ⴰⵙⵎⴰⴷ ⵏ ⵓⴳⵔⴰⵡ ⵏ ⵉⵎⴰⵍ ⵅⴼ ⵜⵏⴰⵥⴰⵕⵉⵏ ⴷⴰⵜ ⵏ ⵓⴼⴳⴰⵏ

ⵉⵜⵜⵓⵙⵎⴰⴷ ⵓⴳⵔⴰⵡ ⵏ ⵉⵎⴰⵍ, ⴰⴽⵕⴰⵙ 18 ⴷⵓⵊⴰⵏⴱⵉⵔ 2024, ⵍⵍⵉ ⵉⵙⵏⵎⴰⵍⴰ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵙ ⵙⵉⵏ ⵉⵙⵇⵇⵉⵎⵏ ⵏⵏⵙ, ⴰⵙⵇⵇⵉⵎ ⵏ ⵉⵎⵓⵔⴰ ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵙ ⵓⵎⵢⴰⵡⴰⵙ ⴷ ⵜⵎⵔⵙⵍⵜ ⵏ “ⵉⵏⵎⵓⵇⵇⴰⵕⵏ ⵏ ⵉⵎⴰⵍ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵏ ⵛⵛⵉⵍⵉ ⵓⵙⵙⴰⵏ ⵏ 17 ⴷ 18 ⴷⵓⵊⴰⵏⴱⵉⵔ ⴳ ⵓⵙⵖⵉⵎ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵕⵕⴱⴰⵟ. 

ⵉⴼⴼⵓⵖ ⴷ ⵓⵙⵉⵡⴹ ⵏ ⵕⵕⴱⴰⵟ  ⵉ “ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⵉ ⵉⵎⴰⵍ”, ⵖ ⵙⵏⵉⵎⵎⵔⵏ ⵉⵎⴷⵔⴰⵡⵏ ⵙⵓⵜⴳⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴼ ⵓⵙⵎⴰⵇⵇⵍ ⵏⵏⵙ ⴷ ⵜⵏⴰⵔⴰ ⵏⵏⵙ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵍⵍⵉ ⵉⴳⴰⵏ ⵜⴰⵎⴰⵣⵉⵔⵜ ⵜⴰⵎⴷⵔⴰⵡⵜ ⴷ ⵜⵎⵢⵉⵎⴰⵏⵜ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵎⵙⴰⵡⴰⵍ ⴰⴳⵔⴰⵖⵍⴰⵏ, ⴷ ⵓⵙⵙⵕⵚⵓ ⵏ ⵜⴳⵎⵉ ⵜⴰⵙⵓⵍⴰⵏⵜ, ⴷ ⵓⵙⵏⴼⵍ ⵏ ⵜⵓⵙⵙⵏⴰ. ⵙⵎⵏⵉⴷⵏ ⵜⵓⴳⵜ ⴱ ⵉⵙⵖⵍⴰⴼ ⵅⴼ ⵜⵏⴰⵥⴰⵕⵉⵏ ⵜⵉⵅⴰⵜⴰⵔⵉⵏ ⵎⵏⵉⴷ ⵏ ⵉⵎⴰⵍ ⵏ ⵓⴼⴳⴰⵏ, ⵙⴰⵡⵍⵏ ⵉⵎⴳⵔⴰⵡⵏ ⴳ ⵜⵥⴰⵜ ⵜⵖⵉⵎⵉⵜⵉⵏ ⵏ ⵓⵎⴹⴰⴽⴰⵕ ⵙ ⵜⵡⵉⵣⵉ ⵏ ⵉⵎⴰⵡⵙⴰⵙⵏ ⴷ ⵉⵎⴰⵙⴰⵢⵏ ⴷ ⵉⴱⵕⵍⴰⵎⴰⵏⵉⵢⵏ ⴷ ⵉⴽⴰⴷⵉⵎⵉⵢⵏ ⵙⴳ ⵍⵎⵖⵔⵉⴱ ⴷ ⵛⵛⵉⵍⵉ ⴷ ⵜⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ, ⵖⵎⴽ ⴰⵏⵏ ⴷ ⵉⵎⵣⵔⴰⵡⵏ ⴷ ⵉⵎⵔⵣⵓⵜⵏ ⵙⴳ ⵍⵎⵖⵔⵉⴱ. 

