ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵓⵕⵥⵥⵓⵎ ⵏ ⵓⵏⵎⵓⵇⵇⴰⵕ ⴰⴱⵕⵍⴰⵎⴰⵏⵉ ⴼ ⵜⵏⴳⴰⴷⴷⴰⵢⵜ ⴷ ⵢⵉⵙⴽⵉⵍ ⴷⴷⵓ ⵜⵎⴰⵜⴰⵔⵜ: “ⴰⴱⵕⵍⴰⵎⴰⵏ ⴰⵍⴰⵢ ⴰⵙⵉⵍⴰⵏ ⵉ ⵓⵙⴷⵓⵙ ⵏ ⵜⵏⴳⴰⴷⴷⴰⵢⵜ ⴷ ⵢⵉⵙⴽⵉⵍ”

ⵉⵙⵙⵉⵅⴼ ⵎⴰⵙⵙ ⵕⴰⵛⵀⵉⴷ ⵟⴰⵍⴱⵉ ⵍⵄⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵎⵡⴰⵙ 22 ⵏⵓⵡⴰⵏⴱⵉⵔ 2024 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⴰⵏⵎⵓⵇⵇⴰⵕ ⴰⴱⵕⵍⴰⵎⴰⵏⵉⴰ ⵙⴳⴳⵯⵙⴰⵏ ⵉ ⵢⵉⵙⴽⵉⵍ ⴷ ⵜⵏⴳⴰⴷⴷⴰⵢⵜ, ⵍⵍⵉ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⴷⴷⵓ ⵉⵡⵉⵣ ⴰⵎⴰⵜⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴷⴷⵓ ⵜⵎⴰⵜⴰⵔⵜ: “ⴰⴱⵕⵍⴰⵎⴰⵏ ⴰⵍⴰⵢ ⴰⵙⵉⵍⴰⵏ ⵉ ⵓⵙⴷⵓⵙ ⵏ ⵜⵏⴳⴰⴷⴷⴰⵢⵜ ⴷ ⵢⵉⵙⴽⵉⵍ”. ⵜⴰⴳⵔⵉ ⵏ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ: 
 

ⵙ ⵉⵙⵎ ⵏ ⵕⴱⴱⵉ

* ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ

* ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

* ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⵡⵏⴹⴰⵏ

* ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ

* ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵜⴳⵔⴰⵡⵜ ⵜⴰⵏⴰⴼⵍⵍⴰⵜ ⵏ ⵓⵎⵢⴰⵡⴰⴹ ⴰⵙⵍⵉⵥⵉⵕ

* ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵎⴰⵎⵏ ⵏ ⵓⵙⵉⵔⴰ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ

* ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵓⵔⴰ

* ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵯⵏⵙⴰⵙⵏ ⵏ ⵉⴱⵕⵍⴰⵎⴰⵏⵏ ⵉⵎⴷⴷⵓⴽⴽⵯⴰⵍ

* ⵎⴰⵙⵙ ⴰⴳⵯⵏⵙⴰⵙ ⵏ ⵜⵎⴰⴷⴷⴰⵙⵜ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵜⵎⵖⴰⵔⵜ (ONUFEMMES)

* ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵯⵏⵙⴰⵙⵏ ⵏ ⵜⵙⵏⵓⵔⴰⵢⵉⵏ ⵏ ⵜⵎⵜⵜⴰ ⵎⵓⵏⵏⵓⵏ* 

* ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ.

ⵉⴳⴰ ⵉⵢⵉ ⴰⴷⴷⵓⵔ ⴰⴷ ⴷⵉⴷⵓⵏⵜ/ⴷⵉⴷⵓⵏⵜ ⵕⵥⵎⵖ ⴰⵏⵎⵓⵇⵇⴰⵕ ⴰⴱⵕⵍⴰⵎⴰⵏⵉ ⵏ ⵜⵏⴳⴰⴷⴷⴰⵢⵜ ⴷ ⵢⵉⵙⴽⵉⵍ ⴳ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ, ⵍⵍⵉ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⴷⴷⴰⵡ ⵉⵡⵉⵣ ⴰⵎⴰⵜⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴷⴷⵓ ⵜⵎⴰⵜⴰⵔⵜ: “ⴰⴱⵕⵍⴰⵎⴰⵏ ⴰⵍⴰⵢ ⴰⵙⵉⵍⴰⵏ ⵏ ⵓⵙⴷⵓⵙ ⵏ ⵜⵏⴳⴰⴷⴷⴰⵢⵜ ⴷ ⵢⵉⵙⴽⵉⵍ”.

ⵖ ⵜⵣⵡⵉⵔⵉ, ⴰⵔ ⵜⵜⵉⵏⵉⵖ ⴰⵙⵏⵉⵎⵎⵔ ⵉⴳⴳⵓⵜⵏ ⴷ ⵉⵅⴰⵜⵔⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴼ ⵉⵡⵉⵣ ⵏⵏⵙ ⴰⵎⴰⵜⵜⵓⵢ ⴼ ⵓⵏⵎⵓⵇⵇⴰⵔ ⴰⴷ ⵍⵍⵉ ⵉⵎⵎⴰⵍⴰⵏ ⴰⵅⵎⵎⴻⵎ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵉⵣⵔⴼⴰⵏ ⵏ ⵜⵎⵖⴰⵔⵜ ⴷ ⵜⵓⵡⵊⴰ ⵙ ⵓⵎⴰⵜⴰ, ⴷ ⵢⵉⵙⴽⵉⵍ ⵙ ⵎⴰⵕⵕⴰ ⵉⵎⵏⴰⴷⵏ ⵏⵏⵙ. 

