ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵜⴰⴷⵔⴰⵡⵜ ⵏ ⵎⴰⵙⵙ ⵟⴰⵕⵉⵇ ⵇⴰⴷⵉⵔⵉ, ⴰⴳⵎⴰⵎ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵓⵜⵍⵜ ⵜⵉⵙ 13 ⵏ ⵜⵙⵏⵓⵔⴰⵢⵜ ⵜⴰⴳⵔⴰⵖⵍⴰⵏⵜ ⵏ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ
ⵉⴷⵔⵓ ⵓⴽⴰⵏ ⵙⵓⵍ ⵎⴰⵙⵙ ⵟⴰⵕⵉⵇ ⵇⴰⴷⵉⵔⵉ, ⴰⴳⵎⴰⵎ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵓⵜⵍⵜ ⵜⵉⵙ 13 ⵏ ⵜⵙⵏⵓⵔⴰⵢⵜ ⵜⴰⴳⵔⴰⵖⵍⴰⵏⵜ ⵏ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴳ ⴰⴱⵓ ⴹⴰⴱⵉ, ⴷⴷⵓ ⵜⵎⴰⵜⴰⵔⵜ: ⵉⵙⵎⵓⵜⵜⵓⵢⵏ ⵏ ⵜⵥⴹⴰⵕⵜ ⵅⴼ ⵓⵎⴰⴹⴰⵍ-ⴰⵙⵓⵜⴳ ⴰⴳⵔⴰⵖⵍⴰⵏ, ⵍⵍⵉⵖ ⴷⵔⵓⵏ ⵉⵎⴰⵡⵙⴰⵙⵏ ⴷ ⵉⵡⵔⵉⴽⵏ ⵉⵅⴰⵜⴰⵔⵏ ⴰⵎ ⵊⵓⵏ ⴽⵉⵕⵉ ⴰⵎⴰⵡⵙⴰⵙ ⵉⵣⵔⵉⵏ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵎⴰⵔⵉⴽⴰⵏ, ⴷ ⵉⴳⵏⵙⴰⵙⵏ ⵏ ⵢⵉⴳⵔ ⵓⵙⵍⵉⴳ ⴷ ⵡⴰⵎⵓⵏ ⴰⵖⵔⵎⴰⵏ ⴼ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵉⵏⵎⵖⵓⵔⵏ ⴳ ⵢⵉⴳⵔ ⵏ ⵜⵥⴹⴰⵕⵜ.
ⵉⵙⴰⵡⵍ ⵎⴰⵙⵙ ⵇⴰⴷⵉⵔ ⴼ ⵜⵉⵔⵎⵉⵜ ⵏ ⵏ ⵍⵎⵖⵔⵉⴱ ⴳ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵏ ⵜⴳⵍⴷⵉⵜ ⴳ ⵢⵉⴳⵔ ⴰⴷ ⵉ ⵜⵉⵍⵉⵜ ⵏ ⵓⵙⵎⴰⵜⵜⵉ ⴰⵥⴹⴰⵕⴰⵏ ⵉⴱⴷⴷⵏ ⴼ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⵖⵓⵙⵏⵉⵏ.
ⵖⵎⴽ ⵍⵍⵉ ⵉⵙⴰⵡⵍ ⴼ ⵓⵙⵓⵔⵙ ⵏ ⵜⵥⴹⴰⵕⵜ ⵏ ⵜⴰⴼⵓⴽⵜ ⵜⴰⵅⴰⵜⴰⵔⵜ ⵍⵍⵉ ⵉⵙⴽⵔ ⵍⵎⵖⵔⵉⴱ ⴷⴰⵜ ⵏ ⵉⵙⵏⴼⴰⵔⵏ ⵏ ⵜⵥⴹⴰⵕⵜ ⵏ ⵡⴰⴹⵓ ⵍⵍⵉ ⵉⵜⵔⴰⵔⵏ ⵉ ⵜⵓⵜⵔⴰ ⵜⴰⴳⵯⵏⵙⴰⵏⵜ, ⴷ ⵎⴰⵙ ⵜⵙⴽⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵖⴰⵡⴰⵙ ⵏ ⵓⴼⴰⵔⵙ ⵏ ⵀⵉⴷⵔⵓⵊⵉⵏ ⴰⵣⴳⵣⴰⵡ ⵉⴳ ⵙⴳ ⵜⵉⵎⵉⵣⴰⵔ ⵜⵉⵎⵣⵡⵓⵔⴰ ⴳ ⵓⵎⵏⵉⴷ ⴰⴷ.