ⴳ ⵡⴰⵙⵙ ⴰⵎⵣⵡⴰⵔⵓ, ⵉⵙⴷⴷⵉⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙ ⵉⴳⴰ ⵓⵙⵏⵎⴰⵍⴰ ⵏ ⵜⵙⵓⵜⵍⵜ ⴰⴷ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉ ⵜⴽⴽⵍⵉⵜ ⵜⴰⵎⵣⵡⴰⵔⵓⵜ ⴳ ⵜⵎⴰⵣⵉⵔⵜ ⵜⴰⴼⵔⵉⵇⵉⵜ, ⵉⴳⴰ ⴰⵙⵙⵕⵚⵓ ⵏ ⵓⴷⵖⴰⵔ ⵏ ⵍⵎⵖⵔⵉⴱ ⴷ ⴰⵛⴰⵎⵓⵛ ⵏ ⵓⵙⵡⵉⵏⴳⵎ ⴰⵎⴰⵙⵙⴰⵏ ⴳ ⵜⵎⵙⴰⵔⵉⵏ ⵏ ⵜⵎⵉⵣⴰⵔ ⴷ ⵉⵎⴰⴷⴰⵏⵏ ⵏ ⵉⴼⵔⵉⵇⵢⴰ ⴷ ⵓⵎⴰⴹⴰⵍ ⴰⵄⵕⴰⴱ ⴳ ⵢⵉⴳⵔ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ, ⴷ ⵓⴷⵖⴰⵔ ⵉⵍⵍⴰⵏ ⴷⴰⵔ ⵜⴳⵍⴷⵉⵜ ⴳ ⵉⴼⵔⵉⵇⵢⴰ ⴷ ⴷⴰⵔ ⵜⴰⵎⵓⵏⵉⵏ ⵜⵉⵙⵔⵜⴰⵏⵉⵏⴷ ⵜⴱⵕⵍⴰⵎⴰⵏⵉⵢⵉⵏ ⴷ ⵜⴷⵎⵙⴰⵏⵉⵏ ⴳ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ. 

ⵉⵏⵏⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵎⴰⵙ ⴷ ⵉⵙⵏⵜⵍⵏ ⵏ ⵜⵙⵓⵜⵍⵜ ⴰⴷ ⴳⴰⵏ ⵜⵉⵏⴰⵥⴰⵕⵉⵏ ⵜⵉⵅⴰⵜⴰⵔⵉⵏ ⴷⴰⵜ ⵏ ⵓⴼⴳⴰⵏ, ⴳ ⵜⵉⵍⵉⵜ ⴷ ⵉⵎⴰⵍⴰ, ⵜⵉⵏⴰⵥⴰⵕⵉⵏ ⴱⴰⵀⵔⴰ ⵛⴷⴷⴰⵏⵉⵏ, ⵢⵉⵏⵉ ⵎⴰⵙ ⴷ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴷⴰⵔⵙ ⵎⴰⴷ ⵢⴰⴽⴽⴰ ⴳ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵏ ⵜⴰⵙⵓⵜ ⵜⵉⵙ 21, ⵎⴽ ⵍⵍⵉ ⴼ ⵙⴰⵡⴰⵍⵏ ⵉⵙⵏⴼⴰⵔⵏ ⵏⵏⵙ ⴳ ⵢⵉⴳⵔ ⵏ ⵜⴷⵎⵙⴰ ⵜⴰⵣⴳⵣⴰⵡⵜ, ⴷ ⵜⵉⵍⴰⵍ ⵏⵏⵙ ⵉ ⵓⴼⵔⴰ ⴰⵏⵎⵏⴰⴹ ⴷ ⵓⵎⴰⴹⵍⴰⵏ, ⴷ ⵜⵙⵏⵜⴰⵢⵉⵏ ⵏ ⵜⵡⵉⵣⵉ ⴰⴽⴷ ⴰⵢⵜⵎⴰⵙ ⴳ ⵉⴼⵔⵉⵇⵢⴰ. 

ⵉⵙⴷⴷⵉⴷ ⵎⴰⵙⵙ ⵎⵓⵃⴰⵎⵎⴰⴷ ⵡⵍⴷ ⵕⵕⴰⵛⵉⴷ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵎⴰⵙ ⴷ ⴰⵙⵏⵓⴱⴳ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵏ ⵜⵓⵏⵖⵉⵍⵜ ⴰⴷ ⵏ ⵓⴳⵔⴰⵡ ⴰⴷ ⵉⴳⴰ ⴰⵙⴷⴷⵉⴷ ⵏ ⵓⴷⵖⴰⵔ ⴰⵎⵣⵡⴰⵔⵓ ⴷ ⵜⵎⵢⵉⵎⴰⵏⵜ ⵏ ⵜⴰⵣⵉⵔⵜ ⵏⵏⵖ ⴳ ⵉⵙⵡⵉⵔⵏ ⴰⵎⴰⴹⵍⴰⵏ ⴷ ⵓⵏⵎⵏⴰⴹ, ⵙ ⵜⵏⴰⵔⴰ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴰⵢⵍⵍⵉ ⵉⴳⴰⵏ ⵜⴰⵎⴰⵜⴰⵔⵜ ⴼ ⵜⴷⵓⵙⵉ ⵏ ⵜⵣⴷⴰⵢⵉⵏ ⵥⵉⵍⵏⵉⵏ ⵊⴰⵔ ⵍⵎⵖⵔⵉⴱ ⴷ ⵛⵛⵉⵍⵉ.