ⵉⴳⴰ ⵉⵙⴽⵉⵍ ⴷ ⵜⵏⴳⴰⴷⴷⴰⵢⵜ ⴷ ⵜⵉⵍⵉⵜ ⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ, ⴷ ⵡⴰⵍⴰⵢ ⵏ ⵜⵉⵍⵉⵜ ⵏⵏⵙⵏⵜ ⴳ ⵡⴰⵎⴰⵎⵙⵏ ⵏ ⵜⵖⵜⴰⵙⵜ ⵜⴰⴳⵯⵏⵙⴰⵙⵜ ⴷ ⵜⵎⵣⵣⴳⴰⵔⵜ, ⵢⴰⵏ ⴳ ⵓⴷⵎⴰⵡⵏ ⵏ 25 ⵏ ⵓⵙⴳⴳⵯⴰⵙ ⵏ ⵓⵏⴱⴰⴹ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵉⵎⵎⴰⵖⵏ ⴼ ⴰⴷ ⴳⵉⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵡⴰⴷⴷⵓⵔ ⵏⵏⵙⵏⵜ ⴳ ⵓⴳⵯⵏⵙ ⵏ ⵉⵎⵓⴽⵏⵏ ⵏ ⵜⴳⵍⴷⵉⵜ ⴳ ⵓⴼⴽⴽⵓⵥ ⵏ ⵜⴰⵙⵓⵜ. 

 ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵔⴰⴷ ⵢⵉⴳⵓⵜ ⵡⴰⵡⴰⵍ ⴼ ⵉⵎⵓⴽⵏⵏ ⵣⴷⵉⵏⵉⵏ ⴷ ⵓⵙⵉⵥⴹⵕ ⴰⵣⵔⴼⴰⵏ ⵏ ⵜⵎⵖⴰⵔⵉⵏ ⵍⵍⵉ ⵉⵙⴳⵓⴷⵉ ⵍⵎⵖⵔⵉⴱ, ⵎⴰⵙⵙ ⴰⵔ ⵥⵕⵕⴰⵖ ⵉⵙ ⵉⴳⴰ ⵓⵛⵛⵉⵍ ⴰⴷ ⵙⵙⴽⵯⵜⵉⵖ: ⴰⵙⵖⵣⵏ ⵏ ⵓⵍⵓⴳⵏ ⵏ ⵜⵓⵡⵊⴰ ⴳ 2001 ⴳ ⵟⵟⴰⴼⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⵉⵎⴰⵜⵜⵓⵢⵏ ⵜⵉⵍⴰⵍⵜ ⴰⴷ ⵉⴳ ⴰⵍⵓⴳⵏ ⴰⵣⵔⴼⴰⵏ ⵉ ⵜⵎⵖⴰⵔⵉⵏ ⴷ ⵡⴰⵔⵔⴰⵡ, ⴷ ⵜⵓⵡⵊⴰ ⴰⴽⴽⵯ, ⴰⵎⵓⴽⵏ ⵏ ⵓⵙⵍⴳⵏ ⵏ ⵜⵏⵎⵓⵔⵉ ⵃⵎⴰ ⴰⴷ ⵜⵉⵥⴷⵉⵕ ⵜⵎⵖⴰⵔⵜ ⵜⴰⵎⵖⵔⵉⴱⵉⵜ ⴰⴷ ⵜⴼⴽ ⵜⴰⵏⵎⵓⵔⵉⵜ ⵏⵏⵙ ⵉ ⵜⴰⵔⵡⴰ ⵏⵏⵙ, ⴰⵙⵖⵣⵏ ⵏ ⵓⵙⵏⵓⵃⵢⵓ ⵓⵎⵏⵉⴳ ⵉ ⵡⴰⵍⴰⵢ ⵏ ⵜⴳⵯⵏⵙⴰⵙⵜ ⵏ ⵜⵎⵖⴰⵔⵉⵏ ⴳ ⵓⴱⵕⵍⴰⵎⴰⵏ ⴷ ⵜⵎⵔⵙⴰⵍ ⵢⴰⴹⵏⵉⵏ ⵜⵉⵏⴰⴽⴰⵍⵉⵏ, ⴰⵣⵎⵎⴻⵎ ⵏ ⵜⴳⵍⴷⵉⵜ ⵏ ⴽⵉⴳⴰⵏ ⵏ ⵉⵎⵇⵇⵏⵏ ⴷ ⵉⵎⴰⵙⵙⵏ ⵉⴳⵔⴰⵖⵍⴰⵏⵏ ⴼ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵓⵙⵖⵣⵏ ⵏ ⵓⵙⵍⴳⵏ ⵏ ⵓⵙⴱⴷⴷⵉ ⵏ ⵜⴽⵕⴷⵉ ⵎⴳⴰⵍ ⵏ ⵜⵎⵖⴰⵔⵉⵏ, ⴰⵢⵍⵍⵉ ⵉⵙⴽⵔⵏ ⴳ ⵓⵙⵉⵥⴹⵕ ⴰⴷⵎⵙⴰⵏ ⴷ ⵓⵏⴰⵎⵓⵏ ⵏ ⵜⵎⵖⴰⵔⵉⵏ ⴰⵎⵏⴰⴳⴰⵔ ⴳ ⵉⵣⵣⵔⴰⴼⵏ ⵉⵏⴰⵎⵓⵔⵏ ⴷ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵓⵙⵣⵏ ⵏ ⵜⵎⵙⴰⵙⵜⵍ ⵏ ⵡⴰⵏⴰⵡ, ⴰⵙⵏⴰⵍ ⵏ ⵜⴷⵎⵙⴰ ⵜⴰⵏⴰⵎⵓⵏⵜ ⴷ ⵉⵎⴰⵙⵙⵏ ⵏⵏⵙ ⵍⵍⵉⵖ ⵙⴽⴰⵔⵏⵜ ⵜⵎⵖⴰⵔⵉⵏ ⵜⵉⵍⴰⵍ ⵅⴰⵜⵔⵏⵉⵏ ⴳ ⵓⵙⵎⵖⵔ ⵏ ⵢⵉⴳⵔ ⴰⴷ ⵓⴷⴷⵉⵔ, ⴷ ⴽⵉⴳⴰⵏ ⵢⴰⴹⵏⵉⵏ ⵏ ⵉⵎⵓⴽⵏⵏ ⴼⴰⵡⵏⵉⵏ. 

