ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⵏⵙⵙⵉⵅⴼⵏ ⴷ ⵉⴳⵯⵏⵙⴰⵙⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵍⴽⴰⵔⴰⵢⵉⴱ ⴷ ⵍⵎⵉⴽⵙⵉⴽ (ⴼⵓⴱⵔⵉⵍ)

ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 28 ⵏⵓⵡⵏⴰⴱⵉⵔ 2024 ⴳ ⵕⴱⴱⴰⵟ, ⴷ ⵉⵏⵙⵙⵉⵅⴼⵏ ⴷ ⵉⴳⵯⵏⵙⴰⵙⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵍⴽⴰⵔⴰⵢⵉⴱ ⴷ ⵍⵎⵉⴽⵙⵉⴽ (ⴼⵓⴱⵔⵉⵍ) ⴷⴼⴼⵉⵔ ⵏ ⵜⴳⵉⵔⴰ ⵏ ⵜⵙⵎⵓⵏⵉ ⵜⵉⵙ 30 ⵏ ⴼⵓⴱⵔⵉⵍ ⵍⵍⵉ ⵉⵙⵏⵓⴱⴳ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵓⵙⵙⴰⵏ ⵏ 27 ⴷ 28 ⵏⵓⵡⴰⵏⴱⵉⵔ 2024. 

ⵉⵙⵏⵓⴱⴳ ⵎⴰⵙⵙ ⵟⴰⵍⴱⵉ ⵍⵄⴰⵍⵎⴰⵉ ⵎⴰⵙⵙ Ernesto Alfredo Castro Aldana ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵣⵣⵔⴰⴼⵜ ⵏ ⵙⵙⴰⵍⴼⴰⴹⵓⵕ, ⴷ ⵎⴰⵙⵙ Alfredo Pacheco Osoria ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⴷⴷⵓⵎⵉⵏⵉⴽⴰⵏ, ⴷ ⵎⴰⵙⵙ Luis Redondo Guifarro ⴰⵏⵙⵙⵉⵅⴼ ⵏ ⵓⴽⵓⵏⴳⵕⵉⵚ ⴰⵏⴰⵎⵓⵔ ⵏ ⵀⴰⵏⴷⵓⵕⴰⵚ ⴷ ⵎⴰⵙⵙ Jamis Gaspar Acosta Guerra.ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴱⴰⵏⴰⵎⴰ. 

ⵖⵎⴽ ⵍⵍⵉ ⵉⵙⵏⵓⴱⴳ ⵎⴰⵙⵙ ⵟⴰⵍⴱⵉ ⵍⵄⴰⵍⵎⴰⵉ, ⵎⴰⵙⵙ Jorge Emilio Espat ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⴱⵉⵍⵉⵣ, ⴷ ⵎⴰⵙⵙ César Amezquita ⴰⵎⴰⵔⵉ ⵏ  ⵓⴽⵓⵏⴳⵕⵉⵚ ⵏ ⴳⵡⴰⵟⵉⵎⴰⵍⴰ,ⴷ ⵎⴰⵙⵙ Luis Fernando Mendoza  ⴰⵏⵙⵙⵉⵅⴼ ⵉⵣⵔⵉⵏ ⵏ ⵜⵎⵙⵎⵓⵏⵜ ⵜⴰⵣⵣⵔⴰⴼⵜ ⵏ ⴽⵓⵙⵜⴰⵔⵉⴽⴰ, ⴰⵏⵙⵙⵉⵅⴼ ⵉⵣⵔⵉⵏ ⵏ ⴼⵓⴱⵔⵉⵍ (2014), ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵉⵥⵍⵉⵏ ⵙ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵙⴱⴱⴰⴱⵜ ⵏ ⴱⵕⵕⴰ ⴳ ⵜⵎⵙⵎⵓⵏⵜ ⵜⴰⵣⵣⵔⴰⴼⵜ ⵎⴰⵙⵙ , ⴷ ⵎⴰⵙⵙⴰ Marcela Guerra. ⵜⴰⵏⵙⵙⵉⵅⴼⵜ ⵉⵣⵔⵉⵏ ⴷ ⵜⴳⵎⴰⵎⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵎⵉⴽⵙⵉⴽ. 

