ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ 14 ⵏ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⴷ ⵙⵉⵏ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴳ ⵉⴳⵔⴰⵏ ⵏ ⵜⵎⴰⵍⵍⴰⵢⵜ ⴷ ⵉⵎⵓⴷⴰⵔ ⵏ ⵢⵉⵍ

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 21 ⵏⵓⵡⴰⵏⴱⵉⵔ 2022, 14 ⵏ ⵓⵙⵏⴼⴰⵔ ⵏ ⵓⴷⵍⴳⵏ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵏ ⵍⵎⵖⵔⵉⴱ ⴷ ⵎⵏⵏⴰⵡ ⵉⵡⴰⵏⴽⵏ, ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⴷⵔⵉⵙ ⵜⵉⴱⵉ ⴰⵎⴰⵔⵉ ⵏ ⵓⵏⵙⵙⵉⵅⴼ, ⴷ ⵜⵉⵍⵉⵜ ⵏ ⵎⴰⵙⵙ ⵏⴰⵚⵉⵕ ⴱⵓⵕⵉⵟⴰ ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕ, ⴷ ⵎⴰⵙⵙ ⵎⵓⵃⴰⵎⵎⴰⴷ ⵚⴰⴷⵉⵇⵉ ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⴷ ⵎⴰⵙⵙⴰ ⴼⴰⵟⵉⵎⴰ ⵥⵥⴰⵀⵕⴰ ⵄⴰⵎⵎⵓⵕ ⵜⴰⵎⴰⵡⵙⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵉⵏⴷⵉ ⴷ ⵜⴷⵎⵙⴰ ⵜⴰⵏⴰⵎⵓⵏⵜⴷ ⵜⵉⵏ ⵓⵎⵢⴰⵡⴰⵙ, ⴷ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴰⴽⴷ ⵓⴱⵕⵍⴰⵎⴰⵏ, ⴰⵎⵙⵙⵉⵡⵍ ⴰⵎⴰⴷⴷⵓⴷ ⵙ ⵢⵉⵙⵎ ⵏ ⵜⵏⴱⴰⴹⵟ.

ⵙⴳ 14 ⵏ ⵓⵙⵏⴼⴰⵔ ⵉⵣⴷⵉⵏ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ, ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ 12 ⵏ ⵓⴹⵕⵉⵚ ⴰⵣⵣⵔⴰⴼ ⵙ ⵓⵎⴽⵕⴰⴷ,ⵙ ⵜⵓⴳⵜ ⵙⵉⵏ ⵉⴹⵕⵉⵚⵏ  ⵙ ⵓⵎⵙⴰⵙⴰ ⵏ 167 ⴷ ⵜⴰⴳⵯⵉⵜ ⵏ 15 ⵏ ⵓⵎⴰⵔⵉ , ⴼ ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⵓⵏⵙⴱⴰⴱ ⴷ ⵓⵙⴷⵓⵙ ⵏ ⵜⵏⵓⴼⴰ ⵏ ⵉⴳⵏⵏⴰ ⵊⴰⵔ ⵍⵎⵖⵔⵉⴱ ⴷ ⵉⵙⵔⴰⵉⵍ.

ⵉⵍⵍⴰ ⵓⵙⵖⵣⵏ ⵏ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴳ ⵓⵎⵏⴰⴹ ⵏ ⵓⵙⴽⵔ ⵏ ⵍⵎⵖⵔⵉⴱ ⵏ ⵉⵙⵖⵡⴰⵏ ⵏⵏⵙ ⵉⴳⵔⴰⵖⵍⴰⵏⵏ ⴷ ⵓⵙⵎⵀⵍ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⵉⵎⴰⵜⵜⵓⵢⵏ ⴼ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴷ ⵜⵎⴷⵔⴰⵡⵜ ⵉⵍⵍⴰⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ ⴷ ⵓⵙⴷⵓⵙ ⵏ ⵓⴷⵖⴰⵔ ⵏ ⵍⵎⵖⵔⵉⴱ ⴳ ⵉⵙⵡⵉⵔⵏ ⴰⵎⵏⵥⴰⵡ ⴷ ⵓⴳⵔⴰⵖⵍⴰⵏ.

