ⴰⵙⵉⵔⴰ(2016-2021):
ⴰⵙⵉⵡⴹ ⴼ ⵜⵙⵎⵓⵏⵉ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 14 ⴷⵓⵊⴰⵏⴱⵉⵔ 2020
ⵉⵙⵙⵉⵅⴼ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⵡⴰⵢⵏⴰⵙ 14 ⴷⵓⵊⴰⵏⴱⵉⵔ 2020, ⵜⴰⵙⵎⵓⵏⵉ ⵜⴰⵏⵎⵍⴰⵙⵙⵜ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⵥⵍⵉ ⵉ ⵜⵎⵙⴰⵔⵜ ⵜⴰⵏⴰⵎⵓⵔⵜ ⴷ ⵓⵣⵣⵔⴰⴼ ⴷ ⵜⵉⴹⴰⴼ ⴷ ⵓⵖⵡⴰⵙⴰ ⵏ ⵜⵡⵓⵔⵉ ⵏ ⵓⵙⵇⵇⵉⵎ.
ⵖ ⵜⵣⵡⵉⵔⵉ, ⵉⵙⵓⵜⴳ ⵓⵏⵙⵙⵉⵅⴼ ⴷ ⵓⵙⵉⵔⴰ ⵏ ⵓⵙⵇⵇⵉⵎ ⴰⵙⵙⵉⵙⵏ ⴰⵎⵣⵔⴰⵢ ⵏ ⵎⴰⵔⵉⴽⴰⵏ ⵙ ⵓⴱⴰⴹ ⵉⵙⵎⴷⵏ ⴼ ⵚⵚⵃⵕⴰ ⵜⴰⵎⵖⵔⵉⴱⵉⵜ ⴷ ⵓⵕⵥⵥⵓⵎ ⵏ ⵜⵙⵇⵓⵏⵙⵓⵜ ⵏⵏⵙ ⵖ ⵜⵖⵔⵎⵜ ⵏ ⴷⴷⴰⵅⵍⴰ, ⵣⵎⵎⵉⵎⵏ ⵙ ⵓⴱⵓⵔⵣ ⵜⵉⵢⴰⴼⵓⵜⵉⵏ ⵜⵉⴷⵉⴱⵍⵓⵎⴰⵙⵉⵢⵉⵏ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴳⵍⴷⵓⵏ ⵏ ⵉⵎⵓⵎⵏⵏ ⴰⴷ ⵜ ⵉⵏⵚⵕ ⵕⴱⴱⵉ.
ⵉⵙⴰⵡⵍ ⵓⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⴼ ⵓⵙⵓⵜⴳ ⵏⵏⵙⵏ ⵉ ⵜⵓⴳⴳⴰⵙ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳⴰⵏⵉⵏ ⵜⵓⵏⵥⵉⵥⵉⵏ ⵖ ⵓⵙⵡⵓⴷⴷⵓ ⵏ ⵉⵙⴷⴰⵡⵏ ⴷ ⵉⵙⴰⵡⵓⵔⵏ ⵉⴷⵉⴱⵍⵓⵎⴰⵙⵉⵢⵏ ⵏ ⵜⴳⵍⴷⵉⵜ, ⵜⵉⵢⴰⴼⵓⵜⵉⵏ ⵜⵉⵎⵣⵡⵓⵔⴰ ⵏ ⵓⴱⵓⵔⵣ ⵍⵍⵉ ⵔⴰⴷ ⵢⵉⵍⵉ ⵖ ⵜⵎⴽⵜⵉⵜ ⵜⴰⵏⴰⵎⵓⵔⵜ.
ⴳⴰⵏ ⵖ ⵜⵎⵣⵡⵓⵔⴰ ⵉⵏⵖⵎⵉⵙⵏ ⵏ ⵜⵎⵙⴰⵔⵜ ⵜⴰⵏⴰⵎⵓⵔⵜ ⴷ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⴷ ⵜⵣⵣⵉⴳⵣⵜ ⵏⵏⵙ ⵜⴰⵎⵣⵔⴰⵢⵜ, ⵉⵣⵎⵎⵉⵎ ⵓⵙⵉⵔⴰ ⵙ ⵓⵙⵓⵜⴳ ⴰⵙⵉⵙⵙⵏ ⵉⵣⵣⵉⴳⵣⵏ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ, ⵉⴳⴰⵏ ⴰⵙⵇⵙⵉ ⵏ ⵜⵉⵍⵉⵜ ⴷⴰⵔ ⵓⵎⴰⴷⴰⵏ ⴰⵎⵖⵔⵉⴱⵉ ⵓⵔ ⴷ ⵡⵉⵏ ⵉⵡⵜⵜⴰ.