ⵉⵙⵉⵙⴼⵉⵡ ⵎⴰⵙⵙ ⵎⵓⵃⴰⵎⵎⴰⴷ ⵡⵍⴷ ⵕⵕⴰⵛⵉⴷ ⵎⴰⵙ ⵉⴳⴰ ⵉⵎⴰⵍ ⴰⵏⴼⴳⴰⵏ ⵡⴰⴷ ⵉⵉⵛⴰⵔⵏ, ⴷ ⵜⵏⴰⵥⴰⵕⵉⵏ ⴷⴰⵜ ⵏ ⵜⵉⵍⵉⵜ ⵜⴰⵏⴼⴳⴰⵏⵜ ⴳⴰⵏⵜ ⵜⵉⵍⵍⵉ ⵣⵔⵉⵏⵉⵏ ⵉⵡⵜⵜⴰ ⵉⵇⴱⵓⵔⵏ, ⴷ ⵜⵏⴰⵥⴰⵕⵉⵏ ⵣⵔⵉⵏⵉⵏ ⵜⴰⵊⵢⵓⵖⵕⴰⴼⵉⵜ ⴷ ⵜⵥⵍⴰⵢⵉⵏ ⵜⵉⴷⵖⴰⵔⴰⵏⵉⵏ ⴷ ⵜⴷⵍⵙⴰⵏⵉⵏ, ⵜⵉⵏⴰⵥⴰⵕⵉⵏ ⵓⵔ ⴳⵉⵏⵉⵏ ⵖⴰⵙ ⵜⵉⵎⵙⴰⵔⵉⵏ ⵜⵉⵜⵇⵏⵉⵢⵉⵏ ⵎⵓ ⵉⵜⵜⵉⵍⵍⵉ ⵓⴼⵙⵙⴰⵢ ⵙ ⵜⵙⵔⵜⴰⵢ ⵏ ⵉⴳⵔⴰⵏ, ⴳⴰⵏⵜ ⵜⵉⵎⵙⴰⵔⵉⵏ ⵏ ⵜⵉⵍⵉⵜ ⴳ ⵓⴳⵯⵏⵙ ⵏ ⵜⴼⴳⴰⵏⵉⵜ. 

ⴳ ⵜⵖⵉⵎⵉⵜ ⵏ ⵓⵏⵏⵓⵕⵥⵎ, ⵜⵙⵏⵓⴱⴳ ⵎⴰⵙⵙⴰ Karol Cariola ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵛⵛⵉⵍⵉ ⴰⵙⵏⵎⴰⵍⴰ ⵏ ⵜⵙⵓⵍⵜ ⴰⴷ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵜⵏⵏⵓⵔⵣ ⴰⵍⴰⵙ ⵏ ⵜⵉⵔⵎⵉⵜ ⴰⴷ ⴳ ⵉⵙⴳⴳⵯⴰⵙⵏ ⴷ ⵢⵓⵛⴽⴰⵏ ⵃⵎⴰ ⴰⴷ ⵉⴳ ⵓⵏⵎⵓⵇⵇⴰⵔ ⴰⴷ ⴰⵏⴰⵡ ⴷⴰⵔ ⵜⵎⵉⵣⴰⵔ ⵢⴰⴹⵏⵉⵏ. ⵜⵙⵙⵉⵙⴼⵉⵡ ⴰⵡⵜⵜⴰⵙ ⵏ ⵓⵏⵎⵓⵇⵇⴰⵔⴰⴷ ⴳⵓⵙⵡⵉⵏⴳⵎ ⴳ ⵉⵙⵏⵜⵍⵏ ⵏ ⵓⴼⴳⴰⵏ ⴷ ⵓⵙⵡⵉⵏⴳⵎ ⴳ ⵉⵎⴰⵍ ⵙ ⵜⵎⴰⵎⴽⵜ ⵜⴰⵎⴳⵔⵓⵜ ⴷ ⵓⵙⴷⵓⵙ ⵏ ⵓⵎⵛⴰⴱⴱⴰⴽ ⵊⴰⵔ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴷ ⵉⴼⵔⵉⵇⵢⴰ ⴷ ⵓⵙⵏⴼⵍ ⵏ ⵉⵙⵡⵉⵏⴳⵉⵎⵏ ⵉ ⵜⵏⴰⴼⵜ ⵉⵛⵛⴰⵔⵏ. 

ⵉⵙⴰⵡⵍ ⵎⴰⵙⵙ Walker Matías ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵎⴰⵙ ⵉⵡⴰⵜⵜⵙ ⵓⴳⵔⴰⵡ ⴰⵕⵥⵥⵓⵎ ⵏ ⵓⵎⴹⴰⴽⴰⵕ ⵅⴼ ⵜⵏⴰⵥⴰⵕⵉⵏ ⵛⵛⴰⵔⵏⵉⵏ ⴷ ⴽⵉⴳⴰⵏ ⵏ ⵜⵎⵉⵣⴰⵔ, ⵢⵉⵏⵉ ⵎⴰⵙ ⵔⴰⴷ ⵢⴰⵡⵛ ⵍⵎⵖⵔⵉⴱ ⴷ ⵛⵛⵉⵍⵉ ⴳ ⵓⵙⴽⵔ ⵏ ⵓⵏⴳⵔⴰⵡ ⴰⵎⴰⴹⵍⴰⵏ ⵉ ⵓⴼⵔⴰⴳ ⵏ ⵓⴼⵔⴰ ⴷ ⵜⴳⵎⵉ, ⵍⵍⵉ ⵎⵓⵏⵏⵉⵏ ⵙ ⵜⵖⴰⵡⵙⵉⵡⵉⵏ ⵛⵛⴰⵔⵏⵉⵏ ⴳ ⴽⵉⴳⴰⵏ ⵏ ⵉⴳⵔⴰⵏ, ⴷ ⵡⴰⵍⴰⵢ ⵏ ⵉⵙⵏⴼⵍⵏ ⵉⵏⵙⴱⴰⴱⵏ ⴷ ⵓⵙⵙⴰⵔⵓ ⴳ ⵓⵎⵢⴰⵡⴰⵙ ⴰⴽⴰⴷⵉⵎⵉ ⴷ ⵓⵙⴷⴰⵡⴰⵏ.

