ⴰⵙⵉⵡⴹ ⵏ ⵜⵙⵎⵓⵏⵉ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ, 13 ⵉⴱⵔⵉⵔ 2020

ⵉⵙⵏⵎⴰⵍⴰ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵎⵓⵏⵉ ⵏⵏⵙ ⵜⴰⵏⵎⴰⵍⴰⵙⵙⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⵡⴰⵢⵏⴰⵙ 13 ⵉⴱⵔⵉⵔ 2020, ⵜⵥⵍⵉ ⵉ ⵓⵙⵔⵓⵙ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⵙⵇⵇⵉⵎ ⵖ ⵓⵣⵣⵔⴰⴼ ⴷ ⵜⵉⴹⴰⴼ ⵖ  ⵜⵎⵙⵓⵜⵍⵜ ⴰⴷ ⵉⵍⵍⴰⵏ.

ⵖ ⵜⵣⵡⵉⵔⵉ ⵏ ⵜⵙⵎⵓⵏⵉ, ⵉⴱⴷⵔ ⵓⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵓⵙⵉⵔⴰ  ⵜⵉⵍⴰⵡⵜ ⵉⵥⵉⵍⵏ ⵖ ⵜⵣⵔⵉ ⵜⵖⵉⵎⵉⵜ ⵏ ⵓⵏⵏⵓⵕⵥⵎ ⵏ ⵜⵙⵓⵜⵍⵜ ⵜⴰⵣⵣⵔⴰⴼⵜ ⵜⵉⵙ ⵙⵏⴰⵜ ⵙ ⵢⵉⵎⴰⵏ  ⴰⵏⴰⵎⵓⵔ  ⵢⴰⵜⵜⵓⵢⵏ ⵍⵍⵉ ⴳⵉⵙ ⵉⵍⵍⴰⵏ. ⵉⵏⵉⵏ, ⵙ ⴽⵓ ⵉⴷⵖⴰⵔⵏ ⵏⵏⵙⵏ ⵉⵙⵔⵜⴰⵏⵏ, ⴰⵙⵓⵜⴳ  ⵏⵏⵙⵏ ⵉ ⵉⵥⵎⵎⵓⵥⵥⴰⵍ ⵏ ⵓⵎⵓⵔⵙ ⵍⵍⵉ ⵉⵙⴽⴰⵔ ⵍⵎⴰⵖⵔⵉⴱ ⵙ ⵜⵏⴰⵔⴰ ⵏ ⵓⴳⵍⵍⵉⴷ ⴱⴰⴱ ⵏ ⵡⴰⴷⴷⵓⵔ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ, ⵉⵏⵉⵏ ⵓⵍⴰ ⵎⴰⵙ ⵜⵙⵖⴰⵡⵙⴰ ⵜⴼⵔⴽⴰ ⴰⴷ ⵉ ⴽⵉⴳⴰⵏ ⵏ ⵜⵓⴳⴳⴰⵙ ⴷⴰⵔ ⵜⵎⵔⵙⵍⵜ ⵜⴰⵣⵣⵔⴰⴼⵜ ⵙ ⵜⵡⵉⵙⵉ ⵖ  ⵜⵡⵓⵔⵉ ⵜⴰⵏⴰⵎⵓⵔⵜ ⵖ ⵜⵍⵍⴰ ⵜⵡⵉⵣⵉ ⴷ ⵓⵙⵏⴰⵍ ⵏ ⵎⵉⴷⴷⵏ  ⵉⵜⵜⵓⴹⵕⵕⴰⵏ.

