ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ ⴼ ⵓⴼⵔⴰ ⵙ ⵜⵎⵍⴷⴰ ⵏ 130 ⵏ ⵓⵙⴳⴳⵯⴰⵙ ⴼ ⵓⵙⴽⵔ ⵏ ⵓⵙⵉⵔⴰ ⴰⴳⵔⴰⵖⵍⴰⵏ ⵏ ⵓⴼⵔⴰ
ⵔⵓ ⵓⵎⴰⵔⵉ ⴰⵃⵎⴰⴷ ⵜⵡⵉⵣⵉ ⴷ ⵜⵎⴰⵔⵉⵜ ⵅⴷⴷⵓⵊ ⵙⵙⵍⴰⵙⵉ ⴷ ⵓⵎⴰⵔⵉ ⵄⵓⵎⴰⵔ ⵃⵊⵉⵔⴰ ⴷ ⵓⵎⴰⵔⵉ ⵎⵓⵚⵟⴰⴼⴰ ⵔⴷⴷⴰⴷ, ⵉⴳⵎⴰⵎⵏ ⵏ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⴷⴰⵔ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ, ⴰⴽⵕⴰⵙ 9 ⴱⵕⴰⵢⵕ 2022, ⴳ ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ ⴼ ⵓⴼⵔⴰ, ⵉⵙⵏⵎⴰⵍⴰ ⵜⵜ ⵓⵙⵉⵔⴰ ⴰⴳⵔⴰⵖⵍⴰⵏ ⵏ ⵓⴼⵔⴰ ⴷ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵙ ⵜⵎⴷⴰ ⵏ 130 ⵏ ⵓⵙⴳⴳⵯⴰⵙ ⵏ ⵓⵙⴽⵔ ⵏ ⵓⵙⵉⵔⴰ ⴰⴳⵔⴰⵖⵍⴰⵏ ⵏ ⵓⴼⵔⴰ.
ⵜⵣⵔⵉ ⵜⵉⵏⵏⴰⵡⵜ ⴰⴷ ⵙ ⵓⴼⵉⵣⵢⵓⴽⵓⵏⴼⵉⵕ, ⴳⵉⵣ ⴰⵣⵓⵣⵣⵔ ⵏ ⵜⵢⵢⴰⴼⵓⵜ ⵏ ⵜⵡⵡⵓⵔⵉ ⵏ ⵓⵙⵉⵔⴰ ⴰⴳⵔⴰⵖⵍⴰⵏ ⵏ ⵓⴼⵔⴰ ⴷ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴼ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵓⴽⵓⵙ ⵏ ⵓⵔⴱⴰⴱ ⴷ ⵜⴷⵉⵎⵓⵇⵔⴰⵟⵉⵜ ⴷ ⵜⵏⴼⵔⵓⵜ ⵉⵛⵛⴰⵔⵏ.
ⵙⴷⴷⵉⴷⵏ ⵉⵏⵙⵙⵉⵅⴼⵏ ⵏ ⵓⵙⵉⵔⴰ ⵎⴰⵙⵙ ⵍⵉⵣⴰ ⴽⵍⴰⵕⴽ ⴷ ⵎⴰⵙⵙ ⴼⵉⵍⵉⴱ ⵊⵉⵏⵏⵉⴳⵙ ⵎⴰⵙ ⴷ ⵉⵎⴰⵖⵏ ⴷ ⵓⵔⴱⴰⴱ ⴷ ⵜⴽⵕⴹⵉ ⴷ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⴰⵔ ⵜⵜⴳⴳⴰⵏ ⴰⴼⵏⴰ ⵏ ⵜⴷⵉⵎⵓⵇⵕⴰⵟⵉⵜ ⴷ ⵓⴼⵔⴰ ⴷ ⵜⵏⴼⵔⵓⵜ ⴳ ⵓⵎⴰⴹⴰⵍ, ⵉⵏⵉⵏ ⵎⴰⵙ ⴷ ⵉⵇⵇⴰⵏ ⵓⵍⵓⵢ ⵏ ⵜⵏⴰⵥⵕⵉⵏ ⴰⴷ ⵉ ⵓⵙⴷⵓⵙ ⵏ ⵜⵡⵉⵣⵉ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ, ⴷ ⵓⵙⴷⵓⵙ ⵏ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⵙ ⵓⵎⵙⴰⵡⴰⵍ.
ⵉⵙⵓⵜⴳ ⵎⴰⵙⵙ ⵎⴰⵔⵜⴰⵏ ⵛⵓⵏⴳⵓⵏⴳ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵜⵓⴳⴳⴰⵙ ⵏ ⵓⵙⵉⵔⴰ ⵉ ⵜⵉⵍⵉⵜ ⵏ ⵓⴼⵔⴰ ⴷ ⵜⵏⴼⵔⵓⵜ ⴳ ⵓⵎⴰⴹⴰⵍ, ⴷ ⵓⵙⴷⵓⵙ ⵏ ⵜⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵢⵉⵙⴽⵉⵍ ⴷ ⵜⴷⵔⴰⵡⵜ ⵏ ⵉⵄⵔⵔⵉⵎⵏ ⴷ ⵓⴼⵔⴰ ⴷ ⵜⵏⴼⵔⵓⵜ ⴷ ⵜⴳⵎⵉ ⵜⴰⵙⵓⵍⴰⵏⵜ ⵉ ⴽⵓ ⵢⴰⵏ.
