“ⴰⴳⵔⴰⵡ ⵏ ⵉⵎⴰⵍ” ⴳ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ, 17 ⴷ 18 ⴷⵓⵊⴰⵏⴱⵉⵔ 2024
ⴰⵔ ⵉⵙⵏⵎⴰⵍⴰ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵙ ⵓⵎⵢⴰⵡⴰⵙ ⴷ ⵜⵎⵔⵙⵍⵜ ⵉⵏⵎⵓⵇⵇⴰⵔⵏ ⵏ ⵉⵎⴰⵍ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⵛⵛⵉⵍⵉ, “ⴰⴳⵔⴰⵡ ⵏ ⵉⵎⴰⵍ” ⵓⵙⵙⴰⵏ ⵏ 17 ⴷ 18 2024 ⴳ ⵓⵙⵖⵉⵎ ⵏ ⵓⴱⵕⵍⴰⵎⴰⵏ ⴳ ⵕⵕⴱⴰⵟ.
ⴰⵏⵎⵓⵇⵇⴰⵔ ⴳ ⵜⴰⴷ ⵢⵉⵍⵉ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵊⴰⵔ ⵉⴱⵕⵍⴰⵎⴰⵏⵉⵢⵉⵏ ⴷ ⵉⵎⴰⵙⴰⵢⵏ ⵓⵏⴱⵉⴹⵏ ⴷ ⵉⵎⴰⵙⵙⴰⵏⵏ ⴷ ⵉⵎⵔⵣⴰ ⵅⴼ ⵜⵎⵙⴰⵔⵉⵏ ⵏ ⵉⵎⴰⵍ ⵏ ⵓⴼⴳⴰⵏ. ⵔⴰⴷ ⴳⵉⵙ ⴷⵔⵓⵏ ⵉⵎⵙⵜⴳⴳⴰⵔⵏ ⵙⴳ ⵍⵎⵖⵔⵉⴱ ⴷ ⵛⵛⵉⵍⵉ ⴷ ⵓⵕⵓⴱⴱⴰ ⴷ ⵉⴼⵔⵉⵇⵢⴰ ⴷ ⵎⴰⵔⵉⴽⴰⵏ ⵜⴰⵍⴰⵉⵏⵉⵜ.
ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⵅⴼ ⵜⵏⴰⵥⴰⵕⵉⵏ ⵣⴷⵉⵏⵉⵏ ⴷ ⵉⵎⴰⵍ ⴰⵎ ⴰⵏⵣⵡⵉ ⴷ ⵓⵣⵡⴰⴳ ⴰⴳⵔⴰⵖⵍⴰⵏ ⴷ ⵓⴼⵔⴰ ⴷ ⵜⵏⴼⵔⵓⵜ ⴳ ⵓⵎⴰⴹⴰⵍ, ⵜⴰⵏⴼⵔⵓⵜ ⵏ ⵓⵜⵛⵓ, ⴰⵎⵢⴰⵡⴰⵙ ⵊⴰⵔ ⵉⵥⵥⵍⵎⴹ ⴷ ⵉⴼⴼⵓⵙ, ⵜⵉⵏⴰⵥⴰⵕⵉⵏ ⵏ ⵜⴷⵓⵙⵉ, ⴰⵙⵎⵓⵜⵜⵉ ⴰⵥⴹⴰⵕⴰⵏ ⴷ ⵉⵎⵏⴰⴷⵏ ⵏⵏⵙ, ⵉⵙⵏⴼⵍⵏ ⵏ ⵜⵣⴷⴰⵢⵉⵏ ⵜⵉⵏⴼⴳⴰⵏⵉⵏ, ⵜⵉⵣⴷⴰⵢⵉⵏ ⵜⵉⵏⴰⵎⵓⵏⵉⵏ ⴳ ⵜⴰⵙⵓⵜ ⵜⵉⵙ 21, ⵉⴷⵔⵉⵣⵏ ⵏ ⵜⵖⵉⵙⵜ ⵜⴰⵎⴳⵓⵔⴰⵏⵜ ⴼ ⵜⴷⵎⵙⴰ ⴷ ⵡⴰⵎⵓⵏ, ⴰⵙⴷⵓⵙ ⵏ ⵓⵎⵙⵓⵔⵓⴼ ⴷ ⵢⵉⵙⴽⵉⵍ, ⵉⴼⵔⵉⵇⵢⴰ ⴷ ⴰⵎⵏⵥⴰⵡ ⵏ ⵉⵎⴰⵍ.