ⵖ ⵓⵎⵏⵉⴷ ⵏ ⵓⵣⵣⵔⴰⴼ : ⵉⴱⴷⴷ ⵓⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⴼ ⵓⵙⴰⵜⵉ ⴰⵣⵣⵔⴰⴼ ⵉⵣⴷⵉⵏ ⴷ ⵓⵏⴳⵔⴰⵡ  ⴰⴷⴰⵡⵙⴰⵏ ⵖ ⵜⵎⴰⵣⵉⵔⵜ ⵏⵏⵖ, ⵙⵍⴰⵡⵏ ⴰⴽⴽⵯ ⵎⴰⴷ ⵉⵣⴷⵉⵏ ⴷ ⵓⵙⵍⴳⵏ ⴰⵙⴰⵜⵉ ⴷ ⴽⵓ ⵉⴹⵕⵉⵚⵏ ⵣⴷⵉⵏⵉⵏ ⴷ ⵜⵎⵙⴽⵔⵜ  ⴷ ⵓⵙⴼⵍⵙ ⴰⴷⴰⵡⵙⴰⵏ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⴷ ⵉⵏⴳⵎⴰⵎⵏ ⵉⵣⵣⵓⵍⴰⵏⵏ.

ⴷⴼⴼⵉⵔ ⵏ ⵓⵎⴹⴰⴽⴰⵕ, ⵙⴷⴷⵉⴷⵏ ⵉⴷ ⵎⴰⵙⵙ ⴷ ⵉⴷ ⵎⴰⵙⵙⴰ ⵉⴳⵎⴰⵎⵏ ⵏ ⵓⵙⵉⵔⴰ ⴼ ⵡⴰⵜⵉⴳ ⵏ ⵡⴰⵢⴷⴰ ⴰⵣⵣⵔⴰⴼ ⵍⵍⵉ ⵉⵟⵟⴰⴼ ⵍⵎⴰⵖⵔⵉⴱ, ⵉⵏⵉⵏ ⵎⴰⵙ ⵓⵊⴰⴷⵏ ⴽⵓ ⵉⴼⵔⴷⴰⵙ ⵏ ⵓⵙⵇⵇⵉⵎ ⵉ ⵓⵏⵢⴰⵍⴽⴰⵎ ⴼ ⵓⵙⴽⴰⵔ ⵏ ⴽⵓ ⵜⵉⵙⵏⵜⴰⵢⵉⵏ ⴷ ⴽⵓ ⵎⴰⵙ ⵉⵙⵖⴰⵡⵙ ⵢⵉⴳⵔ ⴰⴷⴰⵡⵙⴰⵏ ⵖ ⵉⵙⵍⴳⵏⵏ, ⵃⵎⴰ ⴰⴷ ⵢⵉⵍⵉ  ⵓⵎⵛⴰⵛⴽⴰ ⵏ ⵓⵣⵣⵔⴰⴼ ⴰⵎⵖⵔⵉⴱⵉ ⴷ  ⴰⵢⵍⵍⵉ ⵙ ⵉⵙⵖⴰⵡⵙⴰ  ⵉⴳⵔ ⴰⴷ  ⵓⴷⴷⵉⵔ ⵖ ⵜⵎⴰⵣⵉⵔⵜ ⵏⵏⵖ, ⵍⵍⵉⵖ ⴼⵍⵍⴰⵙ ⵉⵍⵍⴰ ⵓⵎⴽⵕⴰⴹ ⵉⵟⵟⴼ ⵓⵍⴰ ⴰⵜⵉⴳ ⵉⵙⵜⴰⵡⵀⵎⵎⴰⵏ.