ⵉⴳⴰ ⵓⵙⴷⵙⵜⵔ ⵏ ⵉⵣⵔⴼⴰⵏ ⵏ ⵜⵡⵓⵊⴰ ⴷ ⵜⵎⵖⴰⵔⵉⵏ ⵙ ⵓⴷⵎⴰⵡⵏ ⵏⵏⵙⵏ ⴰⴽⴽⵯ ⴷ ⵓⴱⴷⵔ ⵏ ⴰⵔⴰⵙⵏⵓⵃⵢⵓ, ⴰⵙⵔⵙ ⴰⵎⵇⵇⵔⴰⵏ ⵏ ⵓⵎⵓⴽⵏ, ⵉⵖ ⵢⵓⵎⴰ ⵓⴷⵓⵙⵜⵓⵔ ⴽⵉⴳⴰⵏ ⴼ ⵉⵣⵔⴼⴰⵏ ⵏ ⵓⴼⴳⴰⵏ, ⵀⴰⵜ ⴰⴱⴷⵔ ⴳ ⵉⵎⵉⵔ ⴰⵎⵣⵡⴰⵔⵓ, ⴳ ⵓⴳⵣⵣⵓⵎ ⵏ ⵜⴷⵔⴼⵉⵢⵉⵏ ⴷ ⵉⵣⵔⴼⴰⵏ ⵉⵙⵉⵍⴰⵏⵏ ⴰⵙⴷⴷⵉⴷ : “ ⴰⵔ ⵉⵜⵜⴰⵎⵥ ⵓⵔⴳⴰⵣ ⴷ ⵜⵎⵖⴰⵔⵜ, ⵙ ⵜⵖⴰⵔⴰⵙⵜ ⵉⴳⴰⴷⴷⴰⵏ, ⵉⵣⵔⴼⴰⵏ ⴷ ⵜⴷⵔⴼⵉⵏ ⵜⵓⵖⵔⵉⵎⵉⵏ ⴷ ⵜⵙⵔⵜⴰⵏⵉⵏ ⴷ ⵜⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴷ ⵜⴷⵍⵙⴰⵏⵉⵏ ⴷ ⵜⵡⵏⴹⴰⵏⵉⵏ, ⵍⵍⵉ ⵜⵜⴰⵡⴱⴷⴰⵔⵏⵉⵏ ⴳ ⵓⴷⵓⵙⵜⵓⵔ, ⴷ ⵜⵎⵢⴰⵇⵇⴰⵏⵏⵉⵏ ⴷ ⵉⵎⵇⵇⵏⵏ ⵎⴽ ⵜⵏ ⵉⵙⵖⵣⵏ ⵍⵎⵖⵔⵉⴱ”, ⴰⵢⵍⵍⵉ ⵉⵟⵟⴰⴼⵏ ⵉⵎⵏⴰⴷⵏ ⵥⵉⵍⵏⵉⵏ ⵥⵍⵉⵏⵉⵏ, ⴷ ⵜⴱⵔⴰⵜ ⴷ ⵉⵇⵇⴰⵏ ⵓⵙⵙⵏ ⵉ ⵜⵉⵍⵉⵜ ⴷ ⵉⵎⴰⵍ. 