ⴰⵙⵏⵎⴰⵍⴰ ⵏ ⵜⵙⵓⵜⵍⵜ ⴰⴷ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵉⴼⵔⵉⵇⵢⴰ ⵉⴳⴰ ⴰⵙⵙⵕⵚⵓ ⵏ ⵓⴷⵖⴰⵔ ⵏ ⵍⵎⵖⵔⵉⴱ ⴷ ⴰⵛⴰⵎⵓⵛ ⵏ ⵓⵙⵡⵉⵏⴳⵎ ⴰⵎⴰⵙⵙⴰⵏ ⵡⴼ ⵜⵎⵙⴰⵔⵉⵏ ⵏ ⵉⴼⵔⵉⵇⵢⴰ ⴷ ⵓⵎⴰⴹⴰⵍ ⴰⵄⵕⴰⴱ ⴳ ⵢⵉⴳⵔ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ, ⴷ ⵓⴷⵖⴰⵔ ⵏⵏⵙ ⴳ ⵉⴼⵔⵉⵇⵢⴰ ⴷ ⵜⴰⵎⵓⵏⵉⵏ ⵜⵉⵙⵔⵜⴰⵏⵉⵏ ⴷ ⵜⴱⴰⵕⵍⴰⵎⴰⵏⵉⵢⵉⵏ ⴷ ⵜⴷⵎⵙⴰⵏⵉⵏ ⴳ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ.
ⴳ 2011, ⵉⵙⵙⵏⵜⵉ ⵓⴽⵓⵏⴳⵕⵉⵚ ⵏ ⵛⵛⵉⵍⵉ ⴰⴳⵔⴰⵡ ⵏ ⵉⵎⴰⵍ ⵙ ⵓⵎⵢⴰⵡⴰⵙ ⴷ ⵜⵏⴱⴰⴹⵜ ⵏ ⵛⵛⵉⵍⵉ ⵙ ⵜⵎⴰⵡⴰⵙⵉⵏ ⵏ ⵜⵏⵙⵙⵉⵅⴼⵜ ⵏ ⵜⴳⴷⵓⴷⴰⵏⵜ ⴷ ⵜⵖⴰⵡⵙⵉⵡⵉⵏ ⵏ ⴱⵕⵕⴰ, ⴷ ⵜⴽⴰⴷⵉⵎⵉⵜ ⵏ ⵜⵎⴰⵙⵙⴰⵏⵉⵏ ⴳ ⵛⵛⵉⵎⵉ, ⴷ 20 ⵏⵜⵙⴷⴰⵡⵉⵜ ⴷ ⵜⵔⴰⴱⴱⵓⵜ ⵏ ⵓⵙⵡⵉⵏⴳⵎ ⴷ ⵓⵔⵣⵣⵓ, ⴷ ⵜⵎⵔⵙⴰⵍ ⴷ ⵜⵎⴰⴷⴷⴰⵙⵉⵏ ⴰⵔⵜⵓⵏⴱⵉⴹⵉⵏ ⴷ ⵜⵎⵔⵙⴰⵍ ⵜⵉⵎⴰⵜⴰⵢⵉⵏ ⴷ ⵜⵓⵙⵍⵉⴳⵉⵏ, ⵉⴳⴰ ⵙⴳ ⵉⵏⵎⵓⵇⵇⴰⵕⵏ ⵉⵎⴰⵙⵙⴰⵏⵏ ⴳ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴷ ⵍⴽⴰⵔⴰⵢⵉⴱ.
ⵉⵡⵙⵏ ⴳⵉⵙ ⵉⵎⴰⵙⵙⴰⵏⵏ ⴷ ⵉⵏⴰⵥⵓⵕⵏ ⵙⴳ ⵓⵎⴰⴹⴰⵍⴰ ⴰⴽⴽⵯ, ⵢⵉⵡⵉ ⵓⴳⵔⴰⵡ ⴰⴷ ⵜⴰⵢⵏⵉⵜ ⵏ ⵡⴰⵎⵓⵏ ⴰⵎⴰⵙⵙⴰⵏ ⴰⵎⴹⵍⴰⵏ ⵙ ⵜⴷⵔⴰⵡⵜ ⵏ ⵉⵎⴰⵙⵙⴰⵏⵏ ⵉⵡⵉⵏⵉⵏ ⵜⴰⵙⵎⵖⵓⵔⵜ ⵏ ⵏⵓⴱⵍ.
ⵉⴳⴰ ⴰⵙⴰⵢⵔⴰⵔ ⵏ ⵓⵎⴷⴰⴽⴰⵕ ⵏ ⵜⵏⴰⵥⴰⵕⵉⵏ ⵍⵍⴰⵏⵉⵏ ⴳ ⵓⵖⴰⵡⴰⵙ ⴰⵎⴰⴹⵍⴰⵏ ⴷ ⵉⵎⴰⵍ ⵏ ⵓⴼⴳⴰⵏ, ⵉⴳ ⵜⴰⵙⵉⵍⴰ ⵏ ⵓⴼⴰⵔⵙ ⵏ ⵉⵙⵡⵉⵏⴳⵉⵎⵏ ⵍⵍⵉ ⵔⴰⴷ ⵉⵙⵏⴰⵍ ⵜⵉⵖⵜⴰⵙⵉⵏ ⵏ ⵉⵎⴰⵍ, ⴷ ⵜⵉⵍⵉⵜ ⵏ ⵉⴼⵙⵙⴰⵢⵏ ⵉ ⵓⵙⴱⴷⴷⵉ ⵏ ⵉⵙⵏⴼⵍⵏ ⵍⵍⴰⵏⵉⵏ ⴳ ⵡⴰⵎⵓⵏⵏ ⵉⵎⴰⴹⵍⴰⵏⵏ ⴳ ⵉⵎⴰⵍ.