ⵃⵎⴰ ⴰⴷ ⵉⵜⵜⵓⵙⴽⵉⵔ ⵎⴰⵢⴰ ⴷ, ⵉⵖⵔⴰ ⵓⵙⵉⵔⴰ ⵏ ⵓⵙⵇⵇⵉⵎ ⴰⴷ ⵢⵉⵍⵉ ⵢⴰⵏ ⵓⵙⵡⵉⵏⴳⵎ ⴰⵎⴳⵔⵓ ⵉⵥⵕⵕⴰⵏ ⵉⵎⴰⵍ ⴷ ⵜⵏⴱⴰⴹⵜ ⴷ ⴽⵓ ⵉⵏⴳⵎⴰⵎⵏ ⵏ ⵓⵙⵇⵇⵉⵎ ⴷ ⵉⵎⴳⴳⴰⵢⵏ ⴰⴼⴰⴷ ⴰⴷ ⵉⵍⵉⵏ ⵓⵙⵙⴰⵏ ⵏ ⵜⵖⵓⵔⵉ ⴷ ⵓⵎⵙⴰⵡⴰⴹ, ⵖⵎⴽ ⵍⵍⵉ ⵉⴼⴼⵖ ⵓⵙⵉⵔⴰ ⵏ ⵓⵙⵇⵇⵉⵎ ⴰⴷ ⵜⵜⵓⵙⴽⵉⵔ ⵢⴰⵜ ⵜⵙⵇⵇⵉⵎⵜ ⵉⵥⵍⵉⵏ  ⵉ ⵓⵙⵎⵓⵜⵜⴳ ⵏ ⵜⵙⴰⵡⵓⵔⵜ ⴰⴷ ⵉⵙⵜⴰⵡⵀⵎⵎⴰⵏ.

ⵖ ⵜⵙⴳⴰ ⵏ ⵓⵙⵖⵔⵜ  ⵏ ⵓⵏⴳⵔⴰⵡ ⴰⵣⵔⴼⴰⵏ ⵍⵍⵉ ⵉⵙⴳⴰⴷⴷⴰⵏ ⵜⴰⵡⵓⵔⵉ ⵏ ⵓⵙⵇⵇⵉⵎ, ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴷ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵎⴰⵎⵏ ⵏ ⵓⵙⵉⵔⴰ ⴼ ⵡⴰⵜⵉⴳ ⵉⵍⵍⴰⵏ ⴷⴰⵔ ⵓⵙⵍⴳⵏ ⴰⴳⵯⵏⵙⴰⵏ ⴷ ⵓⵙⵏⴼⵍ  ⵏ ⵜⵓⵎⴰⵢⵉⵏ ⵏⵏⵙ ⵃⵎⴰ ⴰⴷ ⴳⵉⵙ ⵉⵍⵉⵏⵜ ⵜⵓⵎⴰⵢⵉⵏ ⵢⴰⴹⵏⵉⵏ ⵙ ⴰⵢⵍⵍⵉ ⴷ ⵉⵡⵉⵏ ⵜⵖⴰⵡⵙⵉⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵉⵙⵍⴳⵏⵏ ⴷ ⵜⵉⵏ ⵜⴱⵔⵉⴷⵉⵏ ⵏ ⵡⴰⴷⴷⴰⴷ ⴰⴷ ⵉⵥⵍⵉⵏ, ⴷ ⵉⴷⵔⵉⵣⵏ ⵏⵏⵙ ⴼ ⵓⵙⵇⵇⵉⵎ. ⵖⵎⴽ ⴰⵏⵏ ⴰⴼ ⵔⴰⴷ ⵜⵜⵓⵙⴽⵉⵔ ⵢⴰⵜ ⵜⵙⵇⵇⵉⵎⵜ ⵉⵥⵍⵉⵏ ⵙ ⵉⵎⵔⵙⵉ ⴰⴷ.

ⵖ ⵓⵎⵏⵉⴷ ⵏ ⵓⵣⵣⵔⴰⵢ ⵏ ⵉⴹⵕⵉⵚⵏ  ⵍⵍⵉ ⴷ ⵉⵍⴽⵎⵏ ⴰⵙⵇⵇⵉⵎ: ⵉⵥⵕⴰ ⵓⵙⵉⵔⴰ ⵢⴰⵣⵏ ⵉ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⵙⵉⵏ ⵉⵙⵏⴼⴰⵔⵏ ⵏ ⵉⵙⵍⴳⵏⵏ, ⴰⵎⵣⵡⴰⵔⵓ ⵉⴳⴰ ⵡⵉⵏ ⵓⵙⴱⴷⴷⵉ ⵏ ⵉⵔⵉⴷ ⵏ ⵉⴷⵔⵉⵎⵏ, ⵡⵉⵙ ⵙⵉⵏ ⵉⴳⴰ ⵡⵉⵏ ⵜⵏⴱⴹⴰⵢⵜ ⴷ ⵜⵎⴰⵣⵣⴰⵍⵜ ⵜⴰⵎⵛⴰⵛⴽⴰⵏⵜ, ⵢⴰⵣⵏ ⵓⵍⴰ ⵉ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵙⴰⵢⴼⵓⵜⵏ ⵢⴰⵏ ⵓⵙⵏⴼⴰⵔ ⵏ ⵓⵙⵍⴳⵏ ⵉⵣⴷⵉⵏ ⴷ ⵜⵎⵜⵜⴰⵡⵉⵏ ⵜⵉⴱⵍⵓⵍⵍⵓⵙⵉⵏ ⴷ ⵉⵎⵙⵏⴰⵍⵏ ⵏ ⵉⵎⵖⴰⵢⵏ.

