ⵜⴰⵙⵎⵓⵏⵉ ⵉⵥⵍⵉⵏ ⵜⵉⵙ 30 ⵏ “ⴼⵓⴱⵔⵉⵍ” ⴳ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ
ⵔⴰⴷ ⵉⵙⵏⵓⴱⴳ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴰⵙⵙⴰⵏ ⵏ 27 ⴷ 28 ⵏⵓⵡⴰⵏⴱⵉⵔ 2024 ⴳ ⵕⵕⴱⴰⵟ, ⵜⴰⵙⵎⵓⵏⵉ ⵉⵥⵍⵉⵏ ⵜⵉⵙ 30 ⵏ ⵓⵏⵎⵓⵇⵇⴰⵕ ⵏ ⵉⵏⵙⵙⵉⵅⴼⵏ ⴷ ⵜⵏⵙⵙⵉⵅⴼⵉⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵍⴽⴰⵔⴰⵢⵉⴱ ⴷ ⵍⵎⵉⴽⵙⵉⴽ (ⴼⵓⴱⵔⵉⵍ).
ⵔⴰⴷ ⵜⵉⵍⵉ ⵓⵍⴰ ⵜⵉⵏⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴼ: “ⴰⵎⵢⴰⵡⴰⵙ ⵊⴰⵔ ⵉⴼⵔⵉⵇⵢⴰ ⴷ ⵎⴰⵔⵉⴽⴰⵏ ⵜⴰⵍⵜⵉⵏⵉⵜ ⵉ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵏ ⵜⵏⴼⵔⵓⵜ ⴷ ⵓⴼⵔⴰ”, ⵙ ⵓⵙⵎⵏⵉⴷ ⵏ ⵜⵙⵏⵜⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵓⵙⴷⵓⵙ ⵏ ⵓⴼⵔⴰ ⴷ ⵜⵎⵢⵉⴷⵉⵔⵜ ⵉⵛⵛⴰⵔⵏ.
ⵔⴰⴷ ⵜⵉⵍⵉⵜ ⵜⵙⵎⵓⵏⵉ ⴰⴷ ⵜⵉⵙ 30 ⴼ: ⴰⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵛⵛⴰⵔⵏⵉⵏ: ⵜⴰⵏⴼⵔⵓⵜ ⴷ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵜⴳⵎⵉ ⵜⴰⴷⵎⵙⴰⵏⵜ, ⵖⵎⴽ ⴰⵏⵏ ⴷ ⵓⵙⵉⵡⴹ ⴼ ⵓⵙⵎⵖⵔ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵙⴳ “ⴰⴳⵎⴰⵎ ⵉⵎⵥⵕⵉ ⴰⵙⵓⵍⴰⵏ” ⴷⴰⵔⵓⵏⵎⵓⵇⵇⴰⵔ, ⵍⵍⵉ ⵢⵓⵎⵣ ⴳ 2014, ⵙ ⵓⴼⵔⵉⵙ “ⴰⵎⴷⵔⴰⵡ ⵉⵣⵣⵉⴳⵣⵏ”.
ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⴼ ⴽⴽⵓⵥ ⵉⵙⵏⵜⵍⵏ ⵣⴷⵉⵏⵉⵏ ⴷ ⵓⵙⴱⴷⴷⵉ ⵏ ⵜⵏⴼⵔⵓⵜ ⴳ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⴱⵕⵕⴰ ⵏⵏⵙ, ⵜⴰⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵉ ⵓⵙⴱⴷⴷⵉ ⵏ ⵉⴷⵔⵉⵣⵏ ⵉⵏⴰⵎⵓⵏⵏ ⴷ ⵉⴷⵎⵙⴰⵏⵏ ⵉ ⵉⵙⵏⴼⵍⵏ ⵏ ⵓⵏⵣⵡⵉ, ⵜⵉⴳⵎⵉ ⵏ ⵓⵙⵉⴷⴼ, ⴰⵖⴰⵡⴰⵙ ⵏ ⵜⵡⵓⵔⵉ ⵜⴰⵙⴳⴰⵡⴰⵏⵜ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ, ⴷ ⵓⵙⵎⵏⵉⴷ ⵏ ⵓⵙⵍⴳⵏ ⴰⵙⴰⵜⵉ ⴰⵏⵎⵏⴰⴹ ⵏ ⵓⵙⴱⴷⴷⵉ ⵏ ⵓⵙⵖⵏⵣⵉ ⴳ ⵓⴼⴳⴰⵏ ⵙⵍⴰⵡⴰⵏ ⴰⴽⴽⵯ ⵜⵉⵎⵖⴰⵔⵉⵏ ⴷ ⵜⴰⵣⵣⴰⵏⵉⵏ.
