ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵍⴱⵉⵏⵉⵏ, ⴰⵙⴷⴷⵉⴷ ⴼ ⵓⵙⵏⴰⵍ ⵏ ⵜⵎⵓⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵙⵓⵎⵔⵜ ⵏ ⵓⵏⴱⴰⴷ ⴰⵏⵉⵎⴰⵏ ⵏ ⵍⵎⵖⵔⵉⴱ

ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 12 ⵏⵓⵡⴰⵏⴱⵉⵔ ⴳ ⵕⵕⴱⴰⵟ ⴷ ⵎⴰⵙⵙ Louis Gbéhounou Vlavonou ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵍⴱⵉⵏⵉⵏ ⵉⵍⵍⴰⵏ ⴳ ⵓⵔⵣⴰⴼ ⴰⵎⴰⴷⴷⵓⴷ ⵉ ⵜⴳⵍⴷⵉⵜ ⴷ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵉⵙⵜⴰⵡⵀⵎⵎⴰⵏ. 

ⵉⵙⴷⴷⵉⴷ ⵎⴰⵙⵙ ⵎⴰⵙ ⵉⵡⴰⵜⵜⵙ ⵓⵔⵣⴰⴼ ⴰⴷ ⴰⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ, ⵍⵍⵉⵖ ⵜⵜⴰⵡⵙ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵓⵙⴷⵓⵙ ⵏ ⵜⴷⴷⵓⴽⴽⵯⵍⴰ ⴷ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ, ⴷ ⵡⴰⵜⵉⴳ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴷ ⵉⵔⵣⴰⴼⵏ ⴳ ⵓⵙⵎⵖⵔ ⵏ ⵓⵎⵛⴰⵡⴰⵕ ⴷ ⵓⵣⴷⴰⵢ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ. 

ⵖⵎⴽ ⵍⵍⵉ ⵉⵙⵎⴰⵢⵏⵓ ⴰⵙⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⵏ ⵜⴰⵎⵓⵏⵜ ⵜⴰⴽⴰⵍⴰⵏⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵉⵙⵓⵜⴳ ⵜⴰⵣⵣⵉⴳⵣⵜ ⵏ ⵍⵎⵖⵔⵉⴳ ⴳ ⵜⴳⵎⵉ ⵜⴰⵎⴰⵜⴰⵢⵜ ⵍⵍⵉ ⴳⵉⵙ ⵉⵍⵍⴰⵏ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉⵖ ⵉⴳⴰⵍⵎⵖⵔⵉⴱ ⴰⵏⴰⵡ ⵉⵥⵉⵍⵏ ⴳ ⵓⵙⵡⵉⵔ ⴰⴼⵔⵉⵇⵉ. 

ⵉⵙⴱⴱⵔⴽ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵔⵣⴰⴼ ⵏ ⵓⴽⴰⴱⴰⵕ ⵏ ⵍⴱⵉⵏⵉⵏ, ⵢⵉⵏⵉ ⵎⴰⵙ ⵔⴰⴷ ⵢⴰⵡⵙ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⴰⵢⵍⵍⵉ ⵉⴳⴰⵏ ⴰⵙⵎⵀⵍ ⵏ ⵜⵎⵙⵙⴽⴽⵯⵜⵉⵜ ⵏ ⵓⵏⵔⴰⵎⴰⵙ ⵉⵜⵜⵓⵣⵎⵎⴰⵎⵏ ⴳ 2018, ⵉⵙⴷⴷⵉⴷ ⵓⵍⴰ ⵎⴰⵙ ⵢⵓⵊⴰⴷ ⵓⵙⵇⵇⵉⵎ ⵉ ⵓⴷⵔⴰⵡ ⵏ ⵜⵉⵔⵎⵉⵜⵉⵏ ⵏⵏⵙ ⴳ ⵢⵉⴳⵔ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵜⵎⵓⵟⵟⵓⵏⵜ ⴰⴽⴷ ⵜⴰⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵜⴳⴷⵓⴷⴰⵏⵜ ⵏ ⵍⴱⵉⵏⵉⵏ. 

ⵉⵙⵏⵉⵎⵎⵔ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷⴷⴰⴷ ⵉⵥⵉⵍⵏ ⵏ ⵜⴳⴷⵓⴷⴰⵏⵜ ⵏ ⵍⴱⵉⵏⵉⵏ ⴳ ⵡⴰⵢⵢⵓⵔ ⵏ ⴽⵟⵓⴱⵕ ⴷⴰⵜ ⵏ ⵜⵙⵇⵇⵉⵎⵜ ⵜⵉⵙ ⴽⴽⵓⵥⵜ ⵏ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵜⵎⵜⵜⴰ ⵎⵓⵏⵏⵉⵏ ⵍⵍⵉⵖ ⵉⵍⵍⴰ ⵓⵙⵓⵜⴳ ⵏ ⵜⵙⵓⵎⵔⵜ ⵏ ⵓⵏⴱⴰⴷ ⴰⵏⵉⵎⴰⵏ ⵍⵍⵉ ⵉⵙⵎⵏⵉⴷ ⵏ ⵍⵎⵖⵔⵉⴱ ⵉ ⵓⴼⵓⴽⴽⵓ ⵏ ⵓⵎⵣⴰⵖ ⵉⵜⵜⵓⵙⴽⴰⵔⵏ ⴼ ⵚⵚⵃⵕⴰ ⵜⴰⵎⵖⵔⵉⴱⵉⵜ. 

ⵉⴼⴽⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵓⵍⴰ ⵉⵙⵉⵙⴼⵉⵡⵏ ⴼ ⵜⵙⵏⵜⴰⵢⵜ ⵜⴰⵟⵍⴰⵚⵉⵜ  ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ, ⵉ ⵓⵙⴷⵓⵙ ⵏ ⵡⴰⴷⴰⴼ ⵏ ⵉⵡⴰⵏⴽⵏ ⵏ ⵓⴼⵜⴰⵙ ⵏ ⴰⵟⵍⴰⵚⵉ, ⴷ ⵜⵣⵣⵉⴳⵣⵜ ⵏ ⵜⵎⴰⵣⵉⵔⵜ ⵏⵏⵖ ⴳ ⵉⴳⵔⴰⵏ ⵏ ⵜⵥⴹⴰⵕⵜ ⵜⴰⵎⴰⵢⵏⵓⵜ ⴷ ⵓⵙⴼⵙⵉ ⵏ ⵡⴰⵎⴰⵏ ⵏ ⵢⵉⵍ ⴷ ⵢⵉⴳⵔ ⵏ ⵓⵙⵙⴰⵔⵓ ⵏ ⴱⵕⵕⴰ. 

ⵢⵓⵎⴰ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵍⴱⵉⵏⵉⵏ ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵉⴷ ⵎⴰⵙⵙ:  Djamilatou Sabi Mohamed et MM. Barthélémy Mellon Vidjannagni, Charles Toko, Souley Malam Moucoure Boko, Labioui Amadou Djibril et David Houinsa.