ⵖ ⵓⵎⵏⵉⴷ ⵏ ⵜⵙⵏⵜⴰⵢⵜ ⵜⴰⴱⵕⵍⴰⵎⴰⵏⵉⵜ : ⵉⵣⵎⵎⵉⵎ ⵓⵙⵉⵔⴰ ⵏ ⵓⵙⵇⵇⵉⵎ ⴰⵜⵉⴳ ⵏ ⵜⵙⵓⵎⴰⵔ ⵍⵍⵉ ⵜⵉ ⴷ ⵉⵍⴽⵎⵏ ⵖ ⵢⵢⵉⵔⵏ ⵏ ⵎⴰⵕⵚ ⴷ ⵉⴱⵔⵉⵔ, ⴳⴰⵏⵜ ⵢⴰⵜ ⴷ ⵎⵔⴰⵡⵜ ⵏ ⵜⵙⵓⵎⵔⵜ ⵉⵣⴷⵉⵏ ⴷ ⵡⴰⵎⵓⵏ ⴷ ⵜⴷⵎⵙⴰ ⴷ ⵓⵥⵕⴼ ⴷ ⵓⵡⵏⴰⴹ.

ⵖⵎⴽ ⵍⵍⵉ ⵢⵓⵣⵏ ⵓⵙⵉⵔⴰ ⵉ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷⵉⵣⵔⴼⴰⵏ ⵏ ⵓⴼⴳⴰⵏ ⵙⵏⴰⵜ ⵜⵙⵓⵎⴰⵔ ⵏ ⵉⵙⵍⴳⵏⵏ, ⵜⴰⵎⵣⵡⴰⵔⵓⵜ ⵜⴳⴰ ⴰⵙⵏⴼⵍ ⵏ ⵓⵎⴰⴳⵔⴰⴷ ⵡⵉⵙ ⵜⴰⵎ ⵏ ⵓⵙⵍⴳⵏ ⵓⵟⵟⵓⵏ 49.16 ⵉⵣⴷⵉⵏ ⵙ ⵓⵖⴰⴼⵉⵔ ⵏ ⵜⴼⵔⴽⴰ ⴷ ⵉⴷⵖⴰⵔⵏ ⵥⵍⵉⵏⵉⵏ ⵉ ⵓⵙⵎⵔⵙ ⴰⵏⵙⴱⴰⴱ ⵏⵖ ⴰⵎⴳⵓⵔⴰⵏ ⵏⵖ ⴰⵣⵣⵓⵍⴰⵏ, ⵜⵉⵙ ⵙⵏⴰⵜ ⵜⴳⴰ ⵜⵉⵏ ⵓⵙⵏⴼⵍ ⵏ ⵓⵙⵍⴳⵏ ⵓⵟⵟⵓⵏ 67.12 ⵉⵣⴷⵉⵏ ⴷ ⵓⵙⵏⵎⴰⵍⴰ ⵏ ⵜⵣⴷⴰⵢⵉⵏ ⵏ ⵜⵎⵖⵓⵏⵜ ⵏⴳⵔ ⴱⴰⴱ ⵏ ⵜⴼⵔⴽⴰ ⴷ ⵓⴽⵔⵔⴰⵢ ⵏ ⵉⴷⵖⴰⵔⵏ ⵥⵍⵉⵏⵉ ⵉ ⵜⵣⴷⵓⵖⵜ ⵏⵖ ⴰⵙⵎⵔⵙ ⴰⵣⵣⵓⵍⴰⵏ.