ⴱⴹⴰⵏⵜ ⵜⵎⵢⴰⵇⵇⴰⵏⵉⵏ ⴰⴷ ⴼ ⵙⴰⵜ ⵜⵉⵙⵉⵏⵔⴰⵏⵉⵏ ⴰⴽⴷ ⵜⵛⴰⴷ ⴷ ⵍⵇⵓⵎⵓⵔ ⴷ ⵉⵙⵔⴰⵉⵍ ⴷ ⵍⴼⵉⵍⵉⴱⴱⵉⵏ, ⴽⵕⴰⴹⵜ ⵜⵉⵎⵏⴹⴰⵡⵉⵏ ⴳ ⵓⵙⴰⵜⵉ ⴰⴼⵔⵉⵇⵉ, ⴽⵕⴰⴹⵜ ⵜⵎⵢⴰⵇⵇⴰⵏⵉⵏ ⵜⵉⴳⵜⵉⵔⴰⵏⵉⵏ, ⴷ ⵓⵙⵏⴼⴰⵔ ⵏ ⵓⵙⵍⴳⵏ ⴼ ⵓⵙⵎⵔⵙ ⵏ ⵉⵔⴱⴰⴱⵏ ⵉⴽⵉⵎⴰⵡⵉⵢⵏ.

ⴳⴰⵏⵜ ⵜⵎⵢⴰⵇⵇⴰⵏⵉⵏ ⴰⴷ:

1. ⴰⵙⵏⴼⴰⵔ ⵏ ⵓⵙⵍⴳⵏ 26.21 ⴼ ⵓⵙⵎⴰⴷ ⵏ ⵓⵙⵍⴳⵏ 36.09 ⴼ ⵓⵙⵎⵔⵙ ⵏ ⵉⵔⴱⴰⴱⵏ ⵉⴽⵉⵎⴰⵡⵉⵢⵏ.

2. ⴰⵙⵏⴼⴰⵔ ⵏ ⵓⵙⵍⴳⵏ 26.22 ⵉ ⵓⵎⵙⴰⵙⴰ ⴼ ⵜⵎⵢⴰⵇⵇⴰⵏⵜ ⵏ ⵍⴰⵀⴰⵢ ⵉⵣⴷⵉⵏ ⴷ ⵓⵙⵎⴰⴷ ⵏ ⵜⵏⴰⴼⵜ ⴳ ⴱⵕⵕⴰ ⵉ ⵚⴰⵃⴰ ⵏ ⵜⴰⵣⵣⴰⵏⵉⵏ ⴷ ⵉⴳⵎⴰⵎⵏ ⵏ ⵜⵓⵡⵊⴰ, ⵜⵓⵙⵙⵖⵣⴰⵏ ⴳ ⵍⴰⵀⴰⵢ ⴳ 23 ⵏⵓⵡⴰⵏⴱⵉⵔ 2007.

3. ⴰⵙⵏⴼⴰⵔ ⵏ ⵓⵙⵍⴳⵏ 74.21 ⵉ ⵓⵎⵙⴰⵙⴰ ⴼ ⵜⵏⵓⴼⴰ ⵏ ⵉⴳⵏⵏⴰ ⵊⴰⵔ ⵜⵏⴱⴰⴹⵉⵏ ⵏ ⵍⵎⵖⵔⵉⴱ ⴷ ⵉⵙⵔⴰⵉⵍ, ⵜⵜⵓⵣⵎⵎⴰⵎ ⴳ ⵕⵕⴱⴰⵟ ⴳ 11 ⵖⵓⵛⵜ 2021.

4.ⴰⵙⵏⴼⴰⵔ ⵏ ⵓⵙⵍⴳⵏ 75.21 ⵉ ⵓⵎⵙⴰⵙⴰ ⴼ ⵜⵎⵢⴰⵇⵇⴰⵏⵜ ⵅⴼ ⵓⵙⴽⵔ ⵏ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵉ ⵜⵡⵣⵉ ⵜⴰⵢⵍⴰⵏⵜ, ⵜⵜⵓⵙⵖⵣⴰⵏ ⴳ ⴱⴰⵔⵉⵣ ⴳ 27 ⵉⵏⵏⴰⵢⵔ 2021, ⵜⵣⵎⵎⵉⵎ ⵜⵜ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ 13 ⵢⵓⵍⵢⵓⵣ 2021.

