ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵜⴳⴷⵓⴷⴰⵏⵜ ⵜⵓⵙⵍⵉⵎⵜ ⵏ ⵎⵓⵕⵉⵟⴰⵏⵢⴰ
ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵎⵡⴰⵙ 6 ⴷⵓⵊⴰⵏⴱⵉⵔ 2024 ⴳ ⵕⵕⴱⴰⵟ ⴷ ⵎⴰⵙⵙ ⵎⵓⵃⴰⵎⵎⴰⴷ ⴱⴰⵎⴱ ⵎⴰⴽⵜ, ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵜⴳⴷⵓⴷⴰⵏⵜ ⵜⵓⵙⵍⵉⵎⵜ ⵏ ⵎⵓⵕⵉⵟⴰⵏⵢⴰ, ⵉⵍⵍⴰⵏ ⴳ ⵓⵔⵣⴰⴼ ⴰⵎⴰⴷⴷⵓⴷ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴷ ⵓⴽⴰⴱⴰⵕ ⵉⵙⵜⴰⵡⵀⵎⵎⴰⵏ.
ⴳ ⵓⵏⵎⵓⵇⵇⴰⵕ, ⵉⵍⵍⴰ ⵓⵙⵓⵜⴳ ⵏ ⵜⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⵥⵉⵍⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵙ ⵉⵡⵉⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵓⵏⵙⵙⵉⵅⴼ ⵏ ⵎⵓⵕⵉⵟⴰⵏⵢⴰ ⵎⴰⵙⵙ ⵎⵓⵃⴰⵎⵎⴰⴷ ⵡⵍⴷ ⵛⵛⵉⵅ ⵍⵖⵣⵡⴰⵏⵉ.
ⵎⴹⴰⴽⴰⵕⵏ ⵙⵉⵏ ⵉⵏⵙⵙⵉⵅⴼⵏ ⵓⵍⴰ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ ⵙ ⵓⵎⵛⴰⵡⴰⵕ ⴷ ⵓⵣⴷⴰⵢ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴳ ⵢⵉⴳⵔ ⴰⴱⵕⵍⴰⵎⴰⵏⵉ ⴷ ⵓⵎⵙⵙⵓⴳⵓⵔ, ⵉⵍⵍⴰ ⵓⵍⴰ ⵓⵙⴷⴷⵉⴷ ⴼ ⵡⴰⵜⵉⴳ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵉ ⵚⴰⵃⴰ ⵏ ⵜⵏⵓⴼⴰ ⵛⵛⴰⵔⵏⵉⵏ, ⴷ ⵓⵙⵓⵊⴷ ⵉ ⵓⵏⵎⵓⵇⵇⴰⵕ ⴰⴷⵎⵙⴰⵏ ⴰⴱⵕⵍⴰⵎⴰⵏⵉ ⵊⴰⵔ ⵍⵎⵖⵔⵉⴱ ⴷ ⵎⵉⵕⵉⵟⴰⵏⵢⴰ ⴳ ⵓⵙⴳⴳⵯⴰⵙ ⴷ ⵢⵓⴽⴰⵏ, ⵉ ⵓⵎⵙⴰⵡⴰⵍ ⴷ ⵓⴷⵔⴰⵡ ⵏ ⵜⵉⵔⵎⵉⵜⵉⵏ ⴷ ⵜⵎⵙⴽⴰⵔ ⵥⵉⵍⵏⵉⵏ.
ⵢⵓⵎⴰ ⵓⴽⴰⴱⴰⵕ ⵏ ⵎⵓⵕⵉⵟⴰⵏⵢⴰ ⵎⴰⵙⵙ ⵎⵓⵃⴰⵎⵎⴰⴷ ⵍⴰⵎⵉⵏ ⴰⵄⵎⵕ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵓⵙⵓⵎⵓ, ⵎⴰⵙⵙ ⵢⴰⵃⵢⴰ ⵙⴰⵢⵢⵉⴷ ⵍⴰⵎⵉⵏ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⴰⵎⵢⴰⵡⴰⴹ, ⵎⴰⵙⵙ ⵉⵃⴹⵉⵀ ⵅⴰⵟⵕⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵎⵓⵕⵉⵟⴰⵏⵢⴰ-ⵍⵎⵖⵔⵉⴱ, ⵎⴰⵙⵙ ⵃⴰⵎⴷⵉ ⵃⵎⵎⴰⴷⵉ, ⴷ ⵎⴰⵙⵙⴰ ⵙⵉⵀⴰⵎ ⵏⵏⴰⵊⵎ, ⴷ ⵉⴳⵎⴰⵎⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵎⴰⵙⵙ ⵊⴰ ⵎⵓⵙⴰ ⴷ ⵎⴰⵙⵙ ⴰⵛⵔⵉⴼ ⵙⵉⴷⵉ ⵎⵓⵃⴰⵎⵎⴰⴷ ⵄⴰⵍⵉ ⵎⵓⵃⴰⵎⵎⴰⴷ ⵍⵉⵎⴰⵎ.
ⵖⵎⴽ ⵍⵍⵉ ⵉⵃⴰⴹⵕ ⵓⵍⴰ ⵎⴰⵙⵙ ⴰⵃⵎⴰⴷ ⵡⵍⴷ ⴱⴰⵀⵉⵀ, ⴰⵎⵙⵇⵇⴰⴷ ⵏ ⵎⵓⵕⵉⵟⴰⵏⵢⴰ ⴳ ⵕⵕⴱⴰⵟ, ⵎⴰⵙⵙ ⴰⵃⵎⴰⴷ ⵜⵡⵉⵣⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⵥⵖⵓⵕⵜ ⴷ ⵜⵎⴰⵜⵔⴰⵔⵜ, ⴷ ⵎⴰⵙⵙ ⵙⵉⴷⵉ ⵚⴰⵍⵃ ⵍⵉⴷⵔⵉⵙⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ ⵎⵓⵕⵉⵟⴰⵏⵢⴰ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ.