰ ⵉ ⵓⴼⴰⵔⵙ ⵏ ⵉⴳⴰⴷⴰⵔⵏ (60 % ⵏ ⵉⴽⴰⵍⵉⵡⵏ ⴳⴰⵏⵉⵏ ⵡⵉⵏ ⵜⴼⵍⵍⴰⵃⵜ ⴳ ⵓⵎⴰⴹⴰⵍ ⵍⵍⴰⵏ ⴳ ⵉⴼⵔⵉⵇⵢⴰ).

ⵎⴰⵙⵙⴰⵏⵙⵙⵉⵅⴼ

ⵜⵉⵏⴳⴳⵯⴰⴷⵉⵏⴳⴳⵯⴰ

ⵜⴳⴰ ⵜⵎⵔⴽⵉⵜ ⵏ ⵢⵉⵍ ⵢⴰⵏ ⵉⵎⵉⵣⵉ ⵍⵍⵉ ⴷ ⵉⵇⵇⴰⵏ ⵓⵙⴱⴷⴷⵉ ⵙ ⵉⵖⴰⵡⴰⵙⵏ ⵉⵖⴰⵡⴰⵍⵏ, ⵍⵍⵉⵖ ⴰ ⵜⵜⴰⵡⵙⵏ ⵉⵍⵏ ⵙ 50% ⵏ ⵜⵉⵔⵎⵜ ⴳ ⵓⵎⴰⴹⴰⵍ ⴷ 50 ⵏ ⵓⴽⵙⵉⵊⵉⴱ ⵓⵛⵛⵉⵍ ⵉ ⵜⵣⵣⵉⴳⵣⵜ ⵏ ⵜⵓⴷⵔⵜ ⴳ ⵓⵎⴰⴹⴰⵍ.

ⵜⴰⵎⴰⵣⵉⵔⵜ ⵏⵏⵖ ⵜⴻⵟⵟⴰⴷ ⵉⵍ ⵏ ⴰⵟⵍⴰⵚ ⵙ 3000 ⴽⵍⵎ ⴷ 500 ⴽⵍⵎ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ; ⵜⵎⵎⴰⵖ ⵙⴳ ⵉⵙⴳⴳⵯⴰⵙⵏ ⵙ ⵓⵙⵎⵔⵙ ⵉⵙⵓⵍⵏ ⵏ ⵉⴳⴰⴷⴰⵔⵏ ⵏ ⵢⵉⵍ, ⵜⵍⵍⴰ ⵜⵉⴹⴰⴼ ⵏ ⵜⴳⵯⵎⵔⵜ ⵙ 95 % ⴷ ⵓⵡⵇⵇⵔ ⵏ ⵓⵙⵓⵏⴼⵓ ⴰⴱⵢⵓⵍⵓⵊⵉ ⴷ ⵓⵏⵛⴽⵏ ⵏ ⵉⵙⵍⵎⴰⵏ ⵍⵍⵉ ⵔⴰⴷ ⵉⵜⵜⵓⴳⵎⵉⵔ.

 ⵜⵍⵍⴰ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵜⵙⵔⵜⴰⵢ ⵏ ⵓⴼⵔⴰⴳ ⵏ ⵡⴰⵡⵏⴰⴹ ⵏ ⵢⵉⵍ, ⵜⴳ ⵜⴰⵎⴳⴳⴰⵔⵓⵜ ⵜⵉⵡⵉⵙⵉ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⴳⵔⴰⵡ ⵏ ⴱⵔⵉⵙⵜ ⴳ ⴼⵕⴰⵏⵚⴰ ⴳ ⴱⵕⴰⵢⵕ 2022 ⵍⵍⵉⵖ ⴷⵔⵓⵏ ⵉⵏⵙⵙⵉⵅⴼ ⵏ ⵜⵎⵉⵣⴰⵔ ⵏ ⵓⵕⵓⴱⴱⴰ ⴷ 13 ⵏ ⵜⵎⴰⵣⵉⵔⵜ ⴱⵕⵕⴰ ⵏⵏⵙ. ⵔⴰⴷ ⵜⵉⵍⵉ ⵜⵎⴰⵣⵉⵔⵜ ⵏⵏⵖ ⵃⵎⴰ ⴰⴷ ⵉⵍⵉⵏⵜ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵏ ⵓⴼⵔⴰⴳ ⵏ ⵢⵉⵍⵏ ⵙⴳ ⵜⵎⵔⴽⵉⵜ  ⴷ ⵉⵙⴼⴼⵓⴹⵏ ⴷ ⵍⵎⵉⴽⴽⴰ ⴷ ⴳⴰⵔ ⵜⴰⴳⵯⵎⵔⵜ.