5.ⴰⵙⵏⴼⴰⵔ ⵏ ⵓⵙⵍⴳⵏ 78.21 ⵉ ⵓⵎⵙⴰⵙⴰ ⴼ ⵜⵎⵢⴰⵇⵇⴰⵏⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⵅⴼ ⵓⵙⵎⵔⵡⵉ ⵏ ⵉⵎⵃⵉⵣⵡⴰⵔⵏ ⵏ ⵜⵓⵏⵏⵓⵏⵜ ⵉⵜⵜⵓⵙⵖⵣⴰⵏ ⴳ ⵎⴰⴽⵓⵍⵉⵏ (ⵙⵡⵉⵙⵔⴰ) ⴳ 18 ⵛⵓⵜⴰⵏⴱⵉⵔ 2014, ⵜⵣⵎⵎⵉⵎ ⵜⵜ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵙⵜⵔⴰⵙⴱⵓⵔⴳ ⴳ 20 ⵛⵓⵜⴰⵏⴱⵉⵔ 2021.

6.ⴰⵙⵏⴼⴰⵔ ⵏ ⵓⵙⵍⴳⵏ 88.21 ⴼ ⵜⵎⵢⴰⵇⵇⴰⵏⵜ ⵉⵍⵍⴰⵏ ⵊⴰⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵏ ⵉⵄⵔⵔⵉⵎⵏ ⵅⴼ ⵓⵙⴽⵔ ⵏ ⵓⵙⵖⵉⵎ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵏ ⵉⵄⵔⵔⵉⵎⵏ ⴳ ⵍⵎⵖⵔⵉⴱ, ⵜⵜⵓⵣⵎⵎⴰⵎ ⴳ ⵕⵕⴱⴰⵟ ⴳ 11 ⵏⵓⵡⴰⵏⴱⵉⵔ 2021.

7.ⴰⵙⵏⴼⴰⵔ ⵏ ⵓⵙⵍⴳⵏ 100.21 ⵉ ⵓⵎⵙⴰⵙⴰ ⴼ ⵓⵎⵇⵇⵏ ⴰⵙⴰⵜⵉ ⴳ ⵢⵉⴳⵔ ⵏ ⵍⵓⵊⵉⵙⵜⵉⴽ ⵊⴰⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵜⵜⵛⴰⴷ, ⵜⵜⵓⵣⵎⵎⴰⵎ ⴳ ⵕⵕⴱⴰⵟ ⴳ 10 ⴷⵓⵊⴰⵏⴱⵉⵔ 2021.

8.  ⴰⵙⵏⴼⴰⵔ ⵏ ⵓⵙⵍⴳⵏ 101.21 ⵉ ⵓⵎⵙⴰⵙⴰ ⴼ ⵡⴰⵙⵙⴰⵢ ⴰⴳⵔⴰⵖⵍⴰⵏ ⴳ ⵉⴱⵔⴷⴰⵏ ⵏ ⵉⵏⵎⵎⵓⴷⴷⴰ ⴷ ⵜⵎⴳⵓⵔⴰ ⴷ ⵓⵣⵔⴰⵢ ⵊⴰⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⴳⴷⵓⴷⴰⵏⵜ ⵏ ⵜⵛⴰⴷ, ⵜⵜⵓⵣⵎⵎⴰⵎ ⴳ ⵕⵕⴱⴰⵟ ⴳ 10 ⴷⵓⵊⴰⵏⴱⵉⵔ 2021.

9.ⴰⵙⵏⴼⴰⵔ ⵏ ⵓⵙⵍⴳⵏ 02.22 ⵉ ⵓⵎⵙⴰⵙⴰ ⴼ ⵜⵎⵢⴰⵇⵇⴰⵏⵜ ⵜⴰⵙⴳⴰⵡⴰⵏⵜ ⵉⵜⵜⵓⵙⵏⴼⴰⵍⵏ ⵉⵥⵍⵉⵏ ⵙ ⵓⵙⵉⵙⵙⵏ ⵏ ⵜⵖⵓⵔⵉⵡⵉⵏ ⵏ ⵓⵙⵙⵍⵎⴷ ⴰⵎⴰⵜⵜⵓⵢ ⴳ ⵉⵡⴰⵏⴽⵏ ⵉⴼⵔⵉⵇⵉⵢⵏ, ⵜⵜⴻⵙⵓⵖⵣⴰⵏ ⴳ ⴰⴷⵉⵙ ⴰⴱⴰⴱⴰ (ⵉⵜⵢⴱⵢⴰ) ⴳ 12 ⴷⵓⵊⴰⵏⴱⵉⵔ 2014, ⵜⵣⵎⵎⵉⵎ ⵜⵜ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ 15 ⵏⵓⵡⴰⵏⴱⵉⵔ 2019.

10.ⴰⵙⵏⴼⴰⵔ ⵏ ⵓⵙⵍⴳⵏ 18.22 ⵉ ⵓⵎⵙⴰⵙⴰ ⴼ ⵓⵎⵇⵇⵏ ⵅⴼ ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⵓⵏⵙⴱⴰⴱ ⵊⴰⵔ ⵜⵏⴱⴰⴹⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵉⵙⵔⴰⵉⵍ, ⵜⵜⵓⵣⵎⵎⴰⵎ ⴳ ⵕⵕⴱⴰⵟ ⴳ 21 ⴱⵕⴰⵢⵕ 2022.

11.ⴰⵙⵏⴼⴰⵔ ⵏ ⵓⵙⵍⴳⵏ 24.22 ⵉ ⵓⵎⵙⴰⵙⴰ ⵅⴼ ⵜⵎⵢⴰⵇⵇⴰⵏⵜ ⵜⴰⴼⵔⵉⵇⵉⵜ ⵉⵛⵛⴰⵔⵏ ⴼ ⵓⵙⴽⵔ ⵏ ⵓⵖⴰⵡⴰⵙ ⴰⴼⵔⵉⵇⵉ ⵏ ⵓⵎⵢⴰⵡⴰⵙ ⴰⵏⴰⵥⵓⵕ, ⵜⵜⵓⵙⵖⵣⴰⵏ ⴳ ⴽⴰⵎⴱⴰⵍⴰ (ⵓⵖⴰⵏⴷⴰ) ⴳ 1 ⵖⵓⵛⵜ 1975.

12. ⴰⵙⵏⴼⴰⵔ ⵏ ⵓⵙⵍⴳⵏ 25.22 ⵉ ⵓⵎⵙⴰⴰ ⴼ ⵓⵎⵇⵇⵏ ⵅⴼ ⵜⵉⵏⵓⴼⴰ ⵏ ⵉⴳⵏⵏⴰ ⵊⴰⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵍⴼⵉⵍⵉⴱⴱⵉⵏ, ⵜⵜⵓⵣⵎⵎⴰⵎ ⴳ ⵕⵕⴱⴰⵟ ⴳ 17 ⵎⴰⵕⵚ 2022.

13.ⴰⵙⵏⴼⴰⵔ ⵏ ⵓⵙⵍⴳⵏ 31.22 ⵉ ⵓⵎⵙⴰⵙⴰ ⵅⴼ ⵜⵎⵢⴰⵇⵇⴰⵏⵜ ⵊⴰⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵉⵏ ⵜⴳⵓⴷⴰⵏⵜ ⵏ ⵍⵇⵓⵎⵓⵔ ⵅⴼ ⵢⵉⴳⵔ ⵏ ⵉⵔⴳⴰⵢⵏ, ⵜⵜⵓⵣⵎⵎⴰⵎ ⴳ ⴷⴰⵖⵍⴰ ⴳ 31 ⵎⴰⵕⵙ 2022.

14. ⴰⵙⵏⴼⴰⵔ ⵏ ⵓⵙⵍⴳⵏ 32.22 ⵉ ⵓⵎⵙⴰⵙⴰ ⵅⴼ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵍⵇⵓⵎⵓⵔ ⵅⴼ ⵓⵙⵙⵔⵇⴱ ⵏ ⵓⵙⵙⴰⵔⵓ, ⵜⵜⵓⵣⵎⵎⴰⵎ ⴳ ⴷⴷⴰⵅⵍⴰ ⴳ 31 ⵎⴰⵕⵚ 2022.

