ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵜⴰⵙⵎⵓⵏⵉ ⵏ ⵜⵙⵇⵇⵉⵎⵜ ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 1 ⵎⴰⵕⵚ 2022
ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵓⵏⴳⵔⴰⵡ ⴰⴳⵯⵏⵙⴰⵏ, ⴰⵙⵉⵏⴰⵙ 1 ⵎⴰⵕⵚ 2022, ⵜⴰⵙⵎⵓⵏⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵙ ⵜⵉⵍⵉⵜ ⵏ ⵉⴳⵎⴰⵎⵏ ⵏ ⵓⵙⵉⵔⴰ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵔⵜⴳⵔⵓⵎⵎⴰ ⴷ ⵉⵏⵙⵙⵉⵅⴼⵏ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵍⵏ.
ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵡⴰⵏⴰⵡ ⵉⵥⵍⵉⵏ ⵏ ⵜⵙⵎⵓⵏⵉ ⵍⵍⵉⵖ ⵜⴳⴰ ⵜⴳⴰ ⵜⵙⵇⵇⵉⵎⵜ ⴰⵏⴳⵎⴰⵎ ⵉⵥⵕⵕⴰⵏ ⵉⵙⵏⴼⵍⵏ ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⴷ ⵓⵙⵖⵣⵏ ⵏⵏⵙⵏⵜ ⵙ ⵜⴱⵔⵉⴷⵉⵏ ⴷ ⵓⵙⴰⵏⵉⵏ.
ⵜⴳⴰ ⵜⴰⵙⵎⵓⵏⵉ ⴰⴷ ⵜⴰⵎⵍⴷ ⵏ ⵓⵙⵙⴽⵯⵜⵉ ⵏ ⵉⵎⵓⴽⵏⵏ ⵍⵍⵉ ⵔⴰⴷ ⵢⵉⵍⵉ ⴷ ⵓⵛⵛⵉⵍ ⵏ ⵓⵎⵙⴰⵙⴰ ⴼⵍⵍⴰⵙⵏ ⵍⵍⵉⵖ ⵔⴰⴷ ⵙⴳⵉⴷⴷⵉⵏ ⵜⴰⵡⵡⵓⵔⵉ ⵏ ⵓⵙⵇⵇⵉⵎ ⵙⴽⵔⵏ ⵉⵡⵜⵜⴰⵙⵏ ⵜⵙⵉⴳⴳⵉⵍ ⵜⵓⴳⵜ ⵓⵍⴰ ⵜⵓⵣⵍⵜ.
ⵃⵎⴰ ⴰⴷ ⵜⵉⵍⵉ ⵜⵉⵕⵡⵉ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵙ ⵓⵎⵙⴰⵙⴰ ⴷ ⵉⴱⴹⵉⵢⵏ ⵏ ⵓⵎⵏⵏⵉ 69 ⵏ ⵓⴷⵓⵙⵜⵓⵔ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⴼ ⵡⴰⵜⵉⴳ ⵏ ⵓⵣⴷⴷⵓⵢ ⴷ ⵓⵎⵙⴰⴷ ⴰⴽⴷ ⴰⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴼ ⵉⵙⵏⴼⵍⵏ ⵍⵍⵉ ⵔⴰⴷ ⵢⵉⵍⵉ ⵓⵔⵜⴰ ⵉⵍⵍⵉ ⵓⵚⵕⵓⴼ ⵏⵏⵙⵏ ⵙ ⵜⵖⵉⵎⵉⵜ ⵜⴰⵎⴰⵜⴰⵢⵜ ⴷ ⵜⵙⵏⴱⴹⴰⵢⵜ ⵜⴰⴷⵙⵜⴰⵔⵜ ⵙ ⵓⵎⵙⴰⵙⴰ ⴷ ⵓⴷⵓⵙⵜⵓⵔ.