ⵎⴰⵙⵙⴰⵏⵙⵙⵉⵅⴼ

ⴷ ⵉⵎⵣⵣⵔⴰⴼⵏ, ⴷⴰ ⵏⵙⵇⵙⴰ ⴼ ⵎⴰⴷ ⵉⵙⴱⴷⴷⵏ ⴰⵣⵣⴳⵉⵔ ⵏ ⵜⵎⵢⴰⵇⵇⴰⵏⵉⵏ ⵏ ⵓⴼⵔⴰⴳ ⵏ ⵡⴰⵡⵏⴰⴹ. ⴳⴳⵓⵜⵏⵜ ⵜⵎⵔⴰⵔⵓⵜⵉⵏ ⵅⴼ ⵓⵙⵇⵙⵉ ⴰⴷ. ⵜⵉⵎⵓⴽⵔⵉⵙⵉⵏ ⵍⵍⴰⵏⵜ ⴳ ⵓⵍⵜⴰⵖ ⵏ ⵜⵏⴱⴰⴹⵉⵏ ⴷ ⵓⵙⵙⵥⵕ ⵏ ⵜⵙⵔⵜⴰⵢ ⴷ ⵉⵙⵡⵓⴷⴷⵓⵜⵏ ⵍⵍⴰⵏⵉⵏ ⴷ ⵓⵛⵃⵓ ⵏ ⵓⵍⵜⴰⵖ ⵉ ⵜⴷⵎⵙⴰ ⵜⴰⵣⴳⵣⴰⵡⵜ ⵉⵙⵓⵍⵏ ⴷ ⵓⵛⵃⵓ ⵏ ⵓⴷⵔⴰⵡ ⵏ ⵜⴻⵜⵉⴽⵏⵓⵍⵓⵊⵉⵜ ⵉⵖⵓⵙⵏ ⴷ ⵓⵙⵎⵖⵔ ⵏ ⵡⴰⵜⵉⴳ ⵏⵏⵙ.

ⵙⴳ ⵜⵎⵉⵜⴰⵔ ⴰⵛⵃⵓ ⵏ ⵓⵍⵜⴰⵖ ⴳ ⵓⴼⵏⵉⵇ ⴰⵣⴳⵣⴰⵡ ⵉ ⵓⵏⵣⵡⵉ (100 ⵎⵍⵢⴰⵕ ⴷⵓⵍⴰⵕ ⴳ ⵓⵙⴳⴳⵯⴰⵙ)

ⵉⴳⴰ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⵢⴰⵏ ⵉⵔⵉⵎ ⴰⵎⴰⴹⵍⴰⵏ ⵉⵙⵇⵙⴰⵏ ⵜⵉⵡⵉⵣⵉ ⵜⴰⴳⵔⴰⵖⵍⴰⵏⵜ. ⴳⵉⵙ ⵜⵉⵎⵙⵉⵔⵉⵏ  ⵉ ⵓⵙⵎⵖⵔ ⵏ ⵜⴻⵜⵉⴽⵏⵓⵍⵓⵊⵉⵜ ⵏ ⵓⵎⵢⴰⵡⴰⴹ ⴷ ⵜⵓⵙⵙⵏⴰ ⴳ ⵜⴷⵎⵙⴰ ⴷ ⵜⵏⵓⴼⴰ ⵙⵓⵍⵏⵉⵏ, ⵉⵇⵇⴰⵏ ⴷ ⴰⴷ ⵜⵉⵍⵉ ⵜⵡⵉⵣⵉ ⵏ ⵜⵉⴷⵜ ⴷ ⵓⴷⵔⴰⵡ ⵏ ⵜⵙⵓⴳⴰⵔ ⴷ ⵜⵓⵙⵙⵏⴰ.

