ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴰⵎⵛⵛⵉⵡⵕ ⵉⵜⵜⵓⵙⵎⴰⴳⴰⵍⵏ ⵙ ⵜⵖⴰⵡⵙⵉⵡⵉⵏ ⵜⵉⵙⵔⵜⴰⵏⵉⵏ ⴳ ⵜⵎⵙⵇⵇⴰⴷⵜ ⵏ ⵎⴰⵔⵉⴽⴰⵏ
ⵜⵙⵏⵓⴱⴳ ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵜⵓⵙⵍⵉⵎⵉⵏ ⴷ ⵜⵖⴰⵡⵙⵉⵡⵉⵏ ⵏ ⵓⵣⵡⴰⴳ ⴷ ⵉⵎⵖⵔⵉⴱⵉⵏ ⵏ ⴱⵕⵕⴰ, ⴰⴽⵡⴰⵙ 19 ⴷⵓⵊⴰⵏⴱⵉⵔ 2024 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⵎⴰⵙⵙ Jonathan ACKLEY ⴰⵎⵛⵛⵉⵡⵕ ⵉⵜⵜⵓⵙⵎⴰⴳⴰⵍⵏ ⵙ ⵜⵖⴰⵡⵙⵉⵡⵉⵏ ⵜⵉⵙⵔⵜⴰⵏⵉⵏ ⴳ ⵜⵎⵙⵇⵇⴰⴷⵜ ⵏ ⵎⴰⵔⵉⴽⴰⵏ ⴳ ⵕⵕⴱⴰⵟ.
ⵉⵍⵍⴰ ⵓⵎⴹⴰⴽⴰⵕ ⴼ ⵜⵓⴳⴳⴰⵙ ⵏ ⵍⵎⵖⵔⵉⴱ ⴳ ⵜⵎⵢⵉⴷⵉⵔⵜ ⴷ ⵓⵎⵙⴰⵡⴰⵍ ⵊⴰⵔ ⵉⵙⴳⴷⴰⵏ, ⵜⵙⴷⴷⵉⴷ ⵎⴰⵙⵙⴰ ⴱⵏⵄⵣⵉⵣ ⵜⵉⵍⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵙⵙⵕⵚⵓ ⵏ ⵡⴰⵜⵉⴳⵏ ⵏ ⵜⵎⵢⵉⴷⵉⵔⵜ ⵊⴰⵔ ⵉⵙⴳⴷⴰⵏ ⴷ ⵜⵖⵔⵎⵉⵡⵉⵏ ⴷ ⵓⵎⵙⵓⵔⵓⴼ, ⴷ ⵜⵡⵓⵔⵉ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵓⵙⵡⵓⴷⴷⵓ ⴰⵙⴳⴷⴰⵏ ⴷ ⵓⵙⴱⴷⴷⵉ ⵏ ⵜⵟⵟⵓⵕⴼⴰ ⴷ ⵓⴱⵔⵙⵙⵉⵡⴷ.
ⵉⵙⵓⵜⴳ ⵎⴰⵙⵙ Jonathan ACKLEY ⵜⵉⵎⵙⴽⴰⵔ ⵏ ⵜⵎⴰⵣⵉⵔⵜ ⵏⵏⵖ ⴳ ⵜⵎⵢⵉⴷⵉⵔⵜ ⵊⴰⵔ ⵉⵙⴳⴷⴰⵏ ⴳ ⵉⵙⵡⵉⵔⵏ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ, ⵖⵎⴽ ⴰⵏⵏ ⴷ ⵉⵙⵏⴼⴰⵔⵏ ⵓⵏⴳⵉⵎⵏ ⵏ ⵜⵎⴰⵣⵉⵔⵜⵏⵏⵏⵖ, ⵉⵙⴷⴷⵉⴷ ⵜⵉⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⴷ ⵜⴳⵯⵎⴰⵜ ⵊⴰⵔ ⵍⵎⵖⵔⵉⴱ ⴷ ⵎⴰⵔⵉⴽⴰⵏ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ, ⵉⵙⵓⵜⴳ ⵜⵉⵍⴰⵍⵜ ⵏ ⵍⵎⵖⵔⵉⴱ ⴳ ⵓⵙⵡⵉⵔ ⴰⴼⵔⵉⵇⵉ.