ⵖⵎⴽ ⵍⵍⵉ ⵔⴰⴷ ⵜⵜⵓⵙⴽⵉⵔⵏ ⵉⵏⵎⵓⵇⵇⴰⵔⵏ ⵊⴰⵔ ⵉⵎⴰⵙⴰⵢⵏ ⵉⵎⵖⵔⵉⴱⵉⵢⵏ ⴷ ⵉⵏⵙⵙⵉⵅⴼⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵉⴽⴰⴱⴰⵕⵏ ⵉⴱⵕⵍⴰⵎⴰⵏⵉⵢⵏ ⵙⴳ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵍⴽⴰⵔⴰⵢⵉⴱ ⴷ ⵍⵎⵉⴽⵙⵉⴽ.
ⵉⵜⵜⵓⵙⴽⴰⵔ ⵓⴽⴰⴱⴰⵕ ⵏ ⴼⵓⴱⵔⵉⵍ ⴳ 1994, ⵉⵡⴰⵜⵜⵙ ⴰⵙⵏⴰⵍ ⵏ ⵉⵎⴰⵙⵙⵏ ⵏ ⵓⵣⴷⴰⵢ ⵏ ⵉⵣⵣⵔⴰⴼⵏ ⵊⴰ ⵉⵡⴰⵏⴽⵏ ⵏⵏⵙ, ⴷ ⵓⵎⵛⴰⵡⴰⵕ ⵊⴰⵔ ⵉⵏⵙⵙⵉⵅⴼⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵉ ⵓⵙⵎⴽⵍ ⵏ ⵜⵎⵓⴽⵔⵉⵙⵉⵏ ⵏ ⵜⵙⴳⴰ, ⴷ ⵓⵙⵏⴰⵍ ⵏ ⵜⵖⵓⵔⵉⵡⵉⵏ ⵜⵉⵏⵎⵏⴰⴹⵉⵏ.
ⵢⵓⵎⴰ ⵓⴳⵔⴰⵡ ⴰⴷ ⵉⵏⵙⵙⵉⵅⴼⵏ ⵏ ⵜⵥⴰⵜ ⵜⵎⵉⵣⴰⵔ: ⴳⵡⴰⵟⵉⵎⴰⵍⴰ, ⴱⵉⵍⵉⵣ, ⵙⵙⴰⵍⴼⴰⴹⵓⵕ, ⵀⵉⵏⴹⵓⵕⴰⵚ, ⴽⵓⵙⵜⴰⵔⵉⴽⴰ, ⴱⴰⵏⴰⵎⴰ, ⴷⴷⵓⵎⵉⵏⵉⴽⴰⵏ, ⵍⵎⵉⴽⵙⵉⴽ, ⴱⵓⵔⵜⵓⵔⵉⴽⵓ. ⵉⴳⵎⴰⵎⵏ ⵉⵎⵥⵔⴰⵢⵏ: ⴰⴱⵕⵍⴰⵎⴰⵏ , ⵎⴰⵔⵉⴽⴰⵏ ⵜⴰⵍⴰⵜⵉⵏⵉ, ⴰⴱⵕⵍⴰⵎⴰⵏ , ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ, ⴰⵙⵇⵇⵉⵎ ⵏ ⵉⵎⵓⵔⴰ ⵏ ⵛⵛⵉⵍⵉ, ⴰⴱⵕⵍⴰⵎⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ.