ⴳ ⵉⵏⵎⵓⵇⵇⴰⵕⵏ ⴰⴷ, ⵙⴷⴷⵉⴷⵏ ⵉⵏⵙⵙⵉⵅⴼⵏ ⵏ ⵜⵎⵔⵙⴰⵍ ⵏ “ⴼⵓⴱⵔⵉⵍ” ⴰⵎⵓⵔⵙ ⵏ ⵜⵙⵎⵓⵏⵉ ⵉⵥⵍⵉⵏ ⵍⵍⵉ ⵉⵙⵏⵓⴱⴳ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ, ⵙⵓⵜⴳⵏ ⵜⵉⵖⵜⴰⵙⵉⵏ ⵙⵜⴰⵡⵀⵎⵎⴰⵏⵉⵏ ⴰⵎ ⵜⴰⵖⵜⴰⵙⵜ ⵏ ⵜⵉⴽⴽⵉ ⵏ ⵓⴼⵔⵉⵙ ⵏ ⵓⵎⴷⵔⴰⵡ ⵉⵣⵣⵉⴳⵣⵏ ⵉ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⴼⵓⴱⵔⵉⵍ. 

ⵙⴷⴷⵉⴷⵏ ⴼ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵓⵙⴷⵓⵙ ⵏ ⵓⵎⵢⴰⵡⴰ ⵊⴰⵔ ⵍⵎⵖⵔⵉⴱ ⴷ ⵜⵎⵉⵣⴰⵔ ⵏ ⴼⵓⴱⵔⵉⵍ, ⴷ ⵜⵣⵣⵉⴳⵣⵜ ⴳ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴷ ⵓⵙⵎⵀⵍ ⵏ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⵏⵉⵜ ⵛⵛⴰⵔⵏⵉⵏ ⵊⴰⵔ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴷ ⵎⴰⵕⵕⴰ ⵉⵙⵇⵇⵉⵎⵏ ⵉⵣⵣⵔⴰⴼⵏ ⵏ ⴼⵓⴱⵔⵉⵍ. 

ⵙ ⵜⵎⵍⴷⴰ, ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵏⴰⵥⴰⵕⵉⵏ ⵛⵛⴰⵔⵏⵉⵏ ⵊⴰⵔ ⵍⵎⵖⵔⵉⴱ ⴷ ⵉⵡⴰⵏⴽⵏ ⵏ ⵜⵙⴳⴰ ⴷ ⵜⵓⴳⴳⴰⵙ ⵉ ⵓⵎⵢⴰⵡⴰⵙ ⴷ ⵓⴷⵔⴰⵡ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ ⴳ ⵜⵎⵙⴰⵔⵉⵏ ⴷ ⵉⴳⵔⴰⵏ ⵛⵛⴰⵔⵏⵉⵏ. 

ⵖⵎⴽ ⵍⵍⵉ ⵉⵙⵎⵏⵉⴷ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵜⵉⴳⵎⵉ ⵜⴰⵎⴰⵜⴰⵢⵜ ⵉⵍⵍⴰⵏ ⴳ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱⵏ ⵉⵙⴰⵡⵍ ⴼ ⵜⵙⵓⵎⵔⵜ ⵏ ⵓⵏⴱⴰⴹ ⴰⵏⵉⵎⴰⵏ ⵍⵍⵉ ⵉⵙⵎⵏⵉⴷ ⵍⵎⵖⵔⵉⴱ ⵉ ⵓⴼⵓⴽⴽⵓ ⵏ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ ⵍⵍⵉ ⵢⵉⵡⵉⵏ ⴰⵙⵏⴰⵍ ⴰⴳⵔⴰⵖⵍⴰⵏ. 

ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵓⵍⴰ ⵜⵉⵙⵏⵜⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ , ⴰⵎ ⴰⵙⵏⴼⴰⵔ ⵏ ⵓⴳⴰⵣ ⵍⵎⵖⵔⵉⴱ-ⵏⵉⵊⵉⵔⵢ, ⵜⴰⵙⵏⵜⴰⵢⵜ ⵏ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⴷ ⴰⵟⵍⴰⵚⵉ, ⴰⴷⴰⴼ ⵏ ⵜⵎⵉⵣⴰⵔ ⵏ ⵓⴼⵜⴰⵙ ⵙ ⵜⵙⴳⴰ ⵏ ⴰⵟⵍⴰⵚⵉ, ⴷ ⴽⵉⴳⴰⵏ ⵢⴰⴹⵏⵉⵏ ⵏ ⵜⵎⵢⴰⵇⵇⴰⵏⵉⵏ ⴷ ⵉⵙⵏⴼⴰⵔⵏ.