ⵖⵎⴽ ⵍⵍⵉ ⵉⵙⴰⵡⵍ ⵎⴰⵙⵙ ⴰⵏⴼⵍⵓⵙ ⴼ ⵜⵙⵜⵔⴰⵜⵉⵊⵉⵜ ⵏ ⵜⴰⵎⵓⵏⵜ ⵏ 2022-2026 ⵍⵍⵉ ⵉⵙⵔⵙⵏ ⴳ ⵜⵎⵣⵡⵓⵔⴰ ⵏⵏⵙ ⵉⵙⵏⴼⵍⵏ ⵏ ⵓⵎⵣⵔⵓⵢ ⴷ ⵜⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵢⵉⵙⴽⵉⵍ.
ⵖⵎⴽ ⵍⵍⵉ ⵉⵙⴰⵡⵍ ⴼ ⵜⵉⵍⴰⵍ ⵏ ⵜⴰⵎⵓⵏⵜ ⴳ ⵓⵙⴳⴳⵯⴰⵙ ⵏ 2021, ⵍⵍⵉⵖ ⵔⴰⴷ ⵜⵉⵍⵉ ⵜⵙⵖⵍⴰⴼⵜ ⵍⵍⵉ ⵔⴰⴷ ⵉⵜⵜⵓⵙⵎⵏⵉⴷ ⴼ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ 144 ⵏ ⵜⴰⵎⵓⵏⵜ ⴳ ⵎⴰⵕⵚ ⴷ ⵢⵓⵛⴽⴰⵏ ⴳ ⵉⵏⴷⵓⵏⵉⵙⵢⴰ, ⵉ ⵉⵥⵕⵉ ⵏ ⵜⵎⵢⴰⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵓⴱⵔⵉⴷ ⵏ ⵓⴼⵔⴰ ⴷ ⵜⵏⴼⵔⵓⵜ.
ⴹⴼⵕⵏ ⵉⵎⴷⵔⴰⵡⵏ ⵜⵉⴽⵛⵛⵓⵎⵉⵏ ⵏ ⵉⵎⵙⵜⴳⴳⴰⵔⵏ ⵏ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⴼ ⵓⴼⵔⴰ ⴷ ⵜⵏⴼⵔⵓⵜ ⴷ ⵓⵙⵓⵜⴳ ⵏ ⵜⵓⴳⴳⴰⵙ ⵏ ⵓⵙⵉⵔⴰ ⴰⴳⵔⴰⵖⵍⴰⵏ ⵉ ⵓⴼⵔⴰ, ⵉⵏⵉⵏ ⵎⴰⵙ ⴷ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ ⵔⴰⴷ ⵙⴷⵓⵙⵏ ⴰⵎⵙⴰⵡⴰⵍ ⴷ ⵓⵔⵣⵣⵓ ⵏ ⵉⴼⵙⵙⴰⵢⵏ ⵉ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⴷ ⵓⴼⵙⵙⴰⵢ ⵏ ⵜⵎⴰⵖⵉⵏ ⵍⴽⵎⵏⵉⵏ 56.
ⵉⵍⵍⴰ ⵓⵙⴷⴷⵉⴷ ⵓⵍⴰ ⴼ ⵡⴰⵜⵉⴳ ⵏ ⵉⵎⴰⵙⵙⵏ ⵍⵍⴰⵏⵉⵏ ⴳ ⵢⵉⴳⵔ ⴰⴷⵉⴱⵍⵓⵎⴰⵙⵉ ⴷ ⵓⵙⴷⵔⴰⵡ ⵏ ⵉⵄⵔⵔⵉⵎⵏ.
ⵉⴳⴰ ⵓⵙⵉⵔⴰ ⴰⴳⵔⴰⵖⵍⴰⵏ ⵏ ⵓⴼⵔⴰ ⵜⴰⵎⴰⴷⴷⴰⵙⵜ ⵜⴰⵇⴱⵓⵔⵜ ⵉⵜⵜⵓⵙⴽⴰⵔ ⴳ 1891, ⵜⵉⵡⵉ ⵜⴰⵙⵎⵖⵓⵔⵜ ⵏ ⵏⵓⴱⵍ ⵉ ⵓⴼⵔⴰ ⴳ 1910 ⴼ ⵜⵓⴳⴳⴰⵙ ⵏⵏⵙ ⴳ ⵜⵉⵍⵉⵜ ⵏ ⵓⴼⵔⴰ