ⵉⵙⴷⴷⵉ ⵎⴰⵙⵙ Alberto Van Klaveren ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵛⵛⵉⵍⵉ ⵎⴰⵙⵙ ⵉⵎⵎⴰⵍ ⵓⵙⴰⵢⵔⴰⵔ ⴰⴷ ⵜⵉⵔⴰⵜ ⵉⵛⵛⴰⵔⵏ ⵏ ⵛⵛⵉⵍⵉ ⴷ ⵍⵎⵖⵔⵉⴱ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵉⴽⴽⴰⵏ ⵓⴳⴳⴰⵔ ⵏ 60  ⵏ ⵓⵙⴳⴳⵯⴰⵙ, ⴷ ⵓⵚⴽⵓ ⵏ ⵉⵎⴰⵍ ⴷ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵛⵛⴰⵔⵏⵉⵏ, ⵉⵙⵓⵜⴳ ⵜⵉⵍⴰⵍⵜ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴷ ⵜⵎⴰⵙⵙⴰⵏⵜ.

ⵉⵙⵓⵜⴳ ⵎⴰⵙⵙ Gustavo Pacheco Villar ⴰⵏⵙⵙⵉⵅⴼⵜ ⵏ ⵓⴱⵕⵍⴰⵎⴰⵏ ⴰⵏⴷⵉⵏⵉ ⴰⵙⵏⵓⴱⴳ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵏ ⵓⵎⵓⵙⵙⵓ ⴰⴷ ⴰⵎⴰⵙⵙⴰⵏ ⵉⵍⵍⴰⵏ ⴳ ⵓⵙⴷⵓⵙ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ, ⵉⵙⵓⵜⴳ ⵉⵙⴰⵡⵓⵔⵏ ⵓⵏⴳⵉⵎⵏ ⵍⵍⴰⵏⵉⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵉⵖⵔ  ⵉ ⵓⵙⵡⵓⵔⵉ ⵃⵎⴰ ⴰⴷ ⵢⵉⵍⵉ ⵓⴼⵓⵖ ⵙ ⵜⴽⵕⴹⴰ ⵉ ⵉⵎⴰⵍ ⵙ ⵜⵙⴰⵔⵡⴰ ⵏ ⵉⵙⵖⵍⴰⴼ ⵏ ⵓⴳⵔⴰⵡ ⴰⴷ. 

ⵉⵙⴷⴷⵉⴷ Francisco Chahuanⴰⴳⵎⴰⵎ ⵏ ⵜⵙⵇⵇⵉⵎⵜ ⵏ ⵜⵏⴰⵥⴰⵕⵉⵏ ⵏ ⵉⵎⴰⵍ, ⴼ ⵡⴰⵜⵉⴳ  ⵏ ⵓⵙⵏⵎⴰⵍⴰ ⵏ ⵓⴳⵔⴰⵡ ⴰⴷ ⵍⵍⵉ ⵉⴳⴰⵏ ⵜⴰⵎⵍⴷⴰ ⵏ ⵜⵙⵓⵍⴰⵏⵜ ⵏ ⵓⵙⵡⵉⵏⴳⵎ ⴳ ⵜⵎⵙⴰⵔⵉⵏ ⵏ ⵉⵎⴰⵍ ⵉⵛⵛⴰⵔⵏ ⴷ ⵓⵚⴽⵓ ⵏ ⵓⵎⵢⴰⵡⴰⵙ ⵊⴰⵔ ⵜⵓⴳⴳⴰⵙ ⵏ ⵎⴰⵕⵕⴰ ⵉⵎⵙⴽⴰⵔⵏ, ⵉⵙⴰⵡⵍ ⵏ ⵜⵣⵣⵉⴳⵣⵜ ⵏ ⵛⵛⵉⵍⵉ ⴳ ⵢⵉⴳⵔ ⵏ ⵜⵏⴰⵥⴰⵕⵉⵏ ⵏ ⵉⵎⴰⵍ ⵙ ⵓⵙⴽⵔ ⵏ ⵜⵙⵇⵇⵉⵎⵜ ⵏ ⵜⵏⴰⵥⴰⵕⵉⵏ ⵍⵍⵉ ⵉⵙⵔⵙⵏ ⵉⵙⵍⴳⵏ ⵏ ⵜⵏⴼⵔⵓⵜ ⵜⴰⵙⵉⴱⵉⵔⵏⵉⵜ ⴷ ⵜⵅⵅⵓⵜⵔⴰ ⵜⴰⵎⵓⵟⵟⵓⵏⵜ ⴷ ⵓⵙⵔⵙ ⵏ ⵓⵙⵍⴳⵏ ⵏ ⵓⵙⵎⵔⵙⵍ ⵏ ⵜⵖⴰⵡⵙⵉⵡⵉⵏ ⵏ ⵜⵖⵉⵙⵜ ⵜⴰⵎⴳⵓⵔⴰⵏⵜ.ⵖⵎⴽ ⵍⵍⵉ ⵉⵙⴰⵡⵍ ⵎⴰⵙⵙ Guido Giraldi ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵎⵔⵙⵍⵜ ⵏ ⵉⵏⵎⵓⵇⵇⴰⵔⵏ ⵏ ⵉⵎⴰⵍ ⴳ ⵛⵛⵉⵍⵉ ⴼ ⵡⴰⵜⵉⴳ ⵏ ⵉⵙⵏⵜⵍⵏ ⵏ ⵓⴳⵔⴰⵡ ⵙⵍⴰⵡⵏ ⴰⴽⴽⵯ ⴳ ⵜⴼⵔⴽⴰ ⵏ ⵜⴳⵔⴰⵡⵍⵍⴰ ⵜⴰⵎⵓⵟⵟⵓⵏⵜ, ⵉⵙⴷⴷⵉⴷ ⴼ ⵡⴰⵜⵉⴳ ⵏ ⵓⵎⵢⴰⵙⴰ ⴰⴽⴷ ⵜⴰⴳⵔⴰⵡⵍⵍⴰ ⵜⴰⵎⵓⵟⵟⵓⵏⵜ ⴷ ⵓⵙⵎⵔⵙ ⵏ ⵜⵖⵉⵙⵜ ⵜⴰⵎⴳⵓⵔⴰⵏⵜ. 

