ⵜⴰⴳⵓⵔⵉ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⴰⵏⴰⵎⵓⵔⵜ ⵏ ⵓⴱⵕⵍⴰⵎⴰⵏ ⵏ ⵡⴰⵣⵣⴰⵏ (2024)

ⵉⵙⵜⵉ, ⵜⴰⵔⵡⴰ ⵏⵏⵡ ⵉⴳⵎⴰⵎⵏ ⵏ ⵓⴱⵕⵍⴰⵎⴰⵏ ⵏ ⵡⴰⵣⵣⴰⵏ,

ⵎⴰⵙⵙⴰ ⵜⴰⵎⴰⵡⵙⴰⵙⵜ ⴷ ⵉⴷ ⵎⴰⵙⵙ ⵉⵎⴰⵡⵙⴰⵙⵏ,

ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ, 

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ, 

ⵉⴳⴰ ⵉⵢⵉ ⴰⴷⴷⵓⵔ ⴰⴷ ⵉⵡⴹⵖ ⴰⵕⵥⵥⵓⵎ ⵏ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⴰⵏⴰⵎⵓⵔⵜ ⵏ ⵓⴱⵕⵍⴰⵎⴰⵏ ⵏ ⵡⴰⵣⵣⴰⵏ ⴳ ⵜⵡⴰⵍⴰ 2023-2025 ⵉⵍⵍⴰⵏ ⴷⴷⵓ ⵉⵡⵉⵣ ⴰⵎⴰⵜⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ. 

ⵔⵉⵖ ⵖ ⵜⵣⵡⵉⵔⵉ ⴰⴷ ⵙⴱⵔⵔⴽⵖ ⵙ ⵡⴰⵣⵣⴰⵏⵏ ⵉⴱⵕⵍⴰⵎⴰⵏⵉⵢⵉⵏ ⵉⴳⵯⵏⵙⴰⵙⵏ ⵏ ⵎⴰⵕⵕⴰ ⵜⵉⵙⴳⴳⵉⵡⵉⵏ ⵏ ⵜⴳⵍⴷⵉⵜ, ⵙⵓⵜⴳⵖ ⴰⵙⵏⵎⴰⵍⴰ ⵉⵥⵉⵍⵏ, ⴷ ⵜⵡⵓⵔⵉ ⵍⵍⵉ ⵉⵙⵙⵍⵎⴽⵏ ⴰⴱⵕⵍⴰⵎⴰⵏ ⴰⴷ ⴰⵔ ⵜⵙⵓⵜⵍⵜ ⵏ ⵖⵉⵍⴰⴷ ⵙⴳ 1999 ⴷⴷⵓ ⵜⵏⵙⵙⵉⵅⴼⵜ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵔⵢⴰⵎ ⵜⴰⵏⵙⵙⵉⵅⴼⵜ ⵏ ⵓⵙⴰⴹⵓⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ. 

ⵜⴳⴰ ⵜⵙⵓⵜⵍⵜ ⴰⴷ ⴰⴽⵯⵜⵜⵓⵢ ⵡⵉⵙ 25 ⵏ ⵜⵉⵍⵉⵜ ⵏ ⵓⴱⵕⵍⴰⵎⴰⵏ ⴰⴷ, ⵜⵍⵍⴰ ⵓⵍⴰ ⵍⵍⵉⵖ ⵉⵙⴼⵓⴳⵍⴰ ⵓⵎⴰⴷⴰⵏ ⴰⵎⵖⵔⵉⴱⵉ ⴰⴽⵯⵜⵜⵓⵢ ⵡⵉⵙ 25 ⵏ ⵜⵉⵍⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴼ ⵓⴷⴰⴱⵓ ⵏ ⵉⵎⵣⵓⵡⴰⵔⴰ ⵏⵏⵙ ⵍⴰⵏⵉⵏ ⴰⴷⴷⵓⵔ. 

