ⴳ ⵓⵙⵏⵓⴱⴳ ⵏⵏⵙ ⵙⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ,ⵉⵙⵎⴰⵢⵏⵓ ⵓⵎⴰⵔⵉ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵀⴰⵏⵖⴰⵕⴰ ⴰⵙⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⵉ ⵜⴰⵎⵓⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵡⵇⵇⵔ ⵏ ⵜⵅⵅⵓⵜⵔⴰ ⵏ ⵉⵡⴰⵏⴽⵏ ⴷ ⴰⵔⴰⴽⵛⵓⵎ ⴳ ⵜⵖⴰⵡⵙⵉⵡⵉⵏ ⵏⵏⵙⵏⵜ ⵜⵉⴳⵯⵏⵙⴰⵏⵉⵏ.

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 23 ⴽⵟⵓⴱⵕ 2024 ⴳ ⵕⵕⴱⴰⵟ, ⵎⴰⵙⵙ Jakab István ⴰⵎⴰⵔⵉ ⵏ ⵓⵏⵙⵙⵅⵉⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵜⴳⴷⵓⴷⴰⵏⵜ ⵏ ⵀⴰⵏⵖⴰⵔⵢⴰ (ⵍⵎⴰⵊⴰⵕ) ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵓⵔⵉ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴽⴷ ⴰⴽⴰⴱⴰⵕ ⵉⵙⵜⴰⵡⵀⵎⵎⴰⵏ. 

ⵙⵓⵜⴳⵏ ⵙⵉⵏ ⵉⵎⴰⵙⴰⵢⵏ ⵜⵉⵣⴷⴰⵢⵉⵏ ⴷⵓⵙⵏⵉⵏ ⵊⴰⵔ ⵍⵎⵖⴻⵉⴱ ⴷ ⵀⴰⵏⵖⴰⵔⵢⴰ, ⵏⵏⵓⵔⵣⵏ ⵓⵍⴰ ⵜⵓⴽⴽⵉ ⵏ ⴽⵉⴳⴰⵏ ⵏ ⵓⵙⵎⵓⵙⵙⵓ ⵉ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ ⴳ ⵓⵙⵡⵉⵔ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ. 

ⵙ ⵜⵎⵍⴷⴰ, ⵉⵙⴷⴷⵉⴷ ⵎⴰⵙⵙ ⴰⵎⴰⵔⵉ ⵏ ⵜ ⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵜⴳⴷⵓⴷⴰⵏⵜ ⵏ ⵀⴰⵏⵖⴰⵔⵢⴰ ⵎⴰⵙ ⵜⵙⴽⵔ ⵜⵎⴰⵣⵉⵔⵜ ⵏⵏⵙ ⴳ ⵉⵎⵖⵔⵉⴱ ⴰⵎⴷⵔⴰⵡ ⴰⵙⵜⵔⴰⵜⵉⵊⵉ ⵉⴷⵓⵙⵏ, ⵍⵍⵉ ⴷⵔⵓⵏⵜ ⵙⵏⴰⵜ ⵜⵎⵉⵣⴰⵔ ⴰⵜⵉⴳⵏ ⵏ ⵓⴼⵔⴰⴳ ⵏ ⵜⵅⵅⵓⵜⵔⴰ ⵜⴰⵏⴰⵎⵓⵔⵜ ⴷ ⵜⴰⵎⵓⵏⵜ ⵏ ⵡⴰⴽⴰⵍ, ⴷ ⵓⵙⵎⵔⵙ ⵉⵥⵉⵍⵏ ⵏ ⵜⵎⵓⴽⵔⵉⵙⵉⵜ ⵏ ⵓⵣⵡⴰⴳ, ⵉⵙⵎⴰⵢⵏⵓ ⴰⵙⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⵏ ⵜⵙⵓⵎⵔⵜ  ⵏ ⵓⵏⴱⴰⴹ ⴰⵏⵉⵎⴰⵏ ⵍⵍⵉ ⵉⵙⵎⵏⵉⴷ ⵍⵎⵖⵔⵉⴱ ⴷ ⴰⴼⵙⵙⴰⵢ ⵉⵙⵎⴷⵏ ⵉ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ. 