ⵉⵖⵔ ⵓⵍⴰ ⵉ ⵜⵣⵣⵉⴳⵣⵜ ⵏ ⵜⵡⵓⵔⵉ ⵃⵎⴰ ⴰⴷ ⵜⵉⵍⵉ ⵉⴼⵔⵉⵇⵢⴰ ⴷ ⵎⴰⵔⵉⴽⴰⵏ ⵏ ⵉⴼⴼⵓⵙ ⴳ ⵓⵎⴰⴹⴰⵍ ⴰⵎⴰⵢⵏⵓ ⴷ ⵓⵙⵓⵊⴷ ⵏ ⵓⵙⵏⴼⴰⵔ ⴰⵎⴳⵔⵓ ⵉ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵏ ⵉⵎⴰⵍ. 

ⴳ ⵜⵖⵉⵎⵉⵜ ⵜⴰⵎⵣⵡⴰⵔⵓⵜ, ⵉⵍⵍⴰ ⵓⵎⴹⴰⴽⴰⵕ ⴼ ⵓⵎⴰⴹⴰⵍ ⵏ ⵉⵎⴰⵍ, ⴷ ⵉⵙⵖⵍⵏ ⵏⵏⵙ ⵥⵍⵉⵏⵉⵏ, ⴷ ⵉⵎⵉⵣⵉⵜⵏ ⵏ ⵜⵖⵉⵙⵜ ⵜⴰⵎⴳⵓⵔⴰⵏⵜ ⴷ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵜⵎⴰⵖⵜ ⵏ ⵜⵏⵓⴼⴰ ⴼ ⵜⴼⴳⴰⵏⵉⵏⵜ, ⵖⵎⴽ ⵍⵍⵉ ⵉⵍⵍⴰ ⵓⵙⵇⵙⵉ ⵅⴼ ⵜⵉⵍⴰⵍⵜ ⵏ ⵓⵣⵣⵔⴰⴼ ⴳ ⵓⵎⵏⴰⴹ.

ⴳ ⵜⵖⵉⵎⵉⵜ ⵜⵉⵙ ⵙⵏⴰⵜ, ⵉⵍⵍⴰ ⵓⵎⴹⴰⴽⴰⵕ ⵏ ⵉⵙⵏⵜⵍⵏ ⵏ ⵓⵏⵣⵡⵉ ⴷ ⵓⵣⵡⴰⴳ ⴷ ⵉⴷⵔⵉⵣⵏ ⵏⵏⵙ ⴼ ⵍⵎⵖⵔⵉⴱ ⴷ ⵜⵎⵉⵣⴰⵔ ⵢⴰⴷⵏⵉⵏ ⵏ ⵓⵎⴰⴹⴰⵍ, ⵜⵉⵍⵉ ⵜⵖⵔⵉ ⵉ ⵓⴷⵔⴰⵡ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ ⵊⴰⵔ ⵉⴼⵔⵉⵇⵢⴰ ⴷ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⵉ ⵉⵎⴰⵍ ⵉⵥⵉⵍⵏ.ⵢⵉⵍⵉ ⵓⵙⵎⵏⵉⴷ ⵏ ⵜⵉⵔⵎⵉⵜ ⵏ ⵍⵎⵖⵔⵉⴱ ⴷ ⵛⵛⵉⵍⵉ ⴳ ⵢⵉⴳⵔ ⵏ ⵓⵙⵡⵓⴷⴷⵓ ⵏ ⵡⴰⵎⴰⵏ ⴷ ⵓⵙⴱⴷⴷⵉ ⵏ ⵉⵙⵏⴼⵍⵏ ⵏ ⵓⵏⵣⵡⵉ, ⵢⵉⵍⵉ ⵓⵍⴰ ⵓⵙⵎⵏⵉⴷ ⵏ ⵓⵏⵇⵇⵉⵙ ⵏ ⵜⴳⵔⴰⵡⵜ ⵜⵓⵏⴳⵉⵎⵜ ⵅⴼ ⵉⵙⵏⴼⵍⵏ ⵏ ⵓⵏⵣⵡⵉ. 