ⴰⵢⵍⵍⵉ ⵉⵙⴽⴰⵔⵏ ⴳ ⵡⴰⵏⴰⵡ ⴰⵎⵖⵔⵉⴱⵉ ⴳ ⵓⵎⵓⴽⵏⵏ, ⴳ ⵢⵉⴳⵔ ⴰⴷ ⵡⴰⴷ ⵉⴳⴰⵏ ⴰⵎⵣⵡⴰⵔⵓ, ⵖⵎⴽ ⴰⵏⵏⴰ ⴷ ⵉⴳⵔⴰⵏ ⵢⴰⴹⵏⵉⵏ, ⵉⴳⴰ ⵜ ⵎⴰⵙ ⵉⴱⴷⴷ ⴼ ⵓⵎⵙⴰⵙⴰ ⴷ ⵓⵎⵛⴰⵡⴰⵕ ⴷ ⵓⵙⴷⵔⴰⵡ, ⵉⴱⴷⴷⵏ ⴼ ⵓⵙⵓⵜⴳ ⴷ ⵓⵙⴳⵓⴷⵉ, ⵜⵉⵕⵡⵉ ⴷ ⵜⵙⵓⵍⴰⵏⵜ ⴷ ⵓⵙⵖⵏⵓ ⵏⵏⵙ, ⴰⵔ ⴳⵉⵙ ⵙⴽⴰⵔⵏ ⵡⴰⴷⴷ ⵉⵏⵏⵓⵕⵥⵎⵏ ⴼ ⴽⵉⴳⴰⵏ ⵏ ⵜⵣⵣⵉⴳⵣⵜ ⴷ ⵓⵙⵖⵓⴷⵓ ⴷ ⵓⵎⵢⴰⵡⴰⴹ ⴰⴽⴷ ⵉⵎⵇⵇⵏⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ. 

ⴳ ⵓⵎⵏⴰⴹ ⴰⴷ, ⴰⵔ ⴷ ⵏⵙⴽⵯⵜⵉ ⵉⵡⵉⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴼ ⵓⵕⵥⵥⵓⵎ ⵏ ⵓⵎⵙⴰⵡⴰⵍ ⴰⵏⴰⵎⵓⵔ ⴷ ⵉⵎⵛⴰⵡⴰⵕ ⵏ ⵓⵣⵣⵔⴰⵢ ⵏ ⵓⵙⵍⴳⵏ ⴷⴼⴼⵉⴼ ⵏ ⵡⴰⴳⵏⴰⵔ ⵏ ⵉⵙⴳⴳⵯⴰⵙⵏ ⵏ ⵓⵙⵖⵣⵏ, ⵍⵍⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵜⴰⵏⴰⴹⵜ ⵏⵏⵙ ⵉ ⵜⴳⵔⴰⵡⵜ ⵙⴳ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ ⴷ ⵉⴳⵔⴰⵏ ⵓⵏⴱⵉⴹⵏ ⴰⴷ ⵙⵡⵓⴷⴷⵓⵏ ⴰⵎⵙⴰⵡⴰⵍ ⴰⴷ ⴷ ⵉⵎⵛⴰⵡⴰⵕⵏ ⴳⴳⵓⵜⵉⵏ, ⴷ ⵜⵖⵉⵎⵉⵜⵉⵏ ⵏ ⵓⵙⵙⴼⵍⴷ ⴰⴽⴷ ⵉⴼⵔⴷⴰⵙ ⵏ ⵡⴰⵎⵓⵏ ⴷ ⵉⵎⵉⵥ ⵏ ⵜⵙⵓⴰⵔ, ⴰⵢⵍⵍⵉ ⴷ ⵢⵡⵉⵉⵏ ⴰⵏⵇⵇⵉⵙ ⴰⵎⴳⴳⴰⵔⵓ ⵍⵍⵉ ⵜⵙⵓⵊⴰⴷ ⵜⴳⵔⴰⵡⵜ ⴳ ⵜⴳⵉⵔⴰ ⵏ ⵡⴰⵢⵢⵓⵔ ⵏ ⵎⴰⵕⵚ ⵉⵣⵔⵉⵏ ⵉ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵃⵎⴰ ⴰⴷ ⵜ ⵉⵚⵕⴼ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴳⵍⴷⵓⵏ ⵏ ⵉⵎⵓⵎⵏⵏ. 

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵉⵖ ⵔⴰⴷ ⵏⵙⵜⵉ ⴰⵣⵡⵍ ⵉ ⵓⵙⵜⴰⵢ ⴰⵎⵖⵔⵉⴱ ⴳ ⵓⵎⵓⴽⵏ ⴷ ⵜⵣⵣⵉⴳⵣⵜ, ⵔⴰⴷ ⵜ ⵉⴳ ⴰⵙⴷⵙⵜⵔ ⴷ ⵓⵙⵎⵔⵙⵍ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵍⵉⵏ ⴳⵉⵙⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⵙ ⵜⵓⵎⴰⵢⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⴷⵍⵙⴰⵏⵜ, ⴷ ⵓⵙⵎⵀⵍ ⴰⵙⵎⵔⵙⴰⵍⴰⵏ. ⴰⴼⵔⵉⵇ ⵉⵎⵓⵏⵏ ⴷ ⵜⵡⵓⵔⵉ ⴰⴷ ⵏ ⵓⵎⵓⴽⵏ ⵉⴳⴰ ⵜ: ⴰⵙⵎⴰⵢⵏⵓ ⴷ ⵓⵙⵜⵔⴰⵜ. 