ⵉⵙⴷⴷⵉⴷ ⵎⴰⵙⵙ Jakab István  ⴼ ⵜⵉⵍⴰⵍⵜ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵎⵖⵔⵉⴱⵉⵜ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵊⴰⵔ ⵍⵎⵖⵔⵉⴱ ⴷ ⵀⴰⵏⵖⴰⵔⵢ, ⴷ ⵡⴰⵜⵉⴳ ⵏ ⵓⵎⵛⴰⵡⴰⵕ ⴷ ⵓⵣⴷⴰⵢ ⴷ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵜⵎⵓⵣⴰⵢⵉⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ. 

ⴳ ⵓⵎⵏⵉⴷ ⵏⵏⵙ, ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⵎⵍⴷⴰ ⵡⴰⵜⵜⵙⵏⵉⵏ ⴰⵙⴷⵓⵙ ⵏ ⵓⵙⵏⴼⵍ ⴰⴷⵎⵙⴰⵏ ⴷ ⵓⵏⵙⴱⴰⴱ ⴷ ⵡⵉⵏ ⵜⵎⴰⵍⴰⵍⵢⵜ ⴷ ⵓⵜⵉⴽⵏⵓⵍⵓⵊⵉ ⵊⴰⵔ ⵜⵉⵎⵉⵣⴰⵔ, ⵉⵙⵎⵏⵉⴷ ⵉⵙⴰⵡⵓⵔⵏ ⵉⵅⴰⵜⴰⵔⵏ ⵍⵍⴰⵏⵉⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵉⴳⵔⴰⵏ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵓⵙⵉⵎⵉⵎ ⵏ ⵡⴰⵎⴰⵏ ⴷ ⵓⴼⵔⴰⴳ ⴰⵏⴰⵎⵓⵏ ⴷ ⵓⵏⴳⵔⴰⵡ ⴰⴷⵓⵙⴰⵏ ⴷ ⵓⵙⵙⵍⵎⴷ ⴷ ⵉⴳⵔⴰⵏ ⵢⴰⴹⵏⵉⵏ. 

ⵉⵙⵓⵜⴳ ⴷ ⵉⵙⵏⵉⵎⵎⵔ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⴷⴷⴰⴷ ⵏ ⵀⴰⵏⵖⴰⵕⵢⴰ ⵉⵙⵏⴰⵍⵏ ⵜⴰⵎⵓⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵡⵇⵇⵔ ⵏ ⵜⵅⵅⵓⵜⵔⴰ ⵏ ⵉⵡⴰⵏⴽⵏ ⴷ ⴰⵔⴰⴽⵛⵓⵎ ⴷ ⵜⵖⴰⵡⵙⵉⵡⵉⵏ ⵏⵏⵙⵏⵜ ⵜⵉⴳⵯⵏⵙⴰⵏⵉⵏ, ⵉⵙⴰⵡⵍ ⵓⵍⴰ ⴼ ⵜⴷⵉⵏⴰⵎⵉⵜ ⵏ ⵜⵎⵙⴰⵔⵜ ⵜⴰⵏⴰⵎⵓⵔⵜ ⴷ ⵓⵙⵏⴰⵍ ⵉⴳⴳⵓⵜⵏ ⵏ ⵜⵎⵓⵏⵜ ⵜⴰⵏⴰⴽⴰⵍⵜ ⵏ ⵍⵎⵖⵔⵉⴱ. 

ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⵎⴰⵙⵙ ⵄⴰⴱⴷ ⵍⴼⵜⵜⴰⵃ ⵎⵄⴰⵡⵏⵉ ⴰⵏⵙⵙⵉⵅⴼ ⵏⵜ ⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⵀⴰⵏⵖⴰⵕⵢⴰ ⴷ ⵎⴰⵙⵙ MIKLOS TROMLER ⴰⵎⵙⵇⵇⴰⴷ ⵏ ⵀⴰⵏⵖⴰⵕⵢⴰ ⴳ ⵕⵕⴱⴰⵟ.