ⴳ ⵜⵖⵉⵎⵉⵜ ⵜⵉⵙ ⴽⵕⴰⴹⵜ,ⵉⵍⵍⴰ ⵓⵎⴹⴰⴽⴰⵕ ⵏ ⵓⴼⵔⴰ ⴷ ⵜⵏⵔⵓⵜ ⴳ ⵓⵎⴰⴹⴰⵍ ⵙ ⵉⴱⴽⴽⴰⴹⵏ ⵉⵙⵉⴱⵉⵔⴰⵏⵉⵢⵏ ⴷ ⴳⴰⵔ ⵉⵏⵖⵎⵉⵙⵏ ⴳ ⵜⵙⴰⵍⵉⵡⵉⵏ ⵏ ⵓⵎⵢⴰⵡⴰⴹ ⴰⵏⴰⵎⵓⵏ. ⵖⵎⴽ ⴰⵏⵏ ⴷ ⵜⵓⴳⴳⴰⵙ ⵏ ⵍⵎⵖⵔⵉⴱ ⴳ ⵜⵉⵍⵉⵜ ⵏ ⵜⵏⴼⵔⵓⵜ ⴷ ⵓⴼⵔⴰ ⴷ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⴷⴰⵜ ⵏ ⵜⵣⵣⵉⴳⵣⵜ ⴳ ⵉⴼⵔⵉⵇⵢⴰ. 

ⴳ ⵜⵉⵖⵉⵎⵉⵜ ⵜⵙⵉ ⴽⴽⵓⵥⵜ, ⵉⵍⵍⴰ ⵓⵎⴹⴰⴽⴰⵕ ⵏ ⵜⵏⴼⵔⵓⵜ ⵏ ⵓⵜⵛⵓ ⴷ ⵉⵙⵏⴼⵍⵏ ⵏ ⵓⵏⵣⵡⵉ, ⴷ ⵓⵙⵔⵙ ⵏ ⵜⵙⵔⵜⴰⵢ ⵜⵉⵎⴰⵢⵏⵓⵜⵉⵏ ⵉ ⵜⵉⵍⵉⵜ ⵏ ⵜⵏⴼⵔⵓⵜ ⵏ ⵓⵜⵛⵓ ⴷ ⵜⵣⵔⴼⵜ ⵜⴰⴷⵓⵙⴰⵏⵜ ⴳ ⵉⵙⵉⵡⵔⵏ ⴰⴷⵖⴰⵔⴰⵏ ⴷ ⵓⴳⵔⴰⵖⵍⴰⵏ. ⵖⵎⴽ ⴰⵏⵏ ⴷ ⵓⵖⴰⵡⴰⵙ ⵏ ⵍⵎⵖⵔⵉⴱ ⴰⵣⴳⵣⴰⵡ ⴳ ⵓⵙⵏⴰⵍ ⵏ ⵜⴼⵍⵍⴰⵃⵜ ⴷ ⵜⴳⵎⵉ ⵜⴰⵙⵓⵍⴰⵏⵜ. 

ⵜⵉⵖⵉⵎⵉⵜ ⵜⵉⵙ ⵙⵎⵎⵓⵙⵜ, ⴳⵉⵙ ⴰⵎⴹⴰⴽⴰⵕ ⵏ ⵜⵎⴷⵔⴰⵡⵜ ⵊⴰ ⵉⴼⵔⵉⵇⵢⴰ ⴷ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⵙ ⵓⵙⵎⵏⵉⴷ ⵏ ⵓⵙⵔⵙ ⵏ ⵜⵎⵉⵣⴰⵔ ⵏ ⵉⴼⴼⵓⵙ ⴰⵎⴰⴹⵍⴰⵏ, ⴷ ⵜⵥⵍⴰⵢⵉⵏ ⵏ ⴽⵔⴰⵢⴳⴰⵜ ⵜⴰⵎⴰⵣⵉⵔⵜ ⴳ ⵓⵎⴰⵍⵓ ⵏ ⵜⵏⴰⵥⴰⵕⵉⵏ ⵛⵛⴰⵔⵏⵉⵏ ⴰⵎ ⵜⴰⵏⴼⵔⵓⵜ ⴷ ⵓⵔⴳⴳⵉⴳ ⴷ ⵜⴳⵎⵉ. ⵢⵉⵍⵉ ⵓⵙⴷⴷⵉⴷ ⵏ ⵜⵉⵍⴰⵍⵜ ⵜⴰⴷⵉⴱⵍⵓⵎⴰⵙⵉⵜ ⵜⴰⵎⴰⵙⵙⴰⵏⵜ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵉⵏ ⵉⵎⵏⵥⴰⵡⵏ ⴷ ⵓⵙⵓⵊⴷ  ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵜⵉⵙⵓⵍⴰⵏⵉⵏ. 