ⵎⴽ ⵉⴳⴰ ⵍⵃⴰⵍ ⴳ ⴽⵓ ⴰⵡⴰⵏⴽ ⴰⴷⵉⵎⵓⵇⵔⴰⵟⵉ ⵢⵓⵙⵉⵏ ⴰⵙⵙⴰⵖ ⴰⴷ, ⴰⵔ ⵉⵙⴽⴰⵔ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵜⵉⵍⴰⵍⵜ ⵉⴳⴳⵓⵜⵏ ⴳ ⵉⵎⵓⴽⵏⵏ ⴰⴷ, ⴷ ⵓⴹⴼⵕ ⵏ ⵓⴷⵔⵉⵣ ⵏⵏⵙ, ⴷ ⵉⵎⵉⵥ ⵏⵏⵙⵏ. ⴰⵔ ⴷ ⵏⵙⵙⴽⵯⵜⵉ ⵙ ⵓⵎⴷⵢⴰ ⴰⵙⵓⵜⴳ ⵏ ⵓⵙⵍⴳⵏ 103.13 ⴼ ⵓⵙⴱⴷⴷⵉ ⵏ ⵜⴽⵕⴷⵉ ⵎⴳⴰⵍ ⵏ ⵜⵎⵖⴰⵔⵉⵏ ⵍⵍⵉ ⵉⵙⴽⵔ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵙⴳⴳⵯⴰⵙ ⴰⵣⵣⵔⴰⴼ ⵍⵍⵉ ⵉⵣⵔⵉⵏ, ⵙⴳ ⵜⵉⵙⵏⵜⴰⵢⵉⵏ ⵢⴰⴹⵏⵉⵏ ⵏ ⵓⵣⵣⵔⴰⴼ ⴷ ⵜⵉⴹⴰⴼ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ. 

ⵍⵍⵉⵖⵉⴼⵔⴽ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵉⵥⵉⵍ ⵏ ⵜⴷⵔⴰⵡⵜ ⵏ ⵜⵎⵖⴰⵔⵉⵏ, ⴳ ⵎⴰⴷ ⵉⵥⵍⵉⵏⵏ ⵙ ⵉⵣⵔⴼⴰⵏⴷ ⵜⵏⴳⴰⴷⴷⴰⵢⵜ ⴷ ⵢⵉⵙⴽⵉⵍ, ⴷ ⵓⵙⵉⵥⴹⵕ ⴷ ⵜⴷⵔⴰⵡⵜ, ⵉⵎⵎⴰⵖ ⴰⴷ ⵜⵉⵍⵉ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵏⴳⴰⴷⴷⴰⵢⵜ ⴷ ⵢⵉⵙⴽⵉⵍ, ⵍⵍⵉ ⵉⴳⴰⵏ ⴰⵙⵏⵜⵍ ⵉⴱⴷⴷⵏ ⵉⵍⵍⴰⵏ ⴳ ⵓⵏⴳⵔⴰⵡ ⵏⵏⵙ ⴰⴳⵯⵏⵙⴰⵏ. 

ⵙⵜⵎⵍⴷⴰ ⴰⴷ, ⴷⴰ ⵙⵓⵜⴳⵖ ⵜⴰⴷⵉⵏⴰⵎⵉⵜ ⵏ ⵜⵔⴰⴱⴱⵓⵜ ⴰⴷ ⴳ ⵜⵓⵚⴽⴰ ⵏⵏⵙ ⵏ ⵖⵉⵍⴰⴷ ⵓⵍⴰ ⵜⴰⴷ ⵉⵣⵔⵉⵏ, ⴰⵔ ⵜⵜⴰⵡⵏⵜ ⵜⵙⵓⵎⴰⵔ ⵏⵏⵙ ⴷ ⵜⵉⵍⴰⵍ ⵏⵏⵙ, ⴳ ⵓⵙⵖⵏⵓ ⵏ ⵓⵎⴹⴰⴽⴰⵕ ⴰⵎⵔⵙⵍⴰⵏ ⴷ ⵓⴳⴷⵓⴷⴰⵏ ⵖⴼ ⵜⵙⵎⵉⴳⴰⵍ ⵏⵏⵙ, ⴷ ⵓⵙⵡⵉⵏⴳⵉⵎ ⴷ ⵜⵉⵔⵔⴰ ⵏ ⵜⵙⵓⵎⴰⵔ ⵉ ⵓⵙⴷⵓⵙ ⵏ ⵜⵏⴳⴰⴷⴷⴰⵢⵜ ⴷ ⵢⵉⵙⴽⵉⵍ. 