ⵉⵙⵙⴽⵜⵉ ⴷ ⵓⵙⵉⵔⴰ ⵜⴰⵖⵏⵙⴰ ⵏ ⵓⵎⴰⴷⴰⵏ ⴰⴼⵉⵍⵉⵙⵟⵉⵏⵉ ⴷ ⵜⵎⵙⴰⵔⵜ ⵏⵏⵙ ⵜⴰⵣⵔⴼⴰⵏⵜ ⵍⵍⵉ ⵉⴳⴰⵏ ⵜⴰⵏⴰⵎⵎⴰⵙⵜ ⴷⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⵎⴰⴷⴰⵏ ⴰⵎⵖⵔⵉⴱⵉ ⵙ ⵓⵎⴰⵜⴰ, ⵜⵣⴷⵉ ⴷ ⵜⵖⵏⵙⴰ ⵜⴰⴷⵉⴱⵍⵓⵎⴰⵙⵉⵜ ⵜⴰⴳⵍⴷⴰⵏⵜ ⵙⴳ ⵣⵉⴽⴽ ⴷ ⵜⵖⵏⵙⴰ ⵏ ⵜⵎⵜⵜⵉ ⴰⴽⴽⵯ, ⵜⴳ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵢⴰⵏ ⵓⴷⵎ ⵏ ⵜⵖⵏⵙⴰ ⴰⴷ ⵖ ⴽⵓ ⵉⵏⵎⵓⵇⴰⵔⵏ ⴷ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ.
ⵖ ⵜⵉⴹⴰⴼ, ⵉⵙⵔⵙ ⵓⵙⵉⵔⴰ ⴰⵖⴰⵡⴰⵙ ⵏ ⵜⵡⵓⵔⵉ ⵏ ⵜⵖⵉⵎⵉⵜ ⵜⴰⵎⵉⵡⴰⵏⵜ ⵏ ⵡⴰⵢⵏⴰⵙ 14 ⴷⵓⵊⴰⵏⴱⵉⵔ 2020 ⵖ ⵉⴳⵔⴰⵏ ⵏ ⵓⵙⵖⵏⵣⵉ ⴷ ⵜⵎⴳⵓⵔⵉ ⴷ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵜⵎⵓⵟⵟⵓⵏⵜ , ⴷ ⵓⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵚⴽⴰⵡ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ. ⵉⴼⴼⵖ ⵓⵙⵉⵔⴰ ⴰⴷ ⵢⵉⵍⵉ ⵓⵖⵓⵍ ⵙ ⵓⵏⴳⵔⴰⵡ ⴰⵎⵣⵡⴰⵔⵓ ⵏ ⵉⵙⵇⵙⵉⵜⵏ ⴷⴰⵜ ⵏ ⵡⴰⴷⴷⴰⴷ ⵏ ⵉⵖⴰⵡⴰⵍⵏ, ⵔⴰⴷ ⵎⵓⵏⵏ ⵉⵙⵇⵙⵉⵜⵏ ⴹⴼⵕⵏ ⵜⵏⵉⴷ ⵉⵅⴼⴰⵡⴰⵍⵏ, ⵢⵉⵍⵉ ⵓⵙⴷⴷⵉⴷ ⴼ ⵓⵎⴹⴰⴽⴰⵕ ⵏ ⵓⵏⴳⵔⴰⵡ ⵏ ⵉⵙⵇⵙⵉⵜⵏ ⵃⵎⴰ ⴰⴷ ⵉⴷⵓⵙ ⵙ ⵜⵉⵔⵎⵉⵜⵉⵏ ⴷ ⵜⵎⵙⴰⵔⵉⵏ ⵣⵔⵉⵏⵉⵏ.
ⵖ ⵓⵣⵣⵔⴰⴼ, ⵔⴰⴷ ⵜⵉⵍⵉ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵏ ⵡⴰⵢⵏⴰⵙ 14 ⴷⵓⵊⴰⵏⴱⵉⵔ 2020 ⴼ ⵜⵖⵔⵉ ⴷ ⵓⵙⵜⴰⵢ ⵏ ⵉⵙⵏⴼⴰⵔⵏ ⵏ ⵉⵙⵍⴳⵏⵏ: ⴰⵙⵍⴳⵏ ⵏ ⵓⵥⵕⴼ ⵏ 2018, ⴰⵙⴽⵔ ⵏ ⵓⴼⵏⵉⵇ ⵏ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵓⵙⵙⴰⵔⵓ, ⴰⵙⵏⵎⴰⵍⴰ ⵏ ⵉⴳⵊⴷⵉ ⴰⵥⵕⴼⴰⵏ ⵏ ⵜⴳⵎⵎⵉ ⵜⵓⵎⵍⵉⵍⵜ.
ⵉⵥⵕⴰ ⵓⵙⵉⵔⴰ ⴰⵖⴰⵡⴰⵙ ⵏ ⵜⵡⵓⵔⵉ ⵏ ⵜⵙⵇⵇⵉⵎⵉⵏ ⴷ ⵜⵣⵣⵉⴳⵣⵜ ⵏⵏⵙ, ⵉⵙⴷⴷⵉⴷ ⵎⴰⵙ ⴷ ⵉⵇⵇⴰⵏ ⴰⴷ ⵜⴼⴽ ⵜⵏⴱⴰⴹⵜ ⴰⵜⵉⴳ ⵉ ⵜⵙⵓⵎⵔⵉⵏ ⵙ ⴰⵢⵍⵍⵉ ⵔⴰⴷ ⵉⵙⴷⵓⵙ ⴰⵢⴷⴰ ⴰⵣⵣⵔⴰⴼ ⴷ ⵓⵡⵇⵇⵔ ⵏ ⵡⴰⴽⵓⴷ ⴰⵢⵢⵓⵔⴰⵏ ⵉⵍⵍⴰⵏ ⵖ ⵓⴷⵓⵙⵜ