ⵉⴳⴰ ⴰⵖ ⵖ ⵍⵎⵖⵔⵉⴱ, ⴰⴷ ⴷⴰⵔⵏⵖ ⵢⵉⵍⵉ ⵓⴱⵓⵔⵣ ⵙ ⵎⴰⴷ ⵉⵙⴽⵔ ⵍⵎⵖⵔⵉⴱ ⴳ ⵓⴼⴽⴽⵓⵥ ⵏ ⵓⵏⴱⴰⴹ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵜⵎⵙⴽⴰⵔ ⴷ ⵉⵎⵓⴽⵏⵏ, ⴳⴰⵏⵜ ⵜⵎⵙⴰⵔⵉⵏ ⵏ ⵜⵎⵥⵉ, ⴷ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⴳⵯⵏⵙ ⵏⵏⵙⵏⵜ, ⴷ ⵓⵣⵣⵔⴰⴼ ⴷ ⵜⵏⵓⴼⴰ ⵜⵉⵏⴰⵎⵓⵏⵉⵏ ⴷ ⵜⴷⵍⵙⴰⵏⵉⵏ, ⴰⵙⴽⵔ ⵏ ⵓⵅⵎⵎⴻⵎ ⵉⵥⵍⵉⵏ ⵍⵍⵉ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵜⴳⵎⵉ ⵜⴰⵏⴼⴳⴰⵏⵜ ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵜⵎⵥⵉ. 

ⵉⵙⵜⵉ ⴷ ⵜⴰⵔⵡⴰ ⵏⵏⵡ ⵄⵣⵣⴰⵏⵉⵏ, 

ⵉⴳⴰ ⵓⴱⵕⵍⴰⵎⴰⵏ ⵏ ⵡⴰⵣⵣⴰⵏ ⴰⵙⵏⴼⵍⵓⵍ ⴰⵎⵖⵔⵉⴱⵉ ⵉⵥⵍⵉⵏ ⵙ ⵓⵙⵏⵎⴰⵍⴰ ⵏⵏⵙ, ⴷ ⵜⴼⵍⴰⵙⴼⵜ ⴷ ⵉⵡⵜⵜⴰⵙⵏ ⵏⵏⵙ ⵥⵉⵍⵏⵉⵏ. ⵉⴳⴰ ⵜⵉⵏⵎⵍ ⴷ ⵓⵙⴰⵜⵉ ⵏ ⵓⵍⴰⵖⵎⵓ ⴼ ⵜⴷⵉⵎⵓⵇⵔⴰⵟⵉⵜ, ⴷ ⵓⵎⵙⴰⵡⴰⵍ, ⴷ ⵓⵎⴹⴰⴽⴰⵕ ⴰⵎⵔⵙⴰⵍⵏ, ⴷ ⵜⵎⴳⵓⵔⵉ ⵜⴰⵏⵎⵓⵔⵉⵜ. ⵓⵔ ⵉⴳⵉ ⵍⵃⴰⵍ ⵖⴰⵙ ⵓⵔⴰⵔ ⵏ ⵓⴱⵕⵍⴰⵎⴰⵏ ⴰⵏⴰⵎⵓⵔ ⵉⵜⵜⵓⴱⴷⴰⵔⵏ ⴳ ⵓⴷⵓⵙⵜⵓⵔ , ⵎⴰⵛⵛ ⵓⵍⴰ ⴰⵙⴰⵜⵉ ⵏ ⵓⵔⵓⵔ ⵏ ⵜⴰⵢⵏⵉⵜ ⵉ ⵜⵎⵙⴰⵔⵉⵏ ⵜⵉⵏⴰⵎⵎⴰⵙⵉⵏ ⴳ ⵜⵓⴷⵔⵜ ⵏ ⵜⴰⵣⵣⴰⵏⵉⵏ ⴷ ⵉⵅⵎⵎⵉⵎⵏ ⵏⵏⵙⵏ, ⴷ ⵓⵎⴹⴰⴽⴰⵕ ⴰⴽⴷ ⵉⵎⵏⵜⴰⵢⵏ, ⵍⵍⵉ ⴳⴰⵏⵉⵏ ⵉⵡⵜⵜⴰⵙⵏ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵉⵣⵣⵔⴰⴼⵏ ⵉⵏⴰⵎⵓⵔⵏ. 

ⵉⵙⵜⵉ ⴷ ⵜⴰⵔⵡⴰ ⵏⵏⵡ ⵄⵣⵣⴰⵏⵉⵏ, 

ⵉⵙⴳⵓⴷⵉ ⵓⴱⵕⵍⴰⵎⴰⵏ ⵏ ⵡⴰⵣⵣⴰⵏ ⴳ ⵜⵙⵓⵜⴰⵍⵉⵏ ⵜⵉⵏⴰⵎⵓⵔⵉⵏ ⴷ ⵜⵙⴳⴰⵡⴰⵏⵉⵏ, ⵜⵉⵎⵙⴽⴰⵔ ⴷ ⵜⵎⵓⵣⴰⵢⵉⵏ ⴳ ⵓⵍⴰⵖⵎⵓ ⴼ ⵓⵎⴹⴰⴽⴰⵕ ⴰⴳⴷⵓⴷⴰⵏ ⴷ ⵓⵙⵇⵙⵉ ⵏ ⵜⵣⵔⵜⴰⵢ ⵏ ⵉⴳⵔⴰⵏ, ⵙⵍⵡⴰⵏ ⴰⴽⴽⵯ ⵜⵉⴷ ⵉⵀⵎⵎⴰⵏ ⵜⴰⵣⵣⴰⵏⵉⵏ. 