ⵜⵉⵖⵉⵎⵉⵜ ⵜⵉⵙ ⵚⴹⵉⵚⵜ, ⵉⵍⵍⴰ ⵓⵎⴹⴰⴽⴰⵕ ⵏ ⵓⵙⵏⵜⵍ ⵏ ⵓⴷⵡⴰⵙ, ⵙ ⵜⵏⴰⵥⴰⵕⵉⵏ ⴷⴰⵜ ⵏ ⵢⵉⴳⵔ ⴰⴷⵓⵙⴰⵏ ⴷ ⵓⵙⴷⵓⵙ ⵏ ⵜⵣⵔⴼⵜ ⵜⴰⴷⵓⵙⴰⵏⵜ ⴷ ⵓⵎⵓⴽⵏ ⵏ ⵉⵏⴳⵔⴰⵡⵏ ⵉⴷⵓⵙⴰⵏⵏ ⵉ ⵓⵙⴽⵔ ⵏ ⵢⵉⵙⴽⵉⵍ  ⵃⵎⴰ ⴰⴷ ⵢⵉⵍⵉ ⵓⴼⵔⴰⴳ ⴰⴷⵓⵙⴰⵏ. ⵖⵎⴽ ⵍⵍⵉ ⵉⵍⴰ ⵓⵙⵎⵏⵉⴷ ⵏ ⵜⵉⵔⵎⵉⵜ ⵏ ⵍⵎⵖⵔⵉⴱ ⴷ ⵛⵛⵉⵍⵉ ⴳ ⵢⵉⴳⵔ ⴰⴷⵓⵙⴰⵏ ⴷ ⵓⵙⴷⴷⵉⴷ ⴼ ⵓⵙⵎⵓⵏ ⵊⴰⵔ ⵓⵙⵎⴰⵢⵏⵓ ⴰⵎⴰⵙⵙⴰⵏ ⴷ ⵓⵣⴷⴰⵢ ⴰⵎⵔⵙⵍⴰⵏ. 

ⵜⵉⵖⵉⵎⵉⵜ ⵜⵉⵙ ⵙⴰⵜ, ⴳⵉⵙ ⴰⵎⴹⴰⴽⴰⵕ ⵏ ⵓⵙⵎⵓⵜⵜⵉ ⴰⵥⴹⴰⵕⴰⵏ ⴷ ⵉⵎⵏⴰⴷⵏ ⵏⵏⵙ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ, ⵖⵎⴽ ⴰⵏⵏ ⴷ ⵜⵏⴰⵥⴰⵕⵉⵏ ⵏⵏⵙ ⴷⴰⵔ ⵍⵎⵖⵔⵉⴱ ⴷ ⵛⵛⵉⵍⵉ, ⴷ ⵜⵙⵜⵔⴰⵜⵉⵊⵉⵢⵉⵏ ⵏ ⵉⵎⴰⵍ ⵉ ⵓⵣⵓⵛⵛⵍ ⵏ ⵓⵙⵎⵓⵜⵜⵉ ⴰⵥⴹⴰⵕⴰⵏ ⴳ ⵙⵏⴰⵜ ⵜⵎⵉⵣⵔ.   

ⵜⴱⴷⴷ ⵜⵖⵉⵎⵉⵜ ⵜⵉⵙ ⵜⴰⵎⵜ ⴼ ⵉⵙⵏⴼⵍⵏ ⵏ ⵜⴰⵙⵓⵜ ⵜⵉⵙ 21 ⴳ ⵉⴳⵔ ⵏ ⵜⵣⴷⴰⵢⵉⵏ ⵜⵉⵏⴼⴳⴰⵏⵉⵏ ⴷ ⵜⵏⴰⵎⵓⵏⵉⵏ, ⵙⵍⴰⵡⵏ ⴰⴽⴽⵯ ⵎⴰⴷ ⵉⵥⵍⵉⵏ ⵙ ⵜⴻⵜⵉⴽⵏⵓⵍⵓⵊⵉⵜ ⴷ ⵜⵎⵓⵟⵟⵓⵏⵜ ⴷ ⵓⵎⵢⴰⵡⴰⴹ ⴰⵏⴰⵎⵓⵏ ⴷ ⵉⴷⵔⵉⵙⵏ ⵙ ⵜⴷⵎⵙⴰ ⵏ ⵜⵎⵓⵛⴰ. ⵙ ⵓⵅⵎⵎⴻⵎ ⴳ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵜⴱⵉⴷⴰⵖⵓⵊⵉⵜ ⵏ ⵓⴷⵔⵉⵣ ⵉ ⵓⵙⵉⵜⵜⵉ ⵏ ⵜⵏⴰⵥⴰⵕⵉⵏ ⵏ ⵜⴳⵔⴰⵡⵍⵍⴰ ⵜⴰⵎⵓⵟⵟⵓⵏⵜ, ⴷ ⵓⵙⵔⵙ ⵏ ⵉⵏⴳⵔⴰⵡⵏ ⵏ ⵜⵖⵉⵙⵜ ⵜⴰⵎⴳⵓⵔⴰⵏⵜ ⴷ ⵓⵙⵎⵖⵔ ⵏ ⵡⴰⵎⵎⴰⴽ ⵏ ⵜⵏⴰⴽⴰⵜ ⵏ ⵉⵎⴰⵙⵙⵏ, ⴷ ⵓⵙⵉⵜⵜⵉ ⵏ ⵜⵄⴰⵎⵉⵜ ⵜⴰⵎⵓⵟⵟⵓⵏⵜ, ⴷ ⵓⵙⵙⵍⴳⵏ ⵏ ⵓⵙⵎⵔⵙ ⵏ ⵜⴻⵜⵉⴽⵏⵓⵍⵓⵊⵉⵜ ⴷ ⵓⵎⵢⴰⵡⴰⴹ ⴷ ⵓⵙⵔⵙ ⵏ ⵉⵣⵣⵔⴰⴼⵏ ⴷ ⵓⵙⴰⵏⵉⵏ.