ⵉⵇⵇⴰⵏ ⴷ ⴰⴷ ⵣⵣⵉⴳⵣⵉⵏ ⵉⴱⵕⵎⵍⴰⵎⵏⵏ ⴳ ⵜⵉⴹⴰⴼ ⴷ ⵓⵣⵣⵔⴰⴼ  ⴷ ⵜⵉⴽⴽⵉ ⵏ ⵡⴰⵏⴰⵡ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵡⴰⵡⵏⴰⴹ ⵙ ⵜⴻⵜⵉⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ ⴷ ⵓⴼⴰⵔⵙ ⵏ ⵜⵥⴹⴰⵕⵜ ⵜⴰⵎⴰⵢⵏⵓⵜ. ⵙⴳ ⵄⵢⵉⵔⵏ, ⴷⴰ ⵉⵙⵎⵔⴰⵙ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵥⴹⴰⵕⵜ ⵏⵏⵙ ⵉⴳⴰⵏ ⵜⴰⵎⴰⵢⵏⵓⵜ ⵙ 50 %, ⴳ ⵓⵙⴳⴳⵯⴰⵙ, ⵉⵙⵉⴷⵔⵓⵙ ⵓⵙⵎⵔⵙ ⵏ ⵜⵎⵓⵟⵟⵓⵏⵜ ⴰⵙⵎⵔⵙ ⵏ ⵓⴼⵔⴽⵓⴽ ⵙ 80 % .

ⵏⵍⵍⴰ ⵖ ⵢⴰⵏ ⵓⵖⵔⵔⴰⴱⵓ ⴷⴰⵜ ⵏ ⵉⵎⵉⵣⵉⵢⵏ ⵏ ⵡⴰⵡⵏⴰⴹ, ⵜⵉⵎⵉⵣⴰⵔ ⵏ ⵉⴼⴼⵓⵙ ⴳⴰⵏⵜ ⵜⵉⴷⴰ ⵜⵜⵓⴹⵕⵕⴰⵏⵉⵏ ⴱⴰⵀⵔⴰ ⵜⴳ ⵉⴼⵔⵉⵇⵢⴰ ⵜⴰⴷ ⴱⴰⵀⵔⴰ ⵉⵍⵍⴰⵏ ⴳ ⵜⴰⵙⵙⴰⵙⵜ ⵙ ⵜⵖⴰⵔⴰ ⵙⴷ ⵓⵙⵙⵥⵕⴼ ⴷ ⵓⵛⵃⵓ ⵏ ⵉⵎⵖⵉⵢⵏ ⴷ ⵓⵣⵡⴰⴳ  ⵙ ⵓⵏⵣⵡⵉ, ⴳⵉⵏⵜ ⵜⵎⵖⴰⵔⵉⵏ ⴷ ⵜⴰⵣⵣⴰⵏⵉⵏ ⴷ ⵉⴷ ⴱⴰⴱ ⵏ ⵜⵖⴰⵡⵉⵙⵉⵡⵉⵏ ⵥⵍⵉⵏⵉⵏ ⴷ ⵉⵎⴽⵔⴰⵣⵏ ⵎⵥⵥⵉⵏⵉⵏ ⵡⵉⴷ ⴱⴰⵀⵔⴰ ⵜⵜⵓⴹⵕⵕⴰⴰⵏⵉⵏ ⵙⴳ ⵉⵙⵏⴼⵍⵏ ⵏ ⵓⵏⵣⵡⵉ.

ⵉⵙⵓⵔⵙⵏ ⴰⴷ ⴰⵔ ⵙⴰⵇⵙⴰⵏ ⵜⵉⵔⴰⵜ ⵜⴰⵙⵔⵜⴰⵏⵜ ⵜⴰⴳⵔⴰⵖⵍⴰⵏⵜ  ⴷ ⵡⴰⵜⵉⴳⵏ ⵏⵏⵖ ⵍⵍⵉ ⴷ ⵉⵇⵇⴰⵏ ⵓⴷⵔⴰⵡ, ⵜⵙⵇⵙⴰ ⵓⵍⴰ ⵜⴰⵎⴰⵙⴰⵢⵜ ⵏⵏⵖ ⴰⴽⴽⵯ.

ⵜⴰⵏⵎⵎⵉⵔⵜ ⴼ ⵓⵙⵙⴼⵍⴷ ⵏⵏⵓⵏ