ⴷⴰ ⵙⵔⵓⵏ ⵙⴱⵔⵔⴽⵖ ⵜⵉⴽⴽⵍⵉⵜ ⵢⴰⴹⵏⵉⵏ, ⴰⵖⴰⵡⴰⵙ ⵏ ⵜⵡⵓⵔⵉ ⵏ ⵜⵖⵉⵎⵉⵜ ⵢⵓⵎⴰ ⴰⵙⵇⵙⵉ ⴼ ⵙⵎⵎⵓⵙ ⵉⴳⵔⴰⵏ ⵓⵏⴱⵉⴹⵏ, ⵔⴰⴷ ⴼⴽⵉⵏ ⵜⴰⵣⵣⴰⵏⵉⵏ ⵉⴱⵕⵍⴰⵎⴰⵏⵉⵢⵏ ⵎⵔⴰⵡ ⵉⵙⵇⵙⵉⵜⵏ ⴼ: 

- ⵜⴰⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ, ⵙ ⵙⵉⵏ ⵉⵙⵇⵙⵉⵜⵏ: 

• ⴰⵎⵓⴽⵏ ⵏ ⵢⵉⴳⵔ ⵏ ⵓⵙⴳⵎⵉ ⴰⵏⴰⵎⵓⵔ,
• ⴰⴼⵔⴰⴳ ⵏ ⵉⵏⵍⵎⴰⴷⵏ ⴳ ⵡⴰⵡⵏⴰⴹ ⴰⵏⵎⵍⴰⵏ. 
• ⵜⴰⵎⴰⵡⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ, ⵙⵉⵏ ⵉⵙⵇⵙⵉⵜⵏ: 
• ⵜⴰⴷⵓⵙⵉ ⵏ ⵓⵏⵍⵉ ⴷ ⵜⵏⵓⴼⴰ ⵏ ⵓⵙⵏⵉⵊⵊⵉ,
• ⵜⴰⴷⵓⵙⵉ ⵏ ⵡⴰⵔⴰⵢ. 
• ⵜⴰⵎⴰⵡⴰⵙⵜ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⴰⵢⵜ ⵎⵥⵥⵉⵏ ⴷ ⵓⵙⵡⵓⵔⵉ ⴷ ⵜⵙⵓⴳⴰⵔ, ⵙⵉⵏ ⵉⵙⵇⵙⵉⵜⵏ: 
• ⵜⵉⵎⵙⵙⵏⵜⴰⵢ ⵏ ⵉⵄⵔⵔⵉⵎⵏ,
• ⴰⵙⵉⴷⴼ ⵏ ⵉⴷ ⴱⴰⴱ ⵏ ⵉⵙⵖⴰⵡⵙⴰⵜⵏ ⵥⵍⵉⵏⵉⵏ. 

- ⵜⴰⵎⴰⵡⴰⵙⵜ ⵏ ⵉⵄⵔⵔⵉⵎⵏ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⵙⵉⵏⵉⵙⵇⵙⵉⵜⵏ:

• ⵜⴰⴷⵍⵙⴰ ⴷⴰⵔ ⵉⵄⵔⵔⵉⵎⵏ,
• ⴰⵎⵎⴰⵙ ⵏ ⵓⴼⵔⴰⴳ ⵏ ⵜⵎⵥⵉ.

- ⵜⴰⵎⴰⵡⴰⵙⵜ ⵏ ⵜⵡⵉⵣⵉ ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵜⵓⵡⵊⴰ, ⵙⵉⵏⵉⵙⵇⵙⵉⵜⵏ: 

• ⴰⵙⵖⵣⵏ ⵏ ⵓⵍⵓⴳⵏ ⵏⵖ ⵜⴰⵙⵏⵓⵔⴰⵢⵜ ⵉⵥⵍⵉⵏ ⵙ ⵜⴰⵣⵣⴰⵏⵉⵏ,
• ⵜⴰⵙⵔⵜⵉⵜ ⵏ ⵓⴼⵔⴰⴳ ⵏ ⵡⴰⵣⵣⴰⵏⵏ.