ⴳ ⵜⵖⵉⵎⵉⵜ ⵜⵉⵙ ⵜⵥⴰⵜ, ⵜⵍⵍⴰ ⵜⵖⵔⵉ ⵏ ⵜⵣⵣⵉⴳⵣⵜ ⵏ ⵜⵖⵉⵙⵜ ⵜⴰⵎⴳⴰⵓⵔⴰⵏⵜ ⵍⵍⵉ ⵉⵕⵥⵎⵏ ⵉⵎⵏⴰⴷⵏ ⵉⵎⴰⵢⵏⵓⵜⵏ ⴳ ⵉⴳⵔⴰⵏ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵎⴰⴷ ⵉⵥⵍⵉⵏ ⵙ ⵜⵖⴰⵔⵉⵡⵉⵏ. ⵜⵉⵔⵉ ⵜⵖⵔⵉ ⵉ ⵓⵙⴽⵔ ⵏ ⵓⵎⵢⴰⵙⴰ ⵊⴰⵔ ⵜⵣⵣⵉⴳⵣⵜ ⵜⴰⵜⵉⴽⵏⵓⵍⵓⵊⵉⵜ ⴷ ⵜⵏⴰⵎⵓⵏⵜ ⴷ ⵓⵙⵉⴷⴼ ⵏ ⵜⵖⵉⵙⵜ ⵜⴰⵎⴳⵓⵔⴰⵏⵜ ⴳ ⵓⵙⴳⵎⵉ ⴷ ⵓⵙⵙⵍⵎⴷ. 

ⵜⵥⵍⵉ ⵜⵖⵉⵎⵉⵜ ⵜⵉⵙ ⵎⵔⴰⵡⵜ ⵉ ⵓⵎⵙⵓⵔⵓⴼ ⴷ ⵢⵉⵙⴽⵉⵍ ⴷ ⵓⵙⵎⵏⵉⴷ ⵏ ⵜⵉⵔⵎⵉⵜ ⵏ ⵍⵎⵖⵔⵉⴱ ⴷ ⵛⵛⵉⵍⵉ. ⵢⵉⵍⵉ ⵓⵙⴷⴷⵉⴷ ⴼ ⵜⵉⵍⵉⵜ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵓⵙⴷⵓⵙ ⵏ ⵜⵉⵍⴰⵍ ⵏ ⵓⵣⵣⵔⴰⴼ ⵉ ⵓⵙⴱⴷⴷⵉ ⵏ ⵉⴷⵔⵉⵣⵏ ⵏ ⵓⵙⴽⵔ ⵏ ⵓⵙⵏⵓⵃⵢⵓ ⴷ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ. 

ⵜⵥⵍⵉ ⵜⵖⵉⵎⵉⵜ ⵜⴰⵎⴳⴳⴰⵔⵓⵜ ⵉ ⵓⵙⵏⵜⵍⵏ ⵏ ⵉⴼⵔⵉⵇⵢⴰ ⵉⴳⴰⵏ ⴰⵏⵎⵏⵥⴰⵡ ⵏ ⵉⵎⴰⵍ ⵙ ⵉⵙⵏⴼⵍⵏ ⵉⵅⴰⵜⴰⵔⵏ ⵍⵍⴰⵏⵉⵏ ⴳ ⵉⴼⵔⵉⵇⵢⴰ ⴳ ⵎⴰⵕⵕⴰ ⵉⵙⵡⵉⵔⵏ, ⴷ ⵜⵉⵍⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵙⴽⵔ ⵏ ⵜⴳⵎⵉ ⴷ ⵓⵙⴷⵓⵙ ⵏ ⵓⵙⵎⴰⴷ ⴰⵙⴳⴰⵡⴰⵏ. 

ⴳ ⵜⴳⵉⵔⴰ ⵏ ⵓⴳⵔⴰⵡ ⴰⴷ, ⵜⵍⵍⴰ ⵜⵖⵔⵉ ⵏ ⵓⵙⵉⵡⴹ ⵏ ⵕⵕⴱⴰⵟ ⴼ: ⵉ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⵉ ⵉⵎⴰⵍ”.