ⵖ ⵎⴰⴷ ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵜⵡⵓⵔⵉ ⵜⴰⵣⵣⵔⴰⴼⵜ, ⵖ ⵓⵎⵏⴰⴹ ⵏ ⵜⵎⵙⴽⴰⵔ ⵏ ⵡⴰⵔⴰⵢ ⵉⵍⵍⴰⵏ, ⵉⵙⴷⴷⵉⴷ ⵓⵙⵉⵔⴰ ⵏ ⵓⵙⵇⵇⵉⵎ ⴼ ⵓⵙⴽⴰⵔ ⴷ ⵢⵓⵙⴰⵏ ⵏ ⵉⴱⴹⵉⵢⵏ ⵏ ⵓⴷⵓⵙⵜⵓⵔ ⵖ ⵓⵙⵖⵣⵏ ⵏ ⵉⴹⵕⵉⵚⵏ ⵉⵣⵣⵔⴰⴼⵏ ⵉⵍⵍⴰⵏ ⵉ ⵓⵎⴹⴰⴽⴰⵕ ⴷ  ⵓⵙⵜⴰⵢ.

ⵖⵎⴽ ⵍⵍⵉ ⵉⵏⵏⴰ ⵓⵙⵉⵔⴰ ⵎⴰⵙ ⵓⵊⴰⴷⵏ ⴽⵓ ⵉⴼⵔⴷⴰⵙ ⵏ ⵓⵙⵇⵇⵉⵎ ⵉ ⵓⵙⵖⵣⵏ ⴷ ⵓⵙⵖⵏⵓ ⵏ ⵉⴹⵕⵉⵚⵏ ⵉⵣⵣⵔⴰⴼⵏ ⵣⴷⵉⵏⵉⵏ ⴷ ⵓⵎⵏⴰⴹ ⵏ ⵜⴼⵔⴽⴰ ⴰⴷ ⵖ ⵉⵙⵡⵉⵔⵏ ⵏ ⵡⴰⵎⵓⵏ ⴷ ⵜⴷⵎⵙⴰ ⴷ ⵜⵏⴼⵔⵓⵜ.

ⵖ ⵓⵎⵏⵉⴷ ⵏ ⵜⵉⴹⴰⴼ ⵏ ⵜⵡⵓⵔⵉ ⵏ ⵜⵏⴱⴰⴹⵜ : ⵉⵙⵔⵙ ⵓⵙⵉⵔⴰ ⵏ ⵓⵙⵇⵇⵉⵎ, ⵙ ⵓⵎⵛⴰⵛⴽⴰ ⴷ ⵜⵏⴱⴰⴹⵜ, ⵢⴰⵏ ⵓⵙⵖⵉⵡⵙ ⵏ ⵉⴳⵔⴰⵏ ⵉⵎⴰⵡⵙⴰⵙⵏ ⵖ ⵜⵖⵉⵎⵉⵜⵉⵏ ⵜⵉⵏⵎⴰⵍⴰⵙⵙⵉⵏ, ⴳⵉⵏ  ⵉⴳⵔⴰⵏ ⵏ : ⵜⴰⴷⵓⵙⵉ, ⴰⵙⵡⵓⵔⵉ ⴷ ⵓⵙⵉⴷⴼ ⴰⵣⵣⵓⵍⴰⵏ, ⵜⴰⴷⵎⵙⴰ ⴷ  ⵓⵥⵕⴼ  ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ, ⵜⴰⵎⴳⵓⵔⵉ ⴷ ⵓⵙⵖⵏⵣⵉ ⴷ ⵜⴷⵎⵙⴰ ⵜⴰⵣⴳⵣⴰⵡⵜ, ⴰⵙⴳⵎⵉ ⴰⵏⴰⵎⵓⵔ ⴷ ⵓⵙⵉⵍⵖ ⴰⵣⵣⵓⵍⴰⵏ ⴷ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵜⴰⴳⵯⵏⵙⴰⵏⵜ, ⵜⴰⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ.