ⵢⵉⵏⵉ ⵎⴰⵙⵙ ⵇⴰⴷⵉⵔⵉ ⵎⴰⵙ ⵉⴱⴷⴷ ⵓⵙⵎⴰⵇⵇⵍ ⴰⵎⴰⵢⵏⵓ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵎⵏⵉⴷ ⴰⴷ ⴼ ⵜⵎⵙⴽⴰⵔ ⵜⵉⵣⵣⵔⴰⴼⵉⵏ ⴷ ⵜⵎⴰⴷⴷⴰⵙⵉⵏ ⴷ ⵜⵉⵏ ⵓⵔⴳⴰⵢ ⵉ ⵓⵙⵖⵓⴷⵓ ⵏ ⵜⵉⵕⵡⵉ ⵜⴰⵥⴹⴰⵕⴰⵏⵜ ⴳ ⵜⵎⴳⵓⵔⵉ ⴷ ⵜⴼⵍⵍⴰⵃⵜ ⴷ ⵓⵚⴽⵓ ⴷ ⵡⴰⵙⵙⴰⵢ ⴷ ⵜⵉⴼⴰⵡⵜ ⵜⴰⴳⴷⵓⴷⴰⵏⵜ, ⵖⵎⴽ ⴰⵏⵏ ⵓⵍⴰ ⵜⵉⵍⴰⵍ ⵏ ⵓⵙⴼⵔⴽ ⴷ ⵓⵚⴽⵓ ⵏ ⵜⵙⵓⴳⴰⵔ, ⵉⴳ ⵍⵎⵖⵔⵉⴱ ⵙⴳ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ ⴷ ⵜⵉⵏ ⵡⴰⵄⵕⴰⴱⵏ ⵜⵉⵎⵣⵡⵓⵔⴰ ⵟⵟⴰⴼⵏⵉⵏ ⴰⵖⴰⵡⴰⵙ ⵏ ⵓⴼⴰⵔⵙ ⵏ ⵓⵀⵉⴷⵔⵓⵊⵉⵏ ⴰⵣⴳⵣⴰⵡ.
ⵉⵎⴹⴰⴽⴰⵕⴰ ⵎⴰⵙⵙ ⵟⴰⵕⵉⵇ ⵇⴰⴷⵉⵔⵉ ⴷ ⵎⴰⵙⵙ ⵎⵓⵃⴰⵎⵎⴰⴷ ⴱⵏ ⵄⵉⵙⴰ ⵄⴰⴱⵉⴷ ⵍⴽⵛⴼ ⴰⵍ ⵄⴰⵍⵉ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵥⴹⴰⵕⵜ ⴳ ⵓⵙⵇⵇⵉⵎ ⴰⵏⴰⵎⵓⵔ ⵉⵎⵓⵏⵏ, ⵉⵙⵓⵜⴳ ⵜⵉⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵙⵉⵏⵔⴰⵏⵉⵏ ⵊⴰⵔ ⵙⵉⵏ ⵉⵙⵇⵇⵉⵎⵏ, ⵍⵍⵉ ⴳⴰⵏⵉⵏ ⵜⴰⵢⵢⴰⴼⵓⵜ ⵏ ⵜⵣⴷⴰⵢⵉⵜ ⵉⵥⵉⵍⵏ ⵊⴰⵔ ⵍⵉⵎⴰⵕⴰⵜ ⴷ ⵍⵎⵖⵔⵉⴱ.
ⵉⵙⵓⵜⴳ ⵎⴰⵙⵙ ⵇⴰⴷⵉⵔⵉ ⵜⵉⵣⵡⵉⵔⵉ ⵏ ⵍⵎⵖⵔⵉⴱ ⴷ ⵍⵉⵎⴰⵕⴰⵜ ⴳ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉ, ⵢⵉⵏⵉ ⵎⴰⵙ ⵜⴳⴰ ⵍⵉⵎⴰⵕⴰⵜ ⵙⴳ ⵜⵉⵎⵉⵣⴰⵔ ⵜⵉⴱⵖⵓⵔⵉⵏ ⵙ ⵜⵥⴹⴰⵕⵜ ⵜⴰⵇⴱⵓⵔⵜ ⴰⵎ ⵍⴱⵉⵜⵔⵓⵍ ⴷ ⵍⴳⴰⵣ, ⴷ ⵓⵙⵎⵖⵔ ⵏ ⵓⴼⴳⴰⵏ ⵙ ⵓⵏⴳⵔⴰⵡ ⵏ ⵓⵙⵙⵍⵎⴷ ⴷ ⵓⵙⵙⴰⵔⵓ ⴳ ⵜⵓⵙⵙⵏⴰ ⴷ ⵜⵥⴹⴰⵕⵉⵏ ⵖⵓⵙⵏⵉⵏ.
ⵢⵉⵏⵉ ⵎⴰⵙⵙ ⵇⴰⴷⵉⵔⵉ ⵎⴰ ⵢⵓⵀⴰⴷ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⵙⴷⵓⵙ ⵏ ⵓⵣⴷⴰⵢ ⵊⴰⵔ ⵜⵉⵙⵇⵇⵉⵎⵉⵏ ⵏ ⵜⵥⴹⴰⵕⵜ ⴳ ⵙⵉⵏ ⵉⵙⵇⵇⵉⵎⵏ ⴳ ⵙⵏⴰⵜ ⵜⵎⵉⵣⴰⵔ ⵜⴰⵢⵜⵎⴰⵜⵉⵏ, ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⵜⵉⵣⵣⵔⴰⴼⵉⵏ ⴷ ⵜⵎⵙⴽⴰⵔ ⵥⵉⵍⵏⵉⵏ.