ⴳ ⵓⵎⵏⴰⴹ ⴰⴷ, ⵉⵍⵍⴰ ⵓⵙⵏⵎⴰⵍⴰ ⵏ ⵓⵏⵎⵓⵇⵇⴰⵔ ⵍⵍⵉ ⵉⴳⴰⵏ ⴰⵙⴰⵢⵔⴰⵔ ⵏ ⵓⵎⵙⵡⴰⵍ ⵙ ⵜⴷⵔⴰⵡⵜ ⵏ ⵜⵎⵙⵔⵙⴰⵍ ⵜⵉⴷⵙⵜⴰⵔⵉⵏ ⴷ ⵜⵏⴱⴰⴹⵜ, ⴷ ⵜⴳⵔⴰⵡⵉⵏ ⵏ ⵜⵏⵏⵓⴱⴹⴰ, ⴷ ⵡⴰⵎⵓⵏ ⴰⵖⵔⵎⴰⵏ ⵉⵜⵜⵏⵄⴰⵕⵏ ⵉⵣⵔⴼⴰⵏ ⵜⵎⵖⴰⵔⵉⵏ, ⴰⵢⵍⵍⵉ ⵢⵉⵡⵙⵏ ⴳ ⵉⵥⵉⵕ ⵏ ⵉⵎⴰⵍ ⵏ ⵉⴽⵛⵓⵎⵏ ⵍⵍⵉ ⵔⴰⴷ ⵉⵙⴷⵓⵙ ⵜⴰⵏⴳⴰⴷⴷⴰⵢⵜ ⴷ ⵢⵉⵙⴽⵉⵍ ⴳ ⵓⵙⴰⵜⵉ ⵏ ⵎⴰⴷ ⵉⵍⵍⴰⵏ ⴳ ⵓⴷⵓⵙⵜⵓⵔ ⴷ ⵉⵙⵖⵡⴰⵏⵏ ⵉⴳⵔⴰⵖⵍⴰⵏⵏ ⵍⵍⵉ ⵜⵙⵖⵣⵏ ⵜⵎⴰⵣⵉⵔⵜ ⵏⵏⵖ. 

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵏⵏⴻⵏⵓⵔ ⴰⴷ ⵢⴰⵡⵙ ⵓⵏⵎⵓⵇⵇⴰⵔ ⴰⴷ ⴷ ⵉⵎⴹⴰⴽⴰⵕⵏ ⵏⵏⵙ ⴳ ⵓⵙⵓⵊⴷ ⵏ ⵉⵙⵉⵡⵏⴳⵉⵎⵏ ⵍⵍⵉ ⵔⴰⴷ ⵢⴰⵡⵉ ⵜⵉⵙⵓⵎⴰⵔ ⵉ ⵓⵙⴷⵓⵙ ⵏ ⵓⵎⵎⵉⵥⵏ, ⵉⴳⴰ ⵍⵃⴰⵍ ⵜⴰⵙⵓⵎⵔⵜ ⵜⴰⵏⴰⵎⵓⵔⵜ, ⵓⵔ ⵉⵣⴷⵉⵏ ⵖⴰⵙ ⵙ ⵉⵙⵎⴳⵏⵏ, ⵎⴰⵛⵛ ⴷ ⵜⴷⵍⵙⴰ ⴷ ⵉⵙⵎⵓⵇⵇⵓⵍⵏ ⵉⵏⴰⵎⵓⵏⵏ, ⵜⴳ ⵜⵎⵙⴽⵔⵜ ⵏ ⵓⵎⵙⴰⵡⴰⵙ, ⵜⴰⵔⵙⵍⵜ ⵏ ⵓⵎⵓⵔⵙ ⴳ ⵓⴱⵔⵉⴷ ⴰⴷ. ⵉⵇⵇⴰⵏ ⴷ ⴼ ⴽⵓⵢⴰⵏ ⴰⴷ ⵉⵙⴽⵔ ⵙ ⵜⵓⵎⴰⵢⵉⵏ ⵏ ⵓⴷⵓⵙⵜⵓⵔ, ⴷ ⵉⵙⵡⴰⵍⴰⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴱⴰⴱ ⵏ ⵡⴰⴷⴷⵓⵔ ⵍⵍⵉ ⵉⵍⵍⴰⵏ ⴼ ⵜⵎⵙⴰⵔⵉⵏ ⵏ ⵜⵡⵓⵊⴰ ⴷ ⵜⵣⵣⵉⴳⵣⵜ ⵏ ⵉⵣⵔⴼⴰⵏ ⵏⵏⵙ. 