 ⴳ ⵜⵖⵉⵎⵉⵜ ⴰⴷ, ⵉⵍⵍⴰ ⵓⵙⵜⴰⵢ ⵙ ⵓⵎⴽⵕⴰⴹ ⵏ ⵓⵙⵏⴼⴰⵔ ⵏ ⵓⵙⵍⴳⵏ 84.21 ⴼ ⵓⵙⴳⵎ ⵏ ⵉⵎⵓⴷⴰⵔ ⵏ ⵢⵉⵍ ⴳ ⵜⵉⵖⵔⵉ ⵜⵉⵙ ⵙⵏⴰⵜ, ⴳ ⵓⵎⵏⴰⴹ ⵏ ⵓⵙⵎⵖⵔ ⵏ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵓⵍⵜⴰⵖ ⵏ ⵢⵉⴳⵔ ⵏ ⵓⵙⴳⵎⵉ ⵏ ⵉⵎⵓⴷⴰⵔ ⴰⵢⵍⴰⵏⵏ ⴳ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵏ ⵜⴳⵍⴷⵉⵜ, ⴷ ⵜⵡⵉⵣⵉ ⵏⵏⵙ ⴳ ⵓⵙⴽⵔ ⵏ ⵉⵡⵜⵜⴰⵙ ⵏ ⵓⵙⵎⵖⵔ ⵏ ⵜⴷⵎⵙⴰ ⴷ ⵜⴳⵎⵉ ⵏ ⵓⴼⴳⴰⵏ ⴷ ⵓⵙⵎⴰⴷ ⴰⵙⵉⴷⴼⴰⵏ.

ⵉⴽⵛⵎ ⵓⵍⴰ ⵓⵙⵎⵖⵔ ⵏ ⵢⵉⴳⵔ ⵏ ⵓⵙⴳⵎⵉ ⵏ ⵉⵎⵓⴷⴰⵔ ⵏ ⵡⴰⵎⴰⵏ ⴳ ⵓⵙⴰⵜⵉ ⵏ ⵉⵙⵡⴰⵍⴰⵢⵏ ⴷ ⵜⵙⵔⵜⵉⵜ ⵜⴰⵡⵏⴹⴰⵏⵜ ⵜⴰⵏⴰⵎⵓⵔⵜ ⴷ ⵜⴳⵔⴰⵖⵍⴰⵏⵜ, ⵙⵍⴰⵡⴰⵏ ⴰⴽⴽⵯ ⵜⵉⵙⵔⵜⴰⵢ ⵏ ⵜⵎⵜⵜⴰ ⵎⵓⵏⵏⵉⵏ ⵣⴷⵉⵏⵉⵏ ⴷ ⵓⵙⴽⵔ ⵏ ⵉⵡⵜⵜⴰⵙ ⵏ ⵜⴳⵎⵉ ⵜⴰⵙⵓⵍⴰⵏⵜ, ⴷ ⵓⵙⵉⴼⵙⵓⵙ ⵏ ⵉⴷⵔⵉⵣⵏ ⵏ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵓⴼⵔⴰⴳ ⵏ ⵡⴰⵡⵏⴰⴹ.

ⵉⵍⵍⴰ ⵓⵍⴰ ⵓⵙⵜⴰⵢ ⵏ ⵓⵙⵏⴼⴰⵔ ⵏ ⵓⵙⵍⴳⵏ 19.22 ⵉ ⵓⵙⵏⴼⵍ ⵏ ⵓⵙⵍⴳⵏ 05.12 ⵉⵣⴷⵉⵏ ⴷ ⵜⵣⵣⵓⵍⵜ ⵏ ⵓⵎⴰⵏⴰⵔ ⵏ ⵜⵎⴰⵍⴰⵢⵢⵜ, ⵉⵍⵍⴰ ⴳ ⵓⵙⴰⵜⵉ ⵏ ⵓⴹⴼⵕ ⵏ ⵓⵎⵓⴽⵏ  ⵏ ⵜⵣⵣⵓⵍⵜ ⴰⴷ ⴷ ⵓⵙⴽⵔ ⵏ ⵜⵡⵡⵓⵔⵉⵡⵉⵏ ⵉ ⵉⵄⵔⵔⵉⵎⵏ ⴷ ⵓⵙⵎⵖⵔ ⵏ ⵜⵎⵓⵣⴰⵢⵉⵏ ⵏ ⵉⵡⴷⴰⵏ ⵟⵟⴰⴼⵏⵉⵏ ⵜⵉⵔⵎⵉⵜ ⴳ ⵢⵉⴳⵔ ⴰⴷ.