ⵖ ⵎⴰⴷ ⵉⵥⵍⵉⵏ ⵙ ⵜⵡⵓⵔⵉ ⵏ ⵜⵙⵇⵇⵉⵎⵉⵏ, ⵉⵙⵓⵜⴳ ⵓⵙⵉⵔⴰ ⵏ ⵓⵙⵇⵇⵉⵎ ⴰⴷⴷⴰⴷⵏ ⵏ ⴽⵓ ⵉⴼⵔⴷⴰⵙ ⵏ ⵓⵙⵇⵇⵉⵎ ⵖ ⵓⵙⵖⵣⵏ ⵏ ⵉⵎⵕⵚⵓⵎⵏ ⵉⴳⴰⵏ ⵉⵙⵍⴳⵏⵏ ⵉⵣⴷⵉⵏ ⴷ ⵜⴼⵔⴽⴰ  ⴰⴷ, ⴷ ⵜⵎⵔⴰⵔⵓⵜ  ⵏⵏⵙⵏ ⵉⵍⵍⴰⵏ ⴷ ⵓⵍⴳⴳⵓⴷ ⵃⵎⴰ ⴰⴷ ⵢⵉⵍⵉ ⵎⴰⵙ ⵉⵙⵖⴰⵡⵙⴰ ⵓⵣⵣⵔⴰⴼ ⵖ ⵓⵣⵎⵣ ⴰⴷ. ⵖⵎⴽ ⵍⵍⵉ  ⵉⵙⴷⴷⵉⴷ ⵓⵙⵉⵔⴰ ⵏ ⵓⵙⵇⵇⵉⵎ ⴼ ⵡⴰⵜⵉⴳ ⵉⵍⵍⴰⵏ ⴷⴰⵔ ⵜⵓⵜⵔⵉⵡⵉⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ  ⵃⵎⴰ ⴰⴷ ⵉⵍⵉⵏⵜ ⵜⵙⵎⵓⵏⴰⵢ ⵉⵥⵍⵉⵏ ⵉ ⵓⵙⵓⵔⵙ ⴰⴷ, ⵉⵖⵔ ⵉ ⵜⵏⴱⴰⴹⵜ ⴰⴼⴰⴷ ⴰⴷ ⵢⵉⵍⵉ ⵓⵏⵢⴰⵍⴽⴰⵎ  ⴰⴷⵖⵢⴰⵏ ⴰⴷ ⵜⵜⵓⵙⴽⵉⵔⵏⵜ.

ⵖ ⵜⵡⵓⵔⵉ ⵏ ⵜⵉⴹⴰⴼ, ⵉⵙⴷⴷⵉⴷ ⵓⵙⵉⵔⴰ ⵏ ⵓⵙⵇⵇⵉⵎ ⵜⵉⴽⴽⵍⵉⵜ ⵢⴰⴹⵏⵉⵏ ⴼ ⵡⴰⵜⵉⴳ ⵏ ⵉⵙⵇⵙⵉⵜⵏ  ⵉⵎⵉⵔⴰⵢⵏ ⵍⵍⵉ ⴰⴽⴽⴰⵏ ⵉⴳⵎⴰⵎⵏ ⵏ ⵓⵙⵇⵇⵉⵎ, ⵉⵖⵔ ⵉ ⵜⵏⴱⴰⴹⵜ ⵉ ⵓⵏⵢⴰⵍⴽⴰⵎ ⴷⵉⴷⵙⵏ ⵖ ⵎⴰ ⵏⵏ ⵓⵔ ⵢⴰⴳⴳⵓⴳⵏ.