ⵔⴰⴷ ⵉⴼⴰⵍⴽⵉ ⵓⵍⴰ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴽⴷ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ ⵏ ⵜⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ, ⴳ ⵙⵉⵏ ⵉⴱⵔⵉⴷⵏ: ⴰⵎⵣⵡⴰⵔⵓ ⴳ ⵓⵙⵙⵏ ⵏ ⵜⵎⵙⴽⴰ ⵏ ⵓⵎⵣⴰⵣⴰⵍ ⵥⵉⵍⵏⵉⵏ ⴳ ⵉⴳⵔ ⵏ ⵜⵏⴳⴰⴷⴷⴰⵢⵜ ⴷ ⵢⵉⵙⴽⵉⵍ ⴷ ⵜⵎⴷⵔⴰⵡⵜ, ⵡⵉⵙ ⵙⵉⵏ ⴳ ⵓⵙⵉⵙⵙⵏ ⵏ ⵜⵎⵙⴽⴰⵔ ⵏⵏⵖ ⵜⵉⵏⴰⵎⵓⵔⵉⵏ ⴳ ⵢⵉⴳⵔ ⴰⴷ ⵎⴰⴷ ⵏⵙⴽⴰⵔ ⴳ ⵉⵎⵓⴽⵏⵏ ⵅⴰⵜⵔⵏⵉⵏ ⵎⵙⴰⵙⴰⵏⵉⵏ ⴷ ⵓⴷⵙⵓⵜⵓⵔ, ⴷ ⵓⵎⵣⵔⵓⵢ ⵏⵏⵖ ⴷ ⵜⵎⵢⵓⵔⵉⵏ ⵏⵏⵖ ⵜⵉⵎⵔⵙⵍⴰⵏⵉⵏ ⴷ ⵓⵎⵏⴰⴷ ⵏⵏⵖ ⴰⵏⴰⵎⵓⵔ ⵉⵏⵏⵓⵕⵣⵎⵏ ⴼ ⵡⴰⵜⵉⴳⵏ ⵉⵎⴰⴹⵍⴰⵏⵏ ⵥⵉⵍⵏⵉⵏ. 

ⵜⴱⴷⴷ ⵜⵏⴰⵥⴰⵕⵜ ⵏⵏⵖ ⴳ ⵢⵉⴳⵔ ⴰⴷ ⴼ ⵉⵡⵉⵣ ⴰⴳⵍⴷⴰⵏ ⴰⵎⴰⵜⵜⵓⵢ ⵍⵍⵉ ⵉⵙⴽⵔⵏ ⴳ ⵜⵡⵉⵏⴳⵎⵜ ⵏ ⵓⵎⵓⴽⵏ ⵜⴰⵔ ⵜⴰⴱⴱⴰⵢⵢⵉⵏ, ⴰⵎⵏⴰⴷ ⴰⵏⴰⵎⵓⵔ ⵉⵛⵛⴰⵔⵏ, ⴰⵢⵍⵍⵉ ⵉⵍⵍⴰⵏ ⴳ ⵓⵙⵖⵡⵏ ⵏ ⵜⵎⴰⵣⵉⵔ ⵏⵏⵖ ⴳ ⵜⵡⵓⵔⵉ ⵜⴰⴳⵔⴰⵖⵍⴰⵏⵜ ⵜⴰⵎⵔⵙⵍⴰⵏⵜ ⵜⴰⵎⴰⵙⴰⵢⵜ ⵉ ⵓⵙⵉⵥⴹⵕ ⴰⵙⵔⵜⴰⵏ ⴷ ⵓⴷⵎⵙⴰⵏ ⵉⴱⴷⴷⵏ ⴼ ⵓⵡⵇⵇⵔ ⵏ ⵜⵅⵅⵓⵜⵔⴰ ⵏ ⵉⵡⴰⵏⴽⵏ ⴷ ⵡⴰⵜⵉⴳⵏ ⴷ ⵜⴷⵍⵙⴰ ⵏⵏⵙⵏ, ⴷ ⵓⵙⴽⵯⵜⵉ ⴰⵙⵓⵍⴰⵏ ⵏ ⵓⵣⵔⴼ ⴷ ⵢⵉⵙⴽⵉⵍ. 

ⴳ ⵓⵎⵏⴰⴹ ⴰⴷ, ⴰⵔ ⵙⵙⴽⵯⵜⵉⵖ ⵜⵓⴳⴳⴰⵙ ⵏ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵉ ⵢⵉⵙⴽⵉⵍ ⴳ ⵜⵎⵔⵙⵍⴰ ⵏ ⵜⴳⵯⵏⵙⴰⵙⵜ. ⴳ ⵓⵙⵡⵉⵔ ⴰⵏⴰⵎⵓⵔ ⴰⵔ ⴷ ⵙⵙⴽⵯⵜⵉⵖ ⵜⵉⵡⵉⵣⵉ ⵉⵥⵉⵍⵏ ⴼ ⵓⵙⵖⵡⵏ ⵉⵖⵥⴰⵏⵏ ⵏ ⵜⵎⵖⵔⵉⴱⵉⵢⵉⵏ ⴷ ⵜⵡⵓⵔⵉ ⵏⵏⵙⵏⵜ ⴳ ⵜⵉⴽⴽⵉ ⴳ ⵓⴳⵏⵙ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵔⵙⴰⵍ ⵢⴰⴹⵏⵉⵏ ⵜⵉⴳⵯⵏⵙⴰⵙⵏⵉⵏ ⴷ ⵜⵎⵣⵣⴳⴰⵔⵉⵏ, ⵖⵎⴽ ⴰⵏⵏ ⴷ ⵜⵉⴹⴰⴼ ⴷ ⵜⵡⵓⵔⵉ ⵏ ⵡⴰⵎⵓⵏ ⴰⵖⵔⵎⴰⵏ ⵏ ⵜⵎⵖⴰⵔⵉⵏ ⴷ ⵜⴳⵔⴰⵡⵉⵏ ⵜⵉⵖⵔⵎⴰⵏⵉⵏ ⵙⵡⵓⵔⵉⵏⵉⵏ ⵉ ⵓⵙⵉⵥⴹⵔ ⵏ ⵜⵎⵖⴰⵔⵉⵏ. 

