ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴰⵎⵙⵇⵇⴰⴷ ⵏ ⴼⵕⴰⵏⵚⴰ ⴳ ⵍⵎⵖⵔⵉⴱ
ⵜⵙⵏⵓⴱⴳ ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵜⵓⵙⵍⵉⵎⵉⵏ ⴷ ⵜⵖⴰⵡⵙⵉⵡⵉⵏ ⵏ ⵓⵣⵡⴰⴳ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕⴰ, ⵎⴰⵙⵙ Christophe LECOURTIER ⴰⵎⵙⵇⵇⴰⴷ ⵏ ⴼⵕⴰⵏⵚⴰ ⴳ ⵍⵎⵖⵔⵉⴱ, ⴳ ⵓⵏⵎⵓⵇⵇⴰⵔ ⴳ ⵉⵍⵍⴰ ⵓⵣⵣⵔⴰⵢ ⵏ ⵜⵎⴰⵎⴽⵉⵏ ⵏ ⵓⴹⴼⵕ ⵏ ⴰⴱⵕⵍⴰⵎⴰⵏⵉ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴼⵕⴰⵏⵚⴰ.
ⵜⵙⵓⵜⴳ ⵎⴰⵙⵙⴰ ⴱⵏⵄⵣⵉⵣ ⴰⵔⵣⴰⴼ ⴰⵎⴰⴷⴷⵓ ⵍⵍⵉ ⵉⵙⴽⵔ ⵓⵏⵙⵙⵉⵅⴼ ⵏ ⴼⵕⴰⵏⵚⴰ ⵉⵎⴰⵏⵡⵉⵍ ⵎⴰⴽⵕⵓⵏ, ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵙ ⵜⵖⵔⵉ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴳ 28 ⴰⵔ 30 ⴽⵟⵓⴱⵕ 2024.
ⵉⴳⴰ ⵓⵔⵣⴰⴼ ⴰⴷ ⵜⴰⵎⴰⵜⴰⵔⵜ ⵉⵥⵉⵍⵏ ⴳ ⵢⵉⴳⵔ ⵏ ⵜⴼⵔⴰⵡⵜ ⵉⵣⵍⵉⵏ ⵉⵍⵍⴰⵏ ⵊⴰⵔ ⵜⵉⵎⵉⵣⴰⵔ. ⵜⵙⵏⵉⵎⵎⵔ ⵎⴰⵙⵙⴰ ⴱⵏⵄⵣⵉⵣ ⴰⴷⴷⴰⴷ ⵏ ⴼⵕⴰⵏⵚⴰ ⵎⵏⵉⴷ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵖⵎⴽ ⵍⵍⵉ ⵉⵙⴷⴷⵉⴷ ⵓⴳⵯⵏⵙⴰⵙ ⴰⵙⵓⵍⴰⵏ ⵏ ⴼⵕⴰⵏⵚⴰ ⴷⴰⵔ ⵜⵎⵜⵜⴰ ⵎⵓⵏⵏⵉⵏ ⴳ 31 ⴽⵟⵓⴱⵕ 2024 ⵍⵍⵉⵖ ⵉⵍⵍⴰ ⵓⵙⵖⵣⵏ ⵏ ⵜⵖⵜⴰⵙⵜ ⵜⴰⵎⴰⵢⵏⵓⵜ ⵅⴼ ⵍⵎⵉⵏⵓⵕⵚⵓ ⵍⵍⵉ ⵎⵓ ⵉⵣⵉⵢⵢⴷ ⵓⵙⴳⵯⴳⵯⴰⵙ ⴰⵎⴰⵢⵏⵓ ⵙⴳ ⵓⵙⵇⵇⵉⵎ ⵏ ⵜⵏⴼⵔⵓⵜ.
ⵉⵙⴷⴷⵉⴷ ⵓⵎⵙⵇⵇⴰⴷ ⵏ ⴼⵕⴰⵏⵚⴰ ⴰⵜⵉⴳ ⵏ ⵜⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⴷ ⵜⴳⵯⵎⴰⵜ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵉⵙⴰⵡⵍ ⴼ ⵜⵉⵍⴰⵍⵜ ⵏ ⵍⵎⵖⵔⵉⴱ ⵍⵍⵉⵖ ⵉⴳⴰ ⵉⵎⵉ ⵙ ⵉⴼⵔⵉⵇⵢⴰ, ⵖⵎⴽ ⴰⵏⵏ ⴷ ⵓⵎⵢⴰⵡⴰⵙ ⴰⵙⵜⵔⴰⵜⵉⵊⵉ ⵊⴰⵔ ⵍⵎⵖⵔⵉⴱ ⴷ ⴼⵕⴰⵏⵚ, ⴰⵢⵍⵍⵉ ⵔⴰⴷ ⵉⵕⵥⵎ ⵉⵎⵏⴰⴷⵏ ⵏ ⵓⵙⵎⵖⵔ ⵏ ⵓⵎⵢⴰⵡⴰⵙ ⴳ ⵉⴳⵔⴰⵏ ⴳⴳⵓⵜⵏⵉⵏ.