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵉⵎⵙⴰⵙⴰ ⵓⵏⵎⵓⵇⵇⴰⵔ ⴰⴷ ⴷ ⵓⵕⵥⵥⵓⵎ ⵏ ⵓⵙⵎⵓⵙⵙⵓ ⴰⵙⴳⴳⵯⵙⴰⵏ ⵏ ⵜⵎⵜⵜⴰ ⵎⵓⵏⵏⵉⵏ ⵎⵓ ⵉⵙⵎ 16 ⵏ ⵡⴰⵙⵙ ⵏ ⵜⵉⵍⴰⵍⵜ ⵏ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵜ ⴷ ⵜⵔⴱⴰⵜ ⵍⵍⵉⵖ ⵉⵍⵜⴰⵖ ⵍⵎⵖⵔⵉⴱ ⵍⵍⵉ ⴱⴷⴷⴰ ⵉⵜⵜⵎⵓⵙⵙⵓⵏ ⵉ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ. 

ⵓⵟⵟⵓⵏⵏ ⵉⵎⵓⵏⵏ ⴷ ⵜⵎⴰⵜⴰⵔⵜ / ⵎⵓⵏⴰⵜ ⵉ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵜ / ⵍⵍⵉ ⵉⵜⵜⵉⵏⵉⵏ ⵎⴰⵙ ⵜⵜⵓⵏⵖⴰ ⵢⴰⵜ ⵜⵎⵖⴰⵔⵜ ⴳ 10 ⵜⵓⵙⴷⴰⴷⵉⵏ ⴳ ⵓⵎⴰⴹⴰⵍ, ⵎⴰⵙ  ⵉⴳⵉ ⵍⵃⴰⵍ ⵜⵓⵎⴰⵏⵜ ⵜⴰⵎⴰⴹⵍⴰⵏⵜ ⵉⵀⵔⵛⵏ ⴷ ⵉⵇⵇⴰⵏ ⵓⵙⴱⴷⴷⵉ, ⵉⵙⵎⵓⵏⵏ ⵜⵉⵎⵉⵣⴰⵔ ⵏ ⵉⵥⵥⵍⵎⴹ ⵓⵍⴰ ⵜⵉⵏ ⵉⴼⴼⵓⵙ, ⴰⵢⵍⵍⵉ ⴰⵖ ⵉⵜⵜⴰⵊⵊⴰⵏ ⴰⴷ ⵏⵉⵍⵉ ⴷⴰⵜ ⵏ ⵉⵔⵉⵎ ⵏ ⵓⵙⴱⴷⴷⵉ ⴰⵎⴳⵔⵓ ⵉ ⵜⵓⵎⴰⵏⵜ ⴰⴷ ⵉⵀⵔⵛⴰⵏ ⵉⴳⴰⵏ ⵎⴳⴰⵍ ⵏ ⵎⴰⵕⵕⴰ ⵉⵣⵣⵔⴰⴼⵏ ⴷ ⵉⵎⴰⵏ ⵏ ⵓⵙⵎⴰⵢⵏⵓ. 

ⵙ ⵜⵎⵍⴷⴰ ⴰⴷ, ⴰⵔ ⵙⵓⵜⴳⵖ ⵜⴰⵡⵓⵔⵉ ⵏ ⵎⴰⵕⵕⴰ ⵜⵉⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⵜⵉⵍⵉⵜ ⴳⵉⵙⵏⵜ ⵜⵎⵜⵜⴰ ⵎⵓⵏⵏⵉⵏ ⵉ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ. ⴰⵔ ⴷⴰⵖ ⵙⴱⵔⵔⴽⵖ ⵙ ⵉⴳⵯⵏⵙⴰⵙⵏ ⵏⵏⵙ ⵍⵍⵉⵖ ⵖⵉⴷ ⵍⵍⴰⵏⵉⵏ, ⴷ ⵉⴳⵯⵏⵙⴰⵙⵏ ⵏ ⵉⴱⵕⵍⴰⵎⴰⵏⵏ ⵉⴼⵔⵉⵇⵉⵢⵏ ⴰⵢⵜⵎⴰⵜⵏ ⴷⵔⵓⵏⵉⵏ ⴳ ⵓⵏⵎⵓⵇⵇⴰⵔ ⴰⴷ. 

ⴰⵔ ⴽⵯⵏ ⵙⵏⵉⵎⵎⵉⵔⵖ ⵍⵍⵉⵖ ⵜⵔⵓⵔ ⵉ ⵜⵖⵓⵔⵉ ⵏⵏⵖ ⴷ ⵜⵡⵉⵣⵉ ⵏⵏⵓ ⴳ ⵓⵙⵖⵏⵓ ⵏ ⵜⵡⵓⵔⵉⵡⵉⵏ ⵏⵏⵙ, ⴰⵣⵓⵍ ⵏ ⵕⴱⴱⵉ ⴼⵍⵍⴰⵡⵏ.